Morgunblaðið - Sunnudagur - 07.04.2013, Blaðsíða 22

22 MORGUNBLAÐIÐ SUNNUDAGUR 7.4. 2013
Heilsa og hreyfing
Hugarþjálfun getur verið jafnólík og fólkið sjálft en er um leiðgríðarlega mikilvægur hluti af velgengninni. Þegar Kári Steinnmaraþonhlaupari var spurður hvernig æfingum hans væri hátt-
að sagðist hann meðal annars hlaupa leiðina í huganum og sjá fyrir sér
hlaupið ganga vel. Í viðtali sem Hera Björk söngkona gaf eftir sigur-
inn í söngvakeppninni í Síle á dögunum sagð-
ist hún hafa æft það að vinna og taka á móti
verðlaununum. Hún sagði líka að hún hefði
tamið sér að ganga inn á svið eins og sigur-
vegari. Gunnar Nelson bardagamaður birtist
okkur með yfirvegun og einbeitingu. Hann
einbeitir sér að því að sigra og sjá sig fyrir
sér beita þeim brögðum sem þarf til.
Þau vita öll hversu mikilvægur hluti rétt
hugarþjálfun er af velgengni þeirra. Með end-
urtekningu hafa þau náð að temja sér hugar-
far sem er áreynslulaust, þeim í hag en spilar stórt hlutverk í að koma
þeim á þann stað sem þau sækjast eftir.
Við getum haft ólíkar leiðir til að sannfæra sjálf okkur um að við
getum gert eitthvað, en allir þurfa að hafa þennan sannfæringarkraft.
Við getum öll verið sigurvegarar
Margir fylgjendur hugarþjálfunar telja að hversdagslíf okkar sé það
sem það er vegna hugsunar okkar í gegnum tíðina, meðvitað eða
ómeðvitað. Við verðum það sem við hugsum mest um. Það skiptir því
ekki máli hvort við teljum okkur vera frábær eða ömurleg; við höfum
rétt fyrir okkur í bæði skiptin.
Góðu fréttirnar eru þær að allir geta stundað hugarþjálfun með
meðvituðum hætti. Með því að einbeita okkur að því sem við viljum fá
út úr lífinu í stað þess sem við viljum ekki og með því að sjá hlutina
fyrir sér verða að veruleika heldur en að hugsa um að aldrei verði
neinir draumar að veruleika eru meiri líkur á að við förum að lifa í
takt við það og trúa að hlutirnir geti gerst. Hugarþjálfun er ekki
hversdagslegir dagdraumar heldur beinum við hugsun okkar með með-
vituðum og reglulegum hætti að því sem við viljum. Við skrifum það
niður, finnum myndir sem minna okkur á markmið okkar eða leiðina
að því og förum að upplifa. Jákvæð upplifun er stór hluti af hugar-
þjálfun, því hún virkar sem drifkraftur.
Með því að þjálfa hugann til jákvæðrar hugsunar getum við tamið
okkur hugarfar sem er okkur í hag, vænst þess besta úr lífinu og stað-
ið fastar í straumkastinu.
AÐ VERÐA ÞAÐ SEM MAÐUR HUGSAR
SIGURVEGARAR HAFA ALLIR GERT SÉR GREIN FYRIR MIKILVÆGI HUGARÞJÁLFUNAR (VISUALIZATION).
ÞEGAR RÆTT ER VIÐ AFREKSFÓLK EÐA AÐRA SEM GENGUR VEL Í LÍFINU KEMUR OFTAR EN EKKI
Í LJÓS AÐ VIÐKOMANDI HEFUR STUNDAÐ HUGARÞJÁLFUN, MEÐVITAÐ EÐA ÓMEÐVITAÐ.
* Settu þér markmið,lestu það yfir og endurtaktu
það í huganum oft og reglu-
lega. Með tímanum er líklegt
að þú farir að hegða þér á
hverjum degi í samræmi við
það, án mikillar fyrirhafnar.
* Sjáðu þig fyrir þér einsog þú sért búin(n) að ná
markmiði þínu. Finndu til-
finninguna sem fylgir því.
Geymdu þessa tilfinningu og
náðu í hana þegar einbeit-
ingin er ekki nógu skýr.
* Finndu sterkan tilgangfyrir lífinu og minntu þig á
hann reglulega. Allir upplifa
erfiða daga inn á milli og
sterkur tilgangur er besta
hvatningin á slíkum
augnablikum.
BORGHILDUR
SVERRISDÓTTIR
Heilbrigt líf
H
ugarþjálfun byggist á því að
ímyndunaraflið er notað til að sjá
fyrir sér ákveðna hegðun eða at-
burð eiga sér stað með endur-
teknum hætti. Að skapa hið eftirsóknarverða í
huganum, oft og jafnvel í smáatriðum, getur
haft áhrif á vöðvaminni líkamans. Vöðvaminni
er það þegar vöðvarnir læra að þekkja hreyf-
ingu með endurtekningu. Máltækið æfingin
skapar meistarann á þar vel við. Vöðvaminni
sem almennt hefur tengst líkamlegri æfingu,
líkt og að læra á píanó, æfa fótbolta eða læra
að teikna, er líka talið tengjast hugarþjálfun.
