Morgunblaðið - Sunnudagur - 07.09.2014, Blaðsíða 14

14 MORGUNBLAÐIÐ SUNNUDAGUR 7.9. 2014
Fjölskyldan * Að læra án þess að hugsa er til-gangslaust. Að hugsa án þess aðlæra er hættulegt.
Konfúsíus
Orri Huginn Ágústsson leikari er
kvæntur Hrafnhildi Ólafsdóttur,
sálfræðinema og Zumba-kennara.
Þau eiga saman tvær dætur, hálfs
árs og fimm og hálfs árs.
Þátturinn sem allir geta horft á?
Yngstu tveir fjölskyldumeðlimirnir
eru hálfs árs og fimm ára, þær hafa
hins vegar báðar mjög gaman af
tónlist. Til þess að allir geti horft á
sama sjónvarpsefnið þá má það
gjarnan vera teiknimynd en það er
skilyrði að í henni sé sungið. Annað
sem gengur vel í mannskapinn er
dýralífsmyndir.
Maturinn sem er í uppá-
haldi hjá öllum?
Aftur er erfitt að gera öllum
til hæfis á einu bretti með
hálfs árs barn við borðið, en
vatnsmelóna er samt nokkuð
sem við erum öll sólgin í. Ef sú
allra yngsta er ekki spurð þá
erum við mjög hrifin af sil-
ungi.
Skemmtilegast að gera
saman?
Danspartí í stofunni á
kvöldin eru algerlega
málið. Við hækkum í tón-
listinni og dönsum trylltan dans öll
saman í dágóða stund. Þetta hefur
verið nokkuð fastur liður síðan á
HM í fótbolta og HM-lagið hans
Samma, „Við erum að koma“, er
alltaf spilað fyrst og síðast.
Borðið þið morgunmat saman?
Kvöldmat já, morgunmat nei. Ekki
nóg með það heldur borðum við
líka öll sinn morgunverðinn hvert.
Sú yngsta vaknar yfirleitt fyrst og
borðar sinn morgunmat jafnvel í
rúminu. Eldri stelpan þarf svo
morgunmat alveg um leið og hún
fer fram úr. Þegar þær eru komnar
með sinn þá útbúum við hjónin
okkar. Ég þarf samt að hita
espresso-vélina áður en ég fæ mér
morgunmat svo ég er yfirleitt síð-
astur.
Hvað gerið þið saman heima
ykkur til dægrastyttingar?
Mest um vert er að vera saman. Þá
gildir einu hvort verið er að dansa,
lita, spila, lesa eða breyta stofunni í
þrautabraut og leika sér.
EFTIRLÆTI FJÖLSKYLDUNNAR
Danspartí í stofunni
Orri Huginn
Ágústsson
NÁMSKEIÐ FYRIR BÖRN OG FORELDRA
Gaman saman
ALLIR ÞEKKJA UNGBARNASUND OG MÖMMULEIKFIMI EN ÞAÐ ER LÍKA TIL HREYFING SEM
FORELDRAR GETA STUNDAÐ MEÐ ELDRI BÖRNUM OG ÁTT ÁNÆGJULEGA SAMVERU.
Inga Rún Sigurðardóttir ingarun@mbl.is
Klifurhúsið byrjar í haust með nám-
skeið sem ætluð eru börnum og for-
eldrum. Annað námskeiðið er fyrir
5-6 ára börn og hitt fyrir 7-8 ára. „Þá
er þetta hugsað þannig að það mæti
allavega einn aðili með þeim en það
mega vera tveir. Þeir læra að klifra
saman og að fara í línuklifur. For-
eldrarnir læra að tryggja barnið sitt
við klifur,“ segir Stefanía Ragnars-
dóttir, rekstrarstjóri Klifurhússins.
Þarna gefst líka tækifæri til að
læra á salinn, klifurleiðirnar og um-
gengnisreglur. Klifrið skiptist í
grjótglímu, en þá er klifruð leið sem
er stutt en erfið, og hins vegar línu-
klifur.
Þetta er í fyrsta sinn sem nám-
skeið af þessu tagi er haldið.
„Krakkar sem koma sterkir inn í
íþróttina byrja oft með foreldrum
sínum,“ segir Stefanía og er hug-
myndin ekki síst komin til vegna
þess. Hún segir líka tækifæri hafa
gefist fyrir svona námskeiðshald nú
vegna þess að Klifurhúsið er flutt í
Ármúla, í helmingi stærra húsnæði
en áður, sem bjóði upp á meiri
möguleika.
„Þetta er líka tilvalin íþrótt fyrir
fjölskyldu að stunda saman. Það er
hægt að stunda klifur bæði inni og
úti, yfir sumar og vetur, á Íslandi og
í útlöndum,“ útskýrir hún.
