Morgunblaðið - 10.02.2014, Síða 6

6 FRÉTTIRInnlent
MORGUNBLAÐIÐ MÁNUDAGUR 10. FEBRÚAR 2014
BIRTING LÝSINGAR
GLEQ 13 1
Útgefandi er AAM GLEQ fagfjárfestasjóður, kt. 630813-9990,
Borgartúni 27, 105 Reykjavík. Rekstrarfélag sjóðsins er Alda sjóðir hf.,
kt. 560409-0790.
AAM GLEQ hefur birt lýsingu, dags. 7. febrúar 2014, vegna töku
afleiðutengdra skuldabréfa til viðskipta á Aðalmarkaði NASDAQ
OMX Iceland hf. Áætlað er að skuldabréfin verði tekin til viðskipta
föstudaginn 21. febrúar 2014, en með eins dags fyrirvara mun
kauphöllin tilkynna opinberlega fyrsta viðskiptadag. Lýsingin var
staðfest af Fjármálaeftirlitnu, dags. 7. febrúar 2014 og er gildistími
hennar í 12 mánuði frá staðfestingu hennar. Aðgengi að lýsingunni
er tryggt meðan hún er í gildi á vef rekstrarfélagsins á slóðinni
www.aldasjodir.is/?q=funds, en einnig er hægt að nálgast prentað
eintak hjá rekstrarfélaginu að Borgartúni 27, 105 Reykjavík.
Heildarnafnverð skuldabréfanna sem óskað hefur verið eftir að tekin
verði til viðskipta er 665.000.000 kr. Nafnverð hverrar einingar er
1.000 kr. Tegund skuldabréfanna er eingreiðslubréf og bera þau ekki
vexti heldur er ávöxtun bréfanna tengd ávöxtun vísitölukörfu.
Útgáfudagur skuldabréfanna var 22. október 2013 og er gjalddagi
þeirra 24. október 2016.
Auðkenni skuldabréfaflokksins er GLEQ 13 1 í kerfi Verðbréfaskráningar
Íslands hf. og hefur verið óskað eftir sama auðkenni í kerfum NASDAQ
OMX Iceland hf. ISIN-númer skuldabréfanna er IS0000023950.
H.F. Verðbréf hf. hefur umsjón með töku skuldabréfanna til viðskipta.
Reykjavík, 10. febrúar 2014
Alda sjóðir hf.
Kristinn Ingi Jónsson
kij@mbl.is
„Ég kunni að bregðast við og var heldur ekkert hrædd, því
ég hafði gert þetta margoft áður á skyndihjálparnám-
skeiðunum. Það skipti sköpum,“ segir Bylgja Dögg Sig-
urðardóttir sem valin var skyndihjálparmaður ársins 2013
af Rauða krossi Íslands í gær.
Hún sýndi hárrétt viðbrögð þegar hún kom að bifreið
með hættuljósin á sem lagt hafði verið í vegkanti í Selja-
hverfi í Breiðholti. Ungur maður, Patrekur Maron Magn-
ússon, sem var farþegi í bifreiðinni, fór í hjartastopp og á
líf sitt að launa þeirri meðvituðu ákvörðun Bylgju að
stöðva alltaf þegar hún sér fólk í vanda. Af hreinni tilviljun
var Bylgja á ferðinni þarna á þessum tíma með börnin sín
tvö. Hún ákvað að bjóða fram aðstoð og hefja endurlífgun,
en hún er aðeins 24 ára.
„Þú ert að gera rétt, stelpa“
Bylgja lét eðlishvötina ráða og einbeitti sér að því að
hnoða þar til hjálp barst, í stað þess að stoppa og blása á
milli, en hún var þá komin í samband við Neyðarlínuna.
Fleiri vegfarendur voru þá komnir á vettvang. „Ég var bú-
in að hnoða frekar lengi og segi allt í einu upphátt:
„Hvernig veit ég hvort ég er að gera þetta rétt?“ Þá var
eldri maður sem stóð beint fyrir ofan mig, afalegur með
eins konar pípuhatt, og sagði: „Þú ert að gera rétt, stelpa,
þú stendur þig vel.“ Það gaf mér aukinn kraft til að halda
áfram,“ segir hún. Sjö mínútur liðu þar til lögregla kom á
vettvang og tók við endurlífguninni. Sjúkrabíll fylgdi í
kjölfarið.
