Morgunblaðið - 01.02.2013, Side 10

Morgunblaðið/Golli
Hryllingur í uppsiglingu Hluti leikaranna í Grimmd býr sig hér undir að taka til við limlestingar og annað ógeð.
Kristín Heiða Kristinsdóttir
khk@mbl.is
Við tókum þrjár mest brútalsögurnar sem við fundumí gömlu Grimmsævintýr-unum og suðum saman úr
þeim eitt leikrit,“ segja þær Berg-
þóra Kristbergsdóttir og Júlíana
Kristín Jónsdóttir um leikritið
Grimmd sem Leikfélag Borgar-
holtsskóla frumsýnir eftir viku.
Bergþóra er formaður leikfélagsins
en Júlíana er einn af
leikurunum og er
auk þess í stjórn
leikfélagsins.
„Leikararnir í
verkinu eru tutt-
ugu og við létum
þá alla hafa sög-
urnar þrjár, Eini-
tréð, Váli vélaður
og Handalausa
mærin, og svo
spunnu þau þetta
saman með leik-
stjóranum og úr
varð heildstætt
leikrit,“ segir Berg-
þóra. „Í sýningunni er
flakkað frá einni sögu til
annarrar en þær tengjast
allar í gegnum töfratré. Það er mik-
ið gor í þessu leikriti, enda eru
hrollvekjur áhugamál hjá hópnum,“
segir Júlíana.
Upprunalegu sögurnar eru
mjög ógeðslegar
Þar sem flestir þekkja Grimms-
ævintýrin ætti leikritið að höfða til
fólks á öllum aldri. „Við munum
sjálfar vel eftir þessum sögum frá
því við vorum litlar. Þessi ævintýri
voru upphaflega skrifuð til að hræða
börn, siða þau til og koma í veg fyrir
að þau töluðu við ókunna og forða
þeim frá hættum. Ég man eftir sögu
um stelpu sem dó af því hún var svo
frek og hún sneri aftur sem illur og
þjáður draugur. Ég fékk frekjuköst
þegar ég var lítil, en hélt sem betur
fer aldrei að ég myndi deyja af þeim
sökum,“ segir Bergþóra og hlær.
„Upprunalegu sögurnar úr Grimms-
ævintýrum eru mjög ógeðslegar,
þær útgáfur sem Disney og fleiri
senda frá sér í dag um Rauðhettu,
Hans og Grétu og aðrar vel þekktar
sögur, eru útþynntar og búið að
taka úr þeim allan viðbjóðinn.“
Vildu ekki nútímadrama þar
sem allir eru sykursætir
Þær segja mikið af blóði vera í
sýningunni og spurning hvort fólkið
á fremsta bekk þurfi ekki að fá
regnkápur eða teppi svo það slettist
ekki á það. „En við erum að reyna
að stjórna hvert skvetturnar fara.
Við nýtum ógeðið til að búa til
svartan húmor, gerum grín að því
hvernig Disney hefur sápuþvegið
þessar sögur. Það verður hljómsveit
með okkur sem spilar mjög hroll-
vekjandi tónlist til að undirstrika
hryllinginn og spennuna. Stemn-
ingin í þessu leikriti er einhverskon-
ar blanda af Disney, Tim Burton og
Tarantino,“ segja þær og bæta við
að með því að velja leikrit sem
byggist á gömlu Grimmsævintýr-
unum, þá séu þau meðvitað að losa
sig frá öllum steríótípum í leikritum.
„Við vildum ekki sýna eitthvert nú-
tímadrama þar sem allir eru sykur-
sætir. Það er engin útlitsdýrkun í
þessu leikriti og engin klámvæðing.
Allir eru náttúrulegir,“ segir Júl-
íana. Fjölmargir nemendur koma að
sýningunni auk leikaranna og
hljómsveitarmeðlimanna, þeir sem
sjá um ljósin, förðunina, grafísku
hönnunina við gerð auglýsinga-
plakatsins, ljósmyndunina, stiklu-
gerð og fleira.
Finnum fyrir karlamenning-
unni í Morfís
Þær Bergþóra og Júlíana eru
líka í Morfísliði skólans ásamt
tveimur öðrum stelpum, þeim Silju
Ástudóttur og Agnesi Láru Arn-
ardóttur. Þær vita ekki betur en að
þær séu fyrsta liðið á landinu í
ræðukeppninni sem einvörðungu er
skipað stelpum. Þær eru komnar í
átta liða úrslit og stefna að sjálf-
sögðu að sigri síðar í febrúar. „Ég
held að hugarfarið hjá ungu fólki sé
Handalausa mærin
og annar hryllingur
Áhorfendur á fremsta bekk gætu þurft regnkápu, slíkar verða blóðsletturnar á
leikritinu Grimmd sem Leikfélag Borgarholtsskóla frumsýnir eftir viku. Tvær í
hópnum eru í fyrsta liðinu í Morfískeppninni sem alfarið er skipað stelpum.
Grimmsævintýri Ekki er allt
fallegt sem gerist í ævintýrunum þeim.
10 DAGLEGT LÍF
MORGUNBLAÐIÐ FÖSTUDAGUR 1. FEBRÚAR 2013
Á Facebook-síðunni design-
dautore.com er gaman að skoða
myndir af frábærri hönnun og meðal
annars er þar allt mögulegt endur-
nýtt til að búa til ólíklegustu hluti.
Dósaflipar verða að handtöskum,
strigapokar að húsgagnaáklæði
o.s.frv. Þarna er líka blogg og úrvals-
ljósmyndarar birta þar myndir sínar.
Vefsíðan www.facebook.com/designdautore
Manngert mótorhjól Þessa mynd má finna á síðunni, flott líkamsmálun.
Frábær hönnun og ljósmyndir
Í dag föstudag flytur Védís Ólafs-
dóttir, MA í þjóðfræði, fyrirlestur sem
ber heitið „Karlmannlegar konur?
Kyn og kyngervi í Flugbjörgunar-
sveitinni í Reykjavík“. Fyrirlesturinn
fer fram í fyrirlestrasal Þjóðminja-
safnsins kl. 12-13. Flugbjörgunar-
sveitin í Reykjavík var stofnuð af hópi
karla árið 1950. Konur fengu ekki fé-
lagsaðild að sveitinni fyrr en árið
1995, þó að sérstök kvennadeild hafi
starfað með sveitinni frá árinu 1966.
Þrátt fyrir aukna þátttöku kvenna í
íslenskum björgunarsveitum virðist
ríkjandi ímynd björgunarmannsins
vera karllæg. Hvernig útskýra félagar
Flugbjörgunarsveitarinnar afstöðu til
kynjanna og hvernig birtast hug-
myndir þeirra um kyn og kyngervi í
svörum þeirra? Í svörunum birtust og
tókust gjarnan á ólíkar hugmyndir
um eðlislægt og félagslega mótað
kyngervi. Mýkist andrúmsloft björg-
unarsveitanna með inngöngu
kvenna? Hvaða hlutverkum sinna
konur helst í björgunarsveitum? Ráð-
ast stöður kvennanna út frá líkam-
legum styrk, hvað þeim sé eðlislægt
eða út frá félagslegum áhrifum sam-
félagsins? Kynnið ykkur svörin í dag.
Endilega…
…fræðist um
karlmannlegar
konur
Morgunblaðið/Golli
Björgunarsveitir Karllæg ímynd?
Skannaðu kóðann
til að fara inn á
vefsíðuna.