Morgunblaðið - Sunnudagur - 07.04.2013, Blaðsíða 20

*Heilsa og hreyfingHugarþjálfun getur virkað vel fyrir þá sem vilja ná árangri líkt og margt afreksfólk veit »26
Fjallahjólreiðar eru sport fyrir fólk á öllum
aldri, ef það er vel á sig komið, segir Gunnar
Örn Svavarsson. „Aldursforsetinn, Baldur
Þór Davíðsson, sem verður einmitt fimm-
tugur síðar í þessum mánuði, gefur okkur
þessum yngri ekkert eftir,“ segir Gunnar.
„Menn þurfa líka að vera vel búnir og
hjólatæknin þarf að vera góð, því við hjólum
oft við krefjandi aðstæður.“
Gunnar segir félagsskapinn afar skemmti-
legan og eftir hjóltúr setjist menn jafnan nið-
ur og fái sér matarbita saman. Hann bætir
við, í léttum dúr, að Spöðunum sé fátt óvið-
komandi. „Bróðir minn, Leifur Örn, er að
fara á Everest ásamt hópi útlendinga; hann er
fyrsti Íslendingurinn sem ætlar upp norður-
hlið fjallsins. Við segjum að sjálfsögðu að
Leifur verði fulltrúi Spaða á Everest!“
Senda fulltrúa á Everest!
Aldursforseti Spaðanna, Baldur Þór Davíðsson, sem verður fimmtugur síðar í þessum mánuði.
V
ið erum um það bil 20 karlar, frá tvítugu og upp að fimmtugu. Allir í hópnum hafa
hjólað töluvert mikið og um það bil helmingur keppt. Í hópnum er til dæmis núver-
andi Íslandsmeistari í götuhjólreiðum, Davíð Þór Sigurðsson, þannig að þetta er al-
vöru!“ segir Gunnar Örn Svavarsson, einn Spaðanna, í samtali við Sunnudagsblað
Morgunblaðsins
Keppt er í hefðbundnum fjallahjólreiðum hér á landi, en það sem Spaðarnir stunda kalla þeir
All Mountain, og snýst um að hjóla við erfiðari aðstæður en venjulega, ekki síst á fjöllum þegar
færi gefst. „Við höfum til dæmis hjólað upp og niður Fimmvörðuháls.“
Hópurinn hittist að minnsta kosti einu sinni í viku, mest þrisvar. Flestir eru miklir útivistar-
menn og stunda bæði fjalla- og ísklifur að auki, sem og svokallaða fjallaskíðamennsku, en
Spaðahópurinn snýst eingöngu um hjólreiðarnar.
Spaðarnir hjóla saman allt árið, við hvaða aðstæður sem er. „Veðrið hefur aldrei stoppað okk-
ur. Yfir veturinn erum við með nagladekk og einu sinni hjólaði hluti hópsins upp á Sólheima-
jökul og við vorum sjálfir á mannbroddum. Það var bara til gamans gert og eiginlega bara til að
geta sagst hafa gert það! Partur af hópnum hjólaði líka Fimmvörðuháls í harðfenni.“
Hópurinn er með síðu á Facebook, þar sem ákveðið er hvar skuli hittast hverju sinni og hjóla
hvert. „Við hittumst á föstum tíma einu sinni viku og hjólum frá tveimur og upp í fjóra klukku-
tíma í einu. Yfir háveturinn oft innanbæjar en þegar veðrið er betra förum við oft út fyrir bæ-
inn og á haustin förum við alltaf saman í helgarferð; höfum til dæmis hjólað bæði í Kjarnaskógi
á Akureyri, í Jökulsárgljúfrum og aðrar krefjandi leiðir.“
Hluti Spaðanna tilbúinn í slag-
inn á fjallahjólunum. Þarna
staddir í Öskjuhlíð.
Morgunblaðið/Golli
FJALLAHJÓLREIÐAR
Ekkert stöðvar
Spaðana
HÓPUR KARLA Í REYKJAVÍK HITTIST EINU SINNI Í VIKU HIÐ MINNSTA OG
TEKUR VEL Á ÞVÍ Á FJALLAREIÐHJÓLUM. OFT ER HJÓLAÐ Í BORGINNI EÐA
NÁGRENNI EN EINU SINNI FÓR HÓPURINN UPP Á SÓLHEIMAJÖKUL!
Skapti Hallgrímsson skapti@mbl.is