Morgunblaðið - 12.09.2012, Blaðsíða 30
30 MENNING
MORGUNBLAÐIÐ MIÐVIKUDAGUR 12. SEPTEMBER 2012
Skoðaðu úrvalið
www.jens.is
Kringlunni og
Síðumúla 35
Brúðkaup 2012
Persónuleg þjónusta
og mikið úrval
Íslensk hönnun
og handverk
Salattöng 13.900.-
Eilífðarrósin, skúlptúr til í tveimur stærðum
lítil rós 41.500.-
stór rós 44.800.-
Úrval morgungjafa
Handsmíðaðir hringar
úr 14 karata gulli með
hvítagullshúðaðri rönd
149.900.- parið
Settu upp óskalista
hjá okkur og fáðu
15% af andvirði
þess sem verslað er
fyrir í brúðkaupsgjöf
frá Jens!
Borðbúnaður og
skúlptúrar
úr eðalstáli, skreytt
íslenskum steinum
Ostahnífur
7.900.-
Smjörhnífur
7.900.-
Barnasýningin Skrímslið litla syst-
ir mín heldur á sunnudag í víking
til Álandseyja þar sem verkið verð-
ur sýnt í Nordens Institut í Maríu-
höfn.
„Það er mikil stemning en orðið
var fullt á fyrstu tvær sýningarnar
og því búið að bæta við einni til
viðbótar,“ segir Helga Arnalds,
flytjandi og höfundur verksins.
Helga æfir sem stendur verkið
upp á sænsku en auk Íslands hefur
það einnig verið sýnt í Danmörku.
Var það sýnt í menningarhúsinu á
Íslandsbryggju í Kaupmannahöfn
auk þess sem það var einnig sýnt á
barnaleiklistarhátíðinni Spring
Festival þar í borg síðastliðið vor.
Þar var verkið sýnt á dönsku og
kom sér vel að leikstjóri Hildar og
meðhöfundur, Charlotte Böving, er
dönsk að uppruna.
Auk Álandseyja hefur verkinu
verið boðið á norræna leik-
húsmessu í Montreal í Kanada í
haust auk þess sem einnig stendur
til að sýna það í Færeyjum.
Aftur í Vatnsmýrina
„Fyrst munum við hins vegar
sýna það aftur í Norræna húsinu í
Vatnsmýrinni,“ segir Helga, en
færri komust að en vildu þegar
sýningum þar var hætt í vor.
„Litla skrímslið systir mín“ var
frumsýnt í febrúar síðastliðnum en
sýningin hlaut Grímuverðlaunin
sem besta barnaleiksýning ársins
2012. Segir verkið sögu af dreng
sem nýlega er orðinn stóri bróðir
lítillar systur. Er fylgst með honum
kljást við tilfinningarnar sem
vakna við slíka röskun á stöðu og
högum og glíman færð í ævintýra-
legan búning. Í sýningunni er ný-
stárlegum aðferðum beitt við að
segja söguna, þar sem m.a. er not-
ast við hvítan pappa í bland við leik
og tónlist Eivarar Pálsdóttur.
gunnhildur@mbl.is
Í víking Í verkinu er nýstárlegum aðferðum beitt við að segja söguna af
glímu drengs við að verða stóri bróðir, nokkuð sem ófá börn lenda í.
Íslensk barnasýn-
ing á Álandseyjum
Fer aftur á svið í Norræna húsinu
Ljósmynd/10 fingur
Gunnhildur Ásta Guðmundsdóttir
gunnhildur@mbl.is
Fyrsta breiðskífa hljómsveitarinnar
The Heavy Experience, SLOW-
SCOPE, er komin út. Áður hafði
sveitin gefið út samnefnda smáskífu
undir lok árs 2010. Báðar eru plötur
sveitarinnar gefnar út á vínyl en
geisladiskur fylgir einnig breiðskíf-
unni. Það er Kimi Records í sam-
vinnu við Úsland, útgáfufélag
hljómsveitarinnar, sem stendur að
útgáfunni.
Blúsuð drone-tónlist –
þung en djassskotin
The Heavy Experience hefur ver-
ið starfrækt frá árinu 2010. Hljóm-
sveitarmeðlimir eru fimm og koma
víða að af tónlistarsenunni. Hafa
þeir m.a. spilað með sóley, Carpet
Show, Ólafi Arnalds, Doctuz auk
annarra.
Ekki er hlaupið að því að fella
tónlist sveitarinnar í einhvern einn
flokk enda gætir þar ýmissa áhrifa.
