Fréttablaðið - 19.03.2013, Blaðsíða 38

19. mars 2013 ÞRIÐJUDAGUR| MENNING | 30
BÓKIN
„Ég er hálfnuð með Illsku eftir
Eirík Örn Norðdahl en hún er 540
blaðsíður á lengd og ég held að
það verði verkefni marsmánaðar
að klára hana. Ég er nefnilega með
bókina Ósjálfrátt eftir Auði Jóns-
dóttir í plastinu á náttborðinu og er
spennt að byrja á henni.“
Anna Svava Knútsdóttir, handritshöfundur og
skemmtikraftur
Náttúrulækninga-
félag Reykjavíkur
Laugavegi 7
101 Reykjavík
Sími 552 8191
Aðalfundur NLFR
í Norræna húsinu
Aðalfundur Náttúrulækningafélags Reykjavíkur verður
haldinn miðvikudagskvöldið 20. mars 2013 kl. 20:00.
í Norræna húsinu við Sturlugötu 5 í Vatnsmýrinni.
Dagskrá
Venjuleg aðalfundastörf
Sérstakur gestur fundarins
Geir Gunnar Markússon næringarfræðingur HNLFÍ
„Næring – Máttur matarins“
Léttar veitingar í boði félagsins
Stjórn NLFR
ÚTGÁFUBOÐ
Skemmtileg tískuhátíð
Reykjavík Fashion Festival fór fram í fj órða sinn í Hörpunni á laugardag. Sjö
hönnuðir sýndu haust- og vetrarlínur sínar. Vel var staðið að sýningunum en
gestir þurft i að bíða lengi á milli sýninga. Álfrún Pálsdóttir og Sara McMahon
fara hér yfi r sýningar RFF.
Rey
Lína Rebekku
Jónsdóttur
einkenndist
af svörtum og
kóngabláum
litum. Silki
og leður voru
áberandi í línunni
sem var heil-
steypt og kvenleg.
Lokadressið var
stórglæsilegt en var þó ekki sýnt á
pallinum eitt og sér heldur var eitt
af þremur dressum sem bættust við
í lokin þegar Rebekka kom fram og
hneigði sig, sem var heldur ein-
kennilegt. Fyrirsæturnar báru flott
höfuðföt sem gerðu línuna enn
frekar að einni flottri heild.
Niðurstaða: Kvenleg og flott lína.
JÖR by Guðmundur Jörundsson ➜
Guðmundur Jörundsson er líklega bjartasta von íslenskrar fatahönnunar um
þessar mundir og var nýrrar línu hans beðið með mikilli eftirvæntingu. Fullt
var út að dyrum og augljóslega mikill áhugi fyrir fyrstu dömulínu hönnuðarins.
Guðmundur sýndi dömufatnað í bland við herrafatnað og kölluðust línurnar
vel á; sömu liti, munstur og snið mátti finna í þeim báðum. Guðmundur hefur
sýnt það og sannað að hann er einstaklega fær í að sníða og hanna fallegan
herrafatnað. Á laugardag sannaðist það að hann er engu síðri þegar kemur
að dömufatnaði. Síðu vestin í dömulínunni voru sérstaklega skemmtileg og
sömuleiðis „cape“ sem var opið að aftan.
Niðurstaða: Heildstæðar og einstaklega vel heppnaðar línur.
ELLA
ELLA sýndi línu í anda tísku sjötta áratugarins. Pils- og
kjólfaldar náðu flestir niður fyrir hné eða niður á miðja
kálfa og litapallettan einkenndist af ljósbrúnum lita-
tónum, ferskjulitum og gráum og svörtum litum. Sniðin
voru tímalaus og klæðileg og eiga vafalaust eftir að falla
í kramið hjá viðskiptavinum ELLU. Einn jakki og ein
peysa voru sýnd án neðri hlutar og var það einkennileg
ákvörðun og hefði því betur verið sleppt. Sýningunni lauk
svo með pompi og prakt, Unnsteinn úr Retro Stefson
söng lagið Glow á meðan fyrirsætur dönsuðu um sviðið
undir gríðarlegu konfettíregni.
Niðurstaða: Tímalaus hönnun sem mun falla í kramið hjá
aðdáendum ELLU.
Andersen & Lauth
Andersen & Lauth var fyrsta sýningin á RFF. Una Krist-
jánsdóttir hannaði línuna og minnti hún um margt á
hina glæsilegu Royal Extreme-línu sem hún sendi frá sér
fyrir rúmum tveimur árum síðan, litapallettan var svipuð
og sömuleiðis hin víðu snið. Nýja línan virtist þó eilítið
stefnulaus og á tímum var eins og að um þrjár ólíkar
línur væri að ræða. Pallíettur og rómantík voru áberandi
sem fyrr í hönnun Andersen & Lauth. Grófum og fínum
efnum var óspart blandað saman, í sumum tilfellum
gekk það ljómandi vel upp en síður í öðrum tilvikum,
eins og þegar prjónaslá var sett yfir fínan, hálfgegnsæjan
pallíettukjól.