Að sögn Patreks var hann í rúmar þrjár vikur á hjarta-
deild Landspítalans. Hann hefur náð sér ótrúlega vel eftir
atburðinn og fór til dæmis í tilsett próf í skólanum í des-
ember. Hann segist ekki eiga sér neina sögu um hjarta-
sjúkdóma, en mjög sjaldgæft er að svo ungur maður fái
skyndilega hjartastopp. Hann segir að þau Bylgja séu í af-
ar góðu sambandi en sem dæmi bauð fjölskylda Patreks
henni í heimsókn um jólin.
Viðurkenningin var veitt í húsi Rauða krossins og var
um sérstakan viðhafnarviðburð að ræða, þar sem félagið
fagnar níutíu ára afmæli sínu á þessu ári. Öllum þeim sem
hafa verið útnefndir skyndihjálparmenn Rauða krossins á
síðustu fjórtán árum, sem og þeim sem bjargað hefur ver-
ið, var boðið að samgleðjast með Bylgju Dögg. Þrír aðrir
einstaklingar hlutu einnig viðurkenningu fyrir að hafa
beitt skyndihjálp og bjargað lífi á eftirtektarverðan hátt.
Lét eðlishvötina ráða og
hnoðaði þar til hjálp barst
Morgunblaðið/Árni Sæberg
Í góðu sambandi Bylgja Dögg Sigurðardóttir og Pat-
rekur Maron Magnússon, sem hún kom til aðstoðar.
 Ung kona valin skyndi-
hjálparmaður ársins af RKÍ
BAKSVIÐ
Ágúst Ingi Jónsson
aij@mbl.is
Á hverju ári sýna sig hér á landi nýj-
ar eða sjaldséðar tegundir fugla.
Fuglaáhugamenn fagna þessum
heimsóknum til landsins og engir
meira en karlarnir sem skipa 200-
fugla hópinn. Þeir beinlínis safna
fuglum og talsverð keppni ríkir á
milli þeirra um að hafa séð flestar
tegundir og fengið þær skráðar og
staðfestar af Flækingsfuglanefnd.
Nefndin sú hefur síðasta orðið um
hvort rétt sé greint því ekki er alltaf
auðvelt að þekkja fugla. Fyrir kemur
að greiningu er hafnað.
Myndir eru mikið notaðar sem
gögn fyrir nefndinni og fugla-
áhugamennirnir eru flestir vel tækj-
um búnir. Einnig ríkir traust manna
á meðal og menn eru meðvitaðir um
að brýnt sé að skráningar séu örugg-
ar því um alþjóðlegt samstarf er að
ræða. Nefndin hittist einu sinni á ári
undir forystu Gunnlaugs Péturs-
sonar, verkfræðings, og þar er farið
yfir gögn frá liðnu ári.
Nefndin fylgir verklagi og vinnu-
reglum sem settar hafa verið af sam-
tökum evrópskra flækingsfugla-
nefnda. Staðfestar skýrslur um
athuganir eru síðan gefnar út í Blika,
sem Náttúrufræðistofnun gefur út.
Björn Arnarson á Höfn í Horna-
firði á flesta skráða fugla, alls 311, en
nokkrir eru skammt á eftir honum á
listanum og gætu farið yfir 300 fugla
markið á næstu árum. Þeirra á með-
al er Yann Kolbeinsson líffræðingur
sem starfar á Náttúrustofu Norð-
austurlands á Húsavík.
Mikil þekking og vaxandi áhugi
Yann segir að mikið og gott sam-
starf sé meðal fuglaáhugamanna, en
um leið ríki keppni á milli þeirra.
„Hálfdán Björnsson frá Kvískerj-
um var fyrstur í 200-fugla markið
fyrir um 20 árum, en markviss söfn-
un á fuglum og keppni í greiningu
þeirra hefur örugglega ekki verið í
huga hans,“ segir Yann.
„Áhugi á fuglaskoðun hefur farið
vaxandi með árunum og þegar ég
setti í loftið vefinn Birding Iceland
upp úr aldamótum fóru menn að geta
fylgst með stöðunni hver hjá öðrum.
Það er ekki óalgengt að ef einhver
okkar bætir við sig fugli að þá sé
hringt í næstu menn á listanum og
spurt hvort þeir ætli ekki að fara að
herða sig.
Þetta er frábær félagsskapur þar
sem heilmikil þekking er saman
komin og að sjálfsögðu er skemmti-
legast að verða fyrstur á landinu til
að sjá fugl, sem ekki hefur sést hér
áður. Að finna nýja tegund sem eng-
inn annar hefur séð er ótrúlega
skemmtilegt. Ef fuglinn hverfur síð-
an fljótlega þá ertu með forskot eða
tromp á hendi þar til hann gefur aft-
ur færi á sér.“
390 tegundir fugla hafa sést hér á
landi og hér verpa að staðaldri 76
tegundir, en nokkrar til viðbótar
stöku sinnum. Ísland er hins vegar
mikilvægur viðkomustaður á farleið
nokkurra fuglategunda, gæsa og
vaðfugla, milli varpstöðva á Græn-
landi og í Kanada og vetrarstöðva í
Evrópu,“ segir á vef Náttúrufræði-
stofnunar.
