Morgunblaðið - 14.06.2012, Síða 18

18 FRÉTTIRInnlent
MORGUNBLAÐIÐ FIMMTUDAGUR 14. JÚNÍ 2012
Viðar Guðjónsson
vidar@mbl.is
„Eitt sinn komu hingað japanskir
golfarar og spiluðu í miðnætursól-
inni. Sólarlagið var afar fallegt og
það dró þá frá golfinu. Við þurftum
því að gjöra svo vel og bíða með
leik á mótinu á meðan þeir lágu í
grasinu og hoppuðu upp á kletta til
þess að mynda sólarlagið. Þetta
fannst sumum kúnstugt,“ segir
Ómar Pétursson formaður Arctic
Open nefndarinnar.
Arctic Open golfmótið fer fram
þann 28. júní á Jaðarsvelli á
Akureyri. Mótið verður haldið í 26.
sinn og vekur gjarnan mikla hrifn-
ingu þeirra sem það sækja enda
aðstæður ólíkar því sem flestir eiga
að venjast. Leikið er á bjartri sum-
arnóttu og ljúka síðustu keppend-
urnir leik um hálf þrjú að nóttu til.
Að sögn Ómars munu 30-40 út-
lendingar koma hingað til lands
gagngert til þess að taka þátt í
mótinu.
Í ár verða 180 þátttakendur í
mótinu sem ræst er út í tveimur
hópum, klukkan 16 og 21.30. Leikið
er í tvo daga og víxlast rástímar
eftir dögunum. Á laugardagskvöld-
inu er svo hátíðarkvöldverður og
verðlaunaafhending.
Kvarta ekki undan veðri
Erlendu keppendurnir koma frá
Bandaríkjunum, Ítalíu, Bretlandi
Danmörku og Frakklandi, og hafa
þeir flestir frétt af mótinu í gegn-
um aðra sem hingað hafa komið.
„Orðsporið sem fer af mótinu veg-
ur hvað þyngst og undantekn-
ingalaust eru þeir sem á mótið
mæta mjög ánægðir með
móttökurnar,“ segir Ómar.
Engar lágmarkskröfur eru gerð-
ar til keppenda og geta golfarar af
öllum getustigum tekið þátt.
Kunnugir segja að völlurinn
komi vel undan vetri en aðal-
óvissan fylgir veðrinu dagana sem
spilað er. „Við höfum rekið okkur á
það að útlendingarnir eru ekki að
kippa sér upp við það þó veðrið sé
leiðinlegt. Þeir vita að það er ým-
issa veðra von á Íslandi og hafa
aldrei kvartað þó kalt sé í veðri,“
segir Ómar
Mikilvægur
styrktarsamningur
Skipuleggjendur hafa unnið að
markaðssetningu á mótinu undan-
farin ár og að sögn Ómars er
stefnt að því að um helmingur
keppenda verði útlendingar áður
en langt um líður.
Fyrirspurnum frá útlöndum um
mótið hefur fjölgað mjög og þakk-
ar Ómar samstarfssamningi Sun
Mountain í Bandaríkjunum þessa
auknu athygli. Sun Mountain er
einn stærsti framleiðandi
golffatnaðar og golfkerra í heimi.
Fyrirtækið er nú einn aðal-
styrktaraðili mótsins og auglýsir
það í sínu markaðsstarfi. Sun
Mountain mun gefa teiggjafir á
mótinu, vandaðan og veglegan
fatnað.
Endurbætur á vellinum
Golfvöllurinn að Jaðri er í frá-
bæru ástandi og verður betri með
hverjum deginum sem líður. Í vet-
ur var unnið að breytingum á
nokkrum holum vallarins, meðal
annars á 4. holu, sem af mörgum
er talin fallegasta par þrír hola
landsins. Þessar breytingar verða
komnar í gagnið nokkru fyrr en
ráð var fyrir gert vegna góða veð-
ursins sem verið hefur í sumar.
Alla tíð hefur verið lagður mikill
metnaður í að hafa völlinn í full-
komnu ástandi þegar mótið fer
fram.
