Morgunblaðið - 03.05.2012, Blaðsíða 4

4 FRÉTTIRInnlent
MORGUNBLAÐIÐ FIMMTUDAGUR 3. MAÍ 2012
Ingveldur Geirsdóttir
ingveldur@mbl.is
Ferðaþjónustuaðilar eru ósáttir við
hvernig Vegagerðin stendur að lokun
hálendisvega. Nú eru allir hálendis-
vegir taldir ófærir eða eru lokaðir
umferð vegna vorleysinga og því
hætta á að þeir spillist í aurbleytu.
Gert er ráð fyrir að fyrstu hálendis-
leiðirnar verði opnaðar í lok maímán-
aðar.
Björn Hróarsson, framkvæmda-
stjóri Extreme Iceland ehf., segir að
ferðaþjónustuaðilar hafi lengi beðið
um að það komi fastar dagsetningar á
lokun hálendisvega. „Það er mikið
hagsmunamál fyrir ferðaþjónustuna í
heild sinni að þessir vegir séu opnaðir
fyrr en gert er. Það skiptir okkur
mjög miklu máli að fá dagsetningu á
lokunina, að fá að vita hvenær við
getum byrjað að keyra fólk á staðina.
Eins og staðan er núna höfum við
ekki hugmynd um hvenær hægt er að
byrja að selja vöruna,“ segir Björn.
Hann bætir við að fastar dagsetn-
ingar myndu aðeins þýða meiri vinnu
á snjóþungum vorum fyrir Vegagerð-
ina. Að sögn Björns ætti að vera auð-
velt að fara með ýtu á suma vegi og
ryðja sköflunum í burtu til að flýta
fyrir opnun en Vegagerðin beri fyrir
sig fjárskorti í þeim efnum.
Vilja byrja fyrr
Eitt af baráttumálum ferðaþjón-
ustuaðila er að fá að fara valda fjall-
vegi áður en þeir eru formlega opn-
aðir fyrir umferð. „Það er gríðarlegur
munur á því hvort vegur er lokaður
bílaleigubílum á litlum dekkjum eða
ferðaþjónustuaðilum sem keyra á
stórum jeppum með mjúkum dekkj-
um og eru með þekkingu á að-
stæðum,“ segir Björn, það sé mikið
hagsmunamál fyrir ferðaþjón-
usturekstur að geta byrjað aðeins
fyrr að fara með ferðamenn upp á há-
lendið. „Ferðaþjónustan aflar mikilla
gjaldeyristekna og okkur finnst að
hið opinbera mætti sinna okkur betur
á móti, opna t.d. vegi fyrr, hafa fastar
dagsetningar og gera
greinarmun á því
hvort fólk með þekkingu er
á ferðinni eða ekki. Þessar há-
lendislokanir hafa verið eins í
áratugi og ekki tekið tilliti til
þess að ferðaþjónustan er orðin
stór atvinnuvegur.“
„Við erum með fjögur hundruð
vörunúmer og það kemur fyrir að
það vanti eina pakkningastærð eða
styrkleika en það er sjaldgæft að
það vanti alveg lyf,“ segir Ólöf
Þórhallsdóttir, sölu- og markaðs-
stjóri Actavis á Íslandi. Actavis
framleiðir lyfið Risolid, sem er ró-
andi og kvíðastillandi, en lítið er til
af því á landinu núna vegna tafa í
framleiðslu.
Risolid fæst bæði í 10 mg og 25
mg stærðum og er hvorug til í 24
stykkja pakkningum. 10 mg töfl-
urnar eru þó til í 100 stykkja
pakkningum. „Þetta er þannig lyf
að það er mjög auðvelt að nota
tvær 10 mg töflur í staðinn fyrir
eina 25 mg. Risolid er gamalt og
lítið notað lyf, við erum með tvö
önnur lyf við sömu ábendingum
sem eru í miklu meiri notkun og
eru til í öllum styrkleikum og öll-
um pakkastærðum,“ segir Ólöf.
Slæmt ef sá eini bregst
Algengasta ástæðan fyrir töfum
í framleiðslu lyfja að sögn Ólafar
er að það vanti hráefni í uppskrift-
ina.
Dreifingarfyrirtækið Distica sér
um að dreifa lyfjum fyrir Actavis
og á heimasíðu þess má sjá að von
er á Risolid í öllum stærðum í júlí.
Á lista yfir lyf á biðlista, sem eru
ekki til á lager hjá fyrirtækinu,
mátti telja um áttatíu lyf í gær frá
sjö fyrirtækjum, flest frá Vistor og
Actavis.
Jóhann M. Lenharðsson, sviðs-
stjóri Lyfjastofnunar, segir að það
séu alltaf til dæmi um að lyf séu
ekki til í heildsölu eða hjá lyfja-
birgðastöð í einhvern tíma.
