Morgunblaðið - 14.06.2012, Blaðsíða 26

26 UMRÆÐAN
MORGUNBLAÐIÐ FIMMTUDAGUR 14. JÚNÍ 2012
Listaverkefnið
Ferskir vindar í
Garði eru í fullum
gangi í Garðinum,
suður með sjó. Það er
í annað sinn sem
þetta metnaðarfulla
verkefni er haldið, en
að þessu sinni eru 40
erlendir listamenn
þátttakendur auk
fjölda íslenskra sem
koma og eru með til lengri og
skemmri tíma. Verkefnið stendur
yfir frá 20. maí sl. og lýkur 24.
júní nk. Sýningar listamanna hefj-
ast 16. júní nk. og standa yfir út
sumarið.
Þetta er í annað sinn sem
Ferskir vindar eru haldnir og
telja verður að verkefnið sé með
alstærstu listaverkefnum á land-
inu þrátt fyrir að í Garði búi að-
eins um 1500 manns. Það var því
töluvert átak að koma því af stað í
desember 2010 og fá
íbúa í Garði til að
trúa því að við værum
nógu öflugt samfélag
til að takast á hendur
jafn stórt verkefni.
Halda úti í 4-6 vikur á
fimmta tug erlendra
listamanna í fæði og
húsnæði og vera þeim
innan handar með að-
föng og efni til að
vinna að list sinni.
Á Sólseturshátíð
Garðmanna sumarið
2010 afhjúpaði hr. Ólafur Ragnar
Grímsson, forseti Íslands, lista-
verkið „Í faðmi vindanna“ eftir
Mireyu Samper og Víði Árnason,
upphafsfólkið að Ferskum vindum
í Garði. Listaverkið var gjöf
þeirra til íbúa í Garði og tákn þess
hvað listin og samfélagið væru
samofin. Fjöldi Garðmanna hlýddi
á forseta sinn þegar hann ræddi
um listina, mannlífið og þann
metnað sem Garðmenn ætluðu að
sýna landsmönnum með því að
bjóða stórum hópi erlendra og ís-
lenskra listamann í Garðinn til að
vinna að list sinni í samstarfi við
skólabörn, listafólk í bænum og
bæjarbúa almennt. Verða vett-
vangur listviðburðar á alþjólegum
mælikvarða.
Það var eftirtektarvert hvernig
forsetinn blés í glæður vonar og
stolts bæjarbúa yfir þeim metnaði
sem samfélagið ætlaði að sýna
með því að ráðast í Ferska vinda í
Garði. Með þekkingu sinni á sögu
Garðsins og Suðurnesja fléttaði
hann saman lífsbaráttu fólksins í
Garðinum, atvinnuháttum fyrr og
nú ásamt nýrri sýn á mikilvægi
Ferskra vinda fyrir trú samfélags-
ins í Garði á eigin getu. Það má
með sanni segja að forsetinn hafi
blásið lífi í verkefnið og hann hreif
íbúa Garðs með sér eins og sannur
leiðtogi sem gerir gæfumuninn
þegar mest á reynir. Eftirleik-
urinn varð auðveldari fyrir okkur
sem vorum að vinna trú fólksins á
því sem við vorum að undirbúa.
Forsetahjónin hafa sýnt Fersk-
um vindum í Garði stuðning í
verki og greitt götu þess þegar
eftir hefur verið leitað. For-
setafrúin, Dorrit Mousaieff, er
verndari verkefnisins og hefur
sem slík tekið þátt í undirbúningi
verkefnisins og fylgst með af at-
hygli og komið á samböndum sem
skipt hafa verkefnið máli. Forseti
og forsetafrú, sem þannig hafa
tekið í árarnar með fólkinu í Garði
sem virkir þátttakendur í verkefni
þess og blásið okkur í brjóst trú á
eigin getu, eru mikilvægur þáttur
í starfi forsetaembættisins sem
skiptir samfélagið allt máli.
Ferskir vindar í Garði
og forsetahjónin
Eftir Ásmund
Friðriksson » Ferskir vindar í
Garði eru með al-
stærstu listaverkefnum
á landinu þrátt fyrir að í
Garði búi aðeins um
1500 manns.
