Morgunblaðið - 28.08.2014, Qupperneq 44

44
MORGUNBLAÐIÐ FIMMTUDAGUR 28. ÁGÚST 2014
Sveitarfélagið Rangárþing eystra
blæs til mikillar hátíðar á Hvols-
velli nú um helgina. Kjötsúpu-
hátíðin dregur nafn sitt af aðal-
viðburði helgarinnar, þar sem
Sláturfélag Suðurlands býður
gestum og gangandi upp á kjöt-
súpu sem fyrirtækið framleiðir.
Súpuröltið vinsælt
Árný Lára Karvelsdóttir, mark-
aðs- og kynningarfulltrúi sveitar-
félagsins, segir margt í boði sem
vert sé að skoða og mikið lagt í
viðburðina. Súpuröltið er vinsælt,
en þar bjóða heimamenn upp á
alls kyns súpur við heimili sín og
á meðan gestir gæða sér á súp-
unni má virða fyrir sér metn-
aðarfullar skreytingar bæjarbúa
sem keppa ötullega sín á milli,
enda mikill heiður að bera sigur
úr býtum.
Árný hvetur alla þá sem vett-
lingi geta valdið að koma við á
Hvolsvelli, fá sér góðan mat og
kíkja á tónleika með Á móti sól
sem heldur uppi stuðinu.
Kjötsúpa Gestir flykkjast að borði Sláturfélags Suðurlands og gæða sér á
gómsætri kjötsúpu sem SS framleiðir í tilefni hátíðarinnar.
Rjúkandi heitar
súpur á boðstólum
 Kjötsúpa  Súpurölt  Tónleikar
Laufey Rún Ketilsdóttir
laufey@mbl.is
Bæjarhátíð verður haldin í Sel-
tjarnarnesbæ nú um helgina. Há-
tíðin, sem nú er haldin í annað
sinn, er sjálfsprottið verkefni hjá
bæjarbúum, sem töldu mikilvægt
að setja aukinn kraft í bæjarlífið
og hrista fólk vel saman á
skemmtilegri og fjölskylduvænni
hátíð innan bæjarmarkanna.
Sveitarfélagið leggur einnig sitt af
mörkum og kemur að hátíðinni í
samvinnu við íbúana.
Metnaðarfullir bæjarbúar
Í ár eru bæjarbúar hvattir til að
skreyta hús sín í þeim lit sem
hverfi þeirra hefur verið úthlutað.
Mikil keppni skapast milli hverf-
anna, enda best skreytta hverfið
verðlaunað í vitna viðurvist. Metn-
aðurinn er áþreifanlegur og segir
Soffía Karlsdóttir, sviðstjóri menn-
ingarsamskiptasviðs Seltjarnar-
nesbæjar, að búast megi við mjög
frumlegum skreytingum þetta árið
enda „gengið nokkuð langt í fyrra
og sumar skreytingarnar alveg
frámunalega flottar“. Íþrótta-
félagið Grótta leikur einnig stórt
hlutverk á bæjarhátíðinni, en ár-
legum Gróttudegi, uppskeruhátíð
íþróttafólksins, er slegið saman við
hátíðarhöldin um helgina.
Sigur Rósar samflot með
Systrasamlaginu
Sundlaugarflot er ekki vel þekkt
iðja en hefur vakið mikla lukku
meðal þeirra sem tekið hafa þátt.
Systrasamlagið hyggst því halda
samflot þar sem tónlist Sigur Rós-
ar ómar í vatninu á meðan þátttak-
endur fljóta um í rólegheitum.
„Það verður alveg æðislegt að
byrja sunnudaginn með þessum
hætti“ segir Soffía.
Soffía segir að ballið sem haldið
verður á laugardagskvöldinu í
Hertz höllinni hafi mest aðdráttar-
afl enda hápunktur hátíðarinnar.
Fólk úr öðrum bæjarfélögum er
væntanlegt enda alla jafna mikið
fjör á böllum með Ingó og veður-
guðunum. Soffía segir hátíðina í
heild hugsaða þannig „að allir finni
eitthvað við sitt hæfi, hér verði
stuð og stemning og allir taki
þátt.“
Húllumhæ um allan bæ
Ljósmynd/Seltjarnarnesbær
Bæjarbúar Gestir safnast saman á Eiðistorgi í hjarta Seltjarnarnesbæjar og
sjá má að mikið er um litskrúðugar skreytingar í bænum í tilefni dagsins.
