Morgunblaðið - 27.12.2013, Blaðsíða 21
AFP
Gjafir Netverslun vestanhafs síðustu dagana fyrir jól var mun meiri en
vænst hafði verið. Úr einu af vörhúsum netrisans Amazon.
Stærsta netverslun Bandaríkjanna,
Amazon.com, hefur boðið ósáttum
viðskiptavinum gjafakort og endur-
greitt sendingarkostnað eftir að í ljós
kom að hraðsendingafyrirtækinu
UPS hafði ekki tekist að koma öllum
pökkum til skila fyrir jólin.
Fréttaveita Bloomberg segir að allt
hafi lagst á eitt til að setja dreifing-
aráætlun UPS úr skorðum. Seljendur
reyndu að örva jólasölu með því að
færa síðasta pöntunardag fyrir jól aft-
ar í dagatalinu og flæði pantana á síð-
ustu metrunum fyrir hátíðirnar var
mun meira en vænst hafði verið.
Wall Street Journal segir vandræði
UPS gefa til kynna að seljendur og
póstdreifingarfyrirtæki hafi ekki enn
náð að skilja til fulls hegðun neytenda
á tímum netsins. Samkvæmt grein-
ingu IBM Digital Analytics jókst sala
á netinu í Bandaríkjunum síðustu
helgina fyrir jól um 37% milli ára.
ai@mbl.is
Áætlanir UPS
gengu ekki upp
Óánægðir viðskiptavinir sem fengu
ekki jólapakkana sína á réttum tíma
FRÉTTIR 21Viðskipti | Atvinnulíf
MORGUNBLAÐIÐ FÖSTUDAGUR 27. DESEMBER 2013
Suðurlandsbraut 12 l 108 Reykjavík l S. 557-5880 l kruska@kruska.is l kruska.is
SENDUM Í FYRIRTÆKI OPIÐ VIRKA DAGA FRÁ 11-21
Á Krúsku færðu
yndislegan og
heilsusamlegan
mat.
Opið frá 11-21
alla virka
daga
GÆÐI – ÞEKKING – ÞJÓNUSTA
Frá okkur færðu
skyrturnar þínar
tandurhreinar og
nýstraujaðar
Háaleitisbraut 58-60 • 108 Reykjavík www.bjorg.is • Sími 553 1380
ÞVOTTAHÚS
EFNALAUG
DÚKALEIGA
Íslenska leikjafyrirtækið Plain Vanilla, fram-
leiðandi iPhone-leiksins QuizUp, tilkynnti á
fimmtudag að tekist hefði að safna 22 millj-
ónum Bandaríkjadala hjá fjárfestum, jafnvirði
um 2,5 milljarða króna. Með þessu framlagi
hefur Plain Vanilla sótt til fjárfesta samtals 27
milljónir dala, jafnvirði rösklega 3,1 milljarðs
króna m.v. gengi fimmtudagsins.
Allir fjárfestar sem fyrir hafa lagt fé í Plain
Vanilla tóku þátt í þessari nýjustu fjármögn-
unarumferð, þeirra á meðal Tencent Holdings
og Sequoia Capital, sem leiddu fjáröflunina. Í
tilkynningu frá Plain Vanilla segir að um sé að
ræða stærstu einstöku fjárfestingu Sequoia
Capital á árinu.
Morgunblaðið hefur áður sagt frá mikilli vel-
gengni QuizUp en um er að ræða spurninga-
leik fyrir snjallsíma og spjaldtölvur Apple.
Leikurinn kom út í nóvember og síðan þá hafa
rúmlega fimm milljónir notenda hlaðið leikn-
um niður í snjalltæki sín. Hefur enginn leikur í
iTunes-búðinni áður vaxið að vinsældum með
slíkum hraða. Það fjármagn sem Plain Vanilla
hefur nú aflað verður notað til að styðja við
áframhaldandi vöxt og stækkun fyrirtækisins.
Spjallborðið logar
Þorsteinn Baldur Friðriksson, stofnandi og
forstjóri Plain Vanilla, segir bæði ótrúlegt og
skemmtilegt að fylgjast með þeim miklu vin-
sældum sem QuizUp nýtur um allan heim. „Við
vildum frá upphafi reyna að skapa vettvang
þar sem fólk gæti tengst og kynnst í gegnum
sameiginleg áhugamál sín og þess vegna sett-
um við inn möguleika fyrir fólk að senda skila-
boð sín á milli og settum jafnframt upp sérstök
spjallborð fyrir hvern efnisflokk í QuizUp. Sá
mikli fjöldi sem notar þennan möguleika til að
kynnast öðrum notendum innan leiksins hefur
hins vegar farið fram úr okkar björtustu von-
um og ljóst að fólk nýtur þess að skiptast á
skoðunum um áhugamál sín.“
Í tilkynningu er haft eftir Roelof Botha, ein-
um af eigendum Sequoia Capital, að virkni not-
enda innan QuizUp sé „stórkostleg“. „Þor-
steinn Baldur og félagar hafa hitt á hið
fullkomna jafnvægi mannlegra samskipta og
leikjaspilunar sem höfðar til milljóna notenda
um allan heim.“
ai@mbl.is
Plain Vanilla tryggir sér fjár-
mögnun upp á um 2,5 milljarða
Morgunblaðið/Ómar
Veldi Þorsteinn B. Friðriksson hjá Plain Vanilla. Spurningaeikurinn QuizUp hefur slegið í gegn.
Á að styðja við áframhaldandi vöxt Yfir fimm milljón manns hafa hlaðið niður QuizUp-leiknum