„Hversu slæmt tilvikið er fer eftir
því hvort það eru til samskonar lyf
frá fleiri fyrirtækjum eða ekki. Ef
það er bara einn aðili sem er með
lyfið skráð er slæmt ef hann
bregst, en hann er þó að reyna að
sinna markaðnum,“ segir Jóhann.
ingveldur@mbl.is
Kemur fyrir að
skortur sé á lyfjum
 Tafir í framleiðslu á lyfinu Risolid
 80 lyf á biðlista hjá dreifingaraðila
Morgunblaðið/Sverrir
Lyfjasúpa Það kemur fyrir að
ákveðin lyf skorti tímabundið.
Baldur Arnarson
baldura@mbl.is
„Það kom jafnvel skýrar fram en ella í
yfirferð nefndarinnar hversu margir
þræðir eru lausir í þessu máli. Það var
undirstrikað, má segja, með fundum
nefndarinnar að þau atriði sem lúta að
verkaskiptingu ráðuneyta, hvar
stofnanir eru vistaðar og svo fram-
vegis, það er allt saman mjög óljóst
ennþá,“ sagði Birgir Ármannsson,
þingmaður Sjálfstæðisflokks og fram-
sögumaður minnihlutans í stjórnar-
ráðsmálinu, og vísaði til yfirferðar
stjórnskipunar- og eftirlitsnefndar á
fyrirhuguðum breytingum á skipan
ráðuneyta í stjórnarráðinu.
Leggja aðeins fram beinagrind
Breytt skipan ráðuneyta í stjórnar-
ráðinu var til umræðu á Alþingi í gær
og gagnrýndi Birgir undirbúninginn.
„Hér eru breytingar sem snúast
um nöfn ráðuneyta og stofnun nýrra
ráðuneyta og niðurlagningu annarra.
En það er bara beinagrindin. Það
vantar allt kjöt á beinin og málsmeð-
ferðin í nefndinni skýrði það ekki
nema að litlu leyti. Það er alveg ljóst,
sýnist mér á öllum gögnum málsins
sem liggja fyrir og öllum þeim um-
ræðum sem átt hafa sér stað um það,
að það er fyrst og fremst gert ráð fyr-
ir því að sú vinna, útfærslan, staðsetn-
ing einstakra verkefna, skipting verk-
efna milli mismunandi ráðuneyta og
þess háttar, að það muni eiga sér stað
í kjölfar þess að þessi þingsályktun-
artillaga verði samþykkt,“ segir Birg-
ir og víkur að óvissunni í málinu.
„Þannig að að miklu leyti erum við
þingmenn, þegar við tökum afstöðu til
þessa máls, að skrifa upp á óútfylltan
víxil, að minnsta kosti þeir þingmenn
sem ætla sér að samþykkja þetta. Það
er með öðrum orðum hér gert ráð fyr-
ir hvað ráðuneytin eiga að heita en um
alla útfærslu og nánara fyrirkomulag
er vísað inn í framtíðina. Og það finnst
mér galli því að forsenda þess að þing-
menn geti tekið upplýsta ákvörðun og
afstöðu til þeirra breytinga sem hér
eru lagðar til er auðvitað að menn sjái
um leið til hvaða breytinga ný ráðu-
neyti munu leiða. Þar vantar svo
sannarlega miklu fyllri mynd.“
Lokaskrefið á löngu ferli
Álfheiður Ingadóttir, formaður
meirihlutans í nefndinni, lýsti fyrir-
huguðum breytingum svo:
„Hér er um að ræða lokahnykkinn
á þeim stjórnkerfisumbótum sem
háttvirt ríkisstjórn boðaði í stjórnar-
sáttmálanum við upphaf kjörtímabils-
ins. Þar var lögð fram sú stefna að
fækka ráðuneytum í áföngum úr 12 í 9
en nú stöndum við hér frammi fyrir
tillögu um að fækka ráðuneytum úr
10 … í 8. Hér er sá munur orðinn á frá
stjórnarsáttmálanum að nýtt efna-
hags- og viðskiptaráðuneyti og fjár-
málaráðuneyti verði … gerð að einu
ráðuneyti en við erum hér líka að
setja á stofn nýtt atvinnuvega- og ný-
sköpunarráðuneyti og nýtt umhverf-
is- og auðlindaráðuneyti.“ »14
Uppstokkun leiði til óvissuferðar
 Þingmaður Sjálfstæðisflokksins gagnrýnir skort á undirbúningi við áform um sameiningu ráðuneyta
 Formaður meirihlutans í stjórnskipunar- og eftirlitsnefnd segir umbótaferli í stjórnkerfinu að ljúka
Birgir
Ármannsson
Álfheiður
Ingadóttir
Björn segir að steininn hafi tekið úr í fyrra. „Nú eru bæði Vegagerðin og
Landhelgisgæslan rekin úr sama ríkiskassanum. Á sama tíma og ekki var
til peningur hjá Vegagerðinni til að opna Kjalveg, því það voru þrír skaflar
á honum, var til peningur til að láta þyrlu sveima þar yfir
með sex menn innanborðs til að sekta þá sem voru að keyra
þarna. Ætli þyrlan kosti ekki meira á klukkutímann en
jarðýta kostar á dag? Okkur fannst illa farið
með almannafé. Vegagerðin þóttist ekki eiga
pening til að flýta fyrir opnun hálendisvegar en á
sama tíma var til peningur til að láta þyrlu sveima
yfir og sekta þá sem voru á ferðinni.“
Undarlegar áherslur
BJÖRN HRÓARSSON
Erna Hauksdóttir, fram-
kvæmdastjóri Samtaka ferðaþjónust-
unnar, segir að hjá Vegagerðinni fá-
ist almennt þau svör að búið sé að
skera fjármagnið til vegamála svo
niður að ekki sé hægt að sinna ferða-
þjónustunni. „Á sama tíma er verið
að hvetja ferðaþjónustuna til fram-
fara. Við erum í góðu samstarfi við
ríkisstjórnina til að efla ferðaþjón-
ustuna utan háannatíma og ríkið
verður þá að sjá til þess að innviðirnir
fylgi með. Þá erum við fyrst og
fremst að horfa til vegakerfisins,“
segir Erna.
