Morgunblaðið - Sunnudagur - 07.04.2013, Blaðsíða 49

7.4. 2013 MORGUNBLAÐIÐ SUNNUDAGUR 49
ekki síst má finna í bókinni framlag þeirra
fjögurra fyrirlesara sem gáfu þátttakendunum
svo sannarlega hlutdeild í lífi sínu sínu og lær-
dómum hvert á sínu sviði; Önnu Sigríði Páls-
dóttur presti, Grétu Matthíasdóttur náms- og
starfsráðgjafa, Ólafi Erni Haraldssyni þjóð-
garðsverði og Sigurði Þórðarsyni verkfræðingi.
Þær ítreka að bókin sé ekki aðeins fyrir at-
vinnulausa og aðstandendur þeirra, heldur
ekki síður þá sem vilja taka skrefið og skipta
um starfsvettvang sem og fyrir þá sem eru
að ljúka starfsævinni. „Bókin er ætluð öllum
atvinnuleitendum í sinni víðustu mynd,“ segir
María Björk og Sigríður bætir við að nú sé
rétta augnablikið til að gefa hana út. Málefni
atvinnuleitenda séu og verði í brennidepli.
„Gaman verður að sjá hvernig bókinni verður
tekið.“
Eftir því sem þær komast næst hefur þessi
bók mikla sérstöðu, ekki síst núna þegar
þörfin er mikil og fólk virkilega þarf leiðbein-
ingar. „Þessi bók á að vera vinur þinn,
skemmtilegur og gagnlegur vinur á kross-
götum lífs þíns,“ segir María Björk.
Stöllurnar nýta kraft sinn með ýmsum
hætti. Um líkt leyti og verkefnið fór af stað
byrjaði María Björk að stunda líkamsrækt af
meira kappi en áður og hefur gert það fram á
þennan dag enda þótt hún hafi eignast eitt
barn í millitíðinni. Fljótlega sneri hún sér að
kraftlyftingum og í næsta mánuði mun hún
keppa á sínu fyrsta móti, 45 ára gömul. „Hver
hefði trúað því? Svona getur gerst þegar mað-
ur opnar nýjar dyr,“segir hún hlæjandi.
Sigríður hefur látið lóðin eiga sig. „Ég dáist
að Maríu en geri síður ráð fyrir að feta í fót-
spor hennar í lyftingunum. Ég myndi hins
vegar vilja enska útgáfu af bókinni okkar, hún
á nefnilega erindi víðar. Það yrði mitt kraft-
lyftingamót.“
Sigríður Snævarr og María
Björk Óskarsdóttir segja
aðferðafræðina sem þær
hafa beitt á námskeiðunum
virka og þess vegna hafi
þær skrifað bók.
Námskeið á vegum „Nýttu kraftinn“eru fjármögnuð með þátttöku-gjaldi. Í flestum tilvikum fá at-
vinnuleitendur stuðning til þátttöku, ýmist
að hluta eða öllu leyti, t.d. frá Vinnu-
málastofnun, stéttarfélögum, Virk starfs-
endurhæfingu eða félagsþjónustu sveitarfé-
laganna en að sögn Maríu Bjarkar eru
alltaf einhverjir sem greiða sjálfir úr eigin
vasa.
„Frá upphafi hefur þátttökugjaldið verið
í algjöru lágmarki, nú 60.000 kr. á þátttak-
anda fyrir allt ferlið. Það er miklu mun
lægra en það þyrfti að vera því það stendur
í raun ekki undir nema lágmarks rekstr-
arkostnaði af starfsemi okkar, þ.e.a.s. út-
lögðum kostnaði og lágmarkslaunum fyrir
mig en Sigríður hefur frá upphafi gefið alla
sína vinnu því starfsemin hefur ekki borið
launakostnað tveggja. Það er dýrt að reka
fyrirtæki þó það sé svona pínulítið eins og
okkar,“ segir María Björk.
Hið opinbera hefur ekki styrkt starfsem-
ina sem þó mætti gerast því þetta er klárt
samfélagsmál og alltaf spurning um úthald
einstaklinga sem velja að gefa af sér. „Auð-
vitað væri gott að hafa úr meira fé að spila.
