Morgunblaðið - 12.09.2012, Blaðsíða 1

M I Ð V I K U D A G U R 1 2. S E P T E M B E R 2 0 1 2
 Stofnað 1913  213. tölublað  100. árgangur 
MÁLAR PRESTA
OG KÓRA FYRIR
KIRKJUNA SÍNA
BENSÍNIÐ HEFUR
HÆKKAÐ UM 15
KR. FRÁ JÚLÍ
KJÖRINN BESTI
KVENNAÞJÁLFARI
HEIMS Í HANDBOLTA
ÓVISSA Á MÖRKUÐUM 6 ÞÓRIR HERGEIRSSON ÍÞRÓTTIRÍSAK ÓLI 10
Viðar Guðjónsson
vidar@mbl.is
„Okkur finnst þessar skattahækkanir vera
hrein ögrun við atvinnulífið. Við höfðum búist
við því að tryggingagjald myndi lækka í takt
við minna atvinnuleysi og minni útgjöld At-
vinnuleysistryggingasjóðs. Frá því var gengið
þegar við gerðum kjarasamninga. Nú ber svo
við að ríkisstjórnin ætlar ekki að lækka trygg-
ingagjaldið, hún lækkar atvinnutrygginga-
gjaldið en hækkar almennt tryggingagjald.
Ein veigamesta forsenda kjarasamninganna er
því beinlínis brotin,“ segir Vilhjálmur Egils-
son, framkvæmdastjóri Samtaka atvinnulífs-
ins, um fjárlagafrumvarpið fyrir árið 2013.
Hann telur einnig að aðrar skattahækkanir
muni verða atvinnulífinu erfiðar. Nefnir hann
ferðaþjónustuna sérstaklega og telur að fyr-
irhugaðar hækkanir vörugjalda á bílaleigubíla
og hækkun virðisaukaskatts á gistinætur muni
reynast ferðaþjónustunni þungar. Hann gagn-
rýnir jafnframt fyrirhugað skattþrep á laun í
fjármálaþjónustu. „Skatturinn er séríslenskt
fyrirbæri. Leggja á sérstaka skatta á laun í
einni atvinnugrein. Það eru engin rök sem
segja að það gildi eitthvað annað um þessa at-
vinnugrein en aðrar,“ segir Vilhjálmur.
Fyrir skömmu var settur á fót starfshópur
sem m.a. á að meta áhrif hækkunar virðisauka-
skatts á gistingu. Engu að síður er hækkun
virðisaukaskatts boðuð í fjárlagafrumvarpinu.
Erna Hauksdóttir, framkvæmdastjóri Sam-
taka ferðaþjónustunnar, hefur enn trú á því að
hætt verði við skattahækkunina. „Við höfum
þegar sýnt fram á að ríkissjóður muni tapa á
þessari hækkun. Ég á bágt með að trúa því að
meirihluti þingmanna muni samþykkja þessa
hækkun, þegar þeir hafa kynnt sér fyrirliggj-
andi gögn.“
MFrumvarp til fjárlaga 2013 »14-16
Stjórnvöld brjóta samninga
 Framkvæmdastjóri SA segir boðaða hækkun tryggingagjalds í fjárlagafrumvarpinu brjóta gegn
kjarasamningum  Framkvæmdastjóri SF trúir því varla að hækkun skatts á gistingu gangi eftir
Morgunblaðið/Golli
Þingsetning Oddný G. Harðardóttir fjár-
málaráðherra kynnti nýtt frumvarp í gær.
Ingvar P. Guðbjörnsson
ipg@mbl.is
Um 80 björgunarsveitarmenn voru
bændum til aðstoðar í Mývatnssveit í
gær við að bjarga fé úr fönn, en mörg
hundruð fjár voru á kafi í snjó eftir
óveðrið í fyrradag. Á sumum bæjum
nam fjárskaðinn tugum kinda. Á af-
réttum er óvitað um ástand þúsunda
fjár, í gærmorgun voru um 12.000 fjár
enn uppi á afréttarlöndum en nokkur
hluti þeirra náðist til byggða í gær.