Mótsgjaldið er 26.000 kr og er
enn hægt að skrá sig í mótið.
Miðnæturgolf Á Arctic Open er leikið golf fram á miðja nótt. Þegar bjart er í veðri getur sjónarspilið verið magnað eins og kylfingarnir á meðfylgjandi mynd fengu að kynnast. Mótið fer fram 26.
júní og er haldið í 26. sinn. Búist er við 30-40 útlendingum á mótið. Jaðarsvöllur á Akureyri er með besta móti eftir góða tíð að undanförnu.
Hættu til að mynda sólarlagið
 Arctic Open haldið í 26. sinn  Golf spilað að nóttu til  Útlendingar kvarta ekki undan veðri
 Engar lágmarkskröfur gerðar til keppenda  Nýendurbættur Jaðarsvöllur í frábæru ástandi
Arctic open var fyrst haldið árið
1986. Í upphafi var einungis
keppt í einum flokki, með for-
gjöf en frá árinu 1987 hefur ver-
ið keppt í tveimur flokkum, með
og án forgjafar. Það ár var at-
vinnumönnum í fyrsta sinn boð-
in þátttaka og mótið um leið
gert að alþjóðlegu golfmóti. Ár-
ið 2002 var bætt við verðlaun-
um fyrir besta árangur í kvenna-
og öldungaflokki án forgjafar.
Þetta er 36 holu golf þar sem
leikið er eftir Stableford
punktakerfi.
Mótið haldið
í 26. sinn
ARCTIC OPEN FRÁ 1986
Jón Sigurðsson
Blönduósi | Á Heimilisiðnaðarsafn-
inu á Blönduósi hefur verið opnuð
sýning Írisar Ólafar Sigurjóns-
dóttur textíllistakonu á verkum
sem unnin eru úr efnisbútum,
hekluðum milliverkum, dúllum og
dúkum.
Að sögn Elínar Sigurðardóttur,
forstöðukonu safnsins, þá hefur
allt frá því nýja safnhúsið var tekið
í notkun árið 2003 verið sett upp
ný sérsýning textíllistamanns á
hverju vori.
Íris Ólöf stundaði textílkenn-
aranám í Noregi og framhaldsnám
i textílforvörslu í London. Auk
þess hefur hún bætt við sig fjölda
námskeiða í textílfræðum. Hún
hefur unnið sem búningahönnuður
og stílisti við leikhús, sjónvarp og
kvikmyndir en lengst hefur hún
starfað á sviði minjavörslu sem
textílforvörður, fyrst á Árbæjar-
safni en frá árinu 2002 við minja-
safnið á Hvoli á Dalvík. Samhliða
starfar Íris sem textílhönnuður og
rekur eigin vinnustofu þar sem
hún vinnur einkum með ull og
silki, perlur og pappír.
Fjölmenni var við opnunina og
fluttu Íris og eiginmaður hennar,
Hjörleifur Hjartarson, nokkur lög
fyrir gesti. Kaffi og kleinur voru í
boði á eftir sem og ómæld veð-
urblíða og frekari tónlistarflutn-
ingur.
Heimilisiðnaðarsafnið verður op-
ið alla daga í sumar til 31. ágúst
frá kl. 10 til 17.
Morgunblaðið/Jón Sigurðsson
Opnunin Íris Ólöf kynnti verk sín af
innlifun fyrir gestum safnsins.
Bútar úr fortíð
 Íris Ólöf
Sigurjónsdóttir
sýnir á Blönduósi
HAMRABORG 10, KÓPAVOGI – SÍMI: 554 3200 – OPIÐ: VIRKA DAGA: 9-18, LAUGARDAGA: 11-14
,
MIKIÐ ÚRVAL AF UMGJÖRÐUM
SJÓNMÆLINGAR– LINSUMÁTANIR
TRAUS
T
OG GÓ
Ð
ÞJÓNU
STA
Í YFIR 1
5 ÁR
T I L B O Ð
GLERAUGU
FRÁ 19.900,-
DAGLINSUR
FRÁ 2.500,-
PAKKINN