Morgunblaðið - 22.05.2013, Blaðsíða 18

18 FRÉTTIRViðskipti | Atvinnulíf
MORGUNBLAÐIÐ MIÐVIKUDAGUR 22. MAÍ 2013
STUTTAR FRÉTTIR
● Fjárfestingasjóðir í umsjón Stefnis
hf. hafa fjárfest fyrir um 355 milljónir,
eða sem nemur 1,44% í Vátrygginga-
félagi Íslands. Viðskiptin áttu sér stað á
föstudaginn var, þann 17. maí, en loka-
gengi dagsins var 9,86 krónur á hlut.
Þetta kemur fram í tilkynningu til Kaup-
hallarinnar, en með viðskiptunum fer
heildareign sjóðanna yfir 5% flögg-
unarskyldu.
Velta með bréf VÍS á föstudaginn var
um 654 miljónir, en síðan félagið var
skráð á markað fyrir tæpum mánuði
hefur meðalveltan verið 531 milljón á
dag. Hlutabréf VÍS hækkuðu um 2,43%
í gær í viðskiptum upp á liðlega 323
milljónir króna.
Stefnir hf. eykur hlut
sinn í VÍS um 1,44%
● Vinnuhópur aðila vinnumarkaðarins
kynnti í gær skýrslu um vinnumarkað
og skipulag kjarasamninga í Danmörku,
Noregi, Svíþjóð og Finnlandi. Markmið
með úttektinni er að leita fyrirmynda í
nágrannaríkjum Íslands sem geti nýst
við að bæta vinnubrögð við gerð kjara-
samninga hér á landi þannig að þeir
stuðli að stöðugu verðlagi, auknum
kaupmætti launa og samkeppnishæfni
atvinnulífsins, skv. tilkynningu. Nánar á
heimasíðu Samtaka atvinnulífsins.
Skýrsla um kjarasamn-
inga á Norðurlöndum
Össur hefur keypt allt hlutafé í
sænska stoðtækjafyrirtækinu Team-
Olmed fyrir 310 milljónir sænskra
króna, andvirði um 5,73 milljarða ís-
lenskra króna. Í tilkynningu kemur
fram að fyrirtækin hafi lengi unnið
saman og með þessum kaupum auk-
ist hlutur Össurar á sænska stoð-
tækjamarkaðnum til muna.
Össur greiðir kaupverðið að fullu í
reiðufé. Við það geta bæst 50 millj-
ónir sænskra króna náist ákveðin
hagnaðarmarkmið hjá TeamOlmed.
Jón Sigurðsson forstjóri Össurar
hf. nýtti sér kauprétt sinn að 40.000
hlutum í félaginu í gær, skv. tilkynn-
ingu til Kauphallarinnar.
Jón greiddi á 7,5 danskar krónur
fyrir hlutinn eða 159 krónur íslensk-
ar. Skráð verð á hlutum í Össuri er
um 184 kr. á hlut. Fram kemur að
með þessum kaupum eigi Jón orðið
tæplega 380.000 hluti í Össuri og
hann á kauprétt á 1.250.000 hlutum.
Morgunblaðið/Árni Torfason
Sókn Stoðtækjafyrirtækið Össur hefur með nýjustu kaupum sínum á Team-
Olmed stóraukið hlut sinn á stoðtækjamarkaðinum í Svíþjóð.
Kaupir Team-
Olmed í Svíþjóð
 Össur eykur hlutdeild sína í Svíþjóð
Hörður Ægisson
hordur@mbl.is
Það ætti ekki að koma erlendum
álitsgjöfum á óvart að íslenskir kjós-
endur kusu aftur til valda þá flokka
sem eru sagðir hafa borið mesta
ábyrgð á bankahruninu. Slæm efna-
hagsstjórnun og tillitssemi við er-
lenda kröfuhafa varð fráfarandi rík-
isstjórn að falli. Ákvörðun kjósenda
að veita henni ekki brautargengi í
kosningunum var því rökrétt.
Þetta segir Jón Daníelsson, for-
stöðumaður rannsóknarseturs um
kerfislæga áhættu á fjármálamörk-
uðum við London School of Econo-
mics (LSE), í grein sem hann hefur
ritað á hagfræðivefinn VoxEU.
Hann túlkar niðurstöður kosning-
anna með þeim hætti að kjósendur
hafi kallað eftir ríkisstjórn sem
hrindi í framkvæmd stefnu sem mið-
ar að því að auka hagvöxt; sé á móti
aðild að ESB; og taki harða afstöðu
gegn erlendum kröfuhöfum.
Samtímis þessu eigi að vinna að
afnámi fjármagnshafta og samþætt-
ingu Íslands í ríkara mæli í alþjóða-
hagkerfið. „Íslendingar kusu nýja
ríkisstjórn vegna þess að þeir hafa
meiri trú á því að hún geti staðið við
fyrirheit sín í þessum efnum heldur
en fráfarandi ríkisstjórn vinstri-
flokkanna,“ segir Jón í greininni sem
heitir „Iceland’s post-crisis eco-
nomy: A myth or a miracle?“
Þrátt fyrir að ástand efnahags-
mála á Íslandi virðist með ágætum í
samanburði við mörg kreppuhrjáð
ríki í Evrópu þá bendir Jón á að hag-
tölur gefi ekki rétta mynd af því
hversu illa var haldið á stjórn efna-
hagsmála af fráfarandi ríkisstjórn.
Til lengri tíma litið þá telur Jón að
stærsti efnahagsvandinn sé hversu
illa hefur tekist að auka fjárfestingu.
Hann vekur athygli á því að fjárfest-
ing sem hlutfall af landsframleiðslu
hafi verið 14% á liðnu ári – og mæld-
ist fjárfesting lægri í aðeins fjórum
Evrópuríkjum. Engu að síður sé því
spáð að atvinnuvegafjárfesting drag-
ist saman um 23% á árinu og heild-
arjárfesting minnki um 9%.
Lét undan kröfum AGS
Að sögn Jóns eru það einkum þrír
þættir sem hafa verið dragbítur á
fjárfestingu í atvinnulífinu frá
bankahruni: Fjármagnshöft; pólitísk
áhætta; og skattahækkanir.
Hann rifjar upp að höftin hafi upp-
haflega aðeins átt að vara tímabund-
ið – í nokkrar vikur – en meira en
fjórum árum síðar séu þau enn til
staðar. Höftin hafi orsakað hrun í
fjárfestingu af þeirri einföldu ástæðu
að mögulegir fjárfestar óttist að
festa fjármuni sína í óstöðugum
gjaldmiðli sem sé stjórnað af síður
en svo hæfri ríkisstjórn. Jón segir
ennfremur að pólitísk afskipti hafi
hamlað fjárfestingu í hagkerfinu og
stjórnvöld verið „fjandsamleg“ fjár-
festingu í einkageiranum – ekki síst
erlendri fjárfestingu. Óstöðugt
skattaumhverfi hefur einnig haft
neikvæð áhrif á fjárfestingu, útskýr-
ir Jón, og bendir á að tíðar skatta-
beytingar hafi aukið enn á óvissu
fyrir hugsanlega fjárfesta.
Helsta ástæðan fyrir því að kjós-
endur kusu að skipta um ríkisstjórn,
að mati Jóns, var hins vegar „tillits-
semi“ hennar gagnvart erlendum
kröfuhöfum. Hann segir að Íslend-
ingar hafi verið undir miklum þrýst-
ingi af hálfu Alþjóðagjaldeyrissjóðs-
ins um að koma til móts við
hagsmuni erlendra kröfuhafa – og
stjórnvöld hafi látið undan.
Jón bendir á að í Icesave-deilunni
hafi stjórnvöld reynt að keyra í gegn
samninga við erlenda kröfuhafa sem
hefðu kostað þjóðarbúið óheyrilegar
fjárhæðir og stór meirihluti þjóðar-
innar hafi verið mótfallinn. Jafn-
framt voru hinir nýju endurreistu
bankar eftir fall fjármálakerfisins af-
hentir erlendum hrægammasjóðum
(e. foreign vulture funds). Jón segir
að ríkisstjórnin hafi sömuleiðis sýnt
„undanlátssemi“ gagnvart erlendum
kröfuhöfum sem vildu endurheimta
fé sem var fast á Íslandi vegna haft-
anna.
„Vinsemd“ við kröfuhafa
„Öllum þessum stefnumálum var
harðlega mótmælt af kjósendum,“
segir Jón í greininni, og bætir við að í
kosningabaráttunni hafi „vinsemd“
gagnvart erlendum kröfuhöfum ver-
ið eitt helsta kosningamálið. „Það
eigi því ekki að koma á óvart að sá
flokkur sem mótmælti harðast Ice-
save-samningunum – og tók enn-
fremur eindregnustu afstöðuna gegn
erlendum kröfuhöfum – hafi unnið
stærsta sigurinn í kosningunum.“
Tillitssemi við erlenda
kröfuhafa felldi stjórnina
 Jón Daníelsson segir kosningaúrslit rökrétt vegna slæmrar efnahagsstjórnunar
Rökrétt Jón Daníelsson segir úrslit kosninganna ekki eiga að koma á óvart.
Kraftaverk eða mýta?
» Jón Daníelsson, for-
stöðumaður rannsóknarseturs
um kerfislæga áhættu á fjár-
málamörkuðum við LSE, segir
slæma efnahagsstjórnun og
undanlátssemi gagnvart er-
lendum kröfuhöfum hafa orðið
ríkisstjórninni að falli.
» grein sem hann ritar á vef-
ritið VoxEU segir hann að staða
efnahagsmála sé mun lakari en
hagtölur gefi til kynna.
» Lítil fjárfesting stærsti efna-
hagsvandinn til lengri tíma.
 


