Morgunblaðið - 12.09.2012, Blaðsíða 28
28 DÆGRADVÖL
MORGUNBLAÐIÐ MIÐVIKUDAGUR 12. SEPTEMBER 2012
Stjörnuspá
21. mars - 19. apríl
Hrútur Gefstu ekki upp á því að leggja góð-
um málstað lið þótt baráttan sé hörð og þér
finnist lítið miða áfram. Hafðu öll slík mál á
hreinu og talaðu út um hlutina.
20. apríl - 20. maí
Naut Þú gætir auðveldlega hneykslað fólk í
dag. Gættu þín á að vera ekki óþolinmóður
gagnvart þeim sem eru þér nákomnir. Ræddu
við maka þinn eða náinn vin í dag.
21. maí - 20. júní
Tvíburar Það er nauðsynlegt að lesa smáa
letrið ekki síður en aðalefni allra samninga.
Hafðu það í huga. Dagurinn mun bjóða þér
ýmsa raunhæfa möguleika.
21. júní - 22. júlí
Krabbi Vertu opin/n fyrir ráðleggingum vina
þinna í dag, sérstaklega þeirra sem eru eldri
og reyndari en þú. Og þá er bara að láta til
skarar skríða.
23. júlí - 22. ágúst
Ljón Þú þarft að hafa alla hluti á hreinu áður
en þú tekur ákvörðun í veigamiklum málum.
Allir sem þú talar við munu taka vel í hug-
myndir þínar og samþykkja það sem þú seg-
ir.
23. ágúst - 22. sept.
Meyja Þótt þú berir ábyrgð þýðir það ekki að
þú þurfir að gera allt sjálfur og megir ekki
þiggja aðstoð. Ef þú ætlar í ferðalag ættirðu
að fara eitthvað sem þú hefur farið áður.
23. sept. - 22. okt.
Vog Sumt er einfaldlega þess virði að maður
færi fórnir. Leyndarmálið við upprætingu
misréttis kynjanna er að einbeita sér að
sköpun og leiða annað hjá sér.
23. okt. - 21. nóv.
Sporðdreki Til þess að viðhalda sam-
böndum þurfa allir aðilar að leggja sitt af
mörkum. Það er engin ástæða til að hlaupa
upp til handa og fóta, þótt einhver gylliboð
séu í gangi.
22. nóv. - 21. des.
Bogmaður Af hverju ættir þú að flýta þér
þegar þú veist ekki hvert þú ert að fara?
Hægðu á þér, slappaðu af eða stoppaðu.
Gömul tækifæri munu reynast þér best.
22. des. - 19. janúar
Steingeit Aðstæður þróast með allt öðrum
hætti ef nýtt fólk kemur til skjalanna. Ef þú
ætlar að koma einhverju í verk í dag þarftu
að forðast alla truflun.
20. jan. - 18. febr.
Vatnsberi Ekki reyna að sannfæra aðra um
þitt sjónarmið núna. Byrjaðu á því að skipu-
leggja nánasta umhverfi þitt því þannig
nærðu best stjórn á hlutunum.
19. feb. - 20. mars
Fiskar Eitthvað kemur óvænt upp á og setur
þig í talsverðan vanda. Vertu opinn og for-
dómalaus þegar nýjungar banka upp á.
Ingibjörg R. Magnúsdóttir send-ir Vísnahorninu stórfróðlegt
og skemmtilegt bréf með minn-
ingabrotum frá FSA, Fjórðungs-
sjúkrahúsinu á Akureyri:
„Eitt sinn var þar fram-
kvæmdasamur hjúkrunardeild-
arstjóri, sem setti upp svohljóð-
andi áminningu í snyrtingu
sjúklinga: Munið að á milli klukk-
an eitt og tvö er hvíldartími. Þá
varð Þuru í Garði, sem þar var
sjúklingur, að orði:
Hvað er að heyra, hver er að banna,
hvar á að setja hrat?
Ef hvíldartími klósettanna
kemur á eftir mat.
Síðar var á FSA myndarlegur
kandídat, að nafni Tómas en kall-
aður Tumi. Þegar ég sá að
blómarósir sjúkrahússins renndu
til hans hýru auga varð mér að
orði:
Keppa þær um lífsins lán
lærðan, slyngan guma.
Eins og mý á mykjuskán
meyjar í kring um Tuma.
Þegar Systrasel, bústaður
hjúkrunarfræðinga, tók til starfa
sendi Jakob Ó. Pétursson, rit-
stjóri Íslendings, mér eftirfarandi
vísu, en hann orti undir dulnefn-
inu Peli:
Gaman væri í Systraseli
að sýna vott á hjartaþeli.
Gluggar hússins aldrei héli.
Hjartans kveðjur - Peli.
