Morgunblaðið - Sunnudagur - 07.04.2013, Blaðsíða 19
7.4. 2013 MORGUNBLAÐIÐ SUNNUDAGUR 19
Eftirmiðdagshressing á huggulegu tehúsi í
borginni er fastur liður í lífi Glasgowbúa.
Þessa notalegu stund kalla þeir „High Tea“
en þá eru veitingar bornar fram á þriggja
hæða kökudisk og að sjálfsögðu te drukkið
með veitingunum.
Á bakkanum er að finna blöndu af sam-
lokum, makkarónum, bollakökum og fleiru
girnilegu en meðal skemmtilegra tehúsa til
að heimsækja má nefna Cup Tea Lounge og
Stewart’s Victorian Tea Rooms.
TEHÚSIN Í GLASGOW
Skotar eru oft taldir
með kátari og almenni-
legri þjóðum. Sjálfir
fullyrða þeir stundum
að þeir séu alltaf hress-
ir. Eitt er víst að það er
mikil stemning í kring-
um Skotana. Þeir eru
stoltir af menningu
sinni, pilsum, sekkja-
pípum og viskífram-
leiðslu.
Leikarinn Gerald
Butler bjó lengi í Glas-
gow og ann borginni
heitt.
HRESS OG
KÁT ÞJÓÐ
Hvað matargerð varðar þykir Glasgow
hafa gjörbreyst allra síðustu árin. Til við-
bótar við þjóðlega skoska veitingastaði
hafa framúrstefnulegir og öðruvísi veit-
ingastaðir bæst við og fjölmarga Michelin-
stjörnustaði er að finna þar í borg. Glasg-
ow er þannig farið að svipa um margt til
London hvað veitingastaði varðar en
meðal þeirra vinsælustu er indverski stað-
urinn Mother India og Corinthian er án
efa sá allra flottasti; til húsa í gamalli
bankabyggingu.
Fyrir ferðalanga sem vilja detta inn á
veitingastað þar sem allt ilmar af skoskum
viðarinnréttingum er City Merchant tal-
inn besti staðurinn til að prófa skoska
slátrið á, hið víðfræga haggis.
ÞJÓÐLEGT Í BLAND VIÐ NÝTT
Borgin á sér margar ólíkar hliðar. Grasagarðarnir, Glasgow Botanic Gardens, tilheyra til
dæmis mjög rólegu svæði borgarinnar sem gott er að næra andann í. Það fer til dæmis vel
saman að eyða þar hvíldardegi eftir að hafa hlaupið milli verslana í miðbænum. Mörg
skemmtileg kaffihús er einnig að finna í görðunum en þeir eru að hluta til yfirbyggðir og
því er ekki síður huggulegt að dvelja þar í rigningarveðri með tebolla og köku.
GARÐARÖLT
Í Glasgow er ekki endilega samasemmerki milli þess að
verja tímanum á góðu hóteli og væns reiknings fyrir gist-
ingunni. Eitt þessara skemmtilegu hótela er Citizen M.
Nóttin kostar ívið minna en á hefðbundnum hótelum en
þó er allt innanstokks sérstaklega fallegt, hvert einasta
húsgagn er hannað af stórstjörnum. Herbergið sjálft er
lítið en ótrúlega vel skipulagt og margt skemmtilegt sem
gleður augað, til dæmis sturta með led-perum þannig að
hægt er að fara í sturtu baðaður til dæmis fjólublárri eða
heiðgulri birtu. Það voru hollenskir arkitektar sem hönn-
uðu hótelið en það sem gerir það ódýrt er að hótelgestir
sjá sjálfir um innritun.
Annað hótel sem mæla má með sem er þó ekki í alveg
sama verðflokki og Citizen M er Malmaison þar sem
gamalli kirkju var breytt í sjarmerandi hótel sem Financial
Times og hönnunartímaritið Elle Decor hafa tilnefnt eitt
skemmtilegasta hótel borgarinnar.
SVÖL EN ÓDÝR GISTING
Séð yfir borgina sem er
skemmtileg blanda af
alls konar byggingarstíl.
living withstyle
erminguna
high heels. 60 x 80 cm
995,-
TABLET veggklukka. 40 x 30 cm 11.995,-
TABLET borðklukka. 15 x 20 cm 8.995,-
JET borðlampi. Ýmsir litir.
H25 cm 2.995,-
RIKKE AXELSEN
60 X 80 CM
NÚ9.995
JET H 25 CM
2.995
TABLET 40 X 30 CM
11.995
ILVA Korputorgi, s: 522 4500, www.ILVA.is
Opið mán-fös 11-18:30, laugardaga 10-18 og sunnudaga 12-18