Morgunblaðið - 15.09.2014, Síða 32

MÁNUDAGUR 15. SEPTEMBER 258. DAGUR ÁRSINS 2014
 Michel Zink, einn helsti sérfræð-
ingur Frakka í miðaldabókmenntum
og prófessor við Collège de France í
París, flytur fyrirlestur um skilning
og munúð í Erex-sögu eftir Chrétien
frá Troyes í hátíðarsal Háskóla Ís-
lands á morgun og hefst hann kl. 16.
Chrétien er eitt af höfuðskáldum
miðaldabókmennta. Ljóðsögur hans
um riddara Artúrs konungs voru
meðal annars þýddar á norrænu og
varðveittar í íslenskum handritum.
Erex-saga er talin samin um 1170.
Hún hafnar hefðum hirðlegrar ástar
trúbadúranna með því að fjalla um
ást innan hjónabands. Ástin er mjög
munúðarfull, sem gerir söguna sér-
staka í sögu vestrænu skáldsög-
unnar. Fyrirlesturinn verður fluttur á
ensku.
Fjallar um skilning
og munúð í Erex-sögu
 Laugardaginn
20. september
nk. býður Gafl-
araleikhúsið í
Hafnarfirði alla
velkomna á
fyrstu leiksýn-
ingu hérlendis
sem hefur verið
aðlöguð að
þörfum blindra
og sjónskerta. Pólski einleikurinn
„Lík mitt“ eftir Bogusław Kierc
verður sýndur með íslenskum texta,
túlkun og sjónlýsingu sem verður
aðgengileg með heyrnartólum. Sýn-
ingin er á vegum verkefnisins „Ís-
land og Pólland gegn útilokun frá
menningu“ og hefst kl. 20. Aðgang-
ur er ókeypis.
Leiksýning aðlöguð
að þörfum blindra
„Planið var að ná tíu mörk-
um en þetta hefur gengið
miklu betur en ég bjóst við.
En nú er bara að halda
áfram og ég veit að það er
ekki langt í að ég geti
bætt markametið í þessari
deild,“ sagði Viðar Örn
Kjartansson við Morg-
unblaðið. Viðar skoraði
þrennu fyrir Vålerenga
í gær og hefur skorað
24 mörk í 22 leikjum.
»1
Gengið miklu bet-
ur en ég bjóst við
ÍBV og Haukar eru úr leik í EHF-
keppninni í handknattleik. Eyjamenn
töpuðu í tvígang fyrir ísraelska liðinu
Maccabi
Rishon
Lezion í
Eyjum.
Haukar fögn-
uðu eins marks
sigri gegn Di-
namo Astrakhan í
Rússlandi en það
dugði ekki til. »8
Haukar og ÍBV
féllu bæði úr leik
Þórsarar féllu endanlega úr
Pepsídeild karla í knattspyrnu í
gærkvöld eftir 2:0-tap á heima-
velli gegn FH-ingum. Þórsarar
eru langneðstir í deildinni en
Akureyrarliðinu hefur aðeins
tekist að innbyrða níu stig í
deildinni í sumar og ljóst að Ak-
ureyrarslagur Þórs og KA verður
í 1. deildinni á næstu leiktíð. »2
Þórsarar fallnir úr
Pepsídeildinni
Ingveldur Geirsdóttir
ingveldur@mbl.is
Evrópulerki við Arnarholt í Stafholts-
tungum í Borgarfirði hefur verið út-
nefnt tré ársins 2014 af Skógrækt-
arfélagi Íslands. Talið er að tréð sé 105
ára, gróðursett fyrir tilstilli Sigurðar
Þórðarsonar sýslumanns árið 1909.
Í gær fór fram athöfn við tréð þar
sem viðurkenningarskjöldur var af-
hjúpaður og tréð mælt, það reyndist
vera 15,2 metrar að hæð og tveir metr-
ar að ummáli. Við sama tækifæri veitti
Borgarbyggð umhverfisviðurkenningu
til þeirra býla, heimilisgarða og stofn-
ana sem þykja bera af í sveitarfé-
laginu.
Brynjólfur Jónsson, fram-
kvæmdastjóri Skógræktarfélags Ís-
lands, segir evrópulerkið við Arnarholt
væntanlega eitt af elstu trjám á land-
inu, líka sé einstakt að saga þess er
þekkt.
