Morgunblaðið - 12.09.2012, Blaðsíða 2

SVIÐSLJÓS
Skúli Hansen
skulih@mbl.is
Alþingi var sett að nýju í gær. Eins
og vanalega hófst þingsetningin
með guðsþjónustu í Dómkirkjunni.
Óvenjumikill fjöldi þingmanna
mætti ekki til guðsþjónustunnar að
þessu sinni. Einhverjir þeirra
hlýddu á hugvekju, sem haldin var
á Hótel Borg á vegum Siðmenntar,
í stað þess að mæta til messu en
samkvæmt fréttatilkynningu frá
Siðmennt hlýddu níu þingmenn á
hugvekju félagsins að þessu sinni.
Þá kusu sumir þingmenn að mæta
ekki til guðsþjónustunnar af ótta
við að verða fyrir eggjakasti. Í við-
tali við MBL Sjónvarp í gær sagði
Oddný G. Harðardóttir fjármála-
ráðherra að hún hefði kosið að
ganga ekki yfir í Dómkirkjuna í
ljósi þess að síðasta þingsetning-
arathöfn, þar sem þingmenn voru
grýttir, hefði verið hræðileg upp-
lifun. Auk Oddnýjar kusu tveir aðr-
ir ráðherrar að sleppa guðsþjónust-
unni, Katrín Jakobsdóttir mennta-
málaráðherra og Svandís Svavars-
dóttir umhverfisráðherra. Á meðal
þeirra þingmanna sem voru í Al-
þingishúsinu á meðan á guðsþjón-
ustunni stóð voru Skúli Helgason,
Lúðvík Geirsson, Þór Saari, Jónína
Rós Guðmundsdóttir og Guðmund-
ur Steingrímsson.
Átta vantaði við ræðu forseta
Átta þingmenn voru ekki við-
staddir erindi Ólafs Ragnars
Grímssonar, forseta Íslands, við
þingsetninguna í gær. Samkvæmt
heimildum Morgunblaðsins voru
Ragnheiður Ríkharðsdóttir og Árni
Páll Árnason erlendis á vegum Al-
þingis. Þá var Kristján Þór Júl-
íusson veðurtepptur vegna slæms
veðurs á Norðurlandi en hann
mætti þó í þingsal þegar störf
þingsins hófust klukkan 16.00 í gær.
Björn Valur Gíslason var staddur á
Alþingi í gær en sat þó ekki inni í
þingsal á meðan á ræðu forsetans
stóð. Þá herma heimildir blaðsins
að Lilja Mósesdóttir hafi verið er-
lendis á eigin vegum en ekki er vit-
að hvers vegna Sigmundur Ernir
Rúnarsson, Álfheiður Ingadóttir og
Mörður Árnason voru ekki í þing-
salnum á meðan forsetinn flutti er-
indi sitt.
Einungis nokkrir tugir mótmæl-
enda mættu á Austurvöll í gær til
þess að mótmæla á meðan setning
Alþingis fór fram. Nokkrum hávaða
stafaði þó af mótmælunum en ein-
hverjir viðstaddra mótmæltu með
því að blása í dómaraflautur. Líkt
og áður var girðing sett upp fyrir
framan Alþingi til þess að halda
mótmælendum í skefjum en athygli
vakti að girðingin var nú staðsett
umtalsvert lengra frá Alþingi en áð-
ur. Þá stóðu mótmælin stutt yfir en
þingsetning hófst klukkan 13.30 og
um þrjúleytið hófust lögreglumenn
handa við að taka girðinguna niður.
Fjöldi þingmanna tók ekki
þátt í guðsþjónustunni í gær
 Átta þingmenn vantaði í þingsal er forsetinn flutti erindi sitt við þingsetningu
Morgunblaðið/Árni Sæberg
Þingsetning Forseti Íslands, biskup, vígslubiskup, dómkirkjuprestur og þingmenn nutu fylgdar þingvarða og óein-
kennisklæddra lögreglumanna á leið sinni milli Alþingishússins og Dómkirkjunnar við þingsetninguna í gær.
Morgunblaðið/Golli
Alþingi Steingrímur J. Sigfússon, atvinnuvegaráðherra og formaður
VG, hlýðir á forseta Íslands flytja ræðu sína í þingsölum í gær.
Morgunblaðið/Árni Sæberg
Mótmæli Friðsamleg og fámenn mótmæli
voru á Austurvelli við þingsetninguna.
2 FRÉTTIRInnlent
MORGUNBLAÐIÐ MIÐVIKUDAGUR 12. SEPTEMBER 2012
Morgunblaðið Hádegismóum 2, 110 Reykjavík. Sími 5691100 Fréttir Guðmundur Sv. Hermannsson, Sigtryggur Sigtryggsson, ritstjorn@mbl.is Viðskipti Agnes Bragadóttir, vidskipti@mbl.is Menning Pétur Blöndal menning@mbl.is Íþróttir Víðir
Sigurðsson sport@mbl.is mbl.is Guðrún Hálfdánardóttir, Sunna Ósk Logadóttir netfrett@mbl.is, Smartland Marta María Jónasdóttir, smartland@mbl.is Umræðan | Minningar | Bréf til blaðsins mbl.is/sendagrein Prentun Landsprent ehf.
