Morgunblaðið - 04.03.2014, Page 11

Stilla Fátt veit Klara betra en róa á kajak í fallegu umhverfi, hér er hún á Skjálfanda, án síma og annars áreitis.
dregið með því að þeir sem hafa
áhuga á að róa kajak fari á byrjenda-
námskeið. „Fólk þarf að læra hvern-
ig á að losa sig úr bátnum ef eitthvað
kemur upp á. Svo er gott að flýta sér
hægt, taka eitt skref í einu. Í þessu
eins og öðru skapar æfingin meistar-
ann. Það er gott að byrja að æfa sig í
vernduðu umhverfi Laugardals-
laugarinnar áður en fólk færir sig út
í sjóinn.“ Þegar Klara er spurð hvort
hægt sé að róa á kajak hvar sem er
við Íslandsstrendur segir hún að
sum svæði séu betri en önnur. „Ég
mundi ekki vilja róa við suðurströnd
Íslands, því þar er mikið brim, en
kannski geri ég það þegar ég verð
orðin betri. Guðni Páll, félagi okkar,
sem reri hringinn í kringum landið í
fyrra, lenti þar í hrakningum, en
hann kallar ekki allt ömmu sína í
þessum efnum.“
Kynnist landinu á nýjan hátt
og kemst á fáfarna staði
Höfuðstöðvar Kajakklúbbsins
eru við Geldinganes og það segir
Klara að sé skemmtilegt róðrar-
svæði. „Eyjarnar úti á sundunum
bjóða upp á fjölbreytta möguleika.
Klúbburinn fer líka í ferðir, Breiða-
fjörðurinn er mjög vinsæll. Ég hef
líka róið um Jökulfjörðu og Strandir,
en allt eru þetta æðisleg róðrar-
svæði. Maður kynnist landinu alveg
upp á nýtt frá þessu sjónarhorni ut-
an af hafi. Auk þess eru þetta svæði
sem ekki er auðvelt að komast á
landleiðina, nema gangandi. Það er
því frábært tækifæri að geta róið á
kajak svona víða. Í sumar langar
mig að róa fyrir Horn, fyrir Hvann-
dalabjörg, um Skagafjörðinn og ótal
aðra staði, möguleikarnir eru svo
margir.“ Hún segir að þau í Kajak-
klúbbnum rói allan ársins hring, þótt
vissulega séu þau færri sem rói yfir
veturinn, því þá er jú kaldara. „Við
förum ekki í öllum veðrum, en við
förum þegar við teljum það óhætt.
Það er vissulega harðsnúnari hópur
sem rær yfir vetrartímann, fólk sem
er betur undirbúið og betur þjálfað
til að takast á við erfiðar aðstæður.
Við tækjum ekki með okkur byrj-
anda í rokróður í janúar.“
Öldurót Stundum getur verið brim og hasar í kajakróðrinum.
Hópur Mælt er með að róa ekki einn á kajak og gott að eiga róðrarfélaga að.
DAGLEGT LÍF 11
MORGUNBLAÐIÐ ÞRIÐJUDAGUR 4. MARS 2014
Voltaren 11,6 mg/g, hlaup. Inniheldur 11,6 mg af díklófenaktvíetýlamíni. Ábendingar:
Staðbundnir bólgukvillar. Skammtar og lyfjagjöf: Fullorðnir og börn 14 ára og eldri: 2-4 g af
hlaupi borið á aumt svæði 3-4 sinnum á sólarhring. Mælt er með handþvotti eftir notkun,
nema verið sé að meðhöndla hendur. Ef meðhöndla á bráð, minniháttar meiðsli í stoðkerfi
skal ekki nota Voltaren lengur en 7 daga án samráðs við lækni. Hafið samband við lækninn
ef einkenni eru viðvarandi eða versna eftir meðferð í 7 sólarhringa. Frábendingar: Ofnæmi
fyrir einhverju innihaldsefnanna, asetýlsalisýlsýru og öðrum bólgueyðandi gigtarlyfjum
(NSAID). Sjúklingar sem hafa fengið astma, ofsakláða eða bráða nefslímubólgu af völdum
asetýlsalisýlsýru eða annarra bólgueyðandi gigtarlyfja (NSAID) eiga ekki að nota lyfið.
Síðustu 3 mánuðir meðgöngu. Má ekki nota handa börnum og unglingum 14 ára og yngri.
