Morgunblaðið - 03.05.2012, Blaðsíða 24

24 UMRÆÐAN
MORGUNBLAÐIÐ FIMMTUDAGUR 3. MAÍ 2012
S HELGASON
steinsmíði síðan 1953
SKEMMUVEGI 48 ▪ 200 KÓPAVOGUR ▪ SÍMI: 557 6677 ▪ WWW.SHELGASON.IS
SAGAN SEGIR SITT
Hvað er að hjá þeim stjórnvöldum,
sem geta ekki og vilja ekki huga að
verðmætum lands síns, heldur vilja
afhenda land og verðmæti til ESB
og Kínverja? Hví getum við ekkert
sjálf? Það er sorglegt að horfa upp
á heimsókn Kínverja og auðtrúa
lympustrympu-stjórnmálamenn
okkar lands. Hvaðan kemur þessi
aumingjaháttur? ESB og Kínverjar
fara það sem þeir vilja og þurfa, því
að þeim er fullljós undirlægjuháttur
okkar stjórnvalda og bera enga
virðingu fyrir þeim, – ekki geri ég
það, – því skyldu þá þeir gera það?
Af hverju eru ekki á Alþingi rædd
málefni Grímsstaða? Langtímaleiga
er sama og sala á jörðinni, því að
Kínverjar munu byggja þorp og
þeir koma til að vera, það er þeirra
háttur. Það er barnalegt að halda
að þessi millljarðamæringur þurfi
endilega hótel á hálendi Íslands,
það er fyrirsláttur.
Hví þurfa þeir stórt sendiráð, hví
þurfa þeir eina stærstu jörð lands-
ins, hví þurfa þeir sæti í Norð-
urheimskautsráðinu? Jú, þeir ætla
að hafa afskipti af norðurhveli jarð-
ar og hjá þeim eru það yfirráð.
Hvernig má vera að stjórnvöld ætli
að hleypa inn á veiklundaða og
tækifærissinnaða þjóð, andlega
sterkri og grimmlyndri þjóð sem
Kínverjar eru?
Ég bið ykkur að hugsa til fram-
tíðar. Látið af græðginni, hún verð-
ur okkur að falli, það á ekki allt að
vera falt fyrir peninga. Bretar, að
sjálfsögðu, neituðu þeim um land
undir þorp. Þið getið ekki stýrt
þeim eftir að þeir setjast hér að.
Ef þið núverandi stjórn-
málamenn getið ekki stýrt landi og
þjóð svo vel fari, þá segið af ykkur
og hleypið að fólki sem vill skila
landinu óskiptu til komandi kyn-
slóða.
Þið gátuð sent einn mann fyrir
Landsdóm til að bera ábyrgð á
ykkar eigin græðgi, það var ljótur
gjörningur og sýnir hversu óhæf
þið eruð. Ég vil Össur Skarphéð-
insson og Jóhönnu Sigurðardóttur
fyrir Landsdóm, fyrir að nota Al-
þingi okkar til þess að aðlaga okkur
að regluverki annars ríkja-
sambands, og ef þau ætla að láta af
hendi fullveldið þá er það í mínum
huga landráð. En ég þykist vita að
menntafólkið muni finna þessu orði
landráð aðra merkingu. Og sem
aldrei fyrr þá er ástæða til að biðja
æðri máttarvöld að varðveita Ís-
land.
STEFANÍA JÓNASDÓTTIR
Sauðárkróki.
Kínverjar og ESB
Frá Stefaníu Jónasdóttur
Bréf til blaðsins
Alþjóðasamtök fóta-
aðgerðafræðinga, FIP,
sem Félag íslenskra
fótaaðgerðafræðinga á
aðild að, vekja athygli á
að maímánuður ár
hvert er helgaður fóta-
vernd og fótaheilbrigði.
Þetta er gert í þeim til-
gangi að gefa gaum að
því þýðingarmikla hlut-
verki, sem heilbrigðir
fætur gegna í lífsgæðum mannsins og
þeirri brýnu þörf að allir geti átt að-
gang að meðferð til að bæta mein fóta
sinna og með því komið í veg fyrir
skerðingu lífsgæða.
Við hvetjum Íslendinga til að
staldra við og skoða fætur sína og
meta hve þýðingarmiklu hlutverki
þeir þjóna. Mikill fjöldi fólks um víða
veröld þjáist af fótameinum. Þessar
þjáningar valda erfiðleikum og koma
jafnvel í veg fyrir að fólk geti nálgast
heilbrigðisþjónustu.
Að þessu sinni er gaumur gefinn að
lífaflsfræði (Biomechanics) sem felst
m.a. í því hvernig rangstaða lík-
amans, sem getur stafað af mis-
löngum fótleggjum eða annarri
skekkju í stoðkerfinu, getur haft áhrif
á fætur og orsakað fótamein í og á
framfætinum. Í starfi fótaaðgerða-
fræðinga felst m.a. að bæta áverka af
þessum völdum og fyrirbyggja að
framhald verði á þeim með ýmiss
konar hlífðarmeðferð í samvinnu við
aðrar heilbrigðisstéttir.