Gusa af sjaldgæfum
fuglum í janúarmánuði
Þá berast til landsins, einkum á
fartímum vor og haust, fjöldamargar
tegundir flækingsfugla, bæði úr
austri og vestri. Það var því kær-
komið fyrir fuglasafnara að fá til
landsins fjölmarga óvænta gesti í ný-
liðnum janúarmánuði með lægða-
gangi síðustu vikna.
Yann nefnir að óvenjumikið af
fuglum hafi borist miðað við árstíma,
þar á meðal 16 akurgæsir. Sjaldgæf-
astur hafi verið sefþvari sem fannst
á Laugum, en tegundin hefur aðeins
sést fimm sinnum áður hér á landi
áður. Ástæður þessara óvæntu
heimsókna til Íslands kunna að hafa
verið hörkur í vetrarstöðvum
fuglanna samhliða óvenjumikilla
austanátta í janúar. Síðustu viku
hefur dregið úr heimsóknum flæk-
inga, en Yann segir að öll nótt sé
ekki úti enn, því austanáttir séu í
kortunum.
Ekki sami brennandi
áhuginn meðal kvenna
Yann segir að hópur fuglaáhuga-
manna hafi séð 150-200 fugla og hóp-
urinn stækki stöðugt. En hvers
vegna eru engar konur í þessum
flokki?
„Því miður virðast þær ekki hafa
jafn brennandi áhuga, en í hópnum
eru samt nokkrar sem fylgjast vel
með og hafa gaman af að sjá þessa
flækingsfugla. Það virðist samt ekki
vera sami keppnisandinn meðal
þeirra,“ segir Yann.
Hann segir að mestar líkur séu á
að finna sjaldgæfa fugla á Suður- og
Suðausturlandi, en hann segist þó
hafa verið heppinn og hafi fundið
„nokkra býsna góða fugla fyrir norð-
an“. Yann nefnir víxlnef, hellumáf og
flóasnípu á síðustu árum, en þessir
fuglar höfðu ekki sést áður hér-
lendis.
Fagna framandi flækingum
 20 karlar í klúbbi þeirra sem hafa séð yfir 200 tegundir fugla hér á landi og einn kominn yfir 300
 Safna fuglum og Flækingsfuglanefnd þarf að staðfesta greiningu  Samstarf en einnig samkeppni
Ljósmynd/Yann Kolbeinsson
Sefþvari Guðmundur Smári Gunnarsson, kennari á Laugum, fann fuglinn og
lét fuglaáhugamenn á Húsavík vita af þessum sjaldgæfa gesti. Yann var ekki
lengi að bregða sér inn að Laugum, myndaði fuglinn og skráði í safn sitt.
Á ferðinni Yann Kolbeinsson líf-
fræðingur og fuglaáhugamaður.
Eftirtaldir skipa „200 fugla hópinn“. Sumir safna af miklum áhuga,
hjá öðrum hefur fuglunum fjölgað með árunum án þess að stefnt
hafi verið að einhverju sérstöku marki. Á listanum er að finna nafn
Kjartans G. Magnússonar, sem lést árið 2006, en hann varð á sínum
tíma fyrstur Íslendinga til að sjá þúsund tegundir fugla í heiminum.
Björn G. Arnarson 311
Yann Kolbeinsson 294
Brynjúlfur Brynjólfsson 292
Gunnar Þór Hallgrímsson 291
Hálfdán Björnsson 289
Gunnlaugur Pétursson 288
Gunnlaugur Þráinsson 288
Sigmundur Ásgeirsson 283
Hallgrímur V. Gunnarsson 267
Edward Barry Rickson 252
Jóhann Óli Hilmarsson 251
Stefán Áki Ragnarsson 248
Daníel Bergmann 240
Gaukur Hjartarson 238
Kjartan G. Magnússon 228
Ingvar Atli Sigurðsson 226
Erling Ólafsson 217
Einar Ólafur Þorleifsson 216
Ómar Runólfsson 214
Ólafur Einarsson 208
Kristinn Haukur
Skarphéðinsson 206
200 fugla hópurinn
GÓÐUR FÉLAGSSKAPUR