Sérstök varnaðarorð: Má eingöngu bera á heila og heilbrigða húð og alls ekki á slímhúðir eða
augu. Getur valdið húðertingu. Varast skal mikið sólarljós, notkun samhliða bólgueyðandi
lyfjum eða að hylja notkunarsvæðið með loftþéttum umbúðum. Gæta skal sérstakrar varúðar
hjá öldruðum eða astma-/ofnæmis-sjúklingum (hefur valdið berkjukrampa). Hætta á meðferð
ef útbrot koma fram eftir notkun. Við notkun á stór húðsvæði eykst hættan á almennum
aukaverkunum, t.d. á nýru. Við brjóstagjöf eða meðgöngu má eingöngu nota lyfið í samráði
við lækni. Lesið leiðbeiningar á umbúðum og í fylgiseðli fyrir notkun. Geymið þar sem
börn hvorki ná til né sjá. Markaðsleyfis hafi: Novartis Consumer Health S.A. Umboð á
Íslandi: Artasan ehf., Suðurhrauni 12a, 210 Garðabæ
Fæst án lyfseðils
Verkjastillandi
bólgueyðandi
Gíraffar hafa verið þó nokkuð
í umræðunni undanfarið,
mest vegna þess að aflífa hef-
ur þurft tvo slíka í dýragörð-
um til að koma í veg fyrir
skyldleikaræktun. Því má
segja að það sé sannarlega
fagnaðarefni þegar fregnir
berast af nýju gíraffalífi sem
fær að vera á meðal vor. Þessi
litli gíraffakálfur fæddist nú í
byrjun mars í dýragarðinum
Artis Zoo í Amsterdam og hér
fær hann sér mjólkursopa hjá
móður sinni sem ku heita Iw-
ana. Sjálfur hefur kálfurinn
ekki enn fengið nafn.
Fallegar skepnur líta dagsins ljós
Ljósmynd/AFP/Robin van Loinkhuijsen
Þyrstur Gott er að fá sér að drekka.
Nýfæddur gíraffi fær sér sopa
Tilgangur Kajakklúbbsins er að
standa fyrir iðkun kajak- og kanó-
róðurs, standa fyrir keppnum og
skipuleggja kajakferðir.
Næstu kajaknámskeið verða í
Laugardalslauginni eftirtaldar
helgar: 8.-9. mars, 26.-27. apríl og
17.-18. maí.
Í boði eru námskeið fyrir byrj-
endur, áratækni framhald og sér-
stakt veltunámskeið.
Námskeiðin standa frá kl. 16 til
18 báða dagana. Allur búnaður til
staðar, fólk þarf bara að mæta.
Upplýsingar og bókun hjá Magn-
úsi, sendið tölvupóst á netfangið:
msigsmidur@gmail.com eða
hringið í gsm 8973386.
Keppnir og námskeið
KAJAKKLÚBBURINN
Í dag kl. 12 mun Árni Hjartarson jarðfræðingur flytja fyrir-
lestur í Þjóðminjasafninu þar sem yfirskriftin er: Hall-
mundarkviða og Hallmundarhraun. Þar mun hann fjalla
um eldforna lýsingu á eldsumbrotum, en hið forna og tor-
ræða kvæði Hallmundarkviða er talið lýsa eldgosinu og
hraunrennslinu. Frá náttúrufræðilegu sjónarmiði er kvið-
an einn merkilegasti texti fornritanna en hefur lengst af
verið vanmetin sem slík. Hið sama kann að gilda um goð-
fræðilega þýðingu þess. Kvæðið endurspeglar undrun
landnámsmanna á jarðeldum, náttúrufyrirbrigði sem
ókunnugt var í þeirra fyrri heimkynnum, og sýnir hvernig
þeir reyndu að setja þessar hamfarir í goðsögulegt sam-
hengi. Í kvæðinu er greint frá aðdraganda gossins, gangi
þess og ýmsum afleiðingum. Í erindinu verða settar fram
tilgátur um aldur Hallmundarkviðu, um höfund hennar,
tímasetningu eldsumbrotanna, áhrif þeirra á byggðir og
bú og um tímaskeið Hellismanna. Árni mun einnig greina
frá áhrifum hraunrennslisins á byggð og byggðasögu
Borgarfjarðar en nokkrir bæir virðast hafa horfið í hraun-
ið, stórár breytt um farvegi og landslagið gerbreyst. Ör-
nefni og forn landamerki gefa vísbendingar um aðstæður
á svæðinu áður en hraunið rann, en það er meðal stærstu
hrauna landsins og að öllum líkindum frá landnámsöld.
Fyrirlesturinn er ókeypis og allir velkomnir.
Fyrirlestur í dag í Þjóðminjasafninu
Hallmundarkviða og
Hallmundarhraun
Eldsumbrot Árni Hjartarson jarðfærðingur fjallar í dag
um Hallmundarkviðu og þau eldsumbrot sem þar er lýst.
Morgunblaðið/RAX