Morgunblaðið - 11.06.2012, Blaðsíða 14

14 FRÉTTIRViðskipti | Atvinnulíf
MORGUNBLAÐIÐ MÁNUDAGUR 11. JÚNÍ 2012
Þjónustum allar
gerðir ferðavagna
Bílaraf
www.bilaraf.is
Strandgötu 75 • 220 Hafnarfjörður • Sími 564 0400 • bilaraf.is
Opnunartími verslunar í sumar: 8–18 virka daga, 10-14 á lau.
Tímapantanir
í síma 564 0400
Gott verð,
góð þjónusta!
Neyslu rafgeymir
fyrir ferðavagna 33.900 kr.
Umboðsaðilar
fyrir
Truma & Alde
hitakerfi
á Mover undir hjólhýsi
249.900 kr.
Tilboð
Tilboð áTruma E-2400
Gasmiðstöð
159.900 kr.
Tilboð
Truma Ultraheat - 220V
Rafhitun íTruma ofna
54.900 kr.
Mikið úrval
vara- og
aukahluta!
Ásgeir Ingvarsson
ai@mbl.is
Stjórnvöld á Spáni óskuðu á laug-
ardag eftir neyðaraðstoð til að
koma bankakerfi landsins til bjarg-
ar. Með þessu verður Spánn fjórða
ríkið á evrusvæðinu sem leita þarf
aðstoðar til að rétta af veiklað fjár-
málakerfi.
Fjármálaráðherra Spánverja,
Luis de Guindos, segir landið þurfa
allt að 100 milljarða evra aðstoð frá
Evrópusambandinu, eða sem jafn-
gildir yfir 16.000 milljörðum króna.
Sett í samhengi við íbúafjölda
Spánar nemur fjárþörfin um 2.100
evrum á hvern íbúa, sem er nálægt
340.000 kr.
Orðrómur hafði verið á kreiki
fyrir helgi, um að drægi til tíðinda
áður en ný vika hæfist.
Viðráðanlegur vandi?
Wall Street Journal hefur eftir
Guindos að ekki sé um „björgun“
að ræða. Segir hann mikla spennu
á mörkuðum en kveðst þess jafn-
framt fullviss að stuðningur við
banka landsins muni draga úr
vantrú markaða á bönkum Spánar.
Vitnaði hann í skýrslu frá Alþjóða-
gjaldeyrissjóðnum, AGS, sem gaf
til kynna að þarfir spænska banka-
kerfisins væru „viðráðanlegar“.
Skýrsla AGS sem birt var á
föstudag áætlar að spænska
bankakerfið þurfi um 40 milljarða
evra til að uppfylla alþjóðlega
staðla, komi til frekari efnahags-
áfalla. Mælingar AGS bentu til
þess að stærstu bankar Spánar
væru vel fjármagnaðir en aðrir
hlutar fjármálageirans stæðu verr
að vígi.
Forstjóri framkvæmdastjórnar
ESB, Jose Manuel Barroso og Olli
Rehn efnahagsmálastjóri fram-
kvæmdastjórnar ESB fögnuðu
ákvörðun spænskra stjórnvalda.
Sögðu þeir neyðaraðstoð við
bankakerfið til þess fallna að auka
tiltrú markaðarins á spænsku efna-
hagslífi og skilyrði mundu skapast
fyrir vöxt og atvinnusköpun.
Fjármálaráðherrar Frakklands,
Bandaríkjanna og framkvæmda-
stjóri AGS brugðust einnig á já-
kvæðan hátt við fréttunum frá
Spáni.
Þann 21. júni n.k. eiga spænsk
stjórnvöld von á sjálfstæðri úttekt
á stöðu banka landsins, sem talið
er að muni varpa skýrara ljósi á
fjárþörf fjármálageirans.
Reuters spáir því að bandaríski
hlutabréfamarkaðurinn muni verða
jákvæður á mánudag. Um vegleg-
an björgunarpakka sé að ræða sem
ætti að létta einhverju af þeim böl-
sýnisdrunga sem verið hefur á evr-
ópskum mörkuðum. Hefur fréta-
veitan eftir bandarískum
sérfræðingum að aðgerðir Spán-
verja dragi úr óróleika fjárfesta til
skemmri tíma.
Þarf Spánn 100 milljarða?
 Stjórnendur ESB, AGS og Bandarík-
in fagna ákvörðun Spánverja  Von á
að bandarískir markaðir bregðist vel
AFP
Flotholt Luis de Guindos, fjármálaráðherra Spánar, á fundi með blaðamönnum. Skýrsla AGS segir stærstu banka
landsins vel fjármagnaða en aðrir kimar fjármálageirans þurfi á stuðningi að halda.
Vonir standa til að íslenska leikjafyr-
irtækið CCP sendi frá sér leikinn
DUST 514 í haust. Ef marka má við-
tökur á E3 leikjaráðstefnunni gæti
leikurinn gert mikla lukku.
E3 ráðstefnan fór fram í liðinni
viku í Los Angeles og er sú stærsta
sinnar tegundar í heiminum. Leiddu
þar saman hesta sína allir helstu jöfr-
ar tölvuleikjaiðnaðarins. Í ljósi þess
hvað samkeppnin er hörð verður það
að teljast góðs viti að leikjaritið Pla-
yStation Official Magazine valdi
DUST 514 sem einn af tíu efnilegustu
og gróðavænlegustu leikjum ráð-
stefnunnar.
