Morgunblaðið - 12.09.2012, Blaðsíða 11

Morgunblaðið/Kristinn
hann málað myndir af múmínálf-
unum, Barbapapafjölskyldunni,
Lúlla og fleirum. „Við höfum unnið
í því að brjóta upp endurtekn-
inguna, fá hann til að takast á við
ný viðfangsefni og mála myndir úr
eigin hugarheimi. Árangurinn af
því eru til dæmis fuglamyndirnar
hans, mávar, lóur og kríur. Kríu-
myndirnar voru á sýningu á Rifi í
sumar enda vel við hæfi á þeim
mikla kríustað,“ segir Sævar og
bætir við að Ísak Óli máli líka
myndir af fólki sem hann þekkir
persónulega sem og fólki sem hann
kannast við úr fjölmiðlum, hvort
sem það eru veðurfréttamenn eða
forsetar. „Margar myndirnar hans
eru slíkir gullmolar að við munum
aldrei láta þær frá okkur. Þær
verða ekki metnar til fjár. Eins og
til dæmis myndin af Unu Sóleyju
systur hans, mynd af Bítlunum og
mynd af Astrid Lindgren,“ segir
Sævar og bætir við að sumarið
2010 hafi fjölskyldan farið í ferða-
lag til Norðurlanda og vitjað leiðis
hennar.
Heldur upp á Helga
Hóseasson
Ísak Óli útskrifaðist af starfs-
braut fyrir fatlaða frá Fjölbrauta-
skólanum í Garðabæ 2009 og hefur
sótt námskeið í myndlist í Mynd-
listaskóla Reykjavíkur. Hann hefur
haldið nokkrar einkasýningar og í
sumar var hann listamaður sam-
sýningarinnar Listar án landa-
mæra. Næstkomandi sunnudag
opnar Ísak Óli einkasýningu í
Langholtskirkju. „Sóknarnefndin
leitaði eftir því að fá Ísak Óla til að
halda sýningu í tilefni af 60 ára af-
mæli kirkjunnar. Við búum í hverf-
inu svo þetta er kirkjan hans og
þar var hann fermdur á sínum
tíma. Við hvöttum hann til að mála
presta og kóra í tilefni af þessari
sýningu og það gerði hann með
sóma. En hann verður með fleiri
verk á þessari sýningu, til dæmis
nokkrar myndir af Helga Hóseas-
syni sem hann kannaðist vel við.
Hann veifaði ævinlega til hans þeg-
ar við keyrðum framhjá honum þar
sem hann stóð með skiltin sín hér í
hverfinu síðustu árin sem hann
lifði. Einnig verða nokkrar myndir
af Einari Áskeli og pabba hans og
fleiri verk.“
Á einhvern hátt upprunalegt
Sævar segir að á fyrstu sýn-
ingu Ísaks Óla, sem var samsýn-
ingin List án landamæra í Ráðhúsi
Reykjavíkur árið 2009, hafi safnari
komið að máli við hann. „Hann tók
mig í gegn og kenndi mér að skoða
myndir sonar míns. Hann sagði
mér að þúsundir listamanna um all-
an heim væru að reyna að ná því
sem Ísak Óli nær í sínum myndum.
Ísak Óli er ekki að reyna meðvitað
að vera naívur, þetta kemur alger-
lega eðlilega frá honum. Þetta er
því á einhvern hátt upprunalegt og
margir hönnuðir og myndlist-
armenn hafa áhuga á verkunum
hans Ísaks Óla vegna þessa. Það
þarf heldur ekki að kenna honum
neitt um myndbyggingu, hann hef-
ur það í sér.“
List Kóramyndir ásamt mynd af Helga Hóseassyni og ömmu Einars Áskels.
DAGLEGT LÍF 11
MORGUNBLAÐIÐ MIÐVIKUDAGUR 12. SEPTEMBER 2012
Nú er farið að kólna í veðri og margir
sjá fram á haust og vetur inni við í
rólegheitum við prjónaskap eða hekl.
Hjá Storkinum verða ýmiss konar
námskeið í boði í vetur jafnt fyrir
byrjendur sem lengra komna.
