Morgunblaðið - 04.10.2013, Blaðsíða 44

44 | MORGUNBLAÐIÐ
Allt
á einum stað!
Lágmarks
biðtími www.bilaattan.is
Bílaverkstæði
Dekkjaverkstæði
Smurstöð
Varahlutir
Bílaeigendur standa margir frammi
fyrir þeirri erfiðu ákvörðun að þurfa
að gera upp við sig hvort bíllinn er lát-
inn vera á ónegldum vetrardekkjum,
svokölluðum heilsársdekkjum, árið um
kring, eða þá að keyptir eru tveir um-
gangar; annar fyrir sumarið og hinn
fyrir snjóinn og hálkuna, og dekkja-
verkstæðið heimsótt tvisvar á ári.
Sturla segir sparnaðinn greinilegan
ef valin eru heilsársdekk og flestir
verði ekki varir við muninn í akstri eða
eyðslu. Þá sé það ekki raunin á Íslandi
sem þekkist í útlöndum að heitt sum-
arveðrið fari illa með gúmmíið í vetr-
ardekkjunum sem gert er fyrir akstur í
kulda. „Hinu er ekki hægt að neita að
góður fólksbíll getur verið skemmti-
legri í akstri yfir sumartímann á
sumardekkjum, en nagladekk eru oft
skynsamlegasti kosturinn ef aka þarf
á milli landshluta yfir veturinn. Eig-
endur jepplinga velja hins vegar marg-
ir að nota heilsársdekkin því gróft
mynstrið á þeim getur komið sér vel
ef skjótast á út fyrir bæinn að sumri,
t.d. í veiðitúr á slóðum þar sem þörf
er á auknu gripi.“
Eru heilsársdekk sniðugur kostur?
Þó svo að nagladekkjatímbilið sé frá
1. nóvember til 15. apríl segir Sturla
að það sé einkum veðrið sem ráði
hvenær dekkin fara af og á. Vetr-
ardekkjavertíðin hófst snemma þetta
árið í takt við vonskuveður og snjó
sem dundi á norðlægari hlutum lands-
ins. „Um leið og kemur smá föl fara
verkstæðin að fyllast og ég veit að nú
þegar er nóg að gera á dekkjaverk-
stæðum á norðurhluta landsins og við
finnum líka fyrir því að vetrartíminn
er byrjaður á verkstæðunum fyrir
sunnan. Ég kvarta ekki enda gott að
byrja snemma til að dreifa álaginu yfir
haustið.“
Morgunblaðið/RAX
Snjór Veðurfarið ræður því hvenær nagladekkin fara á og af.
Á nagla strax og snjóar
M
ikil þróun hefur átt sér
stað í gerð bíldekkja þar
sem framleiðendur
keppast við að skapa
dekk sem eru bæði
öruggari, umhverfisvænni og hag-
kvæmari. Sturla Pétursson hjá
Gúmmívinnustofunni segir harð-
skeljadekkin vera stærstu breyt-
inguna og hægt að tala um spreng-
ingu á íslenska markaðinum. „Mér
virðist harðskeljadekkin í dag orðin
um 15% af sölunni. Bæði hefur verðið
á harðskeljadekkjum farið lækkandi
og eru nú á meðalverði miðað við önn-
ur dekk. Þá eru stöðugt fleiri sem
hafa uppgötvað kosti þessara dekkja
fyrir akstur og umhverfi.“
Grípa vel í hálku
Harðskeljadekkin innihalda, eins og
nafnið gefur til kynna, skeljar af val-
hnetum. „Valhnetuskeljar eru með
hörðustu lífrænu efnum sem finna
má. Þegar þessum skeljum er bland-
að í gúmmíið er útkoman sannkall-
aður kraftaverkahjólbarði sem dugar
sérlega vel í vetrarveðrum. Þeir sem
ekið hafa á harðskeljadekkjum í
hálku finna vel hvað dekkið grípur vel
í veginn. Harðskeljadekkin hafa líka
þann stóra kost fram yfir nagladekk
að slíta malbikinu síður og gefa frá
sér minni hávaða svo bæði minnkar
niðurinn við umferðargötur og minna
svifryk liggur yfir borginni,“ segir
Sturla . „Framleiðendur hafa nýlega
bætt silica-blöndu út í hjólbarðann
sem gerir hann mýkri og sterkari í
vetrarkuldum án þess þó að það komi
niður á notagildinu yfir sumartímann.
