Morgunblaðið - 06.03.2014, Síða 6

6 FRÉTTIRInnlent
MORGUNBLAÐIÐ FIMMTUDAGUR 6. MARS 2014
Drífa Viðarsdóttir
drifavidars@gmail.com
Það var spennuþrungið andrúms-
loftið í Hörpu í gær þegar þraut-
reyndir skákmenn og aðrir minna
reyndir sátu og tefldu við andstæð-
inga sína. Mátti heyra saumnál
detta og skein einbeitingin úr and-
liti keppenda á öllum aldri. Áhorf-
endur tipluðu á tánum í kringum
taflborðin og spáðu í leikina. Hér er
ekkert kynslóðabil og mátti sjá
barnunga skákmenn tefla við mun
eldri andstæðinga og ekkert var
gefið eftir.
Til gamans má geta að elsti kepp-
andinn fæddist árið 1933 og sá
yngsti árið 2005. Aldursmunurinn
er því 72 ár.
Stórmeistari mætti
undrabarni
Tefldar voru tvær umferðir í gær
og í fyrri umferðinni mætti nýjasti
stórmeistari Íslendinga, Hjörvar
Steinn Grétarsson, bandaríska
undrabarninu Awonder Liang. Sá
er aðeins tíu ára gamall og mun
vera yngsti skákmaðurinn sem hef-
ur lagt stórmeistara að velli en það
afrekaði hann níu ára. Hann er
einnig sá yngsti í sögunni sem hefur
unnið alþjóðlegan meistara í langri
kappskák. Hjörvar Steinn lét þó
ekki snúa á sig, enda á heimavelli,
og vann Liang örugglega.
Til að auka enn á spennuna í
skáksalnum í Hörpu fór bruna-
varnakerfi hússins í gang í gær-
morgun og þurftu skákmennirnir
að yfirgefa húsið og bíða fyrir utan
í hálftíma áður en taflmennskan
gat haldið áfram.
Gunnar Björnsson, forseti Skák-
sambandsins, sagði að keppend-
urnir hefðu tekið þessari truflun
með jafnaðargeði en fyrir vikið
seinkaði þriðju umferðinni í gær
um hálftíma.
Um 270 skákmenn frá 45 löndum
taka þátt í mótinu í ár sem er met-
þáttaka, en í fyrra voru keppendur
227 talsins. Í Hörpu sitja nú að tafli
27 stórmeistarar og 30 alþjóðlegir
meistarar. Yfir helmingur kepp-
enda kemur að utan og eru Norð-
menn, Þjóðverjar og Bandaríkja-
menn fjölmennastir. Stigahæstur
keppenda er þýski stórmeistarinn
Arkadij Naiditsch með 2.706 skák-
stig. Næststigahæstur er kínverski
landsliðsmaðurinn Chao Li með
2.700 skákstig.
Taflmenn hreyfðir í tónlistarhúsinu
 Metþátttaka í Reykjavíkurskákmótinu sem nú stendur yfir í Hörpu  Barnungir skákmenn tefla
við mun eldri andstæðinga  Aldursmunurinn er 72 ár á elsta og yngsta þátttakandanum
Í þungum þönkum Bandaríska skákkonan Tatev Abrahamyan og Vignir Vatnar Stefánsson íhuga næstu leiki.
Morgunblaðið/Ómar
Ársfundur 2014
Ársfundur Lífeyrissjóðs bænda 2014 verður haldinn föstudaginn
21. mars 2014 í Kötlu, á 2. hæð í Bændahöllinni við Hagatorg í
Reykjavík, og hefst kl. 16:00.
Dagskrá ársfundarins verður eftirfarandi:
1. Skýrsla stjórnar.
2. Kynning ársreiknings 2013.
3. Gerð grein fyrir tryggingafræðilegri úttekt.
4. Gerð grein fyrir fjárfestingarstefnu sjóðsins.
5. Breytingar samþykkta sjóðsins.
6. Önnur mál.
Tillögur til ályktunar, sem taka á fyrir á ársfundi, þurfa að berast stjórn
sjóðsins eigi síðar en viku fyrir ársfund.
Allir sjóðfélagar, jafnt greiðendur sem lífeyrisþegar, eiga rétt til fundarsetu.
Sjóðfélagar eru hvattir til að nýta sér rétt sinn.
Lífeyrissjóður bænda
Bændahöllinni við Hagatorg - 107 Reykjavík
Sími 563 0300 - lsb@lsb.is - www.lsb.is
Baldur Arnarson
baldura@mbl.is
Tæplega 21.600 manns bjuggu á
Suðurnesjum um áramótin og höfðu
íbúarnir þá aldrei verið jafn margir
við áramót, samkvæmt Hagstofunni.
