Morgunblaðið - 11.06.2012, Blaðsíða 12
12 FRÉTTIRInnlent
MORGUNBLAÐIÐ MÁNUDAGUR 11. JÚNÍ 2012
G l æ s i b æ | Á l f h e i m u m 7 4 | 1 0 4 R e y k j a v í k | Þ j ó n u s t a á l a n d s b y g g ð i n n i | S í m i 5 6 8 6 8 8 0 | w w w. h e y r n a r t æ k n i . i s
Bókaðu tíma í fría heyrnarmælingu í síma 568 6880
og fáðu Intiga til prufu í vikutíma
Intiga eru ofurnett heyrnartæki og hönnuð með það fyrir augum að gera aðlögun að notkun
heyrnartækja eins auðvelda og hægt er. Hljóðvinnslan er einstaklega mjúk og talmál verður
skýrara en þú hefur áður upplifað.
Með Intiga verður minna mál að heyra betur í öllum aðstæðum!
*Í flokki bak við eyra heyrnartækja
sem búa yfir þráðlausri tækni og hljóðstreymingu
Heyrnartækni kynnir ...
Minnstu heyrnartæki í heimi*
Guðrún Sóley Gestsdóttir
gudrunsoley@mbl.is
Vorferð Jöklarannsóknafélagsins á
Vatnajökul og Grímsvötn var farin á
dögunum. Tilgangur ferðarinnar var
að rannsaka aðstæður í Gríms-
vötnum og framkvæma marg-
víslegar mælingar á Vatnajökli. „Í ár
eyddum við mestum tíma í að rann-
saka gíginn sem myndaðist í gosinu í
fyrra, sem var stærsta gos Gríms-
vatna að minnsta kosti síðan 1873,“
segir Magnús Tumi Guðmundsson,
fararstjóri ferðarinnar og prófessor
í jarðeðlisfræði við Háskóla Íslands.
Kortlögðu svæðið
Aðstæður til rannsókna í Gríms-
vötnum hafa batnað frá því sem var í
fyrra. „Við komumst í fyrsta skipti
niður í gíginn. Hann hefur verið und-
ir vatni alveg frá gosi og nú hefur
vatnsborðið loks lækkað þannig að
gígsvæðið var að mestu leyti á
þurru,“ segir Magnús. Aðstæður til
rannsókna á útbreiðslu gjóskulags
voru mjög erfiðar í fyrra. Í þessari
ferð voru frekari upplýsingar sóttar.
,,Í þessu gosi sjáum við í fyrsta
skipti stórt öskulag sem dreifist um
jökulinn og þekur um fjórðung hans.
Askan kemur víða upp úr jöklinum
og fýkur á snjóinn. Bráðnun eykst
og við reiknum með mjög mikilli
bráðnun á vestanverðum Vatnajökli
í sumar,“ segir Magnús Tumi.
Stóraukið öskufok verður þar að
auki á Austurlandi, í Fljótshverfi og
hálendinu en einnig Skeiðarársandi
og Skeiðarárjökli. Í þurrkatíð yrði
töluvert öskufok í sumar og jafnvel
lengur.
Áhrifin vara lengi
„Við verðum til að mynda vör við
þetta í Reykjavík, fólk tekur eftir að
bílarnir eru gjarnan rykugir stuttu
eftir að þeir eru þvegnir. Þá er um
að ræða ösku úr Grímsvötnum og
Eyjafjallajökli. Þessi áhrif munu
minnka með tímanum, en munu
verða einhver ár að hverfa,“ segir
Magnús. Tilgangur ferðarinnar var
margþættur, en einnig var sett
upp sjálfvirk veðurstöð í
Kverkfjöllum. „Tilgangur
hennar er að fólk geti vitað
hvernig veður er þar uppi,
en oft er þar mjög hvasst.