Rannsóknir á áhrifum hugarþjálfunar
Ein frægasta rannsókn sem gerð hefur verið
á áhrifum hugarþjálfunar var gerð á rúss-
neskum ólympíuförum árið 1980. Þátttak-
endum var skipt upp í fjóra hópa eftir því
hvernig þeir höfðu æft fyrir Ólympíuleikana.
Skiptingin var svona:
Hópur 1 stundaði enga hugarþjálfun heldur
fór öll þjálfun þeirra fram líkamlega. Hópur 2
stundaði 75% líkamlega þjálfun og 25% hugar-
þjálfun. Hópur 3 stundaði 50% líkamlega
þjálfun á móti 50% hugarþjálfun. Hópur 4
stundaði 25% líkamlega þjálfun og 75% hug-
arþjálfun.
Hugarþjálfunin þeirra byggðist á að sjá fyr-
ir sér hreyfingar sínar, í þeirri íþrótt sem þeir
stunduðu, eiga sér stað á sem árangursrík-
astan hátt.Niðurstöðurnar voru þannig að
hópur 4 sýndi mestu framfarirnar fyrir Ól-
ympíuleikana. Þar á eftir kom hópur 3, en
hópur 1 sem aðeins æfði líkamlega sýndi
minnstu framfarirnar.
Önnur rannsókn á áhrifum hugarþjálfunar
var gerð á strákum sem æfðu vítaskot í körfu-
bolta. Hópnum var skipt í þrjá hópa og víta-
skot þeirra mæld fyrir og eftir rannsókn.
Hópur 1 fékk enga hugarþjálfun, heldur æfði
vítaskot í 20 mín. í senn í 20 daga. Hópur 2
æfði ekkert, hvorki hugarþjálfun né vítaskot.
Hópur 3 æfði aðeins hugarþjálfun í 20 mín. á
dag í 20 daga. Hugarþjálfunin gekk út á að
sjá fyrir sér vítaskot sín í djúpslökunar-
ástandi. Ef þeir hittu ekki, áttu þeir að leið-
rétta miðið í huganum og reyna aftur. Nið-
urstöðurnar voru þær að hópur 1 sýndi 24%
bætingu í vítaskotum, hópur 2 sýndi enga
bætingu en hópur 3 sem hafði aðeins æft hug-
ann, bætti vítaskotin sín um 23%. Aðeins 1%
minna en þeir sem æfðu skotin líkamlega.
Hugarþjálfun hefur áhrif á hugarfar
Fáir efast um áhrif hugarþjálfunar á líkam-
lega frammistöðu, en gott jafnvægi á lík-
amlegum æfingum og hugarþjálfun er talið
árangursríkast. Hugarþjálfun er einnig talin
hafa áhrif á hugarfar og daglegar athafnir
fólks, en ekki síður á velgengni á sama hátt
og hún hefur áhrif á vöðvaminni íþrótta-
mannsins. Markþjálfar og fyrirlesarar á borð
við Rhonda Byrne úr „The Secret“, Tony
Robbins og Jack Canfield leggja allir áherslu
á mátt hugarþjálfunar og áhrif hennar á dag-
legt líf fólks. Það sem fólk hugsar um, hvernig
það hugsar um það og hvernig það sér hlutina
fyrir sér getur orðið að daglegum athöfnum
og lífsstíl, líkt og endurtekin hugsun íþrótta-
mannsins hefur áhrif á vöðvaminni hans. Hug-
arþjálfun er ákveðin forritun og því mikilvægt
að hún sé á jákvæðum nótum til að hún geti
haft jákvæð áhrif. Hugarþjálfun getur því ver-
ið mikilvægur hluti af því að láta drauma ræt-
ast og skapa það líf sem maður óskar sér.
Heimild:Wikipedia.orghttp://psychcent-
ral.comJack Canfield, The Success Principles,
Collins, 2007 Rhonda Byrne, The Secret,
Atria Books/ Beyond Words, 2006
AFREKSFÓLK NOTAR HUGARÞJÁLFUN
Að þjálfa hugann þér í vil
MARGAR RANNSÓKNIR HAFA SÝNT
FRAM Á AÐ HUGARÞJÁLFUN (VIS-
UALIZATION) GETUR HAFT JÁ-
KVÆÐ ÁHRIF Á FÆRNI OKKAR.
HUGARÞJÁLFUN ER MIKIÐ NOTUÐ
AF ÍÞRÓTTAFÓLKI OG GEIMFÖRUM
SEM HLUTI AF ÞJÁLFUN, EN GÆTI
HUGARÞJÁLFUN GAGNAST FÓLKI
TIL AÐ LIFA BETRA LÍFI OG UPPLIFA
DRAUMA SÍNA?
Borghildur Sverrisdóttir
borghildur74@gmail.com
„Hugleiðsla er ein
leið hugarþjálfunar“.
Morgunblaðið/Golli
Markaðssetning á vöru byggist oft á því
að ná til undirmeðvitundar fólks, líkt og
hugarþjálfun nær til vöðvaminnis. Það er
ástæða fyrir því að Coca Cola er fyrsti
kóladrykkurinn sem flestir hugsa um, ef
þeir eru beðnir um að hugsa um ein-
hvern kóladrykk. Markaðssetningin hef-
ur náð til undirmeðvitundar okkar með
stöðugum endurtekningum. Á sama
hátt er talið að við getum „forritað“
okkur með hugsun okkar, hvort sem
það er okkur í vil eða ekki.
FORRITUN HUGANS
Markaðssetning
tekur mið af
vöðvaminni