Opnar fyrir nýja möguleika
„Í prjóninu og heklinu er maður
aldrei fullnuma og alltaf hægt að
læra eitthvað nýtt. Það er gott að
koma á námskeið til að opna fyrir
möguleika og kynnast nýju fólki. Síð-
astliðin ár hefur handavinnuáhuginn
aukist og sífellt fleiri bætast í hóp-
inn. Konur eru í meirihluta hjá okkur
á námskeiðunum en karlmenn
mættu gjarnan vera óragari að
koma. Annars eru þátttakendur á öll-
um aldri og alveg frá byrjendum og
yfir í reynda.
Handvinnan verður áhugamál og
þróast út í ástríðu hjá sumum og
verður eiginlega að lífsstíl. Það er
geðrækt og slökun í því að vinna í
handavinnu. Eins er gaman að skapa
og gera t.d. gjafir fyrir börn og
barnabörn. Konur sem ekki hafa
snert prjónana í mörg ár byrja marg-
ar að prjóna aftur þegar barnabarn
er á leiðinni,“ segir Guðrún Hannele
hjá Storkinum.
Garn í örbylgjuofninn
Meðal námskeiða má nefna hefð-
bundin námskeið eins og prjóntækni,
hekltækni og barnapeysuprjón fyrir
byrjendur verða á sínum stað. En
meðal nýrra námskeiða má nefna
prjónhönnun sem Helga Thoroddsen
textílkennari og prjónhönnuður
kennir. Þetta er ítarlegt námskeið
sem skiptist í fræðslu um garn og
vefjarefni, prjóntækni, útreikninga,
snið og svo vinnutíma til að ljúka við
eigin peysu, alls 6 skipti.
Hefst það námskeið 19. sept-
ember næstkomandi. Annað nýtt
námskeið er örnámskeið um lita-
fræði þar sem Sigríður Ásta Árna-
dóttir kennir þátttakendum meðal
annars hvernig lita megi garn í ör-
bylgjuofni. Önnur námskeið sem í
boði eru: Hringprjónuð sjöl, hyrnur
prjónaðar ofan frá, finnskir tví-
bandavettlingar, sokkaprjón, hekluð
barnateppi, saumakvöld fyrir byrj-
endur, snjókornahekl, frágangs-
námskeið og prjónum saman gulrót
til að læra prjónútreikninga.
Allar nánari upplýsingar má finna
á vefsíðunni www.storkurinn.is þar
sem skráning fer einnig fram.
Prjónanámskeið Storksins
Flott Hver vill ekki læra að prjóna svona flík? Nú er lag að skella sér á námskeið.
Geðrækt í handavinnu
Prjón Í prjónaskap verður fólk seint
fullnuma og alltaf hægt að læra nýtt.
Ísak Óli er sérlega afkastamik-
ill listamaður og nýtur þess að
nostra við málverkið. Hann
hefur áhuga á að mála karakt-
era en engan sérstakan áhuga
á að setja þá í ákveðið sam-
hengi. Bakgrunnur verkanna er
einlitur. Samhengið liggur utan
við myndflötinn og það nægir
listamanninum. Út frá því má
nálgast reynsluheim lista-
mannsins, þar sem hann end-
urskapar heilan heim úr brot-
um úr ýmsum heimum sem
þegar hafa verið skapaðir, eða
dregur fram það sem helst
hefur áhrif á hann. Við tekur
úrvinnsla hans sjálfs, og þar
liggur listin.
(Birta Guðjónsdóttir, mynd-
listarmaður og sýningarstjóri
Listar án landamæra 2012)
Portrett af systur Ísaks Óla.
Nostrar við
málverkið
www.isakoli.com
Til viðbótar við ríkulegan staðalbúnað
í Volkswagen Passat Comfortline Plus
er nú fullkomið leiðsögukerfi með
Íslandskorti ásamt bakkmyndavél.
www.volkswagen.is
Ratvís og
víðsýnn
Volkswagen Passat EcoFuel
Komdu og reynsluaktu Volkswagen Passat
Passat Comfortline Plus
sjálfskiptur kostar aðeins
4.390.000 kr.
Nú á enn
betra verði
MYNDLISTARMAÐURINN