Morgunblaðið - 14.02.2014, Síða 29

UMRÆÐAN 29
MORGUNBLAÐIÐ FÖSTUDAGUR 14. FEBRÚAR 2014
Svalaskjól
-sælureitur innan seilingar
Hentar mjög vel
íslenskri veðráttu
Við höfum framleitt viðhaldsfría
glugga og hurðir í 29 ár
Nánari upplýsingar á www.solskalar.is
Frábært skjól gegn vindi og regni
Yfir 40 litir í boði!
Smiðsbúð 10 • 210 Garðabær • Sími: 554 4300 • Fax: 564 1187
Ert þúmeð verki?
Betri heilsa borgar sig!
Faxafeni 14 · Sími 560 1010 · heilsuborg.is
Stoðkerfislausnir
Námskeiðið hentar þeim sem eru með einkenni
frá stoðkerfi, vilja læra á sjálfan sig og finna sín
mörk í hreyfingu.
• 3x í viku:Mán., mið. og fös. kl. 15:00
Þjálfari Anna Borg, sjúkraþjálfari
Hefst 10. mars
Verð 39.800 (19.900 pr. mán.)
• 2x í viku: Þri. og fim. kl. 17:30
Þjálfari Arna Steinarsdóttir, sjúkraþjálfari
Hefst 11. mars
Verð 33.800 (16.900 pr. mán.)
Skráning í síma 560 1010 eða á mottaka@heilsuborg.is
Samnorræna op-
inbera merkið Skráar-
gatið var tekið upp hér
á landi 12. nóvember
síðastliðinn sem einn
liður í því að stuðla að
bættu mataræði og þar
með bættri heilsu.
Markmiðið með Skrá-
argatinu er að auð-
velda neytendum að
velja hollari matvöru á
einfaldan og fljótlegan hátt. Með því
er neytendum leiðbeint, óháð tungu-
málakunnáttu, menntun eða þekk-
ingu á næringarfræði. Til lengri
tíma litið gæti merkið því stuðlað að
meiri jöfnuði til heilsu.
Hvað er Skráargatið?
Skráargatið er merki sem setja
má á umbúðir matvara sem uppfylla
ákveðin skilyrði varðandi samsetn-
ingu næringarefna. Þessi skilyrði
eru:
* Minni og hollari fita
* Minna salt
* Minni sykur
* Meira af trefjum og heilkorni
Merkið má einnig nota á ópakk-
aðan fisk, ávexti og grænmeti. Þá er
hægt að hafa t.d. skilti, veggspjald
eða hillumerkingu við vörurnar. Það
eru alls 25 flokkar matvæla sem
merkja má með Skráargatinu og eru
mismunandi skilyrði fyrir mismun-
andi flokka. Með merkinu er ekki
verið að hvetja fólk til að velja einn
matvælaflokk umfram annan heldur
til að velja hollari valkost innan
hvers matvælaflokks. Neytendur
geta treyst því að vörur merktar
Skráargatinu séu hollari en aðrar
vörur í sama flokki sem ekki upp-
fylla skilyrði til að bera merkið.
Skráargatsmerktar vörur henta
bæði fyrir börn og fullorðna en mik-
ilvægt er að hafa fjölbreytnina í fyr-
irrúmi og velja úr öllum fæðuflokk-
um daglega.
Markmið með Skráargatinu
Auk þess að auðvelda neytendum
að velja hollari matvörur við inn-
kaup á skjótan og einfaldan hátt er
markmiðið einnig að hvetja mat-
vælaframleiðendur til að þróa hollari
vörur og stuðla þannig að auknu
framboði af hollum matvælum á
markaði. Þegar Skráargatið var tek-
ið upp hér á landi voru þegar á milli
40 og 50 íslenskar vörutegundir með
merkið hér á markaði auk ýmissar
innfluttrar vöru frá hinum Norður-
landaþjóðunum. Framboð á Skráar-
gatsmerktum vörum jókst hratt hjá
hinum Norðurlandaþjóðunum eftir
upptöku merkisins þar og eru nú á
bilinu 1.500-1.700 vörutegundir
merktar Skráargatinu þar á mark-
aði. Það er vonandi að svipuð þróun
verði hér á landi þannig að skráar-
gatsmerktum vörum fjölgi. Til að
svo megi verða er mikilvægt að
neytendur kaupi Skráargats-
merktar vörur. Einnig er mikilvægt
að forsvarsmenn verslana sjái sér
hag í að hafa Skráargatsmerktar
vörur á boðstólum og hafi þær vel
sýnilegar fyrir viðskiptavini.
Skráargatið var tekið upp á Ís-
landi sem einn liður í því að stuðla að
bættu mataræði. Fólk er því hvatt til
að leita eftir Skráargatinu þegar það
kaupir í matinn því að Skráargatið
gerir það einfalt að velja hollara.
Matvælastofnun og Embætti
landlæknis standa sameiginlega að
merkinu hér á landi. Allar nánari
upplýsingar má fá á www.skraargat-
.is.
