Morgunblaðið - 21.05.2012, Blaðsíða 26
Ljósmynd/GummiThor
Leikskáldin Eva Björk Kaaber, Jón Atli Jónasson, Vilborg Ólafsdóttir, Eva Rún Snorradóttir,
Sigtryggur Magnason og Hrafnhildur Hagalín eru höfundar fjögurra nýrra leikrita sem frum-
sýnd verða á Listahátíð í dag og á næstu dögum í óvenjulegum leikrýmum.
Silja Björk Huldudóttir
silja@mbl.is
Fjögur splunkuný leikrit frá óvæntum
sjónarhornum verða frumflutt í dag og
næstu daga á Listahátíð í Reykjavík. Um er
að ræða verkin Trans eftir Sigtrygg Magna-
son í leikstjórn Stefáns Halls Stefánssonar
sem frumflutt verður í Strawberries í Lækj-
argötu í kvöld kl. 19, Viskí Tangó eftir Jón
Atla Jónasson í leikstjórn Jón Páls Eyjólfs-
sonar sem frumflutt verður í fornbókabúð-
inni Bókinni á Klapparstíg annað kvöld kl.
20, Tókstu eftir himninum í morgun? eftir
sviðslistahópinn Kviss Búmm Bang, sem
skipaður er þeim Evu Björk Kaaber, Evu
Rún Snorradóttur og Vilborgu Ólafsdóttur, í
leikstjórn hópsins sem frumflutt verður í
Laugum Spa á Sundlaugarveginum á mið-
vikudag kl. 20, og Opið hús eftir Hrafnhildi
Hagalín í leikstjórn Kristínar Eysteinsdóttur
sem frumflutt verður á Hverfisgötu 52 á
fimmtudag kl. 20. Verkin verða öll endurflutt
á laugardaginn kemur.
Um verður að ræða leikræna leiklestra
sem teknir verða upp fyrir útvarp og fluttir í
sinni hráu mynd meðan á Listahátíð stendur,
en á sýningunum fá gestir að sjá það sem út-
varpshlustendum er venjulega hulið. Í fram-
haldinu verða verkin þróuð fyrir Útvarps-
leikhúsið og flutt þar næsta vetur.
Blaðamaður lagði þrjár spurningar fyrir
leikskáldin og má sjá svör þeirra hér að neð-
an. Í fyrsta lagi var spurt um hvað verkið
væri, í öðru lagi hver hefði verið kveikjan að
því og í þriðja lagi hvort leikritið hefði verið
sérstaklega skrifað sem hljóðverk og með
hvaða hætti það birtist í verkinu.
Fjögur splunkuný leikrit
Samstarf Listahátíðar í Reykjavík og Útvarpsleikhússins gefur af sér fjögur ný leikverk
Verkin sviðsett á stöðum sem falla að innihaldinu en hafa ekki áður verið notuð sem leikhús
26 MENNING
MORGUNBLAÐIÐ MÁNUDAGUR 21. MAÍ 2012
1. Trans fjallar um Lovísu, unga konu með typpi sem
hefur það að atvinnu að dansa fyrir gesti á kampavíns-
klúbbi. Verkið lýsir samskiptum hennar við föður
sinn; Adam, manninn sem segist elska hana, og Önnu
Frank sem hefur verið trúnaðarvinkona hennar frá
barnæsku.
2. Upphaflega kviknaði hugmyndin að verkinu út frá
kynjaumræðunni. Mig langaði að fjalla um kynin út
frá því að þau væru aðeins flóknara fyrirbæri en bara
karl og kona. Manneskjan er flókin í eðli sínu og gráu
svæðin töluvert víðfeðmari en þau svörtu og hvítu. Áð-
ur en ég byrjaði að skrifa var ég búinn að ákveða
kraftana, persónurnar og staðinn sem verkið gerðist
á. Þegar skriftirnar hófust þá gerðist það venjulega að
samtölin tóku völdin og persónurnar og átök þeirra
leiddu verkið í áttir sem að sumu leyti komu mér á
óvart en snúast í raun um það að við erum öll gerð úr
sömu hráefnum: holdi, blóði og „dashi“af tilfinningum.
3. Útvarpsleikhúsið er afskaplega skemmtilegt form
sem býður upp á óendanlega möguleika. Útvarpsleik-
húsið er að mínu mati mikilvægasta leikhúsið fyrir
ung leikskáld á Íslandi í dag. Þar fá þau tækifæri til að
gera tilraunir og vaxa.
Ég er þannig gerður sem höfundur að þegar ég
skrifa sé ég persónurnar sjaldnast fyrir mér heldur
heyri ég samtöl þeirra og tilfinningar þeirra og átökin
fara fram í gegnum texta. Í þeim uppsetningum sem
hafa verið gerðar af verkum mínum hef ég verið ein-
staklega heppinn með samstarfsfólk sem hefur náð að
holdgera þessar tilfinningar og texta. Það er líka að
gerast núna.
Sigtryggur Magnason
Kynjaumræðan var hvatinn
Leikstjórinn Ridley Scott hyggst gera framhald hinnar marglofuðu kvik-
myndar sinnar Blade Runner frá árinu 1982 og verður kona í aðal-
hlutverki að þessu sinni. Scott segir framhaldssöguna hefjast nokkrum
árum eftir að hinni lauk og að hann hafi átt í viðræðum við fyrirtækið
Alcon, sem á höfundarréttinn að Blade Runner, um framhaldsmyndina.
Alcon hefur greint frá því að handritshöfundur Blade Runner, Hampton
Fancher, muni skrifa handrit framhaldsmyndarinnar. Handrit Blade
Runner var unnið upp úr hluta skáldsögu Philips K. Dick, Do Androids
Dream of Electric Sheep?
