Morgunblaðið - 27.12.2013, Blaðsíða 9
FRÉTTIR 9Innlent
MORGUNBLAÐIÐ FÖSTUDAGUR 27. DESEMBER 2013
Tengi óskar landsmönnum
Gleðilegra jóla og farsældar
á komandi ári
Þökkum viðskiptin á árinu sem er að líða
Tengi Smiðjuvegi 76 • Kópavogi • Sími 414 1000
Tengi Baldursnesi 6 • Akureyri • Sími 414 1050
Rauðagerði 25 108 Reykjavík Sími 440 1800 kaelitaekni.is
Okkar þekking nýtist þéri i
Orkusparnaður
með Nergeco
hraðopnandi
iðnaðarhurðum
Nergeco
Opnast hratt & örugglega
Eru orkusparandi
Þola mikið vindálag
Eru öruggar & áreiðanlegar
Henta við allar aðstæður
15 ára reynsla við íslenskar
aðstæður & yfir 130 hurðir
á Íslandi
•
•
•
•
•
•
Með hraðri opnun & lokun sem & mikilli einangrun
má minnka varmaskipti þar sem loftskipti verða minni
Intelligent curtain sem
veitir aukið öryggi
Hverfisgötu 105 • www.storarstelpur.is
Opið mán.-fös. frá kl. 11-18,
lau. 11-15.
30%
afsláttur
27.12 - 31.12.2013
Árni Grétar Finnsson
agf@mbl.is
Snorri Rafn Theodórsson, 19 ára
nýstúdent frá Flensborgarskól-
anum í Hafnarfirði, fékk 9,77 í með-
aleinkunn á stúdentsprófi sínu. Ein-
kunnin er sú hæsta sem reiknuð
hefur verið frá skólanum.
Flensborgarskólinn brautskráði
58 nemendur hinn 21. desember sl.
og lauk tæpur helmingur nemend-
anna námi á þremur og hálfu ári,
þar af einn á þremur árum. Á eftir
Snorra var Jónas Grétar Jónasson
semídúx með einkunnina 9,68 og
hjó hann nærri eldra skólametinu
sem var 9,71. Hvorki hann né
Snorri Rafn höfðu einkunn undir 9
á einkunnaskírteini sínu. Hildur
Rún Guðjónsdóttir var með 9,21,
Guðrún Brá Björgvinsdóttir með
9,08 og Dagur Sigurður Úlfarsson
með einkunnina 8,98.
Best að vinna jafnt og þétt
„Að vinna hægt og rólega og
jafnt yfir önnina. Ekkert vera að
stressa sig á þessu fyrir loka-
prófið,“ segir Snorri Rafn um lyk-
ilinn að þessum árangri. Hann seg-
ist ekki hafa verið að hugsa neitt
sérstaklega um að bæta skólametið.
„Þetta gerðist bara. Ég heyrði
þetta fyrst á útskriftarathöfninni,“
segir Snorri hógvær.
Snorri Rafn dúxaði einnig á
grunnskólaprófi sínu og segir að
námið liggi vel fyrir sér, en með-
fram námi lærði hann á hljómborð í
Tónlistarskóla Hafnarfjarðar auk
þess að æfa bæði handbolta og fót-
bolta. Hann segir að skipulag skili
árangri í náminu en hann passar þó
að skipuleggja sig ekki of mikið.
En hvað ætlar hann að gera í
framhaldi af þessum árangri? „Ég
ætla að vinna eftir áramót og fram
á næsta haust og þá ætla ég í heil-
brigðisverkfræði í Háskólanum í
Reykjavík.“
Hæsta einkunn í
sögu Flensborgar
Snorri Rafn útskrifaðist með 9,77
Nýstúdent Snorri Rafn var að von-
um sáttur á útskriftarathöfninni.
Baldur Arnarson
baldura@mbl.is
Þorbjörg Helga Vigfúsdóttir, borgar-
fulltrúi Sjálfstæðisflokksins, telur
nauðsynlegt að endurskoða þá
ákvörðun að borgin hætti beinum
stuðningi við Alþjóðlegu kvik-
myndahátíðina í Reykjavík (RIFF).
„Ég var mjög gagnrýnin á að
vörkumerkinu RIFF skuli fórnað, tíu
ára vörumerki sem borgin hefur fjár-
fest mikið í,“ segir hún.
Eins og Morgunblaðið hefur greint
frá hefur menningar- og ferðamála-
ráð borgarinnar farið að tillögu
Bandalags íslenskra listamanna
(BÍL) um að styrkja ekki RIFF á
næsta ári. Lagði BÍL til að hátíðin
Heimili kvikmyndanna skyldi fá átta
milljónir á næsta ári.