G. Pétur Matthíasson, upplýsinga-
fulltrúi Vegagerðarinnar, segir að
ekki sé hægt að hleypa umferð á há-
lendisvegina fyrr en þeir þola það.
Tíðarfarið ræður þessu
„Það er fyrst og fremst tíðarfarið
sem ræður þessu. Þó að sköflum yrði
ýtt í burtu er það ekki aðalvanda-
málið, það er frost undir og þíða ofan
á og getur myndast mikil aurbleyta.
Við reynum að opna vegina eins fljótt
og við getum.“
Spurður hvort það komi til greina
að hleypa ferðaþjónustuaðilum fyrr á
vegina, á undan almennri umferð,
svarar G. Pétur því að það sé ekki
hægt að hleypa umferð á vegina fyrr
en þeir þoli það, tíðarfarið ráði þessu.
Morgunblaðið/RAX
Hálendið Allir hálendisvegir eru nú taldir ófærir eða eru lokaðir allri um-
ferð. Uxahryggjavegur niður í Lundarreykjadal er eina undantekningin.
Vonast er til að hægt verði að opna inn í Kerlingarfjöll fyrir lok mánaðar.
Vilja flýta opnun vega
 Hagsmunir ferðaþjónustunnar að opna hálendisvegi fyrr
Einbýlishús til leigu á Seltjarnarnesi
250 fermetrar, 3 herbergi, 2 baðherbergi auk gestasnyrtingar,
mjög stórt opið rými með eldhúsi, anddyri, stofu og borðstofu.
Gróinn og skjólsæll garður, stórir pallar, heitur pottur. Allt endurnýjað.
Hentar lítilli fjölskyldu. Getur leigst með húsgögnum. Langtímaleiga.
Áhugasamir sendi inn nafn og símanúmer á
box@mbl.is merkt: S-24950.
„Evrópusambandið hefur krafist
þess að Ísland geti sýnt fram á
stjórnsýslulega getu til þess að
taka að sér þær skuldbindingar
sem einkum felast í yfirtöku á
regluverki þeirra í landbúnaði og
byggðamálum frá fyrsta degi að-
ildar. Sameining þessara ráðu-
neyta í eitt gefur því þá möguleika,
sem ESB leggur áherslu á, að ein
stofnun undir sama ráðuneyti fari
með þessar styrkveitingar,“ segir
Jón Bjarnason, þingmaður VG, um
tengsl breytinga á stjórnarráðinu
við aðlögunarferlið að ESB. Hann
tengir áformin við ESB-styrki.
„IPA-styrkjunum er ætlað að
byggja upp nauðsynlega stjórn-
sýslu og stofnanir til þess að geta
mætt kröfum ESB. Þá liggur beint
við að álykta að sú stofnun sem
hvað mest er rekið á eftir um að
stofnuð verði,
s.k. Greiðslu-
stofnun, eigi að
sjá um til-
færslur fjár-
muna og
greiðslur
styrkja til land-
búnaðar og
byggðamála.
Landbúnaður og byggðamál hafa
verið í sitthvoru ráðuneytinu ...
Með þessu má því segja að verið
sé að breyta stjórnsýslunni til að
bregðast við kröfum og aðlögun
að ESB löngu fyrr en nokkur
ákvörðun hefur verið tekin um að-
ild,“ segir Jón, sem telur að það
skref að leggja niður sjávarútvegs-
og landbúnaðarráðuneytið og
sameina það iðnaðarráðuneyti sé
liður í aðlögun fyrir styrkjakerfið.
Hluti af aðlögun að ESB
FV. SJÁVARÚTVEGSRÁÐHERRA GAGNRÝNIR ÁFORMIN
Jón Bjarnason