Fréttablaðið - 16.02.2013, Blaðsíða 104

16. febrúar 2013 LAUGARDAGUR| SPORT | 72
KÖRFUBOLTI Leikir ársins í körfu-
boltanum fara fram í Laugar-
dalshöll í dag þegar bikarúrslita-
leikirnir eru á dagskrá. Keflavík
tekur á móti Val í kvennaleiknum
sem hefst klukkan 13.30 og klukk-
an 16.00 hefst síðan karlaleikur-
inn á milli Grindavíkur og Stjörn-
unnar.
Það er mikil munur á bikarhefð
Keflavíkur og Vals sem mætast í
kvennaleiknum. Keflavík verður
þá fyrsta félagið sem nær því að
spila 20 bikarúrslitaleiki hjá kon-
unum en Valur er aftur á móti í
bikarúrslitum kvenna í fyrsta
sinn í sögunni.
Fóru öll spilin á borðið
„Þetta er mjög áhugaverður leik-
ur. Keflvíkingar hafa náttúrulega
bullandi trú á að þeir muni vinna
og eru með mikla sigurhefð. Vals-
konurnar komu með mjög hungr-
aða Jaleesu Butler í fararbroddi
og unnu afgerandi sigur í leik lið-
anna í Keflavík á dögunum þar
sem Keflavíkurstelpurnar voru
algjörlega ráðþrota. Spurningin
í þessum leik er hvort Valskonur
hafi sett öll spilin á borðið í leikn-
um í Keflavík eða hvort þær eigi
einhver tromp eftir,“ segir Ingi
Þór.
„Sigurhefðin er með Keflavík í
þessum leik en stóra spurningin
er hvort Valskonur nái aftur upp
þessu hungri sem þær mættu með
til Keflavíkur. Lykillinn hjá Val er
að Kristrún [Sigurjónsdóttir] spili
vel en hún var að spila frábærlega
í leiknum í Keflavík (31 stig). Á
meðan Keflavíkurliðið kemst ekki
í bílstjórasætið ná þær ekki upp
sínum leik,“ segir Ingi Þór sem
hefur samt meiri trú á Keflavík.
„Ég ætla að spá Keflavík sigri
og þar ræður sigurhefðin mestu
en þetta verður mjög jafnt,“ segir
Tveir risaleikir í Höllinni í dag
Fréttablaðið fékk Inga Þór Steinþórsson, þjálfara beggja Snæfellsliðanna, til þess að spá í úrslitaleiki Powerade-bikarsins sem fram fara
í Laugardalshöllinni í dag. Hann spáir Kefl avík og Grindavík sigri í leikjunum og fl estir aðrir spámenn Fréttablaðsins eru sammála því.
Guðmundur Jónsson,
leikmaður Þór Þorl.
Stjarnan vinnur með 5
stigum
Magnús Þór Gunnarsson,
leikmaður Keflavíkur
Grindavík vinnur með
7 stigum
Helgi Már Magnússon,
þjálfari KR
Grindavík vinnur með
8 stigum
Elvar Már Friðriksson,
leikmaður Njarðvíkur
Grindavík vinnur með
5 stigum
Pálmi Þór Sævarsson,
þjálfari Skallagríms
Grindavík vinnur með
3 stigum
Hildur Sigurðardóttir,
leikmaður Snæfells
Keflavík vinnur með
15 stigum
Sigrún Sjöfn Ámundadóttir,
leikmaður KR
Keflavík vinnur með
4 stigum
Gunnhildur Gunnarsdóttir,
leikmaður Hauka
Keflavík vinnur með
10 stigum
Petrúnella Skúladóttir,
leikmaður Grindavíkur
Valur vinnur með
2 stigum
Fanney Lind Guðmundsdóttir,
leikmaður Fjölnis
Valur vinnur með
6 stigum
HVER VINNUR HJÁ KÖRLUNUM? HVER VINNUR HJÁ KONUNUM?
Ingi Þór. Fréttablaðið fékk fimm
aðra álitsgjafa úr Dominos-deild
kvenna til að spá fyrir um úrslit
leiksins (til vinstri) og eru þrír
þeirra sammála.
Gjörólíkar forsendur
Stjörnumenn eru komnir aftur í
Höllina fjórum árum eftir að þeir
unnu eftirminnilegan sigur á stór-
skotaliði KR. Að þessu sinni eru
mótherjarnir Grindavík sem er að
mæta í Höllina í þriðja sinn á fjór-
um árum en hefur þurft að sætta
sig við silfur í hin skiptin.
„Liðin eru að koma inn í leikinn
á gjörólíkum forsendum. Grinda-
vík er kannski ekki búið að spila
besta boltann en er búið að gera
það sem þarf til að vinna og er
að komast á mikilli sigurgöngu
inn í leikinn. Á meðan er Stjarn-
an búin að tapa fjórum leikjum í
röð í deildinni og öllum þremur
eftir að þeir unnu okkur í bikarn-
um. Nú er bara stóra spurning-
in hvort Stjörnumenn hafi verið
með alla einbeitingu á bikarinn
og hafi verið að bíða eftir stór-
leiknum,“ segir Ingi en Stjarnan
vann Snæfell með 21 stigs mun í
undanúrslitum keppninnar og það
í Stykkis hólmi.
Þurfa að stoppa Shouse
„Grindvíkingar verða að stoppa
hann því mér finnst það vera
algjört lykilatriði hjá Stjörn-
unni að hann nái að tengja liðið
saman og stýra þessu. Að sama
skapi hinum megin þá finnst mér
Jóhann Árni (Ólafsson) og Lalli
(Þorleifur Ólafsson) vera lykil-
menn. Siggi (Sigurður Gunnar
Þorsteinsson) og útlendingarn-
ir munu gera sitt en Jói og Lalli
þurfa að vera góðir til þess að
Grindavík vinni,“ segir Ingi Þór
enn fremur.
Stjörnumenn voru litla liðið
þegar þeir unnu KR 2009 en svo
er ekki nú að mati Inga. „Stjörnu-
menn eru ekkert litla liðið þótt
þeir séu bara í sjötta sæti í deild-
inni og ef eitthvað er eru þeir
stóra liðið. Bæði liðin eru gríðar-
lega vel mönnuð og ég vonast til
þess að þessi leikur verði frá-
bær,“ segir Ingi Þór en hvernig
fer?
„Ég ætla að spá Grindavík
sigri því ég hef tilfinningu fyrir
því án þess að hafa einhver sér-
stök rök fyrir því. Ég vonast til að
þetta verði sýning í báðum leikj-
um, skemmtilegir með bullandi
dramatík í lokin, flotta sigur-
körfu eða eitthvað. Þetta eru
tveir risaleikir,“ segir Ingi Þór.
Fréttablaðið fékk fimm aðra úr
Dominos-deildinni til að spá og
eru fjórir þeirra sammála Inga.
ooj@frettabladid.is
SPORT
FULLTRÚAR KVENNALIÐANNA Guðbjörg Sverrisdóttir hjá
Val og Pálína Gunnlaugsdóttir hjá Keflavík mætast í kvenna-
leiknum, sem hefst klukkan 13.30 í Laugardalshöll.
FRÉTTABLAÐIÐ/ANTON
FYRIRLIÐAR KARLALIÐANNA Þorleifur Ólafsson hjá
Grindavík og Fannar Freyr Helgason hjá Stjörnunni mætast í
karlaleiknum, sem hefst klukkan 16.00 í Laugardalshöll.
FRÉTTABLAÐIÐ/ANTON