Morgunblaðið - Sunnudagur - 05.10.2014, Qupperneq 25

Opið skrifstofurými slæmt
að sætuefni sem valkost við sykur-
inn. „Það er skortur á gögnum,“
sagði hann.
Tengsl gervisætu við offitu
Grein sem birt var í Nature í síð-
asta mánuði tengdi notkun gervi-
sætu á borð við sakkarín og asp-
artame við offitu. Rannsókn
vísindamannanna leiddi í ljós að
gervisætan breyti jafnvægi þarma-
flórunnar og stuðli þannig að
þyngdaraukningu.
„Niðurstöður okkar gefa í skyn
að gervisætuefni hafi gert offitu-
faraldurinn sem þeim var ætlað að
berjast við enn verri,“ skrifuðu
vísindamennirnir í Nature.
Í síðustu viku tilkynnti síðan
NutraSweet að það ætlaði að
hætta framleiðslu hins umdeilda
sætuefnis aspartame.
Reglan um meðalhófið á því
væntanlega við hér eins og á svo
mörgum öðrum stöðum því mikil
neysla annarra sætuefna en sykurs
getur líka verið skaðleg. Sum
þessara efna hafa verið notuð í
skamman tíma og á eftir að
rannsaka betur.
5.10. 2014 MORGUNBLAÐIÐ SUNNUDAGUR 25
*Heilsan er fátækramanna fasteign.Málsháttur
Sandra Sano Erlingsdóttir kennir afrískan dans í
Kramhúsinu og hip hop hjá Dansi Brynju Péturs og
Listdansskóla Hafnarfjarðar.
Gælunafn: Hef alltaf verið kölluð Sandra.
Atvinna: Danskennari.
Hversu oft æfir þú á viku? Ég er að kenna að meðaltali tutt-
ugu tíma á viku.
Hver er lykillinn að góðum árangri? Í dansi er númer
eitt, tvö og þrjú að æfa sig og hafa ástríðu og gleði fyrir því
sem maður er að gera.
Hvernig er best að koma sér af stað? Að skrá sig í
danstíma hjá kennara sem kann sitt fag.
Hvenær byrjaðir þú að dansa? Ég byrjaði að dansa samkvæm-
isdans og djassballett fimm ára gömul. Árið 1994 fann ég síðan
dansstílana sem ég elska, afrískan dans og hip hop.
Hvaða þýðingu hefur dans fyrir þig? Ég gæti ekki lifað án
dansins. Dans veitir mér svo mikla útrás, hamingju, styrk og
þol. Ég myndi ekki halda geðheilsunni án þess að dansa.
Hvað ráðleggur þú fólki sem vill hreyfa sig meira? Að
dansa í gegnum lífið til dæmis á meðan þú eldar og á leiðinni út
í bíl.
Hvernig heldur þú þér í formi þegar þú ferð í frí? Dans-
arinn fer aldrei í frí, við erum alltaf dansandi í gegnum lífið.
Ertu almennt meðvituð um mataræðið? Já, ég er alltaf
að reyna að borða meira hollt á hverjum degi, drekk mikið
vatn og ekkert gos.
Hvaða óhollusta freistar þín? Súkkulaði.
Hver eru algeng mistök hjá fólki við æfingar? Ekki horfa á
gólfið þegar þú dansar.
Hverjar eru fyrirmyndir þínar? Fyrirmyndir mínar eru allir
sem hafa kennt mér að verða betri dansari, sérstaklega kennararnir
mínir í New York og Gíneu í Vestur-Afríku en ég fer þangað reglulega til
að bæta mig sem dansari. Það er endalaust hægt að læra meira. Og allir
sem elska að dansa.
Ekki horfa á
gólfið þegar
þú dansar
KEMPA VIKUNNAR SANDRA SANO ERLINGSDÓTTIR
Mo
rgu
nb
lað
ið/
Egg
ert
Getty Images
Ný tækni
við göngu-
greiningu
Flexor notast við nýja tækni við
göngugreiningu. Göngu- og hlaupa-
brettið okkar býr yfir innbyggðum
þrýstinemum sem skilar nákvæmum
upplýsingum um göngulag.
Fáðu góð ráð, faglega göngugreiningu
og lausnir við stoðkerfisvandamálum
hjá Flexor.
Pantaðu
tíma
í síma
5173900
Orkhúsinu / Suðurlandsbraut 34 / 517 3900
Agave hefur notið vinsælda vegna þess að blóðsykursvísitala þess er lág en
agave inniheldur hinsvegar mikið magn frúktósa. Agave er unnið úr suður-
amerískri plöntu og er áfengið tekíla framleitt úr einni tegund agave.
Á vefnum betrinaering.is kemur fram að skaðleg áhrif sykurs hafi lítið
með blóðsykursvísitöluna að gera heldur sé það magn frúktósa sem skipti
máli. Hátt hlutfall agave-síróps er frúktósi. „Frúktósi hækkar ekki blóðsyk-
ur eða insúlín til skamms tíma, en þegar hans er neytt í miklu magni leiðir
hann til insúlínviðnáms, sem mun hækka blóðsykur og insúlín til lengri
tíma,“ stendur þar.
Venjulegur sykur er um 50% frúktósi en agave er um 70-90% frúktósi.
Agave virðist því ekki hafa verið töfralausnin sem það leit út fyrir að vera í
fyrstu.
AGAVE
Getty Images
Erýþrítól er sykuralkahól líkt
og xýlitól and maltitól. Það
er ennfremur meginuppi-
staðan í sætuefninu Sukrin
gold, sem hefur verið mikið
notað hjá þeim sem aðhyll-
ast kolvetnasnautt mataræði.
Í Japan og Bandaríkjunum
má segja að erýþrítól sé
kaloríufrítt en reglur Evr-
ópusambandsins segja að
það eigi að merkja það á
0,24 kkal/g.
Til samanburðar er xýlitól
með 2,4 kkal/g en sykur
með 4 kkal/g.
Það kemur náttúrulega
fyrir í sumum ávöxtum og
gerjuðum mat. Það er fram-
leitt úr glúkósa með því að
gerja það með gerinu moni-
liella pollinis.
Einn af kostum erýþrítols
er að það skemmir ekki
tennur. Það getur hins vegar
valdið meltingarvandræðum
ef þess er neytt í of miklu
magni en þó er það ekki
eins líklegt og xylitol til að
valda óþægindum.
Þetta hitaeiningasnauða
sætuefni hækkar ekki blóð-
sykur eða insúlíngildi.
ERÝÞRÍTÓL
Ný alþjóðleg könnun hefur leitt í ljós að opið skrifstofurými sé verra fyrir heilsuna en
lokað, að því er segir í frétt Guardian. 10.000 manns í 14 löndum tóku þátt. 95% sögðu
að það væri mikilvægt fyrir þá að vinna í friði en aðeins 41% gat gert það. Vegna þessa
var framleiðnin í ólagi hjá mörgum og hafði það mjög stressandi áhrif á fólk.