Morgunblaðið - 29.04.2013, Blaðsíða 11

Kaníkka fyrir 2-6 ára og Dabbi
draugur er fyrir 4-8 ára. „Í bókinni
um Ljótupöddu er aðeins ein setning
á hverri blaðsíðu og ég ætla að hafa
hana á að minnsta kosti þremur
tungumálum, íslensku, ensku og
kannski pólsku. Nafnið Ljótapadda
er komið frá systurdóttur minni Ás-
dísi Ásgeirsdóttur, en fyrir um
fjörutíu árum gaf ég systrabörnum
mínum og syni mínum fyrstu dúkk-
urnar sem ég saumaði í þessum stíl.
Ásdís hreinlega elskaði sína dúkku
og kallaði hana alltaf Ljótupöddu.“
Saumar víkingaföt
Jenný er með mörg járn í eld-
inum því hún er líka að vinna að vík-
ingabók sem hún ætlar að gefa út í
sumar. „Þetta er myndskreytt bók
ætluð 6-10 ára börnum og hún segir
frá landnemafjölskyldu sem kemur
til landsins árið 999. Þrjú börn koma
við sögu og segir frá leikjum þeirra
og leikföngum, mataræði og
skemmtun. Þessi saga er bæði fræð-
andi og skemmtileg. Ég hef unnið
mikla heimildavinnu í tengslum við
þetta,“ segir Jenný sem er mikil
áhugakona um allt sem tengist vík-
ingum og hún saumar m.a. vík-
ingaklæði eftir pöntun, bæði á full-
orðna og börn. „Ég er gildur
meðlimur í víkingafélaginu Einherj-
um, sem ætlar að halda fyrstu Vík-
ingahátíðina í Reykjavík í júlí. Þar
ætla ég að vera með tjald og selja
þessa víkingabók og ég verð líka
með sverð og skildi til sölu sem við
hjónin smíðum. Víkingaáhuginn hef-
ur verið viðloðandi hjá mér alla tíð
og ég er ekki frá því að það sé í blóð-
inu, enda Gunnar Viking Ólafsson,
heljarmennið og jarlinn í Einherj-
um, frændi minn.
Facebooksíða: Amma Jenný –
Grandmother Jenny.
Koss Ásdís systurdóttir Jennýjar
kyssir Ljótupöddu fyrir 40 árum.
Kúla á haus Þessi
kemur fyrir í sög-
unni um Dabba
draug.
Víkingastelpa
Ein af börnunum
í víkingasögu
Jennýjar.
Tár á kinn Þessi þarf
huggun harmi gegn.
Við köllum okkur
Blekbytturnar og
við hittumst mán-
aðarlega.
DAGLEGT LÍF 11
MORGUNBLAÐIÐ MÁNUDAGUR 29. APRÍL 2013
Framrúðuviðgerðir
Gerum við og skiptum um
bílrúður fyrir öll tryggingafélög
Skeifan 2 • Sími 530 5900 • www.poulsen.is
Nú er sá tími ársins þegarnámsmenn á öllum aldrimæta í próf til að meta
námsárangur vetrarins. Þessi tími fer
misvel í fólk. Fæstum finnst þetta
skemmtilegur tími en fyrir suma er
þessi tími árs hreint kvalræði.
Rannsóknir sýna að 25-40% náms-
manna glíma við prófkvíða og upplifa
þeir sem þjást af honum skerta ein-
beitingu í prófi, erfiðleika við að skilja
og fara eftir einföldum leiðbeiningum
og vandkvæði við að muna mikilvæga
hluti sem varða efni prófsins. Rann-
sóknir sýna enn fremur að þeir sem
þjást af prófkvíða standa sig allt að
12% verr á prófum en þeir sem finna
ekki fyrir honum.
Kvíði er eðlilegt viðbragð við
skynjaðri hættu og líkaminn fer í við-
bragðsstöðu. Viðeigandi kvíði skerpir
okkur andlega og líkamlega og býr
okkur undir að takast á við þá hættu
sem blasir við okkur. Aftur á móti
getur kvíðaviðbragðið orðið mjög
harkalegt þegar við skynjum eða
upplifum verulega ógn af aðstæð-
unum. Þegar einstaklingur glímir við
prófkvíða skýrist lægri geta á prófum
því ekki af minni námsgetu eða léleg-
um prófundirbúningi, heldur af því að
hann skynjar prófaðstæðurnar sem
verulega ógn og kvíðaviðbragðið
verður óeðlilega harkalegt sem leiðir
af sér skerta athygli og minnisgetu.
Prófkvíði samanstendur þannig af
ofurnæmu lífeðlislegu viðbragði,
þjakandi áhyggjum af frammistöðu
og árangri, ótta við aðstæðurnar, nið-
urbrjótandi hugsunum, vöðvaspennu
og oft á tíðum meltingartruflunum,
höfuðverk og hækkandi blóðþrýst-
ingi. Þegar einstaklingur hefur einu
sinni upplifað prófkvíða veldur sú
upplifun oft og tíðum enn meiri
áhyggjum og ótta við næstu próf-
aðstæður og þannig getur vandinn
smám saman aukist.
Oft og tíðum þurfa þeir sem glíma
við prófkvíða hjálp við að rjúfa þenn-
an skelfilega vítahring og í mörgum
tilvikum þarf ekki mörg viðtöl hjá
fagaðila til að ná góðum árangri. Sál-
fræðingar hafa sérþekkingu á þessu
sviði og sinnum við á Heilsustöðinni
mörgum sem þjást af prófkvíða með
góðum árangri. Lykilatriði er að fólk
skoði viðhorf sín til aðstæðnanna,
hver hinn raunverulegi ótti sé og geri
sér grein fyrir því að þetta eru eðlileg
lífeðlisleg viðbrögð við hugsanlegu of-
mati á þeirri hættu sem viðkomandi
tengir við prófaðstæðurnar.
Prófkvíði Margir hafa miklar áhyggjur á þessum árstíma vegna prófa.
Prófin nálgast og
kvíðinn magnast
Heilsupistill
Bryndís Einarsdóttir
sálfræðingur
Heilsustöðin sálfræði- og ráðgjaf-
arþjónusta, Skeifunni 11a, 108
Reykjavík www.heilsustodin.is
Listakonan Salóme Fannberg opnaði
myndvefnaðarsýningu í Grensás-
kirkju fyrr í þessum mánuði. Sýningin
ber heitið „Svo siglum við“ og er yfir-
litssýning sem spannar líf myndvefn-
aðarkonu, þar sem þræðirnir stýra
stórum hluta lífs hennar. Á sýning-
unni eru tuttugu verk, sum hafa verið
sýnd áður og sum nýlega, önnur aldr-
ei áður. Uppsetning sýningarinnar er
þannig að heildarsvipur er einstakur
vegna óvenjulegra aðstæðna salarins
í Grensáskirkju, þar sem ljósið og
birtan flæðir á milli veggja, út í krók
og kima. Ljósaspil milli listaverka og
birtu er því athyglisvert.
Sýningin er opin á virkum dögum
frá kl. 9-15 og um helgar frá 12-17.
Sýningin stendur til 28. maí.
Einnig er mögulegt að sjá hana á
öðrum tíma, ef haft er samband við
Salóme, s: 552-6267 og 894-1603.
Endilega …
… kíkið á myndvefnaðarsýningu
Salóme í Grensáskirkju
Strengur/Bond Eitt af verkunum hennar Salóme á sýningunni.