Í tilefni af þema fótverndarmán-
aðarins mun Félag íslenskra fótaað-
gerðafræðinga standa
fyrir opnum fræðslu-
fundi í Háskóla Íslands,
laugardaginn 5. maí.
Við hvetjum almenning
til að koma og hlýða á
fróðleg erindi fagfólks í
heilbrigðisstéttum.
Fótaaðgerðafræð-
ingar eru sérfræðingar
á heilbrigðissviði sem
annast fótamein á húð
og í nöglum og gefa ráð
til forvarnar. Þeirra
þáttur í bættri fótaheilsu verður aldr-
ei ofmetinn.
Sumarið er tími útiveru og hreyf-
ingar öðrum árstíðum fremur. Það er
heillaráð að láta skoða fæturna og fá
meðferð, ef þarf, áður en tekist er á
við viðfangsefnin stór og smá. Við
bendum á heimasíðu Félags íslenskra
fótaaðgerðafræðinga, www.fotur.is.
Þar má fá ýmis góð ráð og leiðbein-
ingar um góða fótahirðu. Öll viljum
við hafa heilbrigða fætur til æviloka.
Gefum gaum að fótunum … höfum
þá í fyrirrúmi.
Höfum fæturna
í fyrirrúmi
Eftir Margréti
Jónsdóttur
»Mikill fjöldi fólks um
víða veröld þjáist af
fótameinum. Þessar
þjáningar valda erfið-
leikum og koma jafnvel í
veg fyrir að fólk geti
nálgast heilbrigðisþjón-
ustu.
Margrét Jónsdóttir
Höfundur er fótaaðgerðafræðingur.
Ég hef talið mig var-
færan í fjármálum, sér-
staklega eftir að ég
stofnaði fjölskyldu.
Gætt þess vel að sníða
stakk eftir vexti. Greitt
aukalega í lífeyrissjóð,
fjárfest skynsamlega.
Höfum sett allt okkar
eins og í raun flestallir
Íslendingar í fast-
eignir. Einhvern veg-
inn talið það tryggast.
Þegar venjulegt fólk vantar lán
vegna fasteignakaupa, þá lætur
bankinn það að undirlagi ríkisins
fara í greiðslumat. Til grundvallar
greiðslumatinu voru lögð niður
nokkur atriði: Tekjur, en við erum
bæði opinberir starfsmenn. Skuldir,
sem eru einvörðungu við LÍN og
Íbúðalánasjóð. Síðan eru skoðaðar
vaxtabætur. Annar rekstrarkostn-
aður svo sem tónlistarnám fyrir
börnin og þessháttar einnig tengt
ríkinu. Með öðrum orðum tekjur,
skuldir, skattar og gjöld. Svo til allt
hjá ríkinu.
Eftir að hafa farið í þetta ríkis-
skyldaða greiðslumat þá var ekki
þverfótað fyrir alls konar jakkalökk-
um sem kepptust við að bjóða undra-
tilboð! Þar sem ég ætlaði ekki að
taka neitt sérstaklega mikið lán þá
kepptust þeir um að reyna að selja
mér erlend lán. Hærri lán en ég í
raun þurfti og verðbréf fyrir mis-
muninn. Átti bara að græða mökk á
þessu og myndi borga lánin mín nið-
ur á engum tíma. Ég er hinsvegar
frekar varfærinn þar sem aleiga fjöl-
skyldunnar var undir, lét á tímabili
næstum freistast. Sendi samt línu á
frænda sem vinnur við banka-
starfsemi erlendis. Hans ráðlegging
var stutt: „Hef ekki skoðað þetta
neitt, ekki klókt að vera með tekjur í
einni mynt og skuldir í annarri. Ef
þú vilt taka hærra lán
út á húsið þitt til að
gambla með í bréfum
geturðu alltaf gert það
seinna.“ Eiginlega akk-
úrat gagnstætt því sem
íslenskir jakkalakkar
sögðu. Þessir sömu ís-
lensku jakkalakkar
reyndu fram að ræðu
Geirs að plata fólk í ná-
kvæmlega þetta. Það
er að segja vera með
tekjur og skuldir í sinni
hvorri myntinni og
taka lán til að gambla
með fjöregg fjölskyldnanna. Hverj-
um áttirðu að treysta ef ekki bank-
anum þínum? Ég tók ekki þátt í
þessu. Ég fór einfaldlega varlega.
Treysti ekki ráðgjöfunum. Sneið
mér víðan stakk, skuldaði ekkert
rosalega mikið svo ég gæti lifað
þokkalegu lífi.
Síðan kom hrunið. Lánin ruku upp
og enginn minnist lengur á greiðslu-
mat. Þeim sem jakkalakkarnir plöt-
uðu var hjálpað svona á yfirborðinu.
Jakkalakkarnir unnu áfram við að
gefa fólki ráð en nú fyrir hönd nýju
bankanna. Ríkisstjórnin hrökklast
frá en nær þó í öllum darraðardans-
inum að setja neyðarlög. Örugglega
besta lagasetning undanfarinn ára-
tug. Ný stjórn tekur við og nú á held-
ur betur að taka til höndunum.