Það má segja að aðstæður og viðfangsefnið
hafi ráðið þátttökugjaldinu í upphafi og erf-
itt að breyta því. Atvinnuleitendur hafa
eðlilega sjaldnast fjárhagslegt bolmagn til
að greiða sjálfir fyrir þátttöku á nám-
skeiðum eins mikið og þeir þurfa á því að
halda að styrkja sig. Réttur atvinnuleit-
enda á stuðningi til þátttöku á námskeiðum
er mjög mismunandi og getur verið tak-
markaður. Hann hefur í raun farið minnk-
andi eftir því sem lengri tími hefur liðið frá
hruni.“
Vinna allt hagkvæmt
Þess utan liggur mikill tími, vinna og hugs-
un á bak við allt starf Maríu Bjarkar og
Sigríðar, hvort sem er mótun aðferðafræð-
innar í upphafi, stöðug þróun við ný verk-
efni sem þær telja að geti gagnast þátttak-
endum vel sem og auðvitað undirbúningur
og umsjón með hverjum hópi.
„Við tókum meðvitaða ákvörðun í upphafi
að vinna allt mjög hagkvæmt,við erum ekki
með neina yfirbyggingu, enga skrifstofu og
höldum öllum rekstrarkostnaði í eins miklu
lágmarki og við getum, treystum svo sann-
arlega á velvilja margra í starfi okkar í
þágu atvinnuleitenda. Við höfum t.a.m. not-
ið mikils velvilja hjá fjölmörgum fyr-
irtækjum og stofnunum sem hafa vegna
málefnisins opnað dyrnar fyrir okkur þegar
við erum með samveru og ótal margir ein-
staklingar hafa gefið af tíma sínum, ýmist
með því að koma og halda erindi til hvatn-
ingar þegar við erum með samveru eða tek-
ið að sér mentorahlutverk eins og við vorum
með í upphafi. Öðruvísi gætum við þetta
ekki og við erum öllum afar þakklátar,“ seg-
ir María Björk.
Gefandi og skemmtilegt
Hún segir þær ekki hafa lagt af stað í þenn-
an leiðangur með fjárhagslegan ávinning að
markmiði heldur hugsunina að vilja leggja
lið og sporna við atvinnuleysinu: „Þó það
væri ljóst hvað mig persónulega varðar að
ég gæti ekki unnið launalaust. Við áttum
auðvitað ekki fremur en nokkur annar von á
því að atvinnuleysið yrði svona langvinnt og
að það yrði þörf fyrir okkur á þessum vett-
vangi svona lengi, hvað þá að við myndum
skrifa bók sem gæti hjálpað enn fleirum.“
Það sem hefur umfram allt drifið þær
áfram allan þennan tíma er það að starfið
hefur í öllum skilningi verið einstaklega
gefandi og skemmtilegt. „Árangurinn hefur
verið einstakur, held ég að mér sé óhætt að
segja, en hann mælum við fyrst og fremst í
upplifun og atgervi þeirra þátttakenda sem
til okkar hafa komið. Það hafa verið hrein
forréttindi að kynnast öllu þessu frábæra
og duglega fólki og að sjá það blómstra er
besta uppskeran okkar.“
Þátttökugjald í
algjöru lágmarki
– FULLT HÚS ÆVINTÝRA
REYKJAVÍK • Fiskislóð 1 • Sími 580 8500 • mánud.–föstud. 10–18 • laugard. 10–16
AKUREYRI • Tryggvabraut 1-3 • Sími 460 3630 • mánud.–föstud. 8–18 • laugard. 10–16 • ellingsen.is
ADRIA ACTION 361 PD
Eigin þyngd: 740 kg
Truma miðstöð.
VERÐ 3.890.000 KR.
ADRIA ADORA 462 PU
Eigin þyngd: 1.040 kg
Truma miðstöð.
VERÐ 4.300.000 KR.
ADRIA ADORA 472 LU
Eigin þyngd: 1.075 kg
Truma miðstöð.
VERÐ 4.350.000 KR.
ADRIA ADORA 512 UP
Eigin þyngd: 1.145 kg
Truma miðstöð.
VERÐ 4.490.000 KR.
ALLT AÐ
75%
FJÁRMÖGNUN