Í tilkynningu frá CCP segir að
dómnefnd leikjatímaritsins hafi verið
skipuð ritstjórum margra af stærstu
fjölmiðlum leikjageirans.
Ekki er þá allt upptalið því leikja-
vefurinn vinsæli IGN, sá stærsti á
vefnum í dag, valdi DUST 514 einn af
bestu skotleikjum ráðstefnunnar.
Lenti leikurinn þar í hópi með út-
gáfum á borð við Call of Duty Black
Ops 2, Crysis 3 og Halo 4 en búist er
við að sá síðastnefndi verði einn af
stærstu tölvuleikjum ársins.
Hluti af kynningarstarfi
„Við erum vitaskuld mjög ánægð
með þessa viðurkenningu og hún hef-
ur heilmikið að segja. Verðlaun af
þessum toga eru alls engin trygging
fyrir velgengni á markaði en er engu
að síður viðurkenning sem skiptir
miklu máli,“ segir Eldar Ástþórsson,
verkefnisstjóri markaðsdeildar CCP.
„Þetta er einn af mörgum liðum í
löngu ferli sem miðar að því að kynna
og markaðssetja leikinn, og afla hon-
um þeirrar athygli sem þarf til að
gangi vel á alþjóðamarkaði.“
CCP hefur opnað fyrir prufuað-
gang að DUST 514 og gengur vel.
„Áhugasamir geta sótt um að taka
þátt í prófuninni en þar hleypum við
inn takmörkuðu fjölda spilara bæði til
að prófa leikinn og eins reyna að kom-
ast að því hvort sníða þurfi af ein-
hverja vankanta, breyta og bæta,“
segir Eldar. „Viðbrögð spilara hafa
verið mjög góð heilt á litið, og við finn-
um að leikjaheimurinn bíður DUST
514 með mikilli eftirvæntingu.“
Tekjur með sölu viðbóta
DUST 415 verður fáanlegur ókeyp-
is á PlayStation 3 leikjavélum Sony og
er um að ræða n.k. framlengingu á
þeim spilunarheimi sem CCP hefur
skapað í fjölspilunarleiknum EVE
Online. Leikmenn berjast um land-
svæði, áhrif og auðlindir. Tekna verð-
ur aflað með sölu á varningi og við-
bótum í leiknum.
Fjölspilunarleikurinn EVE Online
hefur nú verið í gangi í 9 ár og áskrif-
endur að leiknum yfir 360.000 talsins.
Skilaði leikurinn tekjum upp á 66
milljónir dala á síðasta ári eða sem
jafngildir um 8,5 milljörðum króna.
Yfir líftíma leiksins til þessa er áætlað
að EVE hafi halað inn um 300 millj-
ónir dala, tæpa 39 milljarða króna.
EVE Online sker sig frá öðrum
sambærilegum fjölspilunarleikjum að
því leyti að leikmannafjöldinn hefur
vaxið með hverju árinu og gert er ráð
fyrir að vöxturinn muni halda áfram í
ár.
Hjá CCP starfa um 500 manns, þar
af u.þ.b. 300 í Reykjavik. Fyrirtækið
er einnig með stórar starfsstöðvar í
Shanghaí, Atlanta, og um 40 manna
teymi í Newcastle. DUST 514 hefur
að stærstum hluta verið smíðaður af
teyminu í Shanghai. ai@mbl.is
CCP gerir lukku vestra
 Leikurinn DUST 514 frá CCP fær byr undir báða vængi
 Í honum er barist um landsvæði, áhrif og auðlindir
Hasar Prufuspilanir á DUST 514
hafa farið vel af stað.
Samkeppniseftirlit Evrópusam-
bandsins mun gefa leitarvélarisan-
um Google frest fram í júlí til að
sýna fram á hvernig fyrirtækið
mun breyta viðskiptaaðferðum sín-
um, og þannig loka rannsókn sem
snúist hefur um meinta misnotkun
á markaðsaðstöðu.
Reuters hefur eftir sérlegum
samkeppnisverði ESB, Joaquin
Almunia, að hann vilji gefa fyr-
irtækinu tækifæri til að leggja fram
tillögur sem komið gætu í veg fyrir
langdregin málaferli. „Í byrjun júlí
ætlast ég til þess að fá skýr merki
frá Google um að fyrirtækið vilji
skoða þessa lausn,“ sagði hann.
„Ég trú því innilega að bæði neyt-
endur og keppinautar muni hagnast
best á að málið fái skjóta lausn.“
Almunia sendi Google erindi 21.
maí s.l. þar sem teknar voru saman
helstu niðurstöður 18 mánaða rann-
sóknar á viðskiptaháttum fyrirtæk-
isins. Meðal þess sem ESB finnur
Google til foráttu er að hafa í
leitarniðurstöðum hampað eigin
vörum umfram lausnir keppinaut-
anna.
Google hefur staðfastlega neitað
ásökunum um að brjóta evrópsk
samkeppnislög.
ai@mbl.is
ESB vill sjá breytingar hjá Google
 Fá frest fram í júlí til að leggja fram tillögur