Skinfaxi - 01.03.2012, Page 35

SKINFAXI – tímarit Ungmennafélags Íslands 35
Úr hreyfingunni
Ársþing HSÞ var haldið í
félagsheimilinu Hnit-
björgum á Raufarhöfn
26. febrúar sl. 41 þing-
fulltrúi frá 20 félögum
mætti á þingið. Jóhanna
Kristjánsdóttir var endurkjörin formaður
HSÞ. Í upphafi þingsins risu fundarmenn
úr sætum og heiðruðu minningu Óskars
Ágústssonar með mínútu þögn en hann
var einn af helstu brautryðjendum HSÞ.
Ný stjórn HSÞ var kjörin á þinginu en í
henni sitja: Jóhanna Kristjánsdóttir, Geisla,
formaður, Halldóra Gunnarsdóttir, Umf.
Langnesinga, Hermann Aðalsteinsson,
skákfélaginu Goðanum, Birna Davíðsdótt-
ir, Bjarma, Jóakim Júlíusson, Völsungi, Pétur
Þórir Gunnarsson, Umf. Mývetningi, og
Olga Friðriksdóttir, Umf. Austra.
Haukur Valtýsson, varaformaður UMFÍ,
sæmdi Birnu Björnsdóttur starfsmerki
UMFÍ fyrir vel unnin störf. Meðal tillagna,
sem samþykktar voru á ársþinginu, var
tillaga frá stjórn HSÞ um að HSÞ fái að halda
Landsmót UMFÍ 50+ á árinu 2014 en það
ár heldur HSÞ upp á 100 ára afmæli sitt.
Gestir ársþingsins fluttu ávörp og heiðruðu
tvo þingfulltrúa fyrir vel unnin störf. Hagn-
aður varð af rekstri HSÞ annað árið í röð og
Ársþing Héraðssambands Þingeyinga:
Heilmikið starf og rífandi gangur
stendur því HSÞ nokkuð vel fjárhagslega.
Þingfulltrúarnir fóru í skoðunarferð í
Heimskautagerðið á Raufarhöfn sem er í
uppbyggingu.
„Við höfum haldið stjórnarfundi einu
sinni í mánuði síðustu tvö árin vítt og
breitt á starfssvæðinu. Fundirnir hafa alltaf
byrjað á kynningu frá aðildarfélaginu þar
sem við höfum haldið stjórnarfundinn.
Þetta hefur gefist vel og með þessu hefur
okkur í rauninni tekist að kynnast hvert
öðru miklu betur. Þingið gekk tiltölulega
átakalaust fyrir sig og skipuð hefur verið
afmælisnefnd en HSÞ verður 100 ára 2014
og sögu- og minjanefnd hefur hafið störf
af fullum krafti. Nefndin er að taka saman
gögn um gamla UNÞ og HSÞ og koma þeim
öllum fyrir í varanlegri geymslu sem verið
er að setja upp í húsnæði á Laugum. Það
er heilmikið starf hjá okkur og bara rífandi
gangur,“ sagði Jóhanna Kristjánsdóttir,
formaður HSÞ, í samtali við Skinfaxa.
Haukur Valtýsson,
varaformaður UMFÍ,
sæmir Birnu Björns-
dóttur starfsmerki
UMFÍ.
LEIGJUM ÚT OG ÞJÓNUSTUM VATNSSALERNI
á íþróttamót og hverskyns mannam ót
Borgarflöt 15 :: 550 Sauðárkrókur
Sími: 891 9181 :: Fax: 453 5778
Netfang: okgam@simnet.is
NÝ
PR
EN
T