Morgunblaðið - 15.05.2012, Blaðsíða 22

22 UMRÆÐAN
MORGUNBLAÐIÐ ÞRIÐJUDAGUR 15. MAÍ 2012
Bréf til blaðsins
„Tíu ára drengur á reiðhjóli varð fyrir
bíl á Öldugötu í Hafnarfirði í dag þeg-
ar hann fór yfir gangbraut á rauðu
ljósi.“ Úr fréttatíma Rásar 1, 13. sept.
2011.
Mikið hefur ver-
ið fjallað um gagn-
semi þess að
skylda hjólreiða-
fólk til að nota
hjálma. Rökin með
notkun þeirra eru
ekki ótvíræð. Aðal-
atriðið er að notk-
un hjálma er ekki
skylda fyrir full-
orðna. Flest reiðhjólafólk er þó með
hjálma í öryggisskyni. Það er sér-
kennilegt að sjá vel búið reiðhjólafólk
með hjálma og allar græjur æða yfir
götur á rauðu ljósi. Það er, öfugt við
hjálmaleysi, bannað. Þessi lögbrot eru
algeng og virðast vera regla fremur
en undantekning.
Ástæðan fyrir þessum pirringi yfir
að sjá fulltíða fólk ganga eða hjóla yfir
götur á móti rauðu ljósi er þessi: Í
leikskólum læra börn ýmsa góða siði.
Þar er þeim kennt að virða lög og
reglur samfélagsins. Eitt af því sem
þau læra vandlega og ná á endanum
fullkomnum tökum á er að ganga
aldrei yfir götu á rauðu ljósi. Þau læra
að bíða þangað til komið er grænt ljós.
Þá má ganga yfir. Síðan gerist það
einn góðan veðurdag að leik-
skólabarn, sprenglært í umferð-
arreglunum, lítur út um gluggann á
bílnum eða herberginu sínu og sér
fullorðið fólk fremja lögbrot með því
að hjóla eða ganga yfir götuna á rauðu
ljósi. Smám saman áttar barnið sig á
þessu: Það má brjóta lög og reglur!
Og vel á minnst: Margir af þessum
fullorðnu lögbrjótum eru foreldrar, og
jafnvel líka afar og ömmur.
Það væri nær að kenna leik-
skólabörnum að umferðarljósin séu
bara svona heils árs jólaskraut. Það er
betra en að kenna þeim að það sé
aulaháttur að virða lög og reglur.
Börnin taka þessar reglur alvarlega
og þau verða fyrir áfalli þegar þau sjá
fullorðnu lögbrjótana.
Fyrir nokkru stóð ég við Kringlu-
mýrarbrautina og beið eftir grænu
ljósi. Rétt er að taka fram að ég var
með bakpoka. Þetta hvorttveggja hef-
ur þótt grunsamlegt. Nema hvað,
maður nokkur sem var á leið yfir
Kringlumýrarbrautina eins og ég vatt
sér að mér og spurði: „Are you a tour-
ist?“ Nei, svararði ég. „Huh,“ sagði þá
maðurinn og skáskaut sér á milli
bílanna á rauðu ljósi yfir Kringlumýr-
arbrautina. Nokkru síðar stóð ég aft-
ur við þessa sömu götu, gegnt Aust-
urveri, ýtti á hnappinn góða og beið
eftir grænu ljósi. Kemur þá kona ask-
vaðandi, á sömu leið og ég. Hún kunni
ekki við að láta vaða yfir götuna þega
hún sá mig híma þarna og bíða eftir
græna ljósinu. Þess í stað vatt hún sér
að mér og hreytti út úr sér: „Geturðu
ekki ýtt á takkann!“ Ég sagðist vera
búinn að því. „Trúú-legt“ hreytti kon-
an út úr sér, vatt sér að takkanum og
ýtti hraustlega á hann. Eftir þennan
hamagang kunni hún ekki við annað
en að bíða eftir grænu ljósi en mikið
þjáðist hún á meðan.
Foreldrar, afar, ömmur, frænkur
og frænkur leikskólabarna: Hættið að
kenna þeim að hunsa lög og reglur.
Bíðið eftir grænu ljósi, þið missið ekki
af neinu.
ÓLAFUR HALLDÓRSSON,
afi og náfrændi nokkurra leikskóla-
nemenda.