Ásmundur Friðriksson
Höfundur er fv. bæjarstjóri i Garði.
Í Morgunblaðinu
þann 9. júní sl. birtist
yfirlýsing frá um-
hverfisráðuneytinu
vegna bréfs, sem ég
skrifaði ráðuneytinu
þann 6. þ.m. þar sem
ég taldi mér bæði
rétt og skylt að
benda á brotalamir í
vinnubrögðum ráðu-
neytisins og Um-
hverfisstofnunar við
nýjar reglur um verklegt skotpróf
hreindýraveiðimanna. Þrætubók í
lögfræði er ekki aðalatriðið. Það er
engu að síður ljóst, að lagaheim-
ildin, sem ráðuneytið vísar til, var
sett í lög 1994 og felur því ekki í
sér heimild til að setja reglugerð á
grundvelli laga, sem sett voru sjö
árum seinna, árið 2011. Það er
a.m.k. vægast sagt mjög vafasamt.
Þá vil ég benda á, að gamla heim-
ildin frá 1994 var veitt ráðuneyt-
inu. Nú er það Umhverfisstofnun
en ekki ráðuneytið, sem setur
seint og um síðir þessar umdeildu
reglur með blessun (?) ráðuneyt-
isins. Er þetta löglegt? Er þetta
siðlegt? Ég læt mér nægja að vísa
til þess, sem kom fram í bréfi
mínu til ráðuneytisins 6. júní.
Þá er í Morgunblaðinu haft eftir
formanni Skotveiðifélags Íslands,
að skotpróf auki veiðisiðferði. Er
þetta rétt haft eftir? Ég skil ekki,
hvað skotpróf hefur með veiðisið-
ferði að gera. Skotpróf sannar í
besta falli hæfni manns til að
skjóta í mark. Skotpróf sannar lít-
ið um hæfni til að veiða með skot-
vopni, það sannar ekkert um veiði-
siðferði manns.
Veiðisiðferði og hæfni til að
skjóta á lifandi bráð verður ekki
bætt með fleiri lagaboðum né
flóknum og illskiljanlegum reglu-
gerðum. Ég er sannfærður um, að
slíkt dregur úr veiðisiðferði, hafi
það einhver áhrif.
Leiðsögumaður með hrein-
dýraveiðum á að meta hæfileika og
siðferði veiðimanns í hverju tilfelli.
Hann á að fylgja veiðimanni á
veiðislóð, finna dýr fyrir hann og
fylgja honum þangað, sem hann
kemst í skotfæri. Hann á að vera
til taks og fylgjast með veiðimann-
inum, þegar hann skýtur og vera
tilbúinn að fella dýrið, ef veiði-
manni mistekst og særir dýrið.
Það er veiðisiðferði.
Þannig kynnist góður leið-
sögumaður veiðimanninum, sið-
ferði hans og hæfni. Leið-
sögumaður tekur síðan ákvörðun
um, hvort hann telur
veiðimanninn uppfylla
þær kröfur, sem gera
verður. Ef veiðimað-
urinn uppfyllir ekki
þær kröfur, er það
mat leiðsögumannsins,
hvort hann fylgir oftar
þeim veiðimanni. Það
er veiðisiðferði.
Leiðsögumaður,
sem hefur fylgt sama
veiðimanninum
2-3svar sinnum, jafn-
vel 10-20 sinnum, hef-
ur ekkert gagn af niðurstöðum
skotprófs.
Veiðimaður á sjálfur að eiga
a.m.k. eitt löglegt vopn til hrein-
dýraveiða. Það er veiðisiðferði.
Hann á að þekkja það vel. Hann á
að þekkja hæfni sína til að skjóta
með því. Ekkert er eðlilegra en
veiðimaður eigi 2 vopn og hafi þau
bæði með sér til veiða. Margt get-
ur komið upp á, sem gerir þetta
nauðsynlegt, og þá er „löggilding“
á einu vopni fyrir hverja veiðiferð
gagnslaus.
Veiðimaður umgengst vopn sín
mikið, handleikur þau mikið, hirðir
þau og hreinsar og fer oft til að
reyna þau og hæfni sína. Það er
veiðisiðferði.