„Sigurður Þórðarson var sýslu-
maður í Borgarfirði og bjó í Arnarholti
1886 til 1914. Hann var lærður í Kaup-
mannahöfn og má ætla að Sigurður
hafi kynnst trjágróðri þar og verið já-
kvæður gagnvart honum. Þegar þessi
skógræktarvakning byrjar hér um
aldamótin nær hún fyrst og fremst í
kringum bæina, Reykjavík og Ak-
ureyri, til að byrja með, þannig að það
er dálítið sérstakt að svona embætt-
ismaður standi fyrir skógrækt,“ segir
Brynjólfur.
„Það er til ritað að Sigurður hafi
látið gróðursetja niður í þennan reit
1909 og víggirt í kringum. Hann lét
setja niður í um hektara og ýmsar teg-
undir; birki, fjallafuru, reynivið og
lerki. Plönturnar fékk Sigurður áreið-
anlega frá Einari Helgasyni sem rak
gömlu gróðrarstöðina í Reykjavík.
Þær hafa væntanlega farið með skipi
upp í Borgarfjörð og verið reiddar á
klyfbera alla leið upp í Arnarholt. Það
eru ekki öll tré með svona þokkalega
vel skráða sögu,“ segir Brynjólfur.
Hann sá evrópulerkið fyrst fyrir
um ári og segir það vera afburðafallegt
og bera af í lundinum. Fleiri tré eru í
lundinum sem eru hluti af þessari
fyrstu gróðursetningu Sigurðar Þórð-
arsonar.
Ljósmynd/Brynjólfur Jónsson
Tré ársins Ungdómurinn stillir sér upp við tré ársins við athöfnina í gær.
Tréð er 105 ára lerki sem stendur í lundi við Arnarholt í Borgarfirði.
Tré ársins 2014 er 105 ára evrópulerki við Arnarholt í Stafholtstungum í Borgarfirði
Afburðafallegt
aldargamalt
evrópulerki
Skógræktarfélag Íslands útnefnir ár-
lega tré ársins og hefur gert síðan
1992. Útnefningunni er ætlað að
beina sjónum almennings að því
gróskumikla starfi sem unnið er um
land allt í trjá- og skógrækt og benda
á menningarlegt gildi einstakra trjáa
um allt land.
„Að velja tré ársins gefur til kynna
hvað tré geta vaxið hér á Íslandi og
stuðlar líka að umræðu um trjá-
gróður, gagnsemi og gildi hans fyrir
menn og líf almennt.
Trjágróður gegnir miklu menning-
arlegu hlutverki, það sást ekki síst á
umræðunni um silfurreyninn við
Grettisgötu í sumar. Svona lífverur
skipta máli,“ segir Brynjólfur.
Menningarlegt gildi trjáa
TRÉ ÁRSINS HEFUR VERIÐ VALIÐ ÁRLEGA Í YFIR 20 ÁR
VEÐUR » 8 www.mbl.is
5 6 9 1 1 0 0
Ritstjórn: ritstjorn@mbl.is
Auglýsingar: augl@mbl.is
Áskrift: askrift@mbl.is | sími 5691100
mbl.is: netfrett@mbl.is
Í LAUSASÖLU 425 ÁSKRIFT 4680 HELGARÁSKRIFT 2900 PDF Á MBL.IS 4470 I-PAD ÁSKRIFT 4470
1. Ætlaði að bjarga manni sínum
2. Munu snúa aftur þrátt fyrir …
3. Lögregla leitar Agnesar Helgu
4.Verður sex ár í …
»MEST LESIÐ Á mbl.is
FÓLK Í FRÉTTUM
Á þriðjudag Suðvestan 3-8 m/s og bjart með köflum, en skýjað
V-lands. Hiti 8 til 13 stig.
Á miðvikudag og fimmtudag Hæg austlæg eða breytileg átt.
SPÁ KL. 12.00 Í DAG Snýst í suðvestan 8-13 m/s með skúrum
V-til, áfram sunnanátt og rigning SA-lands, en úrkomulítið NA-til.
Hiti 11 til 19 stig, hlýjast NA-lands, en kólnar V-lands.
VEÐURÍÞRÓTTIR
Skannaðu
kóðann með
símanum þínum
og fylgstu með
veðrinu á