Morgunblaðið - 15.09.2014, Blaðsíða 4

4 FRÉTTIRInnlent
MORGUNBLAÐIÐ MÁNUDAGUR 15. SEPTEMBER 2014
Kjartan Kjartansson
kjartan@mbl.is
Almenn vitundarvakning um heilsu
og hreyfingu eru ein ástæða þess að
þátttaka Íslendinga í almennings-
hlaupum og hlaupum almennt hefur
aukist undanfarin ár. Hlaupum sem
fólk getur skráð sig í fjölgar og fleiri
kjósa að hlaupa lengri vegalengdir en
áður.
„Það er alltaf að fjölga fólkinu sem
er að hlaupa, ég held að það sé alveg
augljóst. Bæði sér maður að þeim
sem eru í skokkhópunum fjölgar og
hópunum hefur fjölgað hægt og síg-
andi. Svo sér maður þetta líka bara á
götunum,“ segir Torfi H. Leifsson,
umsjónarmaður vefsíðunnar hlaup.is.
Skynsamlegt að byrja
á styttri vegalengdum
Metþátttaka var í Reykjavíkur-
maraþoni þetta árið og segir Torfi
aukna þátttöku hafa verið í allflestum
almenningshlaupum í ár. Framboðið
af hlaupum sé þó orðið meira þannig
að jafnvel þó að í einstökum hlaupum
hafi aðsókn staðið í stað þá sé þátt-
takan almennt að aukast. Þá megi
heldur ekki gleyma því að áhugi á þrí-
þraut og hjólreiðakeppnum hafi einn-
ig aukist.
„Það eru fleiri og fleiri að átta sig á
hvað hreyfing er holl og góð. Þetta
eru eins konar snjóboltaáhrif. Fleiri
sjá nágranna, vini og samstarfsmenn
byrja að æfa og taka þátt í hlaupum
eða keppnum. Þá fara menn að hugsa
að þeir geti þetta líka. Ég held að
þetta sé almenn vitundarvakning um
heilsu og hreyfingu,“ segir hann.
Í almenningshlaupum er hægt að
velja um mismunandi vegalengdir,
gjarnan á milli þess að hlaupa fimm
eða tíu kílómetra eða þá hálft eða
heilt maraþon.
Torfi segir að meginþorri þeirra
sem taka þátt velji styttri vegalengd-
irnar og skynsamlegt sé fyrir þá sem
eru að byrja að gera það. Eftir því
sem fólk kemst í meiri æfingu og
finnur að það ræður betur við styttri
vegalengdirnar eykst áhugi þess á að
spreyta sig á þeim lengri.
„Vegalengdir eru svo afstæðar í
hlaupunum. Fólki sem hefur lítið sem
ekkert hlaupið finnst fimm kílómetr-
ar óyfirstíganleg vegalengd til að
byrja með. Með þjálfun finnur
fólk að það er hægt að fara þess-
ar vegalengdir sem það taldi
ómögulegar áður en það byrj-
aði. Viðmiðin breytast eft-
ir því sem þú kemst í
betri æfingu,“ segir
Torfi.
Vegalengdir afstæðar í hlaupum
 Góð þátttaka í hlaupum í ár og fleiri velja að hlaupa lengra  Aukning í skráningum í flest hlaup en
framboðið hefur aukist með árunum  Óyfirstíganlegar vegalengdir verða viðráðanlegar með æfingu
Mannhaf Það var margt um manninn í Reykjavíkurmaraþoninu en þátttökumet var slegið í því þetta árið.
Alls tóku 15.654 þátt í maraþoninu og kusu flestir að hlaupa tíu kílómetra eða um sjö þúsund manns.
Skokkhópum hefur einnig fjölg-
að á undanförnum árum en nú
eru allt að fjörutíu slíkir hópar
skráðir á hlaup.is um allt land.
„Það er frábært félagsstarf og
stemming í hópunum. Fólk er að
fara saman að taka þátt í hlaup-
um, út á land, eða jafnvel í út-
löndum. Það er heilmikið aðhald
og hvatning fyrir fólk að standa
sig vel, gera betur og prófa jafn-
vel eitthvað nýtt,“ segir Torfi.
Allur gangur er á hversu fjöl-
mennir hóparnir eru en fjöldinn
getur verið allt frá nokkrum tug-
um upp í nokkur hundruð í stóru
hópunum á höfuðborgarsvæð-
inu.
Í upphafi segir Torfi að skokk-
hóparnir hafi verið meira tengdir
sundlaugunum og ennþá séu
margir sem starfa þannig. Und-
anfarin ár hafi íþróttafélögin tek-
ið skokkið upp á sína arma
með almennings-
íþróttadeildum sínum.
„Þá fær hlaupið ákveð-
inn samastað hjá félag-
inu og starfið verður
hluti af stærri einingu.
Þetta held ég að sé já-
kvætt og stuðli að
aukningu,“ seg-
ir Torfi.
Veitir aðhald
og hvatningu
UM 40 HÓPAR SKRÁÐIR
Torfi H. Leifsson
Skógarhlíð 18 • Sími 595 1000
www.heimsferdir.is
B
irt
m
eð
fy
rir
va
ra
um
p
re
nt
vi
llu
r.