Fjöllin eru vinsæll ferða-
mannastaður og eykur veð-
urstöðin öryggi ferða-
manna á svæðinu.“
Öskufokinu er hvergi nærri lokið
Loks hægt að rannsaka gíginn í Vatnajökli eftir Grímsvatnagosið í fyrra Mikil bráðnun í sumar
Langvarandi áhrif gossins Öskufok talið minnka með tímanum en tekur einhver ár að hverfa
Ljósmynd/Magnús Tumi Guðmundsson
Drungi Austurhluti lónsins á gosstöðvunum í Grímsvötnum. Bátur sigldi
með dýptarmæli um lónið og var mesta dýpi tæplega 40 metrar.
„Í þessari ferð er blanda af vís-
indamönnum og sjálfboðaliðum
úr Jöklarannsóknafélaginu. Með
þessum ferðum næst hámarks-
árangur fyrir sem minnst-
an tilkostnað,“ segir
Magnús Tumi um vorferð-
ina sem farin er árlega.
,,Þetta er mjög áhugavert
fræðilega en líka bráð-
nauðsynlegt út frá al-
mannavarnarsjón-
armiði að þekkja alltaf
stöðuna á þessu
svæði.“ Landsvirkjun
og Vegagerðin styðja
við leiðangurinn.
Almanna-
varnir
VORFERÐ JÖKLARANN-
SÓKNAFÉLAGSINS
Magnús Tumi
Guðmundsson
Áslaug Arna Sigurbjörnsdóttir
aslaug@mbl.is
,,Ég er rosalega ánægð með mótið í heild sinni
og stolt af því hvað allir hlutir gengu vel. Sjálf-
boðaliðarnir sem koma að mótinu unnu gott
starf sem og íbúarnir sjálfir. Framkvæmd
UMSK á mótinu var því til sóma. Ánægjan
skein úr hverju andliti og veðrið lék við okkur
alla keppnisdagana. Öll dagskráin gekk upp og
það var gaman að sjá stórglæsileg dansatriði
sem settu skemmtilegan svip á mótið,“ sagði
Helga Guðrún Guðjónsdóttir, formaður Ung-
mennafélags Íslands.
2. Landsmóti UMFÍ 50 ára og eldri lauk í
Mosfellsbæ í gær og er það mál manna að vel
hafi tekist til og ljóst að þetta mót á bjarta
framtíð fyrir sér. Þátttakendum fjölgaði tölu-
vert milli ára en um 800 keppendur sóttu mótið
í Mosfellsbæ um helgina. Ljóst er nú þegar að
fjölmörg önnur sveitarfélög hafa áhuga á að
sækja um að halda næsta mót. Ákvörðun um
það verður tilkynnt á unglingalandsmótinu
sem haldið verður á Selfossi um versl-
unarmannahelgina.
Pönnukökubakstur og fjallahlaup
Á mótinu var keppt í 13 greinum sem voru
jafn mismunandi og þær voru margar. Þar má
nefna sprettþraut sem samanstóð af sundi,
hlaupi og hjólreiðum, þá var einnig keppt í
pönnukökubakstri og 37 km sjö tinda hlaupi
ásamt fleiri greinum.
„Fólk naut þess að vera á mótinu sem
hófst á föstudag og er ljóst að mótið er mikil
hvatning fyrir fólk á miðjum aldri til að hreyfa
sig. Á mótinu fær það tækifæri til að keppa við
jafnaldra sína, hittast og eiga góða stund sam-
an. Þessi mót eru orðin föst í sessi,“ segir Jón
Kristján Sigurðsson, kynningarfulltrúi UMFÍ.
800 keppendur tóku þátt í 13 greinum
Landsmóti UMFÍ 50 ára og eldri lauk í gær í blíðskaparveðri Mótið er orðið fast í sessi
Hvatning fyrir fólk á miðjum aldri að hreyfa sig Margir staðir hafa áhuga á að halda næsta mót
7 tinda hlaupið Fjölmargir tóku þátt og var hlaupið 37 km að lengd.
Ljósmyndir/Jón Kristján Sigurðsson
Pönnukökur Jóna Halldóra Tryggvadóttir sigraði í pönnukökubakstri.