 Seltjarnarnes-
búar bjóða alla vel-
komna á bæjarhátíð
Mosfellsbær heldur bæjarhátíðina
„Í túninu heima“ í ellefta sinn nú
um helgina. Fjölmargir viðburðir
einkenna bæjarlífið og taka bæj-
arbúar virkan þátt í að gera hátíð-
ina sem eftirminnilegasta. Bryddað
verður upp á ýmsum nýjungum sem
geta vart annað en fallið vel í kram-
ið hjá ungum sem öldnum.
Mosfellsbæjarullarpeysan
Aldís Stefánsdóttir, for-
stöðumaður þjónustu og upplýs-
ingamála hjá Mosfellsbæ og skipu-
leggjandi hátíðarinnar, segir að í ár
hafi verið ákveðið að kynna til leiks
þema sem einkenna myndi hátíðina.
Fyrir valinu varð ullin en hún á sér
langa sögu í bænum. Ákveðið var að
prjónuð yrði Mosfellsbæjarpeysan
sem er að sögn Aldísar ullarpeysa
með skjaldamerki Mosfellsbæjar og
í hverfislitunum en hverju hverfi
var úthlutað sérstökum lit sem
verður undirstaða allra skreytinga
hverfisins. „Það verður gaman að
sjá hvernig þetta hreyfir við fólki,“
segir Aldís sem vonast til þess að
bæjarbúar taki til hendinni í prjóna-
skapnum og skarti svo Mosfellsbæj-
arpeysu í sínum hverfislit um
helgina.
Kjúklingafestival
„Einu sinni var þetta kallaður
kjúklingabærinn,“ segir Aldís og
fannst því við hæfi þar sem kjúk-
lingaframleiðsla er enn stór þáttur í
atvinnustarfsemi bæjarins að kjúk-
lingur skipaði stóran sess á hátíð-
inni. Þessa hugmynd átti þó Hjalti
Úrsus Árnason, bæjarbúi, og hefur
hann séð um þann hluta hátíð-
arinnar af miklum ákafa og ættu
gestir hátíðarinnar því að geta gert
vel við sig í mat og drykk við
Varmá.
Mosfellsbær er ríkur af fallegum
útivistarsvæðum og eru fellin þar í
kring engin undantekning. Tinda-
hlaupið verður haldið þetta árið
með pomp og prakt og hefst við
Varmársvæðið. Hlaupið verður allt
frá 12 km upp í 37 km leiðir utan
vega og því ekki um hefðbundið
maraþonhlaup að ræða.
„Þetta er í takt við þessa vaxandi
hlaupamenningu á Íslandi og er
þetta ótrúlega vinsælt,“ segir Aldís.
Að lokum minnir Aldís á úti-
tónleika sem haldnir verða á laug-
ardagskvöldinu og hvetur um leið
alla höfuðborgarbúa til að kíkja í
bíltúr í Mosfellsbæinn um helgina
og taka þátt í hátíðarhöldunum með
bros á vör.
Í túninu heima Margir þekktir skemmtikraftar koma fram á hátíðinni. Allir ættu að finna eithvað við sitt hæfi.
Áhersla á kjúkling og ull
 Bæjarhátíð Mosfellsbæjar  Kjúklingaréttir og ullar-
peysur  Tindahlaupið  Fjölskylduvænir útitónleikar
Hvert liggur leiðin?
Áttu fullt af græjum sem liggja ótengdar?
Leyfðu okkur að aðstoða!
S: 444 9911 – hjalp@taeknisveitin.is – www.taeknisveitin.is
Tengjum heimabíóið
Setjum upp þráðlaust net
Standsetjum nýju tölvuna
Tengjum saman ólíkar græjur
Sjónvarpsmerki í öll sjónvörpin
Lagnavinna á heimilinu
...og margt, margt fleira!
Hvað gerum við?
TÆKNISVEITIN
til þjónustu reiðubúin!
Við komum til þín, veitum ráðgjöf, setjum tækin
upp, gerum við, leggjum lagnir, tengjum tækin
saman við önnur og fáum allt til að virka.
Svo færðu kennslu líka ef þörf er á því.