Skúli Hansen
skulih@mbl.is
Menningar- og ferðamálaráð Reykja-
víkurborgar hefur samþykkt að láta
færa „Svörtu keiluna“, listaverk San-
tiago Sierra, frá sínum gamla stað fyr-
ir framan Alþingishúsið og á nýjan
stað á hellulögðu torgi á horni Kirkju-
strætis og Thorvaldsensstrætis.
„Skipulagsráð er búið að sam-
þykkja þennan nýja stað, þannig að
verkið er fært á stað sem er ekki inni á
Austurvelli,“ segir Einar Örn Bene-
diktsson, formaður mennta- og ferða-
málaráðs. Áður hefur komið fram í
fjölmiðlum að Sierra hafi sett það sem
skilyrði að gjöfin til borgarinnar yrði
áfram á Austurvelli.
Að sögn Hafþórs Yngvasonar, safn-
stjóra Listasafns Reykjavíkur, er
verkið nú geymt á lóð fyrirtækis í Ár-
bænum en hann segir kostnaðinn við
flutning verksins á nýjan stað nema
um 600-800 þúsund krónum. Hafþór
segir Sierra hafa sett þá skilmála að
listaverkið tengdist Alþingishúsinu
með beinum hætti. Einar Örn neitaði
því hins vegar að Sierra hefði sett
borginni einhver skilyrði um endan-
lega staðsetningu verksins.
Austurvöllur helgur staður
Fulltrúar Sjálfstæðisflokksins í
ráðinu, Marta Guðjónsdóttir og Ás-
laug María Friðriksdóttir, létu bóka
andmæli sín við því að verkinu væri
komið fyrir við Austurvöll. „Mér
finnst ekki ásættanlegt að Reykjavík-
urborg þiggi svona gjafir með skilyrð-
um,“ segir Marta Guðjónsdóttir,
varaborgarfulltrúi Sjálfstæðisflokks-
ins, og bætir við: „Austurvöllur er
helgur og sögufrægur staður þar sem
þjóðin kemur saman, þarna er Jón
Sigurðsson, okkar sameiningartákn
og þarna ættum við ekki að koma fyr-
ir sundrungartákni. Þegar menn
settu styttuna af honum þarna niður
þá var hugmyndin sú að þarna yrði
ekkert annað en gróður og styttan af
Jóni.“
Svarta keilan færð til
 Flutningur á listaverki Santiago
Sierra kostar um 600-800 þúsund krónur
Morgunblaðið/Ómar
Svarta keilan Forsætisnefnd Alþingis óskaði eftir því að Svarta keilan yrði
færð fyrir þingsetningu og er verkið því nú í geymslu á lóð í Árbænum.
Skannaðu kóðann
til að sjá viðtal við
fjármálaráðherra.
Í ræðu sinni við setningu Al-
þingis í gær lagði Ólafur Ragnar
Grímsson, forseti Íslands,
áherslu á mikilvægi þess að Al-
þingi endurheimti virðingu sína.
„Því er mikið í húfi, fyrir okkur
öll, þjóðina og stofnanir hennar,
að á komandi vetri verði tekið á
vanda Alþingis, leitað lausna til
að efla álit þess meðal almenn-
ings,“ sagði forsetinn í ræðu
sinni í gær. Þá lagði Ólafur
áherslu á mikilvægi þess að
meta ólík sjónarmið sem og að
átökum yrði að stilla í hóf ef
ætlunin væri að tryggja var-
anlegan árangur við að end-
urheimta virðingu þingsins.
Ásta Ragnheiður Jóhann-
esdóttir, forseti Alþingis, hóf
ávarp sitt við þingsetninguna í
gær á því að tilkynna að fram-
vegis færi setning Alþingis fram
annan þriðjudag í september.
Þá fjallaði hún í ræðu sinni um
störf rannsóknarnefnda á veg-
um Alþingis. „Við megum ekki
vera svo uppnumin af rannsókn-
arnefndum að við förum að líta
á þær sem bót allra meina,“
sagði Ásta Ragnheiður í ávarpi
sínu í gær.
Þá flutti Ásta einnig minning-
arorð um Þórarin Sigurjónsson,
fyrrverandi þingmann Fram-
sóknarflokksins, en hann lést
hinn 20. júlí síðastliðinn, átt-
ræður að aldri. Þórarinn sat á
Alþingi á árunum 1974 til 1987.
Alþingi þarf
að endur-
heimta virð-
ingu sína
FORSETI ALÞINGIS
VIÐ ÞINGSETNINGU
Ræða Ólafur Ragnar og Ásta
Ragnheiður Jóhannesdóttir.
Morgunblaðið/Golli
TF SIF, flugvél Landhelgisgæsl-
unnar, flaug yfir borgarísjaka 16
sjómílur norðaustur af Hornbjargi í
gær. Samkvæmt upplýsingum frá
Landhelgisgæslunni er sá stærsti
jafnframt fjærst frá landi. Hann er
160 metra breiður en ekki eru til-
tækar upplýsingar um hæð hans. Á
vef Veðurstofu Íslands kemur ein-
göngu fram að hann sé „mjög hár“.
Í kringum jakann, sér í lagi sunnan
við hann, eru smámolar sem ekki
koma fram í radar. „Þetta eru
fyrstu fréttir af ís þetta haustið,“
segir Árni Sigurbjörnsson hjá
Landhelgisgæslunni.
Ljósmynd/Guðmundur Guðmundsson
Hafís Borgarísjaki úti fyrir Hornbjargi.
160 metra breiður
borgarísjaki