Bönkum skal skipt upp í fjárfest-
inga- og viðskiptabanka og allir
munu komast heilir frá þessu öllu.
Farið er í 110% leið sem var sögð til
að hjálpa þeim sem jakkalakkar og í
raun Íbúðalánasjóður líka plataði.
Sú leið var í raun ekki farin til að
hjálpa þeim sem skulduðu heldur
fjármagnseigendum sem gerðu sér
grein fyrir að fólk sem skuldaði segj-
um 150% af íbúðinni myndi aldrei
borga neitt. En ef það skuldaði bara
110% og sæi fram á skárri tíð þá
kannski væri hægt að særa af því
þessar krónur sem það þó enn átti.
Þessi leið var ekki fyrir fólkið í
landinu og varla fyrir ofurskuld-
arana heldur, heldur fyrir fjár-
magnseigendurna.
Víkjum þá sögunni aftur til fólks
eins og mín. Fólks sem var varfærið
millistéttarfólk. Greiðslubyrðin af
lánunum rauk upp. En, jú, málunum
var reddað tímabundið. Séreignarlíf-
eyrir. Þar átti fólk nokkrar krónur
sem það fékk að taka út til að greiða
lánin sín meðan bankarnir högn-
uðust um miljarða. En það var samt
ekki það eina. Til grundvallar við
gerð greiðslumatsins voru lögð
nokkur atriði. 1. Tekjur okkar hjóna
lækkuðu í krónum eins og annarra
opinberra starfsmanna. 2. Skattar
hækkuðu. 3. Vaxtabætur féllu niður.
4. Annar kostnaður, svo sem tónlist-
arskóli, hækkar, minna greitt niður.
5. Annar rekstur svo sem matur og
bensín hækkar.
Stakkurinn sem var sniðinn vel við
vöxt er að rifna á saumunum! Getur
verið löglegt að ríkið, sem hefur öll
þessi 5 atriði á hendi sér geti breytt
öllum, ekki bara sumum en öllum
forsendum greiðslumatsins? Ber
ríkisvaldið enga ábyrgð gagnvart
þeim sem fóru í ríkisskikkað
greiðslumat? Þegar húsnæðislánið
mitt var selt á milli banka á afslátt-
arverði. Af hverju var mér ekki boð-
ið að kaupa það? Hefði örugglega
getað boðið betur! Held í raun að það
hafi verið ein verstu viðskipti, eða
lög að undanskildum Icesave 1 og 2
sem á okkur almenningi hafa dunið.
Af hverju ekki var farið í almenna
niðurfærslu á lánum á þeim tíma er
óskiljanlegt. Hefðu bankarnir borg-
að minna fyrir lánin ef þau hefðu
verið flutt niður um 30% fyrst? Ég
stórefast um það. Lægri höfuðstóll
hefði einfaldlega þýtt að auðveldara
væri að innheimta. Í þess stað sitjum
við almenningur með útbólgin lán á
bakinu meðan bankarnir hagnast um
milljarða þar sem þeir ná meira inn
en reiknað var með. Glæsilegt. Síðan
sitja jakkalakkar og ráðherrar eins
og púkar á fjósbitum og ræða hvað
allt væri betra með annarri mynt,
meðan Róm brennur. Okkur vantar
ekki nauðsynlega betri mynt, okkur
vantar nauðsynlega betri fjár-
málastjórn, betri þingmenn, betri
ríkisstjórn.
Enn annar millistéttaraulinn
Eftir Einar Kristján
Haraldsson
Einar Kristján
Haraldsson
» Annar vinkill skulda-
stöðu heimilanna,
hugsaður út frá
greiðslumati. 5-6 atriði
liggja að baki greiðslum.
Ríkisstjórnin breytti öll-
um forsendum einhliða.
Höfundur er tæknifræðingur.
Móttaka aðsendra greina
Morgunblaðið er vettvangur lifandi umræðu í landinu og birtir aðsendar greinar
alla útgáfudaga.
Þeir sem vilja senda Morgunblaðinu greinar eru vinsamlega beðnir að nota
innsendikerfi blaðsins. Kerfið er auðvelt í notkun og tryggir öryggi í samskiptum
milli starfsfólks Morgunblaðsins og höfunda. Morgunblaðið birtir ekki greinar
sem einnig eru sendar eru á aðra miðla.
Að senda grein
Kerfið er aðgengilegt undir Morgunblaðslógóinu efst í hægra horni forsíðu
mbl.is. Þegar smellt er á lógóið birtist felligluggi þar sem liðurinn "Senda inn
grein" er valinn.
Í fyrsta skipti sem innsendikerfið er notað þarf notandinn að nýskrá sig inn í
kerfið. Ítarlegar leiðbeiningar fylgja hverju þrepi í skráningarferlinu. Eftir að við-
komandi hefur skráð sig sem notanda í kerfið nóg að slá inn kennitölu notanda
og lykilorð til að opna svæðið. Hægt er að senda greinar allan sólarhringinn.
Nánari upplýsingar veitir starfsfólk Morgunblaðsins alla virka daga í síma
569-1100 frá kl. 8-18.