Á rauðu ljósi
Frá Ólafi Halldórssyni
Ólafur Halldórsson
Hinn 6. maí sl. birt-
ist á fréttavef Morg-
unblaðsins frásögn af
umsögn Styrmis
Gunnarssonar, fyrr-
verandi ritstjóra blaðs-
ins, í „Silfri Egils“
sama dag. Þar sagði
Styrmir: „Leggja ætti
forsetaembættið niður,
það er úrelt fyr-
irbrigði, hégómaskap-
ur og tildur.“
Síðar segir hann: „Ég furða mig á
því að umræðurnar skuli vera í þess-
um farvegi en ekki beinast í þá átt að
segja sem svo, sem mér finnst blasa
við, að þetta er auðvitað gersamlega
úrelt fyrirkomulag, að einhver einn
maður sem kosinn er til að búa á
Bessastöðum í fjögur ár skuli ráða
því hvort einhverju máli skuli vísað
til þjóðaratkvæðagreiðslu.“
Ég er sammála Styrmi um það að
þetta er gersamlega úrelt fyr-
irkomulag sem ætti að vera búið að
endurskoða fyrir löngu. En þar er
við Alþingi að sakast. Alþingi hefur
að mínu mati vanrækt það nú í 68 ár
að endurskoða þetta ákvæði stjórn-
arskrárinnar. Það hefði átt að vera
búið að gera fyrir löngu. Ég þykist
hafa góðar heimildir fyrir því að við
lýðveldisstofnunina hafi það verið
hugmynd þingmanna að þessu
ákvæði yrði aldrei beitt af forseta
eins og konungur hafði aldrei neitað
að staðfesta lög frá Alþingi allar göt-
ur frá 1918, eða lög frá danska
þinginu síðan einhvern tíma á 19.
öld. Enda hafa íslenskir forsetar á
undan Ólafi Ragnari aldrei neitað að
undirrita lög.
Hliðstæð ákvæði
mun vera í mörgum
stjórnarskrám kon-
ungsríkja í Evrópu og
þau eins framkvæmd,
þ.e. neitunarheimildin
aldrei notuð. Mér er
sem ég sjái upplitið á
breskum þingmönnum
ef drottningin tæki upp
á að neita að undirrita
lög. Hún yrði varla
drottning í mörg ár eft-
ir það.
Að mínu mati á forseti Alþingis að
staðfesta lög og þau að öðlast gildi
við undirskrift hans. Það er sami
háttur og hafður er á í Svíþjóð, þar
sem forseti sænska þingsins,
Riksdagens, staðfestir lög með und-
irskrift sinni. Sænski konungurinn
kemur þar hvergi nærri. Hann kem-
ur hinsvegar fram fyrir Svíþjóð
gagnvart þjóðhöfðingjum annarra
ríkja.
Hitt er svo allt annað mál að Al-
þingi hefði gott af meira aðhaldi
kjósenda. Hugsa mætti sér að eftir
eitt ár eða meira frá alþingiskosn-
ingum gætu 60% eða svo kosn-
ingabærra manna afturkallað umboð
Alþingis og krafist nýrra kosninga.
Slíkt ákvæði gæti verið alþingis-
mönnum hollt aðhald. Hlutfallið 60%
er það hátt að spjátrungar eða sér-
vitringar gætu ekki knúið fram
kosningar.
Allt um þetta tel ég að forseti Ís-
lands hafi hlutverki að gegna. Hann
á að vera þjóðhöfðingi Íslands og
koma fram sem slíkur gagnvart
þjóðhöfðingjum annarra ríkja.
Hugmynd í tilefni
af umsögn Styrmis
Eftir Jakob
Björnsson
Jakob Björnsson
»Mér er sem ég sjái
upplitið á breskum
þingmönnum ef drottn-
ingin tæki upp á að neita
að undirrita lög. Hún
yrði varla drottning í
mörg ár eftir það.
Höfundur er fyrrverandi
orkumálastjóri.
Hr. Friðrik H. Guð-
mundson verkfræð-
ingur skrifaði eftirtekt-
arverða grein í
Fréttablaðið 8. apríl.
Hún er á þá leið að
sjávarútvegsfyrirtækin
haldi greininni í
skuldaklafa, þ.e. sam-
kvæmt mínum skiln-
ingi: kaupa fullkomin
skip fyrir milljarða og
láta alla innkomuna í
kaupin um ókomin ár og borga þ.a.l.
ekki skatt af innkomu skipanna.