Að sögn Tuma Árnasonar saxó-
fónleikara sækir sveitin innblástur
sinn víða. „Þetta er mjög blúsuð
drone-tónlist sem sækir samt inn-
blásturinn mjög víða að. Greina má
bæði ambient og gamlar rokksveitir
í bland við alls konar street djass og
noise,“ segir hann. „Þá erum við
líka með saxófóninn sem gefur enn
frekari skírskotun í djassinn en
þjónar í rauninni einnig tilgangi
söngvara eða slíkt,“ bætir hann við
en tónlist sveitarinnar er öll instru-
mental.
„Frekar en að við sækjum í eitt-
hvert eitt band varðandi stíl er það
frekar þessi lifandi fjölbreytileiki,
alltaf þessi spuni sem á sér stað og
spontant sköpun, sem við leggjum
rosalega mikið upp úr,“ segir hann.
Ólík verkefni
Að sögn Tuma er hljómsveitin
sem slík ekki svo fastmótuð. „Það er
engin bein föst meðlimaskipan,
þrátt fyrir að hún hafi haldist nokk-
uð stöðug frá upphafi. Hljómsveitin
sem slík hefur líka verið að vinna
mikið í ólíkum verkefnum, utan við
okkar hefðbundna tónleikahald, með
öðrum tónlistarmönnum“ segir
hann. Má þar m.a. nefna tónleika í
Bíó Paradís þar sem hljómsveitin
spilaði undir video listaverk eftir
Steinar Júlíusson. Þá spilar Bergrún
Snæbjörnsdóttir hornleikari til
dæmis með sveitinni á nýju plötunni.
OM á Gauknum og Airwaves
Framundan eru tónleikar á Gamla
Gauknum á næstu helgi þar sem The
Heavy Experience mun hita upp fyr-
ir bandarísku sveitina OM.
Þá styttist í útgáfutónleika hjóm-
sveitarinnar auk þess sem hún mun
spila á Iceland Airwaves í ár, þriðja
árið í röð. „Það verður eflaust stór-
skemmtilegt,“ segir Tumi að lokum.
Blúsuð blanda drone-
og djasstónlistar
Fyrsta plata sveitarinnar The Heavy Experience komin út
Vínyll Fyrsta breiðskífa The Heavy Experience, SLOWSCOPE, er komin út.
Weirdcore-kvöld verður haldið á
skemmtistaðnum Dolly, Hafnar-
stræti 4, annað kvöld og hefst það kl.
22. Á neðri hæð mun Dj Árni Vector
þeyta skífum en á efri hæð verður
tónlistarflutningur í höndum La La
Alaska, Thizone og Futuregrapher.
Weirdcore-hópurinn var stofn-
aður árið 2005 af Tanyu Pollock og
Rósu Birgittu Ísfeld. Stöllurnar
ákváðu að koma af stað raftónlist-
arkvöldi með lifandi tónlist til að efla
senuna, eins og segir í tilkynningu.
Á þessum tíma hafi margir verið ef-
ins um að hægt væri að halda mán-
aðarleg „live“ raftónlistarkvöld en
margir hafi beðið eftir næstu bylgju
og sífellt fleiri farið að setja saman
tónleikadagskrár og koma fram á
Weirdcore-kvöldum.
Árið 2006 fengu Tanya og Rósa til
liðs við sig raftónlistarmanninn
Sigurbjörn Þorgrímsson, þ.e. Bjössa
Biogen. Rósa var þá orðin afar upp-
tekin með hljómsveitum og Tanya
og Biogen héldu fyrstu raftónlistar-
kvöldin í sögu Iceland Airwaves og
gáfu út Weirdcore safndiska.
„Íslenska rafsenan hefur verið í
mikilli uppsveiflu síðan þá og alltaf
bætast við fleiri raftónlistarvið-
burðir og föst kvöld,“ segir í tilkynn-
ingu.
Bjössi Biogen lést í fyrra og lagði
Tanya þá Weirdcore niður um nokk-
urt skeið. Fyrir skömmu dreymdi
Tönyu Biogen og degi síðar var hún
beðin um að halda Weirdcore-kvöld
á Dolly og tók hún það að sér. Þá var
hún einnig beðin um að halda Weird-
core Dj-kvöld tvisvar í mánuði og
varð við þeirri beiðni. Weirdcore-
kvöldin hafa því verið endurvakin.
Morgunblaðið/Þorkell
Raftónlistarmaður Sigurbjörn
Þorgrímsson heitinn, Bjössi Biogen.
Weirdcore snýr aftur á
skemmtistaðnum Dolly