Morgunblaðið - 03.09.2013, Page 10

10 DAGLEGT LÍFÚtivist & hreyfing
MORGUNBLAÐIÐ ÞRIÐJUDAGUR 3. SEPTEMBER 2013
Signý Gunnarsdóttir
signy@mbl.is
É
g er sjálf unglinga-
mamma og er alin
upp í ferðaþjónustu
og var ekki til í að
senda unglingana
mína hvert sem er út í hinn stóra
heim. Það er svo margt þarna úti
sem mömmur eru ekki mjög
spenntar fyrir. Sumarbúðirnar bjó
ég til með það í huga að bjóða
börnum upp á spennandi tækifæri í
öruggu umhverfi. Til dæmis gista
þau hjá fjölskyldum sem vinkona
mín á Spáni velur. Þá er ég með
krakkana í þorpi sem hefur allt sem
unglingar vilja og er laust við það
sem foreldrar vilja ekki og þau fá
tækifæri í alþjóðaupplifun,“ segir
Margrét Jónsdóttir Njarðvík um
tilurð þess að hún hóf rekstur á
sumarbúðum fyrir ungmenni í
Extremadura-héraði á Spáni. Í
þessum sumarbúðum fléttar Mar-
grét saman spænskunámi og leið-
togaþjálfun fyrir íslenska unglinga
og er þetta orðið svo vinsælt að
nærri uppselt er á námskeið hjá
henni sumarið 2014.
Haustbúðir fyrir fullorðna
Nú hefur Mundo útvíkkað
starfsemi sína og er í dag ferða-
skrifstofa sem veitir einnig alþjóð-
lega ráðgjöf. Mundo býður upp á
nokkrar nýjungar í vetur og ber
fyrst að nefna haustbúðir fyrir full-
orðna. „Þar flétta ég saman
spænskukennslu, gönguferðum um
sveitina, heilnæmum mat úr héraði
og jóga. Þetta er námskeið sem er
Í göngu á Spáni
á breytingaskeiði
Margrét Jónsdóttir Njarðvík rekur ferðaskrifstofuna Mundo sem hefur undan-
farin ár verið með sumarbúðir á Spáni. Mundo mun í vetur bjóða upp á nýjungar
í ferðum til Spánar þar sem saman fara menntun, skemmtun, menning og þjálf-
un. Þetta eru haustbúðir fyrir fullorðna, vetrarbúðir fyrir vel þroskaða, öðruvísi
stúdentaferðir og gönguferð um Pílagrímsstíginn fyrir konur eldri en 45 ára.
Morgunblaðið/Rósa Braga
Ævintýrakona Margrét Jónsdóttir er með ýmislegt á prjónunum.
Kirkjuklukkur Fornar byggingar eru eitt af því sem heimsótt er.
Ekki er allt sem sýnist og á það vel
við innan heilsugeirans. Á vefsíðunni
Quackwatch.com eru ýmsar upplýs-
ingar um vafasöm heilsufræði og
sannindi sem eru á gráu svæði. Sá
sem heldur úti síðunni er Stephen
Barrett, geðlæknir á eftirlaunum, og
ver hann tíma sínum í að hrekja eitt
og annað sem hann telur vera sett
fram til að selja fólki töfralausnir.
Hann dregur í efa mátt ýmissa lyfja
sem eiga að hægja á öldrun eða koma
í veg fyrir myndun appelsínuhúðar.
Megrunarkúrar eru teknir til skoð-
unar og farið ofan í hvað gerist í lík-
amanum, t.d þegar allri neyslu kol-
vetna er haldið í lágmarki eða sleppt.
Vefsíðan www.quackwatch.com
Morgunblaðið/Ómar
Hjólað M.a. er fjallað um hvernig best er að vernda hnén þegar við hjólum.