Skráargatið – nú er
einfalt að velja hollara
Eftir Hólmfríði Þor-
geirsdóttur og Elvu
Gísladóttur
»Neytendur geta
treyst því að vörur
merktar Skráargatinu
séu hollari en aðrar
vörur í sama flokki sem
ekki uppfylla skilyrði til
að bera merkið.
Elva
Gísladóttir
Höfundar eru verkefnisstjórar nær-
ingar hjá Embætti landlæknis.
Hólmfríður
Þorgeirsdóttir
Á undanförnum ár-
um hafa annað slagið
birst bænir eftir mig
hér í blaðinu af ýms-
um toga fyrir mönn-
um og málefnum.
Bæn dagsins og fyrir
fólki hvar sem það
kann að vera statt í
ölduróti lífsins. Oft
hef ég verið spurður
hvort ég geti ekki birt
kvöldbæn í blaðinu þótt um Morg-
unblað sé að ræða. Margir virðast
jú lesa blaðið á kvöldin og ein-
hverjir segjast jafnvel klippa bæn-
irnar út og lesa þegar komið er upp
í á kvöldin. Hef ég því ákveðið að
senda blaðinu eftirfarandi kvöld-
bæn. Bænir geta að sjálfsögðu ver-
ið ólíkar og þurfa alls ekki alltaf að
vera eins, en þessi er svona. Þeir
taki undir sem áhuga hafa og geri
að sínu.
Kvöldbæn
Kæri frelsari og eilífi lífgjafi,
Jesús Kristur! Ég þakka þér að ég
má eiga þig að sem bróður og
skilningsríkan vin. Þakka þér fyrir
þína takmarkalausu fyrirgefningu,
náð og miskunn. Samkvæmt þínu
orði treysti ég því að þú fyrirgefir
mér allt sem mér hefur mistekist.
Allar mínar syndugu hugsanir, alla
öfundina gagnvart náunganum eða
það sem ég hef framkvæmt sem er
þér ekki þóknanlegt. Alla leti, allt
kæruleysi, allt afskiptaleysi, óheið-
arleika og svik. Allt það sem hefur
skaðað mig og meitt sam-
ferðamenn mína á einn eða annan
hátt.
Já, fyrirgefðu mér allt það sem
hefur dregið mig frá því að lifa í
samfélagi við þig sem vin, bróður
og frelsara. Þú veist að ég er ófull-
kominn, syndugur maður, en ég
treysti á miskunn þína og fyr-
irgefningu. Veit mér auðmýkt og
hjálpa mér að iðrast af einlægu
hjarta. Reistu mig upp, lát mig
þroskast sem meðvitaðan vin þinn
og lærisvein. Hjálpaðu mér að lifa í
þakklæti og bera lífinu vitni. Með
þá trú í hjarta að þú elskir mig og
vakir yfir mér leggst ég nú til
hvíldar og bið þig að gefa mér góða
hvíld og að þú varðveitir mig í nótt.
Leyf mér að dvelja í skugga
vængja þinna og gef að
ég vakni endurnærður
til nýrra og spennandi
verka í fyrramálið. Þar
sem við erum sam-
verkamenn, ég og þú.
Blessaðu mig, alla
þá sem mér eru kær-
astair og ég nefni nú á
nafn …
Blessaðu einnig öll
þau verkefni og öll þau
málefni sem mér eru
kær og á mér hvíla
sérstaklega á þessu kvöldi og ég
nefni nú á nafn …
Kæri Jesús!
Þú sem hefur lofað að yfirgefa
mig ekki, takk fyrir að gera mig að
samerfingja þínum að eilífu ríki
þínu á himnum. Gefðu mér þinn
himneska frið í hjarta og hjálpaðu
mér að mæta verkefnum mínum af
æðruleysi. Gefðu að verk mín og öll
mín vera verði samferðafólki mínu
til uppörvunar og blessunar, þér til
dýrðar og sjálfum mér til heilla.
Amen.
Ég bið þig góði Jesús
að vera hjá mér í nótt,
gef ég heyri orð þín:
Vinur, sofðu rótt.
Til þín er gott að flýja,
þú gefur mér krafta nýja,
svo hjarta mitt fái tifað
og orð þitt í mér lifað.
(Sigurbjörn Þorkelsson)
Ljúfi Jesús, láttu mig
lífs míns alla daga
lifa þér og lofa þig
ljúft í kærleiks aga.
Sofðu vinur vært og rótt
verndi þig Drottinn góður.
Dreymi þig vel á dimmri nótt
dýrð þíns Jesú bróður.
(Þorkell Gunnar Sigurbjörnsson)
Kvöldbæn
Eftir Sigurbjörn
Þorkelsson
Sigurbjörn Þorkelsson
» Gef að verk mín og
öll mín vera verði
samferðafólki mínu til
uppörvunar og bless-
unar, þér til dýrðar og
sjálfum mér til heilla.
Höfundur er rithöfundur.