Mér þótti tilheyra að þakka
kveðjuna, en erfitt var að fá
hjúkrunarfræðinga til starfa og
ég vildi hafa varann á og sendi
honum því þetta vísukorn:
Langi þig í Systrasel
að sýna fagurt hjartaþel
komdu góði, gjörðu svo vel,
en gættu þess kæri Peli:
Að æðsta boðorð eg þar tel
að enginn frá mér steli.
Hér kemur að lokum vísa, sem
eignuð er hinum vinsæla lækni
þeirra Siglfirðinga Steingrími
Eyfjörð, en ef hún á ekki heima í
Mogganum mínum, þá sleppir þú
henni. Hún sýnir að það er ekki
tekið út með sældinni að vera
læknir.
Aum er okkar rulla
í þessu jarðlífi.
Annað hvort er það drulla
eða þá harðlífi.
Í von um að ég hafi ekki
hneykslað þig: Vertu margbless-
aður.“
Pétur Blöndal
pebl@mbl.is
Vísnahorn
Af Þuru í Garði,
hvíldartíma og harðlífi
Samskiptavefir leika stórt hlut-verk í lífi margra og þeir, sem
sniðganga þá með öllu eru eins og
móhíkanar í útrýmingarhættu. Vík-
verji hefur hreiðrað um sig á nokkr-
um þessara vefja og fær stöðugar
áskoranir um að láta til sín taka á
fleiri slíkum vefjum. Nú síðast barst
honum tölvupóstur frá félagsvefnum
Twoo, þar sem honum var bent á að
með því að skrá sig þar gæti hann
eignast tíu milljónir vina og það
ókeypis. Það er þó nokkur fjöldi, en
engu að síður eru þeir sýnu fleiri á
vefnum Facebook og hann er víst
ókeypis líka, þótt þar séu upplýs-
ingar um notendur notaðar til þess
að draga inn auglýsingatekjur.
x x x
Þótt Víkverji sé á Facebook ogfleiri vefjum er ekki þar með
sagt að hann sé atkvæðamikill. Hann
þekkir fólk, sem liggur heilu tímana
yfir Facebook og notar vefinn til
þess að ræða við vini og kunningja,
mæla sér mót og skipuleggja daginn.
Hinn óskipulagði Víkverji gerir ekk-
ert slíkt og er reyndar oft svo upp-
tekinn í raunheimum að hann kemur
ekki inn í netheim Facebook svo
dögum skiptir. Þegar hann fer inn er
hann síðan líkari gluggagægi en
þátttakanda, athugar hvað fólki ligg-
ur á hjarta, en skerst síður í leikinn.
Hann áttar sig þó á að þarna er hægt
að fylgjast með og vera í sambandi
við fólk, sem útilokað er að komast
yfir að heimsækja eða rækta utan
netheima. Vefir á borð við Facebook
hafa því ótvíræða kosti.
x x x
Víkverji getur hins vegar ekki aðþví gert að hann á erfitt með að
venjast tilhugsuninni um að setja
persónulegar upplýsingar inn á vef,
sem notar þær í ábataskyni. Ef ríkið
safnaði til sín upplýsingum með
þessum hætti færi allt á annan end-
ann. Hrollvekjur hafa verið skrif-
aðar um upplýsingahauginn, sem
austur-þýska öryggislögreglan,
Stasi, sankaði að sér um borgarana á
tímum kalda stríðsins með þrotlaus-
um njósnum. Á Facebook mokar fólk
upplýsingum um sjálft sig inn á vef-
inn. Þannig hljóta forsprakkar Stasi
að hafa gert sér himnaríki í hugar-
lund. víkverji@mbl.is
Víkverji
Guð vonarinnar fylli yður öllum fögn-
uði og friði í trúnni svo að þér séuð
auðug að voninni í krafti heilags
anda. (Rómverjabréfið 15:13)
Suðurlandsbraut 50 (Bláu húsin við Faxafen) ◊ 108 Reykjavík ◊ Sími 588 4499 ◊ mostc.is ◊ Möst.C
Opið alla virka daga 11-18 og laugardaga frá 11-16
Tískuvöruverslun fyrir konur á öllum aldri
NÝJAR VÖRUR Í HVERRI VIKU
eftir Jim Unger
„HANN FÆR SVO ROSALEG
MÍGRENISKÖST.“
HermannÍ klípu
„GUÐ HJÁLPI ÞÉR.“
eftir Mike Baldwin
Ferdinand
Hrólfur hræðilegi
Grettir
...að finnast hann alltaf
vera þér við hlið.
SKATTHEIMTUMAÐUR
KONUNGSINS
VERÐUR AÐ BÍÐA
ÞAR TIL ÉG ER
BÚIN HÉR ...
SEGÐU HONUM
AÐ KOMA INN OG
FÁ SÉR SÆTI.
HANN SEGIST
FREKAR VILJA
BÍÐA ÚTI!
„KÆRA
HUNDAHORN ...“
„HVER VILL FARA Í
GÖNGUTÚR?“
VIÐ MUNUM HAFA
SAMBAND VIÐ ÞIG
MEÐ RÉTT SVAR.