Morgunblaðið - 11.09.2014, Qupperneq 20

20
MORGUNBLAÐIÐ FIMMTUDAGUR 11. SEPTEMBER 2014
Hægt er að lýsa skoðun á ritstjórnargreinum Morgunblaðsins á http://www.mbl.is/mogginn/leidarar/
Eitt af þvísem Úkra-ínudeilan
hefur leitt í ljós er
það að í það
minnsta til
skamms tíma litið
mun Vladimír Pútín Rúss-
landsforseti koma undan
vetri sem sigurvegari. Vin-
sældir hans heima fyrir eru í
hæstu hæðum, en nýleg könn-
un sýndi að rúm 85% að-
spurðra styddu forsetann.
Verður því að teljast líklegt
að Pútín geti hæglega verið
áfram á forsetastóli sínum
fram til 2024, þegar stjórn-
arskráin neyðir hann til þess
að „stíga til hliðar“ í eitt kjör-
tímabil, líkt og gerðist árið
2008 en kjörtímabil forsetans
var lengt í sex ár svo að Pútín
gæti verið lengur á forseta-
stóli í einu.
Eini veikleiki Pútíns virðist
vera efnahagurinn, þar sem
atvinnuleysi hefur aukist, og
allt bendir til þess að tímabil
stöðnunar sé á næsta leiti og
rúblan hefur fallið í verði frá
áramótum um nærri því 10%.
Að einhverju leyti er hægt að
skrifa það á refsiaðgerðir
Vesturlanda, sem þó hafa
ekki verið stórar í sniðum, sé
horft til alvarleika þeirra at-
burða sem gerst hafa. Rúss-
neskir kjósendur gætu því
orðið fljótir að leita annað
reynist sigurgleðin nú ekki
skila sér í bættum kjörum.
Því hefur verið rætt um meðal
vestrænu ríkjanna að herða
þurfi tökin og hefur meðal
annars verið lagt
til að útiloka rúss-
neska banka frá
SWIFT-kerfinu,
líkt og gert hafi
verið við Íran en
sú ráðstöfun yrði
Rússlandi óþægileg.
En Rússland er í allt ann-
arri stöðu gagnvart umheim-
inum en Íran, einkum vegna
þess að Rússar hafa komið
sér mjög þægilega fyrir gagn-
vart helstu ríkjum Evrópu
sem eru nánast háð rúss-
nesku jarðgasi sem orku-
gjafa. Hugsanlegar gagn-
aðgerðir Rússa hafa því
nokkurn fælingarmátt og er
engin eining í vestri um rétt
viðbrögð við ágengni Pútíns,
enda gætu sum ríkjanna þar
endað á því að skaða sjálf sig
meira en Rússa með of hörð-
um refsiaðgerðum.
Nú, þegar hillir undir nokk-
urs konar samkomulag í
Úkraínudeilunni, verða Vest-
urveldin hins vegar að gera
sér ljóst að þau eiga enn eftir,
að öllu óbreyttu, að fást við
húsbóndann í Kreml næsta
áratuginn. Ómögulegt er að
ætla að Pútín eigi eftir að
skila Krímskaga, eða að hann
muni gefa þumlung eftir hvar
sem hann telur hagsmunum
sínum og Rússlands vera ógn-
að. Það gæti því liðið langur
tími áður en samskipti Rúss-
lands og vesturs ná sér á ný
og Vesturlönd þurfa að haga
málum sínum þannig að trú-
legt sé að þau haldi í við Pútín
í störukeppninni.
Vesturveldin þurfa
að hugsa til lengri
tíma í samskipt-
unum við Rússa}
Langvarandi störu-
keppni framundan
Eftir rúmlegafjögurra ára
setu vinstri-
stjórnar sem
sveifst einskis við
„skattbreytingar“
og fylgdi þeim eft-
ir með því að forsprakkar
hreyktu sér af því að hafa náð
að breyta skattkerfinu í átt að
sæluríki þeirra sem lengst
standa til vinstri, hver skyldu
þá brýnustu verkefnin í
skattamálum vera? Breyt-
ingar vinstristjórnarinnar á
skattkerfinu fólu ýmist í sér
umtalsverðar skattahækkanir
eða innleiðingu nýrra skatta
þannig að brýnasta verkefnið
í skattatiltektinni eftir
vinstristjórnina er að lækka
og fella niður skatta.
Þessi vinna er skammt á
veg komin þó að ákveðin skref
hafi verið stigin og þær breyt-
ingar á skatt-
þrepum virðis-
aukaskattsins sem
kynntar hafa ver-
ið gera ekkert til
að losa um skatta-
klóna sem vinstri-
flokkarnir hertu á síðasta
kjörtímabili.
Boðað hefur verið að næstu
skref í skattamálum verði
breytingar á tekjusköttum.