Niðurstaða: Rómantísk lína sem átti góða spretti.
Huginn
Muninn
Merkið Huginn
Muninn var
nýliðinn á
tískuhátíðinni
í ár en hingað
til hefur merkið
verið þekkt fyrir
herraskyrtur. það
var því nokkur
eftirvænting
í loftinu fyrir
sýninguna þar
sem bæði herra-
og dömufatn-
aður var til sýnis.
Herrafatnaðurinn
stal hins vegar
senunni í þetta
sinn. Fallegar
skyrtur og buxur
í skemmtilegum
munstrum sem
minntu ögn á
tískuhúsið Kenzo.
Dömulínan náði
því miður ekki að fanga athyglina
nógu vel í þetta sinn og ef til vill
hefði verið betra að gefa meira rými
á sérsýningu seinna meir.
Niðurstaða: Huginn Muninn sýndi
að merkið er góð viðbót í fataflóru
landsins en mætti skerpa betur á
kvenmannslínu sinni.
Farmers Market
Það var góð stemmning á sýningu Farmers Market þar
sem hljómsveit spilaði notalega tóna undir sýninguna.
Stór foss var við enda tískupallsins sem gaf sýningunni
sérstakan blæ. Merkið stóð fyrir sínu þar sem mátti sjá
bæði gamlar flíkur í nýjum búningi í bland við nýjar
flíkur. Litapallettan var dekkri enda um haust- og vetrar-
línu að ræða. Fallegur rúllukragakjóll og munstraður
stuttermakjóll stóðu upp úr að þessu sinni og mikið víst
að vinsældir Farmers Market halda áfram.
Niðurstaða: Sýning þar sem fátt kom á óvart en flott
sýning hjá Farmers Market.
MUNDI
Samstarf Munda
við útivistar-
merkið 66°N var
lokasýningin í
Hörpu. Sýningin
var stuttmynd
með Tómasi Lem-
arquis í aðalhlut-
verki. Munstrin í
fatnaðinum voru
ekki frábrugðin
hinum hefðbundnu munstrum
Munda. Litapalletan var brún, grá
og appelsínugul. í lok sýningarinnar
komu svo fyrirsæturnar með Tómasi
í fararbroddi upp úr sviðinu gangandi
á hlaupabrettum. Flottur endir á
deginum.
Niðurstaða: Flott samstarf Munda
og 66°N sem verður vafalítið vinsæl.
„Þetta er auðvitað óskastaða að vera í. Ég
er mjög spennt fyrir því að byrja hjá Þjóð-
leikhúsinu og er viss um að þetta verði
mikið ævintýri,“ segir Elma Stefanía
Ágústsdóttir, leiklistarnemi við Listahá-
skóla Íslands. Hún er ein þriggja nemenda
sem útskrifast af leikarabraut leiklistar-
og dansdeildar LHÍ í vor sem hafa þegar
gert samning við annað stóru leikhúsanna.
Arnar Dan Kristjánsson og Hildur Berg-
lind Arndal gerðu samning við Borgarleik-
húsið og munu hefja þar störf í lok sumars.
Elma Stefanía hlakkar mikið til að takast
á við þau verkefni sem bíða hennar hjá
Þjóðleikhúsinu. „Ég er komin með eitt
verkefni en ég veit ekki hversu mikið ég
má segja um það. Ég leik aðalhlutverkið í
sýningu sem sett verður upp í Kassanum í
haust. Fyrsti samlestur í því verður núna í
lok mars,“ útskýrir hún.
Arnar Dan segist einnig spenntur fyrir
því að hefja störf hjá Borgarleikhúsinu og
segir samninginn mikla viðurkenningu.
„Það er alltaf gaman að vita að maður hafi
staðið sig vel. Ég er þó sannfærður um að
allir í bekknum eigi eftir að verða mikið
í sviðsljósinu í framtíðinni því þetta er
allt ofboðslega hæfileikaríkt fólk,“ segir
Arnar.
- sm
Þrír með samning fyrir útskrift
Elma Stefanía, Arnar Dan og Hildur Berglind, leiklistarnemar við Listaháskóla Íslands, eru komin á samning.
SPENNANDI TÍMAR FRAM UNDAN Arnar Dan Kristjáns-
son og Elma Stefanía Ágústsdóttir eru komin með
samning hvort við sitt leikhúsið. Hið sama gildir um Hildi
Berglindi Arndal. FRÉTTABLAÐIÐ/VALLI