H
ei
m
sf
er
ð
ir
ás
ki
lja
sé
r
ré
tt
til
le
ið
ré
tt
in
g
a
á
sl
ík
u.
A
th
.a
ð
ve
rð
g
et
ur
b
re
ys
t
án
fy
rir
va
ra
.
Valencia
9. okt í 4 nætur
Netverð á mann á Hotel Beatriz m.v. 2 í herbergi.
Upplifðu „Borg lista & vísinda“ í
SÉR
TILBOÐFrá kr. 79.900
Morgunblaðið/Eggert
Grænlenskar björgunarsveitir höfðu í gærkvöldi enn
ekki fundið litla flugvél sem lagði af stað frá Keflavík-
urflugvelli á fimmtudaginn á leið til Kulusuk á Græn-
landi. Vonir standa enn til þess að flugmaður vélarinnar
finnist á lífi en hann var einn í henni, segir á mbl.is.
Fram kemur á fréttavefnum The Arctic Journal að leit
hafi staðið yfir í gær en henni verið hætt seinni partinn
þegar fór að skyggja. Ekki lá fyrir ákvörðun um það
hvort haldið verður áfram leit í dag.
Leitin að flugvélinni hófst á fimmtudaginn eftir að
flugumferðarstjórar á Grænlandi misstu samband við
hana. Engar ratsjárstöðvar eru á austurströnd landsins og því verða flug-
vélar sem leið eiga um svæðið að gefa upp staðsetningu sína um talstöð.
Þegar sambandið við flugvélina slitnaði hafði hún nægt eldsneyti til flugs í
tvær og hálfa klukkustund. Sá möguleiki hefur ekki verið útilokaður að
vélinni hafi tekist að lenda einhvers staðar en björgunarsveitir á legi og í
lofti hafa lagt áherslu á leit á svæðinu austur af bænum Tasiilaq.
Flugvélin sem hvarf á leið frá Keflavík
til Grænlands hefur ekki enn fundist
Frá Tasiilaq.
Flóa- og Skeiðamenn réttuðu á laug-
ardaginn í Reykjarétt á Skeiðum í
Árnessýslu. Blíðskaparveður var á
réttardaginn og þó að rúmlega fjög-
ur þúsund fjár hafi verið í réttunum
mátti ekki sjá mun á hvort meira
væri af fé eða fólki.
„Mér finnst féð með allra besta
móti, vænt og jafnt. Hjörðin hér í
réttunum er afskaplega falleg öll,“
sagði Ingvar Hjálmarsson, fjall-
kóngur í austurleit á Flóa- og
Skeiðamannaafrétti, þegar hann var
tekinn tali á réttardaginn.
Flóa- og Skeiðamenn fara í
lengstu leitir landsins en þeir fjall-
menn sem lengst fara leggja af stað
á miðvikudegi og koma til byggða
föstudaginn vikuna á eftir. Leitirnar
taka ellefu daga að réttardeginum
meðtöldum. Eingöngu er smalað á
hestum en hluta úr dögum þurfa
valdir fjallmenn að fara fótgangandi
yfir svæði sem ekki er gott að kom-
ast á hestum um.
Eru fjallmenn ekkert lúnir eftir
svona langa smalamennsku?
„Jújú, örugglega, en það líður úr
öllum þreytan, alveg um leið, á svona
degi eins og í dag,“ svaraði Ingvar.
Bleytutíð var á fjalli, rigning og
þoka, en Ingvar segir menn þrátt
fyrir það láta vel af sér eftir þetta.
„Það gekk vel að smala og þetta
misjafna veður var aldrei til þess að
spilla fyrir heildarsmöluninni.
Heimturnar eru góðar. Afrétturinn
leit mjög vel út enda sumarið búið að
vera með eindæmum gott. Féð er
vænt, þægt og rólegt og því líður vel,
þannig að það var mjög gaman að
smala.“
Ingvar er bóndi á Fjalli á Skeiðum
og var með 280 hausa á fjalli.
„Megnið af fjárstofninum er heima
en við setjum á fjall til að létta að-
eins á heimahögunum,“ sagði Ingv-
ar.
Ingvar hefur farið fjöldamargar
ferðir á fjall en þetta var annað
haustið hans sem sjálfur fjallkóng-
urinn. Hann segist ekki þurfa að
halda uppi miklum aga. „Þetta er
svoleiðis topplið sem fer á fjall svo
það þarf ekki að vera að sussa á
neinn. Annars nægir smáaugntillit
og þá er það klárt,“ sagði Ingvar
glettinn. ingveldur@mbl.is
Falleg hjörð í réttunum
 Féð kom vænt af Flóa- og Skeiðamannaafrétti  Lengstu
leitir taka tíu daga  Vel gekk að smala þrátt fyrir bleytutíð
Fjallkóngur Ingvar Hjálmarsson bóndi á Fjalli á Skeiðum með fjársafnið
sitt í bakgrunni í réttardilknum. Hann segir féð koma vænt af fjalli.
Morgunblaðið/Ingveldur Geirsdóttir
Reykjaréttir Það glitti í féð innan um fólkið í almenningnum í réttunum.