Vinstristjórnin fór illa með
tekjuskattinn eins og aðra
skatta, hækkaði og bjó til ný
og hærri þrep á einstaklinga
og hækkaði á fyrirtæki. Brýnt
er að vinda ofan af öllum
þessum hækkunum, en von-
andi verður útfærslan hugsuð
á annan hátt en sú sem nú
hefur verið kynnt í virð-
isaukaskattinum. Meg-
ináherslan þarf að vera á
lækkun en ekki tilfæringar.
Landsmenn eiga
ekki að þurfa að búa
árum saman við
vinstriskattana}
Verkefnið er að lækka skattana
Í
slenska þjóðin á RÚV og yfirmönnum
stofnunarinnar á að vera – og er von-
andi – bæði ljúft og skylt að hlusta á
raddir þjóðarinnar. Greinilegt er að
þjóðinni stendur ekki á sama um
þessa eign sína heldur vill veg hennar sem
mestan og lætur því í sér heyra ef henni mis-
líkar. Undanfarið hefur fólki mislíkað ým-
islegt sem snýr að dagskrárbreytingum, með-
al annars því að hætta bænastundum í
útvarpi. Við fyrstu sýn mætti ætla að dag-
skrárbreyting eins og sú að leggja niður bæn-
ir væri fremur smávægileg, en stundum kem-
ur í ljós að það sem virðist vera aukaatriði
hefur mikið vægi.
Nú er það reyndar svo að íslenskt þjóðfélag
hefur tekið það miklum breytingum að erfitt
er að álasa yfirmönnum RÚV fyrir að hafa
hugsað: Hver hefur svosem þörf fyrir bænir í útvarpi?
Í ljós kom að þessi hugsun var ekki í takt við þjóðar-
vilja og yfirmenn RÚV sáu að sér að hluta og þjóðin get-
ur nú hlustað á sína morgunbæn. Hafi það svo einhvern
tíma hvarflað að yfirmönnum útvarps að taka sunnu-
dagsmessuna af dagskrá þar sem hún væri tímaskekkja í
fjölþjóðasamfélagi þá eru þeir örugglega hættir við þá
fyrirætlan.
Ein af þeim dagskrárbreytingum sem hafa vakið hörð
viðbrögð og framkallað sorg í hjarta þeirra sem kunna að
meta gamlar og góðar hefðir er breyting á dagskrár-
liðnum Síðasta lag fyrir fréttir. Síðasta lagið fyrir fréttir
er mörgum kært og hefur svo verið í áratugi.
Þarna var komin falleg hefð sem ekki var
nein ástæða til að rjúfa. En fátt er öruggt í
þessum heimi og hin illu markaðslögmál hlífa
engu, jafnvel ekki hámenningarlegum og
þjóðlegum dagskrárlið sem hefur verið í föst-
um skorðum jafnlengi og elstu menn muna.
Síðasta lag fyrir fréttir hefur verið fært fram-
ar í dagskrána og í stað þess hljóma fremur
ægileg auglýsingastef á undan hádeg-
isfréttum. Þau glamurstef eru á engan hátt í
takt við metnaðarfullar áherslur Rásar eitt.
Dyggur hlustandi Rásar eitt, sem nú kveikir
á útvarpi til að hlusta á sinn ástsæla dag-
skrárlið, getur ekki annað en ætlað sem svo
að hann hafi fyrir misskilning stillt á Rás tvö,
en er svo minntur óþægilega á að yfirvaldið á
RÚV er búið að róta í dagskránni hans og
eyðileggja hana. Sami hlustandi er líklegur til að hugsa
ekki beint hlýlega til þeirra fyrirtækja sem auglýsa með
töluverðum látum á þeim tíma þegar Síðasta lag fyrir
fréttir ómaði áður svo ljúflega. Það kann jafnvel að
hvarfla að honum að best sé að eiga sem minnst viðskipti
við fyrirtæki sem hafa eyðilagt fyrir honum það sem áð-
ur var notaleg stund við útvarpið.
Ljóst er að þarna hafa átt sér stað vond skipti og ekki
er ýkja mikill menningarbragur yfir þeim. Jafnvel bestu
yfirmenn taka stundum vondar ákvarðanir, en fram-
úrskarandi yfirmenn sjá að sér og breyta þeim ákvörð-
unum sínum snarlega. kolbrun@mbl.is
Kolbrún
Bergþórsdóttir
Pistill
RÚV veldur sorg í hjarta
STOFNAÐ 1913
Útgáfufélag: Árvakur hf., Reykjavík.
Ritstjórar:
Davíð Oddsson Haraldur Johannessen
Aðstoðarritstjóri:
Karl Blöndal
Útgefandi:
Óskar Magnússon
FRÉTTASKÝRING
Þórunn Kristjánsdóttir
thorunn@mbl.is
Fjölskyldusetur í Reykja-nesbæ hóf starfsemi sínanýverið. Það er sam-félagslegt verkefni sem á
sér ekki fyrirmynd í íslensku sam-
félagi en markmið þess er að skapa
umhverfi þar sem fjölskyldur geta
sótt sér fræðslu og jákvæða þekk-
ingu, allt frá fæðingu barns og fram
á unglingsár.