   
  
   
  

 




 
  
  

 
  
!"# $% " &'( )* '$*
+,,-./
+01-2/
++.-1
,+-,+/
,+-32.
+0-/4
+,1-55
+-+.1
+02-+
+40-++
+,2-,2
+01-5.
++.-.4
,+-,51
,+-+3+
+0-43/
+,5-+,
+-+..4
+02-14
+40-44
,+1-,.32
+,2-4,
+05-,/
+,3-2
,+-220
,+-+12
+0-440
+,5-/5
+-,32
+0/-,
+40-..
Skannaðu kóð-
ann til að sjá
gengið eins og
það er núna á
Hverafold 1-3 | Grettisgötu 3 | Smáralind | Langholtsvegi 113 | Turninn Höfðatorgi
511 1710 | svanhvit@svanhvit.is | svanhvit.is
LÁTTU OKKUR SJÁ UMHEIMILISÞVOTTINN!
6 KG. 1.790 KR.
12 KG. 2.390 KR.
20 KG. 3.290 KR.
Efnalaug - Þvottahús
SVANHVÍT EFNALAUG
- NÚ Á FIMM STÖÐUM
Hverafold 1-3, 112 Reykjavík
Langholtsvegi 113, 104 Reykjavík
Grettisgötu 3, 101 Reykjavík
Smáralind, 201 Kópavogur
Turninn Höfðatorgi, 105 Reykjavík