„Við erum búin að finna sjö dauðar af
90. Við eigum eftir að finna sjö. Það er
verið að pota með prikum og leita eins
og í snjóflóðum,“ sagði Ingibjörg
Björnsdóttir, bóndi á Skútustöðum II
í Mývatnssveit. „Við erum búin að fá
rosalega góða hjálp í dag frá björg-
unarsveitum hérna í sveitinni, frá Ak-
ureyri og Ólafsfirði. Það er alveg
ótrúlegt að kindurnar komi lifandi.
Við erum búin að vera að grafa þær
upp lifandi úr þriggja metra djúpum
snjó,“ sagði Ingibjörg.
Gríðarlegt tjón varð hjá RARIK og
Landsneti á raflínum. „Ég held að
það séu um 150 staurar ónýtir,“ sagði
Pétur Vopni Sigurðsson hjá RARIK á
Akureyri. Unnið var í alla nótt að við-
gerðum. RARIK á Norðurlandi barst
í fyrradag liðsauki frá Suðurlandi og
Vesturlandi og menn frá Austurlandi
bættust við í gær. Um 50 starfsmenn
RARIK eru að störfum á NA-landi
við viðgerðir auk vélamanna og björg-
unarsveitarmanna. Ráðgert er að raf-
magn verði komið á á öllu svæðinu í
dag. »4 og 12
Þúsundum fjár enn ósmalað
og hundruð hafa drepist
Ljósmynd/Guðjón Vésteinsson
Fjárleitir Hér er fjöldi björgunarsveitarmanna við leit að lömbum í fönn á Skútustöðum í Mývatnssveit sem mörg voru lifandi á þriggja metra dýpi.
 Handtökuskip-
un hefur verið
gefin út á hendur
tæplega tvítug-
um karlmanni,
sem er grunaður
um morðið á ís-
lenskum pilti,
Kristjáni Hinrik
Þórssyni og fé-
laga hans John White III á bílastæði
fyrir framan verslun í borginni
Tulsa í Oklahoma-ríki í Bandaríkj-
unum á laugardaginn.
Maðurinn heitir Jermaine Jack-
son og er 19 ára gamall. Hann var
staddur við verslunina QuikTrip
aðfaranótt laugardags þegar þá
Kristján og White bar þar að. Orða-
skipti upphófust á milli Jacksons og
White sem enduðu með því að sá
fyrrnefndi dró upp byssu og skaut
inn í bílinn.
Handtökuskipun
vegna morðanna í
Tulsa í Oklahoma
 Tilboð um
svartan leigu-
bílaakstur koma
oft fram á haust-
in og eru jafnvel
auglýst á veggj-
um skóla, strætó-
skýla í mið-
bænum og víðar,
að sögn Ástgeirs
Þorsteinssonar, formanns Frama,
félags leigubifreiðastjóra.
„Þetta er náttúrlega ólöglegt.
Þetta er stundað eitthvað því miður
og getur verið varasamt fyrir far-
þega. Þeir vita ekkert út í hvað þeir
eru að fara,“ segir Ástgeir. Hann
bætir við að það loði við þá sem aki
svart að þeir taki yfirleitt hærra
gjald en leigubílstjórar með til-
skilin leyfi. »12
Varað við svörtum
akstri í borginni
Oddný G. Harðardóttir fjármálaráðherra
kynnti nýtt fjárlagafrumvarp í gær. Sagði
hún þáttaskil eiga sér stað í þróun ríkisfjár-
mála og nú væri siglt örugglega upp úr
kreppunni. Lagði hún áherslu á að ekki
væri gert ráð fyrir miklum skattkerfisbreyt-
ingum á næsta ári og þau aðhaldsmarkmið
sem sett hefðu verið væru hófleg.
Í frumvarpinu er gert ráð fyrir að skatt-
tekjur aukist um 29 milljarða. Byggt er á að
auknir skattar og tekjur af auðlindum skili
sér í ríkissjóð á komandi fjárlagaári. Gert er
ráð fyrir hallarekstri upp á 2,8 milljarða
króna. omfr@mbl.is
Siglt úr kreppunni
HALLAREKSTUR 2,8 MILLJARÐAR