Fjölskyldusetur er rekið af
Reykjanesbæ og mun leitast við að
efla samstarf við félagasamtök og
stofnanir í bæjarfélaginu til að miðla
þekkingu. Með Fjölskyldusetrinu er
lögð áhersla á að samþætta betur
mismunandi verkefni og skapa
heildarsýn í málefnum fjölskyldna.
Almenn og sértæk
námskeið fyrir foreldra
„Með þessu gefst tækifæri á að
vera með á einum stað almenn sem
og sértæk námskeið til að styrkja
fjölskyldur og stuðla að bættri líðan
þeirra. Þannig náum við frekar að
skapa ákveðna heildarsýn í mál-
efnum fjölskyldna,“ segir Anna
Hulda Einarsdóttir, forstöðumaður
Fjölskylduseturs, aðspurð hverju
starfsemin eigi að skila.
Starfsemi setursins er fjórþætt.
Í fyrsta lagi er það almenn foreldra-
fræðsla og má þar nefna fræðslu til
foreldra ungra barna en þar er
fjallað um þroska barnsins, þau úr-
ræði sem Reykjanesbær býður upp
á o.fl. Í öðru lagi er boðið upp á sér-
tæk námskeið og má þar nefnda
námskeið fyrir foreldra sem eiga
börn með ADHD, kvíðanámskeið
fyrir börn og foreldra þeirra og
annað í þeim dúr. Í þriðja og fjórða
lagi eru það forvarnir og rann-
sóknir. Í setrinu verður einnig boðið
upp á aðstöðu og stuðning við há-
skólanema sem huga að rann-
sóknum á sviði fjölskyldu- og
fræðslumála.
Mismunandi þarfir foreldra
Anna Hulda segir að með setr-
inu séu væntingar um að betur
megi koma til móts við mismunandi
þarfir foreldra og barna í samfélag-
inu og jafnframt sé mikilvægt að
vera vakandi yfir þörf samfélagsins
í málefnum fjölskyldna og halda
áfram því góða starfi sem fram fer í
Reykjanesbæ.
Í setrinu verður starfsmaður
sem hefur yfirsýn yfir þau fjöl-
mörgu úrræði og leiðir sem eru í
boði fyrir fjölskyldur í sveitarfé-
laginu. Þar verður ekki starfandi
ráðgjafi sem veitir t.d. fjölskyldu-
meðferðir. Heldur geti leiðbeint
hvert best sé að leita.
Hlýlegt gamalt hús
Fjölskyldusetur Reykjanes-
bæjar er til húsa á Skólavegi 1, í
húsnæði gamla barnaskólans í
Keflavík sem var byggt árið 1911.
Það er elsta steinsteypta húsið í
Keflavík. Húsið á sér yfir ald-
arlanga sögu á sviði fræðslu og
menntunar. Umhverfið er hlýlegt og
þar eiga allir að geta látið sér líða
vel á meðan sótt er í tiltekna vitn-
eskju.
Verslunin IKEA er sérstakur
styrktaraðili verkefnisins en fyr-
irtækið hefur það í stefnu sinni
að styrkja verkefni sem hafa
forvarnargildi að leiðarljósi
og gera menningu og mennt-
un barna hátt undir höfði.
Formleg opnun setursins
var á Ljósanótt. Hægt
er að fylgjast með
starfsemi Fjöl-
skyldusetursins á
samnefndri síðu á
facebook.com
Heildarsýn í málefn-
um fjölskyldna
Ljósmynd/OZZO Photography
Fjölskyldusetur Brúðubíllinn mætti við hátíðlega opnun setursins á
Ljósanótt þar sem starfsemin var kynnt fyrir íbúum bæjarins.
„Markmiðið er að skapa sam-
fellu í málefnum fjölskyldna og
beina sjónum að þeim leiðum
sem eru í boði. Fyrst og fremst
viljum við þjónusta nærsam-
félag okkar betur. Við viljum
einnig koma því til skila að hér
er húsnæði sem allir geta notað
og miðlað af þekkingu sinni,“
segir Sigurður Þorsteinsson, yf-
irsálfræðingur hjá Reykjanesbæ
og einn af stofnendum Fjöl-
skyldusetursins.
Hann bendir á að fjölmörg
samtök og stofnanir vinni að
góðum verkefnum í sveitarfé-
laginu en séu ef til vill hver út
af fyrir sig. Setrið sé staður
sem haldi utan um þessi
málefni og komi þeim á
framfæri til fjölskyldna og
skapi sameiginlegan vett-
vang fyrir stofnanir og
félagasamtök til að
fá innsýn í starf-
semina hver hjá
öðrum.
Sameiginleg-
ur vettvangur
ÞJÓNUSTA NÆRSAM-
FÉLAGIÐ BETUR
Sigurður
Þorsteinsson