Fréttablaðið - 09.02.2013, Page 80

9. febrúar 2013 LAUGARDAGUR| HELGIN KRAKKAR | 52
TEIKNAR ÞÚ
FLOTTAR
MYNDIR?
Sendu okkur myndina þína í pósti til
Fréttablaðsins, Skaft ahlíð 24, 105 Reykjavík
eða með tölvupósti á krakkar@frettabladid.is
Heilabrot
Hvað heitir þú? Jóhanna Björg
Baldursdóttir.
Hvað ertu gömul? Ég er sex
ára, á afmæli í september og
verð því sjö ára á þessu ári.
Í hvaða skóla ertu? Ég er í
Ísaksskóla.
Hvað er skemmtilegast að
gera í skólanum? Það er mest
gaman í heimilisfræði.
Hvaða áhugamál áttu? Leik-
list, lita, föndra og leika með
Barbie.
Hvað er besta leiksýning sem
þú hefur séð? Gulleyjan, ég sá
hana í Borgarleikhúsinu í haust.
Áttu þér uppáhaldsleikara og
-leikkonu? Já, Selma Björns,
Þórunn Erna Clausen og Björn
Jörundur eru í uppáhaldi.
Hvað er það skemmtilegasta
sem þú gerir? Að setja upp
leikrit með Barbie-dúkkunum
mínum, bæði leikrit sem ég
hef séð og svo bý ég líka til
leikrit sjálf, t.d. Ævintýrarugl-
ið. Þá læt ég Barbie-dúkkurn-
ar leika hin ýmsu hlutverk og
útbý búninga með smá hjálp
frá mömmu og farða þær ef
þarf. Svo finnst mér auðvitað
mjög gaman að fara í leikhús.
Hvað ætlar þú að verða þegar
þú ert orðin stór? Ég ætla að
verða leikkona.
Krakkasíðan frétti að þú hefð-
ir troðið upp í Hörpunni, get-
urðu sagt mér frá því? Selma
Björns bauð mér að vera með
í krakkakór á Abba-tónleik-
um í Hörpunni síðasta sumar.
Við sungum „I have a dream“
ásamt Jóhönnu Vigdísi á stóra
sviðinu í Eldborg fyrir fullu
húsi. Það var mjög gaman, ég
var pínu kvíðin fyrir tónleikana
en svo gekk þetta mjög vel.
Setur upp leikrit með
Barbie-dúkkunum
Jóhanna Björg Baldursdóttir er mikill leikhúsunnandi þrátt fyrir ungan aldur.
Henni þykir mjög gaman að fara í leikhús og ekki síðra að setja upp leikrit þar
sem Barbie-dúkkurnar hennar eru í aðalhlutverki en hún höfundur og leikstjóri.
BARBIE Í SJÓRÆNINGJAHLUTVERKI Jóhanna með Barbie-dúkku sem komin er í hlutverk sjóræningja. FRÉTTABLAÐIÐ/VALLI
Langafasta hefst á öskudegi, miðvikudegi í sjö-
undu viku fyrir páska. Föstuinngangur stendur frá
sunnudeginum á undan og getur borið upp á 1.
febrúar til 7. mars og fara þeir víðast hvar í hinni
vestrænu kirkju fram með fögnuði fyrir föstutím-
ann. Hér á landi er ekki haldið upp á sunnudag-
inn lengur en haldið er upp á mánudaginn með
bolludegi, þriðjudaginn með sprengidegi og svo
hefst langafasta á miðvikudeginum með ösku-
degi.
Bolludagur, sem væntanlega fékk ekki nafnið
fyrr en snemma á 20. öld, og öskudagur hafa
að nokkru leyti skipt um hlutverk. Lengi vel var
mánudagurinn í sjöundu viku fyrir páska hefð-
bundinn frídagur barna í skólum og þá tíðkaðist
víða um landið að ganga í skrúðgöngu í grímu-
búningum og að slá köttinn úr tunnunni. Þeir
siðir hafa væntanlega borist frá Danmörku eða
Noregi. Árið 1917 hafði frídagurinn verið færður
yfir á öskudaginn víðast hvar á landinu og siðirnir
fluttust með. Að ganga í skrúðgöngu og slá kött-
inn úr tunnunni datt þó víðast hvar upp fyrir á
20. öld, en hélst þó við á Akureyri og hefur þaðan
smám saman aftur verið að breiðast út á ný.
Bollur, át og aska
Bolludagur, sprengidagur og öskudagur marka upphaf lönguföstu en þá mátti
ekki borða kjöt í fj örutíu daga.
1. Þór, Hallur og Sveinn eru fjórir frískir strákar. Hvernig?
2. Hvaða garður er alltaf blautur?
3. Hvað er það sem brosir við öllum, en hlær þó ekki að neinum?
4. Hvaða blað er ekki hægt að rífa?
5. Stundum hef ég höfuð, stundum ekki, stundum er ég með tagl en
stundum ekki. Hver er ég?
6. Hvort er þyngra: eitt kíló af blýi eða eitt kíló af dúni?
7. Ég sé það en þú sérð það ekki, samt er það mun nær þér en mér.
Hvað er það?
8. Hvers vegna er flóðhesturinn ekki hræddur við tígrisdýrið?
SVÖR
1. Þórhallur er sá fjórði. 2. Tanngarður. 3. Sólin. 4. Hnífsblað. 5. Hárkolla. 6.
Jafnþungt, eitt kíló! 7. Hnakkinn á þér. 8. Þeir eru ekki í sama heimshluta.
Teikningar og texti: Bragi Halldórsson
30
í hópnum, hvað heldur þú að það séu margir teningar í
þessari kubbahrúgu.“ „Á ég þá bara að telja þá?“ spurði
Lísaloppa. „Það lærir enginn neitt með því að láta alltaf
þann besta bara gera hlutina,“ bætti hún við. „Ja, ekki held
ég að ég geti talið þessa teninga,“ sagði Róbert vondaufur.
“Þið megið ekki ákveða það fyrirfram,“ sagði Lísaloppa.
„Svona nú, allir að reyna. Hvað eru margir teningar í þessarri
teningahrúgu?“ Þau hin stundu öll, en byrjuðu að telja.
Getur þú hjálpað þeim að telja teningana í teningahrúgunni?
Athugaðu að þeir teningar sem eru undir og á bakvið þá
fremstu sjást ekki en þarf þó að telja með.
Svar: 21