Blásið á bábiljur um heilsuna
Reykjanesmaraþon verður haldið á
morgun miðvikudag. Það er árlegur
viðburður sem fram fer í tengslum við
Ljósanótt í Reykjanesbæ, sem er ein
stærsta fjölskylduskemmtun lands-
ins. Hlaupið er um götur Reykjanes-
bæjar og er þetta tilvalið fyrir alla
fjölskylduna, því hægt er að finna
vegalendir við allra hæfi. Keppt er í
eftirtöldum vegalengdum: 3 km, 7 km
og 10 km.
Forskráning fer fram á Hlaup.is og
lýkur kl 23 í kvöld þriðjudag. Skrán-
ingu á keppnisstað lýkur kl 18.15.
Ræsing í allar vegalengdir kl 19.
Rásmark og endamark verða við
Lífsstíl Líkamsrækt (Hótel Keflavík)
Vatnsnesvegi 12, Reykjanesbæ.
Hlaupið er aldursflokkaskipt og eru
verðlaun fyrir besta árangur í öllum
flokkum í 7 km og 10 km. Einnig eru
verðlaun fyrir besta árangur í 3 km.
Glæsileg útdráttarverðlaun þar
sem dregið er úr nöfnum allra þátt-
takenda.
Nú er lag að hlaupa saman.
Endilega...
Hlaup Fyrir alla fjölskylduna.
takið þátt í Reykjanesmaraþoni
Íþróttaskóli fjölskyldunnar er nýjung
í íþróttaskólaflóru landsins en þar
er lögð áhersla á að fjölskyldu-
meðlimir, bæði börn og fullorðnir,
komi saman til að stunda skemmti-
lega og fjölbreytta hreyfingu.
Skráning er hafin á fyrsta fjöl-
skyldunámskeiðið sem hefst laugar-
daginn 28. september og verður í
átta vikur. Námskeiðið er ætlað
börnum á aldrinum 6-12 ára og for-
eldrum eða forráðamönnum þeirra.
Skipt verður í yngri og eldri hóp og
fylgja foreldrar sínum börnum.
Íþróttaskólinn verður haldinn í
Íþróttahúsi Réttarholtsskóla á
laugardögum frá klukkan 12-13.
Áhersla verður lögð á að börn og
fullorðnir taki jafnan þátt í tímunum
og að allir þátttakendur fái notið
sín. Á námskeiðinu verður farið í
hópefli, leiki, þrautabrautir og
þrautir sem henta öllum aldurs-
hópum.
Umsjón með íþróttaskólanum
hafa íþróttakennararnir Bjarney
Gunnarsdóttir og Maríanna Þórðar-
dóttir en þær hafa mikla reynslu af
fjölbreyttu íþrótta- og tómstunda-
starfi með börnum, unglingum og
fullorðnum.
Knattspyrnufélagið Víkingur og
Forvarnarsjóður Reykjavíkur styrkja
verkefnið. Nánari upplýsingar er
hægt að finna á Facebook undir
heitinu Íþróttaskóli fjölskyldunnar.
Nýjung í íþróttaskólaflóru landsins
Börn og foreldrar hreyfa
sig saman í Íþróttaskóla
Fjölskyldufjör Áhersla er lögð á börnin í íþróttaskólanum en lagt er upp með
að fullorðnir taki jafnan þátt og að allir þátttakendur fái notið sín sem best.
Skannaðu kóðann
til að fara inn á
vefsíðuna.
Stofnað
Fæst eingöngu í
Nýtt
á Íslandi
Fyrirbyggjandi
lúsasjampó
Gotitas de Oro - Anti-Lice Shampoo
Fyrirbyggjandi lúsasjampó fyrir börn.
Virk samsetning innihaldsefna ver hárið
og hársvörðinn og kemur í veg fyrir lúsasmit án
þess að valda óþægindum né ertingu.
Afar milt en öflugt sjampó.
Fyrir venjulegan hárþvott.
Inniheldur ekki eitur- né skordýraefni.