Forsendurnar nær brostnar
Heimili kvikmyndanna er sjálfs-
eignarstofnun sem rekur m.a. Bíó
Paradís sem styrkt er af Reykjavík-
urborg. Fagfélög kvikmyndagerðar-
manna standa að stofnuninni.
„Ég lít svo á að þegar borgin núllar
út sinn styrk til RIFF séu forsendur
fyrir því að hátíðin fái styrki frá öðr-
um nær brostnar. Við erum ekkert að
hugsa um að reyna að halda henni á
lífi eða hafa samkeppni milli hátíð-
anna, heldur er aðeins tekin ein-
strengingsleg ákvörðun um að byrja á
nýrri, án þess að það liggi neitt fyrir
um það sem að baki liggur,“ segir
hún.
Hún tekur fram að fulltrúar Sjálf-
stæðisflokksins í minnihlutanum í
menningar- og ferðamálaráði hafi
samþykkt tillögur faghóps BÍL um
styrkveitingar til menningarmála á
næsta ári að öllu leyti nema hvað
varðar RIFF og Bíó paradís. Stefna
borgarinnar gagnvart kvikmynda-
hátíðum væri enda óljós. Menningar-
og ferðamálaráð úthlutar 70 milljón-
um á næsta ári á grundvelli tillagna
BÍL en sótt var um 268 milljónir.
Samkvæmt samningi borgarinnar
fær Bíó paradís 14,5 milljónir í rekstr-
arstyrk á ári. RIFF fékk níu milljónir
frá borginni í ár en fær ekkert á
næsta ári.
Ekki á ábyrgð borgarinnar
Spurð um það sjónarmið Þorbjarg-
ar Helgu, að ákvörðunin um úthlut-
unina feli í sér að RIFF verði fórnað,
segir Margrét Kristín Blöndal, full-
trúi Besta flokksins í ráðinu, að „það
[sé] ekki ábyrgð Reykjavíkurborgar“
að koma í veg fyrir það.
„Ég tel að það sé búið að ganga frá
þessu, algjörlega. Til þess var stofnað
til faghópsins fyrir ráðið að fagfólk
færi yfir þessar umsóknir. Það væri
þá sannarlega saga til næsta bæjar ef
við færum að draga í efa álit þeirra í
einhverjum einstökum málum.“
– Þannig að það er að þínu mati
ekki á ábyrgð Reykjavíkurborgar að
standa undir RIFF?
„Nei. Það er auðvitað alls ekkert á
ábyrgð Reykjavíkurborgar. RIFF
hefur verið styrkt um miklar fjárhæð-
ir í gegnum árin og staðið vel að sínu
verki. Eins og komið hefur fram eru
sendar inn umsóknir á hverju ári. Það
var mat faghópsins að þetta skyldi
vera svona í ár. Það geta allir sótt um
styrki hjá Reykjavíkurborg. Það er
ekkert sem bendir til þess að ég þurfi
að draga álit þessa faghóps í efa í ein-
hverjum einstökum málum. Alls ekki.
Ég treysti þeim fullkomlega fyrir
þessu starfi sem þau hafa innt afskap-
lega vel og fagmannlega af hendi,“
segir Margrét. Hvorki náðist í Jón
Gnarr borgarstjóra né S. Björn Blön-
dal, aðstoðarmann hans, í gær.
Gagnrýnir að
RIFF skuli fórnað
Borgarfulltrúi vill endurskoða málið
Þorbjörg Helga
Vigfúsdóttir
Margrét Kristín
Blöndal
Greiðslumark
ársins 2014 verð-
ur 125 milljónir
lítra, sem er níu
milljóna lítra
aukning frá
árinu 2013.
Breytingin er
gerð í ljósi mik-
illar söluaukn-
ingar í haust og
minni birgða-
stöðu en venja er
til. Aukningin hefur ekki áhrif á
upphæð opinbers stuðnings við
greinina og verður fullt afurða-
stöðvaverð greitt fyrir alla inn-
vegna mjólk á árinu 2014.
Samtök afurðastöðva í mjólkur-
iðnaði höfðu í september sl. sagt
fyrir um sölu á fitugrunni upp á 123
milljónir lítra, en sú spá hefur nú
verið endurskoðuð m.t.t. söluaukn-
ingar og hækkuð um tvær milljónir
lítra.
Greiðslumarkið orð-
ið 125 milljónir lítra
Kýr Greiðslumark-
ið var hækkað um
níu milljónir lítra.