Ég tek aðeins mig og minn rekst-
ur til viðmiðunar. Ég keypti hús-
næði ásamt vélum fyrir rekstur
minn og gerði upp umrædd kaup á 5
árum í stað 20 og gott betur því
upphæðin margfaldaðist vegna inn-
heimtu lögmanna þegar á tímabili
hnökrar urðu á greiðslum frá mér.
Til kaupanna hafði ég innkomu
sem ég borgaði af aðstöðugjald,
virðisauka- og tekjuskatt en restin
fór í kaupin. Annars hefði ég skrítna
tilfinningu fyrir þeim lágu fjár-
hæðum sem greidd
eru fyrir þessi stóru
skip með fullkomnum
verksmiðjum innan-
borðs. Innkoman fer
að sjálfsögðu öll í
kaupin, eða þar til
skipin eru úrelt eftir
því sem mér virðist. Af
innkomunni eignast
samfélagið minnst fyr-
ir vikið.
F.H.G. minnist á að
allur afli ætti að fara í
gegnum fiskmarkaði
hér á landi og finnst
mér það eðlilegt (nema óvenjuleg
tilfelli kalli á annað).
Eins minnist hann á að fisk-
veiðistefnan sé ekki á réttri braut af
einhverjum ástæðum og hefi ég
ákveðna skoðun á því. Það er botn-
varpa (botntroll) sem valtar yfir
botninn og breytir honum og öllu á
honum að ég held í eyðimörk og
gæti ég best trúað að því að fisk-
urinn sem hér veiðist komi þess
vegna annars staðar frá, eins og
grásleppan sannaði sem kom synd-
andi frá Nýfundnalandi um 3.000
sjómílna leið.
Eins eru hugmyndir F.H.G. varð-
andi uppstokkun og útdeilingu veiði-
heimilda til skemmri tíma en núver-
andi hugmyndir gera ráð fyrir,
mjög verðar skoðunar að mínu mati.
Eins þarf Hafrannsóknastofnun
ekki að vera í endalausri talningu á
syndandi fiski, heldur gera meira af
að skoða frekar þróunina á lífríki
sjávar þ.e. á og við sjávarbotninn.
Einnig að setja grimmd í merkingar
fiska til glöggvunar á hreyfanleika
fiskistofna um hafsvæðin.
Gerum okkur grein fyrir að verið
er að valta yfir lífríkið með stórvirk-
um tækjum, því spyr ég: er verið að
slíta lífkeðju fiskistofna með þessu
eða raska uppeldisstofnum með
þessu?
Vona að Hafró komi með svörin
og án utanaðkomandi þrýstings.
Stjórn fiskveiða
Eftir Jóhann Boga
Guðmundsson »Eins minnist hann áað fiskveiðistefnan
sé ekki á réttri braut af
einhverjum ástæðum.
Jóhann Bogi
Guðmundsson
Höfundur er sjómaður, húsasmíða-
meistari og bifvélavirki.
- nýr auglýsingamiðill
569-1100
Sérsmíðaðar baðlausnir
Speglar • Gler • Hert gler
Öryggisgler • Litað gler • Bílspeglar
Sandblástur • Álprófílar
Máltöku- og uppsetningaþjónusta
Við leggjum metnað
okkar í að bjóða sérhæfðar
og vandaðar lausnir á
baðherbergi.
Við bjóðum upp á
sérsmíðaða spegla,
sturtuklefa og sturtu-skilrúm.
Þá erum við komnir með nýja
útgáfu af ljósaspeglunum
okkar vinsælu.
Á nýrri heimasíðu okkar
glerslipun.is er gott yfirlit yfir
það sem er í boði. Auk þess
bjóðum við alla velkomna
í Vatnagarða 12 þar sem
fagfólk veitir góða þjónustu
og allar þær upplýsingar sem
þarf.
Vatnagarðar 12 | Sími 588 5151 | Fax 588 5152 | glerslipun.isSTOFNAÐ 1922
Hofsá og
Laxá í Aðaldal
Veiðiklúbburinn Strengur ehf
Veiðiklúbbur Íslands ehf
Skipholti 35 - 105 Reykjavík
Nánari upplýsingar veitir Orri, orri@icy.is
Laxveiðileyfi
Lausar stangir í sumar
Hofsá
í Vopnafirði
• 21/7 - 24/7
• 6/8 - 9/8
• 10/9 - 13/9
Laxá í Aðaldal
Núpasvæðið
• 7/8 - 9/8
• 13/9 - 16/9
Laxá í Aðaldal
svæði Laxárfélagsins
• 10/7 - 14/7
• 17/8 - 19/8
• 27/8 - 31/8