Harmoníkan - 01.03.1995, Blaðsíða 12

LÖG
Sambands íslenskra Harmoníkuunnenda
S.Í.H.U. Var stofnað 3. maí 1981 af
þeim harmoníkufélögum, sem þá voru
starfandi. Þar sem hinn almenni félagi í
þeim félögum, sem eiga aðild af sam-
bandinu veit lítið um það, fannst okkur
viðeigandi að birta lög sambandsins
eins og þau voru um síðustu áramót.
Það skal tekið fram, að þessi lög eru í
endurskoðun og má búast við
breytingum á næsta aðalfundi.
LÖG S.Í.H.U.
Laugafundur 23/6 1990
Með breytingum sem samþykktar
voru á landsfundinum 1990.
1. Sambandið heitir Samband
íslenskra Harmoníkuunnenda skamm-
stafað S.Í.H.U. stofnað 3. maí 1981.
2. Tilgangur félagsins er að stuðla
og efla harmoníkuleik á Islandi, einnig
efna til landsmóta á þriggja ára fresti.
3. Aðildarfélög geta öll starfandi
íslensk harmoníkufélög orðið.
4. Stjóm sambandsins skipa fimm
menn: formaður,varaformaður, gjald-
keri, ritari ásamt meðstjómanda. Einnig
skal kjósa tvo menn til vara og tvo
endurskoðendur reikninga.
5. Aðalfundur skal haldinn fyrir
júnílok þriðja hvert ár. Aðalfundinn
sitja kosnir fulltrúar einn frá hverju
félagi ásamt formönnum félaganna, það
sama gildir um aðra boðaða fundi sam-
bandsins. Kjömir fulltrúar skulu leggja
fram gilt kjörbréf.
6. Þeim félögum sem falin er
framkvæmd landsmóts hverju sinni eru
ábyrgir fyrir framkvæmd þess og
fjárhagslegum skuldbindingum þó með
þeirri undantekningu að sé um halla að
ræða þá skal því deilt á sambandsfélög-
in í réttu hlutfalli við meðlimafjölda ef
sjóður S.Í.H.U. hrekkur ekki til, en
verði tekjuafgangur af slíku móti renna
2/3 hlutar til S.Í.H.U. en 1/3 hlutu til
mótshaldara.
7. Tillögur um lagabreytingar skulu
berast stjóm sambandsins eigi síðar en
tveim mánuðum fyrir aðalfund.
Stjómin sendi tillögumar til sambands-
félaganna ekki síðar en einum mánuði
fyrir aðalfund.
8. Lögum þessum má aðeins breyta
á aðalfundi.
9. Lög þessi öðlast þegar gildi.
Samkvæmt ósk formanns S.Í.H.U.
Ásgeirs S. Sigurðssonar skal það tekið
fram að þessi lög eru í endurskoðun.
Þ.Þ.
Mánaskin
Leiddu mig nú vina, í laufí prýddan skóg,
um lágnætti, er haustið tekur völd,
en fástu ekki um hina, þeir fengið hafa nóg
og fara að sofa árla þetta kvöld.
Við höldumst þétt í hendur, ég horfí í augun blá.
Þú vita mátt það vina að brátt ég veslast upp af þrá.
Svo læðumst inn í lundinn. Á lofti máninn skín.
Er líður nótt þú verður stúlkan mín.
Atli Guðlaugsson
Asgeir Guðmundsson ásamt Guðrúnu
eiginkonu sinni. Myndin er frá 10 ára
afmœli F.H.U.
Ásgeir
Guðmundsson
Höfundur lagsins Mánaskin sem er á
nótum í blaðinu að þessu sinni er
Stefán Ásgeir Guðmundsson, eins og
hann heitir fullu nafni. Lagið hlaut 3.
verðlaun í lagakeppni sem félagið
hans, Félag Harmoníkuunnenda við
Eyjafjörð, efndi til á 10 ára afmæli sínu
1990. Ásgeir er fæddur 2. ágúst 1931
að Efra-Ási í Hjaltadal í Skagafirði en
á öðru ári fluttist hann til Ólafsfjarðar.
Þegar hann var tíu ára byrjaði hann að
spila á hnappaharmoníku, en skipti yfir
á píanóharmoníku þegar hann var
fjórtán ára. Nítján ára flutti hann til
Akureyrar þar sem hann dvaldi næstu 8
árin og lauk m.a. námi í bifvélavirkjun.
Tvo vetur stundaði hann nám hjá Karli
Jónatanssyni, en í gegnum árin hefur
hann leikið á dansleikjum á ýmsum
stöðum. í nokkur ár spilaði hann í
hljómsveit F.H.U.E. og spilaði sveitin
m.a. annað lag eftir hann, Varmalands-
fjóluna á landsmóti að Varmalandi
1984.
Frá Akureyri lá leiðin að Hlíðarhaga
í Eyjafjarðarsveit, þar sem hann hefur
búið síðan ásamt eiginkonu sinni
Guðrúnu Borghildi Jóhannesdóttur, en
þau giftu sig 16. maí 1959 og eiga þau
7 böm.
Við þökkum Ásgeiri fyrir lagið og
viljum geta þess um leið, að Atli
Guðlaugsson útsetti lagið fyrir hljóm-
sveit, og ef einhver hefur áhuga, er
hægt að snúa sér til hans um útsetn-
ingu.
Þ.Þ.
12