Klifur er líka hægt að stunda sam-
an þótt fólk hafi misjafna getu.
„Hérna inni eru leiðirnar allar mis-
munandi og þá er hægt að vera að
klifra saman vegg en á mismunandi
erfiðleikastigi.“
Klifur er tilvalin íþrótt fyrir fjölskyldu
að stunda saman.
Læra að tryggja barnið
Ljósmynd/Andri Már Ómarsson
Krakkaafró er nýtt námskeið fyrir
börn á aldrinum 4-6 ára með foreldri í
Sporthúsinu. Sigrún Grendal kennir
á námskeiðinu en Baba Bangoura
trommar. Fyrsti tíminn er laugar-
daginn 13. september. Sigrún hefur
kennt afrískan dans í mörg ár, hún
hefur um árabil starfrækt Afróskóla
Sigrúnar Grendal en þetta er í fyrsta
skipti sem hún heldur námskeið sér-
staklega fyrir börn. Sigrún hlakkar
mjög til þess að fá tækifæri til að
kenna börnum og foreldrum saman.
Hún hefur þó heimsótt leikskóla við
góðar viðtökur og hefur séð hversu
vel krakkarnir bregðast við tónlist-
inni og dansinum.
„Þetta verður mjög spennandi og
ég hlakka til. Það er búið að þrýsta á
okkur í mörg ár að gera þetta,“ segir
Sigrún, sem hefur ekki farið út í þetta
fyrr vegna anna en hún vinnur sem
talmeinafræðingur á daginn og dans-
ar á kvöldin og því ekki mikið um frí-
tíma. Hún er ennfremur menntaður
leikskólakennari, sem er líka góður
bakgrunnur fyrir námskeiðið.
Hún vonast til þess að námskeiðið
geti orðið gæðastund fyrir barnið og
foreldri, jú eða ömmu eða afa.
„Markmiðið er að eiga gæðastund
saman þar sem allir eru að prófa eitt-
hvað framandi. Mér hefur fundist
þetta vanta inn í flóruna. Við erum
með lifandi trommur og dansinn og
tónlistin vinna alveg saman. Börnin
læra að hlusta á trommuna og duttl-
unga hennar og hvernig hægt er að
hreyfa sig á mismunandi hátt eftir
hljómfalli hennar,“ segir hún en lögð
er áhersla á gleði, frelsi, sköpun og
leikræna tjáningu. „Krakkarnir bæði
elta mig og eru að spinna sjálf og
finna gleðina. Þau fá nánd við frum-
dansinn og frumtónlistina. Það eru
allir berfættir og þau eiga bara að
gleyma sér í því að hlusta á tromm-
arann og mig og ekkert að spá í neitt
annað. Það geta allir dansað með á
sínum forsendum.“
Sigrún Grendal, Baba Bangoura og
Ísak Fode Bangoura, fjögurra ára.
Allir prófa eitthvað framandi
Ljósmynd/Akrar
H
andboltakappinn og rit-
höfundurinn Bjarni
Fritzson heldur nýtt
sjálfstyrkingarnám-
skeið síðar í mánuðinum fyrir 10-
13 ára stráka. Námskeiðið er
byggt á bókinni Strákar sem
hann skrifaði með Kristínu Tóm-
asdóttur. Námskeiðið sem ber
nafnið „Öflugir strákar“ fer fram
tvo sunnudaga, 14. og 21. sept-
ember og eru þemaorð nám-
skeiðsins sjálfsmynd, gildi,
draumar, markmið og tjáning.
Bjarni segir námskeiðinu ætlað
ekki síst til að styrkja sjálfs-
myndina og hjálpa strákunum að
læra á sjálfa sig. Hann og Krist-
ín héldu námskeið undir nafninu
„Út fyrir kassann“ í sumar en
það námskeið var fyrir bæði kyn-
in og tókst vel, sem hvatti hann
áfram. Kristín hefur staðið fyrir
vinsælum sjálfstyrkingarnám-
skeiðum fyrir stelpur en nú er
komið að strákunum að láta ljós
sitt skína.
„Tilgangurinn er að hjálpa
strákunum að þekkja sjálfa sig og
hverjir þeir eru og líka að líta inn
á við. Við strákar erum ekkert
sérstaklega mikið að því og mætt-
SJÁLFSTYRKINGARNÁMSKEIÐ FYRIR STRÁKA
Öflugir
strákar
BJARNI FRITZSON HVETUR STRÁKA TIL AÐ HAFA HÁLEIT
MARKMIÐ OG STÓRA DRAUMA. HANN VILL MEÐ NÝJU
NÁMSKEIÐI HJÁLPA STRÁKUM AÐ STYRKJA SJÁLFSMYNDINA
OG VINNA MEÐ STYRKLEIKA SÍNA.
Inga Rún Sigurðardóttir ingarun@mbl.is