Fréttablaðið - 02.05.2013, Blaðsíða 72

2. maí 2013 FIMMTUDAGUR| SPORT | 56SPORT
Nú gæti verið komið að því. Eftir 53 ára
titlalausa vertíð Stjörnumanna hefur liðið
aldrei verið jafnsterkt. Alexander Scholz
yfirgaf félagið en tveir landar hans voru
fengnir í staðinn. Garðbæingar hafa trú á
því að liðið geti farið alla leið í ár. Til þess
þarf þó stöðugleika en liðið tapaði
of mörgum stigum gegn minni
spámönnum í fyrra.
Stjarnan missti af tveimur
dauðafærum á sæti í
Evrópukeppni í fyrra en
þetta gæti verið tímabilið
þar sem boltinn fer í slána
og inn.
Stjarnan hafnar í 3. sætiSPÁ FRÉTTA-
BLAÐSINS
2013 Veigar Páll Gunnarsson
➜ HVAÐ ER LANGT SÍÐAN…
… liðið var ekki í efri hluta – 3 ár … Veigar Pálll Gunnarsson spilaði á Íslandi –
10 ár … liðið spilaði í B-deild – 5 ár … liðið átti markakóng deildarinnar – 2 ár
… liðið spilaði í C-deild – 8 ár … liðið spilaði heimaleiki á alvöru grasi – 13 ár
Logi Ólafsson er 58
ára gamall og á sínu
fyrsta tímabili með
liðið. Þetta er sjötta
félagið sem hann
þjálfar í efstu deild en
hann þjálfaði síðast Selfoss í fyrra.
Á að baki þrettán tímabil sem
þjálfari í efstu deild (216 leikir, 103
sigrar, 55 prósent)
Martin Rauschenberg (Esbjerg)
Michael Præst (FC Fyn)
Ólafur Karl Finsen (Selfoss)
Robert Sandnes (Selfoss)
Veigar Páll Gunnarsson (Stabæk)
Fylgstu með þessum:
Michael Præst – 26 ára Dani sem gæti
slegið í gegn á miðjunni.
➜ EINKUNNASPJALDIÐ VÖRNIN ★★★★★ SÓKNIN ★★★★★ ÞJÁLFARINN ★★★★★ BREIDDIN ★★★★★ ÍSLANDSMEISTARI: Aldrei BIKARMEISTARI: Aldrei
Silfurskeiðin hefur beðið
lengi eftir heimkomu týnda
sonarins og nú er stundin
runnin upp. Með uppeldis-
bræðurna Veigar Pál og
Garðar í fremstu víglínu
mæta Stjörnustrákar
með nefið upp í loft
og fullir sjálfstrausts í
leikina í sumar.hefst eftir
3
daga
➜ STJARNAN ➜ ÞJÁLFARINN ➜ NÝJU ANDLITIN
ÚRSLIT
N1-DEILD KVENNA
FRAM - STJARNAN 19-21 (8-13)
Fram-kvenna - Mörk (skot): Sunna Jónsdóttir
5 (10/1), Stella Sigurðardóttir 5 (11/1), Elísabet
Gunnarsdóttir 4/1 (7/3), Sigurbjörg Jóhannsdóttir
2 (5), Ásta Birna Gunnarsdóttir 2 (5), Guðrún Þóra
Hálfdánsdóttir 1 (1), Marthe Sördal (3),
Varin skot: Hildur Gunnarsdóttir 3 (7, 43%),
Guðrún Bjartmarz 2/1 (19/4, 11%),
Stjarnan-kvenna - Mörk (skot): Hanna Guðrún
Stefánsdóttir 7/2 (9/2), Rakel Dögg Bragadóttir 7/1
(12/1), Esther Viktoría Ragnarsdóttir 5 (6), Kristín
Clausen 1 (1), Jóna Margrét Ragnarsdóttir 1 (6/1),
Sandra Sif Sigurjónsdóttir (1),
Varin skot: Sunneva Einarsdóttir 16/2 (35/3,
46%),
Stjarnan leiðir í einvíginu 2-1. Næsti leikur liðanna
fer fram í Mýrinni á föstudag og þá geta Stjörnu-
stúlkur tryggt sér Íslandsmeistaratitilinn.
N1-DEILD KARLA
FRAM - HAUKAR 35-30 (12-13)
Fram - Mörk (skot): Sigurður Eggertsson 11/1
(14/1), Róbert Aron Hostert 7 (15), Jóhann Gunnar
Einarsson 6/2 (13/2), Stefán Baldvin Stefánsson
4 (5), Garðar B. Sigurjónsson 2 (3), Ólafur Magn-
ússon 2 (3), Sigfús Páll Sigfússon 1 (2), Haraldur
Þorvarðarson 1 (3), Jón Arnar Jónsson 1 (3),
Varin skot: Magnús Erlendsson 12 (32, 38%),
Björn Viðar Björnsson 9 (19/2, 47%),
Haukar - Mörk (skot): Árni Steinn Steinþórsson
9 (17), Gylfi Gylfason 6/2 (11/2), Jón Þorbjörn
Jóhannsson 4 (4), Freyr Brynjarsson 4 (8), Tjörvi
Þorgeirsson 4 (10), Sigurbergur Sveinsson 3 (6),
Elías Már Halldórsson (1), Adam Haukur Baumruk
(1), Sveinn Þorgeirsson (2),
Varin skot: Aron Rafn Eðvarðsson 12 (39/2, 31%),
Giedrius Morkunas 3 (11/1, 27%),
Leikurinn var tvíframlengdur. Fram leiðir í
einvíginu 2-0. Næsti leikur liðanna fer fram að
Ásvöllum á laugardag.