Guðfaðir minn í meðferð skot-
vopna, hreindýraveiðum o.fl., Þor-
steinn S. Thorarensen, sem allt
vissi um skotvopn, innprentaði
mér þetta. Hann sagði við mig:
„Undirbúningur tekur ár“, þegar
hann (haustið 1962) bauð mér að
koma með sér á hreindýraveiðar
haustið 1963. Þetta var svolítið ýkt
hjá honum, en ekki fjarri lagi. Við
fórum ótal ferðir upp í Leirdal til
að æfa okkur áður en við héldum
til veiða í ágúst 1963. Við tókum
ekki próf.
Ég læt þetta nægja að sinni. Ég
skrifa þetta í þeirri von, að ein-
hver taki mark á veiðimanni, sem
hefur farið 30 sinnum til hrein-
dýraveiðaveiða síðan 1963 og fellt
nánast öll sín dýr með einu skoti,
án þess að taka próf. Starfsmenn
ráðuneytisins og Umhverfisstofn-
unar taka ekki mark á mér.
Hreindýraveiði,
skotpróf og siðferði
Eftir Axel
Kristjánsson
Axel
Kristjánsson
» Skotpróf sannar lítið
um hæfni til að veiða
með skotvopni, það
sannar ekkert um veiði-
siðferði manns.
Höfundur er lögmaður og fyrrverandi
hreindýraveiðimaður.
- nýr auglýsingamiðill
 569-1100finnur@mbl.is
Bréf til blaðsins
Það virðist gæta nokkurs misskiln-
ings í umræðum um launakjör Þóru
Arnórsdóttur, hætti hún störfum
sem forseti eftir fjögra, átta eða tólf
ára setu á forsetastóli. Hið sanna er
að hún fengi 6 mánaða biðlaun eftir
að hún lyki störfum og venjuleg eft-
irlaun, þegar eftirlaunaaldri væri
náð. Þetta er í samræmi við lög, sem
sett voru 2009. Sá misskilningur er
og uppi að hún ætli að taka sér langt
fæðingarorlof. Hið sanna er að hún
mun taka við embætti 1. ágúst og
sinna því á hefðbundinn hátt.
Ég lít svo á að nú sé eðlilegt að
kjósa konu til forseta eftir að karl-
maður hefur sinnt því embætti í 16
ár. Í þessu landi býr fólk af báðum
kynjum og hérlendis er jafnrétti í
hávegum haft. Ég hef verið búsett í
Þýskalandi um áratuga skeið og mér
er mjög í minni opinber heimsókn
Vigdísar Finnbogadóttur til Þýska-
lands árið 1987. Til þess var tekið í
þýskum fjölmiðlum hve Vigdís væri
glæsilegur fulltrúi íslensku þjóð-
arinnar. Nú stendur okkur Íslend-
ingum til boða að fá annan slíkan
fulltrúa þar sem Þóra Arnórsdóttir
er. Hún er greind kona með mikla
útgeislun, vel menntuð og hefur
góða reynslu í að koma fram á op-
inberum vettvangi og á auðvelt með
að ræða við fólk. Sem forseti verður
hún landi og þjóð til sóma.
VILBORG AUÐUR
ÍSLEIFSDÓTTIR BICKEL,
sagnfræðingur.
Misskilningi eytt
Frá Vilborgu Auði
Ísleifsdóttur Bickel
Ársalir fasteignamiðlun og fyrirtækjasala
Ef þú vilt selja, leigja eða kaupa fasteign eða selja
eða kaupa fyrirtæki í rekstri, hafðu samband.
Ársalir
FASTEIGNAMIÐLUN
Engjateigi 5, 105 Rvk
533 4200
Ársalir ehf fasteignamiðlun
533 4200 og 892 0667
arsalir@arsalir.is
Engjateigi 5, 105 Rvk
Björgvin Björgvinsson, löggiltur fasteignasali
Úrval af rómantískum vörum fyrir bústaðinn og heimilið
Dalvegi 16a - Rauðu múrsteinshúsunum, 201 Kópavogi
S. 517 7727 - nora.is - Opið: mán-fös 12:30 - 18:00