Íbúar Reykjanesbæjar voru 14.527
og hafa aldrei verið fleiri. Íbúar
Grindavíkur voru 2.888 og var það
líka met. Um áramótin bjuggju 1.609
í Sandgerði og er það nokkuð undir
metfjölda íbúa hinn 1. janúar 2009,
þegar 1.754 bjuggu í bænum.
Þá bjuggu 1.409 manns í Garði um
áramótin en þeir voru flestir 1.550
hinn 1. janúar 2009. Loks bjuggu
1.127 í Vogum um áramótin en þar
bjuggu flestir hinn 1. janúar 2008,
þegar íbúarnir voru 1.231.
Eignirnar fóru á uppboð
Magnús Stefánsson, bæjarstjóri í
Garði, segir það eiga þátt í fækkun
íbúa að Suðurnes hafi orðið fyrir tvö-
földu höggi, eftir brotthvarf varnar-
liðsins árið 2006 og vegna efnahags-
hrunsins haustið 2008.
Eftir síðarnefnda höggið hafi
margir lent í greiðsluerfiðleikum
vegna íbúðakaupa. Verulegt hlutfall
þeirra einstaklinga hafi horft á eftir
eignum sínum fara á uppboð.
Að hans mati hefði það verulega
þýðingu fyrir sveitarfélagið ef fram-
kvæmdir færu á skrið í Helguvík,
þannig að vel launuðum störfum
fjölgaði. Við það mundi fasteigna-
markaðurinn glæðast. Húsnæði í
bænum er ódýrt og er dæmi um að
fermetraverð einbýlis sé innan við
116 þúsund krónur, skv. fasteignavef
mbl.is.
Sigrún Árnadóttir, bæjarstjóri
Sandgerðis, nefnir eins og Magnús
hið tvöfalda högg á síðasta áratug.
Íbúum sé nú aftur tekið að fjölga í
Sandgerði vegna uppgangs í atvinnu-
lífi. Þar sé fyrst og fremst um að ræða
uppgang í fiskvinnslu, t.d. hjá Flat-
fiski og AG Seafood, og sköpun nýrra
starfa á Keflavíkurflugvelli. „Ég lít
björtum augum á framtíðina. Það eru
mikil tækifæri hérna,“ segir Sigrún.
Íbúar Suðurnesja hafa
aldrei verið jafnmargir
 Íbúaþróun síðustu ára er hins vegar ólík milli sveitarfélaga
Íbúaþróun á Suðurnesjum
Mannfjöldi 1. janúar. Heimild: Hagstofa Íslands
2000 2000
2000 2000 20002000
2014 2014
2014 2014 20142014
25.000
20.000
15.000
10.000
5.000
0
16.106
21.560
Grindavíkurbær
Reykjanesbær
Sandgerði Svf. Garður Svf. Vogar
14.527
2.888 1.609 1.409
1.127
10.624
2.242 1.325 1.183
732
Morgunblaðið/RAX
Hugað að netum í útgerðarbæ Íbúafjöldi Grindavíkur nálgast 3.000 manns. Þeir hafa aldrei verið jafnmargir.
Gamla brýnið Walther Browne
teflir vel á Reykjavíkurskák-
mótinu. Hann er meðal þrettán
þátttakenda sem hafa fullt hús
eftir þrjár umferðir. Ungverska
ungstirnið Richard Rapport er
einnig í þeim hópi.
Óvænt úrslit urðu á mótinu í
gærkvöldi. Egypski alþjóðlegi
meistarinn Mohamed Ezat vann
stigahæsta keppanda mótsins,
þýska stórmeistarann Arkadij
Naiditsch.
Gamla brýnið
í efsta hópi
ÓVÆNT ÚRSLIT
Samfestingurinn, árleg hátíð Sam-
taka félagsmiðstöðva, Samfés,
verður haldinn í Laugardalshöll-
inni núna um helgina. Hátíðin hefur
verið haldin í um tuttugu ár og er
ball á föstudeginum og söngkeppni
á laugardeginum.
Gunnar E. Sigurbjörnsson, for-
maður stjórnar Samfés, segir að
þetta sé stærsti viðburður félags-
miðstöðva á landinu og megi eiga
von á 4.500-4.600 unglingum á við-
burðinn eða um þriðjungi allra ung-
linga í 8., 9. og 10. bekk grunn-
skóla.
Líkt og síðustu ár gilda ákveðnar
reglur um klæðaburð á hátíðinni.
Gunnar segir að reglurnar hafi gef-
ið góða raun en tekin sé umræða á
hverju ári í góðu samráði við ung-
lingana um hvort halda eigi áfram
með reglurnar.
Í söngkeppninni verða flutt atriði
frá öllum félagsmiðstöðvum lands-
ins og Gunnar segir að þar stigi sín
fyrstu skref sumar af stórstjörnum
framtíðarinnar. sgs@mbl.is
Fyrstu skrefin
í Samfestingnum
Morgunblaðið/Styrmir Kári
Mikil skemmtun Kátt var í Laug-
ardalshöll á Samfestingnum 2013.