Er óhætt að nota harðskeljadekkin
sem heilsársdekk því þau láta ekki á
sjá í íslenskum sumarveðrum, þó
annað ætti mögulega við á enn heitari
slóðum suður í Evrópu.“
Dekk sem spara bensín
Nýjustu dekkin frá Goodyear og Mic-
helin leggja áherslu á umhverfisáhrif-
in en þó með öðrum hætti en harð-
skeljadekkin. Segir Sturla að leiðandi
dekkjaframleiðendur hafi á síðustu
árum lagt sig fram við að svara kalli
markaðarins eftir hjólbörðum sem
draga úr eldsneytisnotkun. Hjólbarð-
ar hafa mikil áhrif á það hversu miklu
eldsneyti bíllinn eyðir en með réttum
efnablöndum og mynstrum hefur
tekist að skapa dekk sem hafa lítið
viðnám í akstri en veita engu að síður
góða stjórn og hemlun. „Eldsneyt-
issparnaðurinn getur numið allt að
4% með þessari gerð dekkja,“ segir
Sturla.
Önnur áhugaverð nýjung eru
nagladekk frá Goodyear sem nota
þríhyrnda nagla. „Bæði hefur lögun
naglanna verið breytt og þeim komið
fyrir á hjólbarðanum með ákveðinni
stefnu og munstri sem gefur grip í
snjó og hálku sem á fáa sína líka.
Sjálfur hef ég ekið á þessum dekkjum
í vetrarveðrum austur fyrir fjall og er
gripið alveg svakalegt. Þessi dekk
eru góður kostur fyrir þá sem búa úti
á landsbyggðinni eða ferðast reglu-
lega út fyrir höfuðborgarsvæðið á
veturna.“
Rigningin minnti á slitið
Umtalað var á dekkjaverkstæðum
fyrstu misserin og árin eftir efna-
hagshrun að margir viðskiptavinrnir
virtust draga fram á síðustu stundu
að skipta um slitin dekk. Sturla segir
það á tímabili hafa verið daglegt
brauð að á Gúmmívinnustofuna
kæmu bílar á rennisléttum dekkjum.
Nú sé ekki annað að sjá en að ástand-
ið fari skánandi. „Þessum tilvikum
fer fækkandi og kannski má þakka
vætutíðunni undanfarið fyrir það.
Þegar rignir mikið finna ökumenn
mjög greinilega ástand dekkjanna og
bíða ekki boðanna ef slétt dekkin eru
greinilega farin að valda slysahættu.
Þá sýnist mér að vaxandi hópur bíl-
eigenda hugsi vel um dekkin og láti
t.d. víxla dekkjunum reglulega til að
tryggja jafnara slit.“
Neytendur leita í alla verðflokka:
sumir þurfa að passa vel upp á pen-
ingana og leita því í ódýrustu merkin,
á meðan aðrir sætta sig ekki við ann-
að en dýrustu hágæðadekkin. Enn
aðrir halda sig einfaldlega við sömu
tegundina ár eftir ár af vanafestu.
„Bestu kínversku dekkjaframleið-
endurnir eru að koma sterkir inn með
góðum dekkjum á milliverðum,“ út-
skýrir Sturla. ai@mbl.is
Úthugsað Framleiðendur þróa efni og mynstur sem draga úr mótstöðu og spara með þeim hætti bensín. Grip Þríhyrndu naglarnir ríghalda í ísinn og kjörnir á bíla á landsbyggðinni.
Morgunblaðið/Rósa Braga
Undur „Þeir sem ekið hafa á harðskeljadekkjum í hálku finna vel hvað dekkið gríp-
ur vel í veginn. Harðskeljadekkin hafa líka þann stóra kost fram yfir nagladek að
slíta malbikinu síður og gefa frá sér minni hávaða svo bæði minnkar niðurinn við
umferðargötur og minna svifryk liggur yfir borginni,“ segir Sturla.
Vetrardekk með þríhyrndum nöglum og níðsterku
gripi og spardekk sem draga úr bensíneyðslu eru
meðal nýjunga á dekkjamarkaðinum.
Þegar þessum skeljum er
blandað í gúmmíið er út-
koman sannkallaður
kraftaverkahjólbarði
Harðskeljadekkin æ stærri hluti af sölunni