Ridley Scott tjáir sig um
framhald Blade Runner
Framhald Úr kvikmyndinni Blade Runner frá árinu 1982.
1. Viskí tangó fjallar um mann og konu sem eru að hlusta á
stuttbylgjuútsendingar og reyna að ráða í þær. Inn samtöl
þeirra fléttast svo önnur frásögn manns sem gengur um
Reykjavík sem hefur lagst í eyði.
2. Ég byrjaði að fikta við að skrifa þetta verk í hruninu.
3. Útvarpsmiðillinn hentar verkinu afar vel vegna þess að ég
hafði átt í erfiðleikum með að sviðsetja það.
Jón Atli Jónasson
Hóf að vinna verkið í hruninu
Kviss Búmm Bang
Vangaveltur um tímann
1. Tókstu eftir himninum í morgun?
fjallar um viðhorf okkar í vestræna
heiminum til tímans. Með verkinu
viljum við spyrja spurninga eins og:
Hvers vegna högum við tíma okkar
dags daglega eins og við gerum? Er-
um við sjálf við stjórnvölinn hvað
skipulagningu hvers dags og jafnvel
lífs okkar varðar? Hvaða reglur höf-
um við sett okkur í hversdeginum og
hvaða reglum lútum við án þess að
spyrja okkur af hverju? Hvað gerist
þegar við finnum tímann líða?
2. Kveikjan að verkinu átti sér stað í
öðru verki okkar, að nafni Hótel
Keflavík, sem var unnið út frá vanga-
veltum um tímann. Okkur langaði til
að halda áfram að vinna með þessar
pælingar í útvarpsverkinu okkar,
pælingar um hraðann í nútíma-
samfélagi, hvernig við erum alltaf að
reyna að vera við stjórnvölinn í ein-
hverju lífsgæðakapphlaupskerfi sem
segja má að sé að mörgu leyti búið að
taka yfirhöndina. Við göngum út frá
þeirri forsendu að fólk sé hálf-
uppgefið af því að flýta sér að ná
markmiðum framtíðarinnar, flýta sér
frá því sem er bara hér og nú. Það er
næstum eins og núið geti aldrei verið
nóg. Og það er eins og við sjálf, bara
eins og við erum hér og nú, getum
aldrei verið nóg. Okkur skortir alltaf
eitthvað (rétt eins og auglýsingar eru
duglegar að benda okkur á) og líf
okkar gengur jafnvel bara út á að
verða okkur úti um þetta eitthvað. En
til að bugast ekki alveg munum við
sum hver eftir því að við þurfum að
slaka á inni á milli, eins og segir í
kynningartexta verksins okkar: „Þú
hefur 40 mínútur til afslöppunar.
Nýttu þær vel, drífðu í því að slaka
eins vel á og þú mögulega getur.“
3. Það er ekki svo langt síðan að við
uppgötvuðum hvað útvarpið er
spennandi og skemmtilegur miðill
sem býður upp á ótal leiðir til að vinna
list út frá hljóði. Við erum meðvitaðar
um hvað það er gjöfult að nánast allir
landsmenn hafi tækifæri til þess að
upplifa verkið okkar. Undirbúningur
eða sköpun verka okkar fer yfirleitt í
gang vegna þess að eitthvað brennur
á okkur. Venjulega snúast spurningar
okkar um hvort við gætum e.t.v. haft
það betra, og þá hvernig. Og hvað er
þá betra en að geta útvarpað þess-
háttar vangaveltum til landsmanna?
Við vonum bara að sem flestir gefi sér
tíma til að halla aftur höfði, slaka vel á
líkamanum, loka augunum og hlusta.
1. Opið hús fjallar um fólk sem kemur að skoða hús, með ólíkar
væntingar, þarfir, drauma, þörf fyrir breytingar í lífinu, ótta og
o.s.frv. Húsið fer svo að hafa áhrif, m.a. í gegnum hljóðheim
sinn, á upplifun persónanna og verður til þess að þau fara öll í
nokkurs konar persónulegt ferðalag.
2. Mér hefur alltaf þótt heillandi að skoða hús og íbúðir. Maður
gengur inn í líf ókunnugs fólks og það er ýmislegt á sveimi í
húsum. Andrúmsloft í húsum finnst oft um leið og gengið er inn
í þau, sem sagt hús hafa sál. Ég átti drög að verki um opið hús
og þegar þess var farið á leit við mig af Listahátíð og Útvarps-
leikhúsinu að skrifa hljóðverk þá datt mér í hug að þetta efni
gæti verið tilvalið, mér fannst að það gæti sameinað hugmynd-
ina um spennandi hljóðheim og einhvern stað sem fólk gæti líka
komið á og orðið eins og hluti af verkinu, eins konar „site-
specific.“
3. Verkið er algerlega hugsað sem hljóðverk. Ég hugsaði um
hljóðheim húsa og hvernig hann hefur áhrif á fólk. Í verkinu
kallast á ólíkar raddir, minningar blandast saman við hugsanir.
Þetta er hugsað eins og hálfgerð músík, kakófónía af röddum.
Hrafnhildur Hagalín
Verkið er kakófónía af röddum
Þar sem gæðagleraugu kosta minna
ReykjavíkuRveguR 22 • S. 565 5970 • SjonaRholl.iS
SJÓNARHÓLL
4 VERÐ Á
UMGJÖRÐUM
19.900
14.900
9.900
4.900
Nú geta ALLIR keypt sér gleraugu
Sjónmælingar
á staðnum