MEISTARAKEPPNI KSÍ KVENNA
ÞÓR/KA - STJARNAN 0-0
Þór/KA vann 4-1 eftir vítaspyrnukeppni.
MEISTARADEILD EVRÓPU
Barcelona - Bayern München 0-3
Bayern vann samanlagt 7-0 og mætir Dortmund í
úrslitaleik á Wembley 25. maí.
KÖRFUBOLTI Teitur Örlygsson
var að klára sitt fjórða tímabil
hjá Stjörnunni og fimmta tíma-
bilið verður hans síðasta í Garða-
bænum. Að sinni að minnsta kosti.
„Ég er tilbúinn í eitt ár í viðbót.
Það verður líka mitt síðasta ár hjá
félaginu. Það er gott að vera búinn
að taka ákvörðun og hún var ekk-
ert erfið þannig séð. Það er gott að
geta núna horft fram á veginn,“
sagði Teitur, en hann hefur gert
Stjörnuna tvisvar sinnum að bik-
armeistara.
Íslandsmeistaratitilinn hefur þó
ekki komið í hús en Stjarnan var
ansi nálægt því að vinna hann um
síðustu helgi. Þá tapaði Stjarnan
naumlega gegn Grindavík í odda-
leik um Íslandsmeistaratitilinn.
„Stjarnan vildi halda mér og
það var gott að finna þann stuðn-
ing. Það hefur gengið ágætlega
hjá okkur og ég vil því taka eitt
ár í viðbót,“ sagði Teitur, en það
er ástæða fyrir því að hann tekur
aðeins eitt ár í viðbót.
Eins og að hætta að drekka
„Það verða væntanlega kynslóða-
skipti hjá félaginu eftir þann
vetur og ég vil að einhver annar
stýri þeirri uppbyggingu. Ég nenni
ekki að fara aftur í gegnum það og
sagði það við fjölskylduna. Þetta
er bara eins og þegar menn ætla
að hætta að drekka. Þetta er bara
búið þennan ákveðna dag. Ég held
að það sé auðveldara að gera þetta
svona.“
Það er mikil reynsla í Stjörnu-
liðinu og næsti vetur verð-
ur líklega lokaáhlaup ein-
hverra leikmanna liðsins á
Íslandsmeistara titilinn. Kemp-
urnar í liðinu yngjast ekki frekar
en aðrir. Teitur er bjartsýnn á að
halda flestum, ef ekki öllum, hjá
liðinu.
„Ég veit ekki til þess að neinn sé
að fara. Mér skilst að helmingur-
inn sé enn með samning og
stjórnin þarf að klára þessi mál.
Ég veit ekki hvort Jarrid Frye
verður áfram Kaninn okkar á
næsta ári en ég er persónulega
mjög hrifinn af honum,“ sagði
Teitur, en aðeins verður hægt að
spila með einn Kana næsta vetur.
Stjarnan er með tvo sterka og
reynslumikla menn í Justin Shouse
og Jovan Zdravevski. Verða þeir
áfram?
„Við sjáum hvað þeir geta gert
en það er vonandi. Þeir hugsa
báðir virkilega vel um sig og þá
er aldurinn oft afstæður. Ef þeir
gerðu það ekki væri ekki sama
staða upp á borði. Menn eru farn-
ir að geta teygt ferilinn með því að
hugsa vel um sig. Það á við í öllum
íþróttum í dag.“
Sá stóri er ekki enn kominn í
Garðabæinn undir stjórn Teits og
liðið hlýtur að stefna á Íslands-
meistaratitilinn næsta vetur.
„Við viljum í það minnsta vera
í toppbaráttunni og það á eftir að
koma í ljós hvernig liðið verður
og hvað við getum gert. En það er
alveg ljóst að við viljum berjast á
toppnum. Þannig hefur metnaður-
inn verið hjá okkur,“ sagði Teitur
Örlygsson, þjálfari Stjörnunnar.
henry@frettabladid.is
Svanasöngur Teits
Stjörnumenn glöddust í gær þegar Teitur Örlygsson ákvað að halda áfram að
þjálfa körfuboltalið félagsins. Teitur tók aðra ákvörðun en hún er sú að hætta
með liðið eft ir næsta tímabil. Þjálfaranum er létt að hafa tekið ákvörðun.
EITT ÁR Í VIÐBÓT Teiti hefur liðið vel í Garðabænum og hann ætlar að njóta
síðasta ársins hjá félaginu. FRÉTTABLAÐIÐ/DANÍEL
FÓTBOLTI Eftir sjö mánaða undir-
búningstímabil hefst keppni í
Pepsi-deild kvenna á þriðjudag-
inn. Þór/KA á titil að verja. Jóhann
Kristinn Gunnarsson, þjálfari
Íslandsmeistara Þórs/KA, fer ekki
í neinar grafgötur með markmið
komandi tímabils.
Þór/KA lagði Stjörnuna í leik
Íslands- og bikarmeistara síðustu
leiktíðar norðan heiða í gær. Ekk-
ert var skorað í venjulegum leik-
tíma en hinn 18 ára markvörður
Helena Jónsdóttir tryggði norðan-
konum titilinn með því að verja
tvær spyrnur Stjörnukvenna í
vítaspyrnukeppninni.
„Við setjum okkur þau markmið
að halda titlinum fyrir norðan. Það
þýðir ekkert fyrir mig að fara í
eitthvað annað, við erum að stefna
hátt og við getum ekki stefnt neðar
en í fyrra. Við erum búin að leggja
mikið á okkur í vetur til að ná
þessu markmiði og við ætlum að
standa við það.“
Jóhann Kristinn sá stelpurnar
sínar skila fyrsta titlinum í hús
í gær þegar Stjarnan var lögð að
velli í vítaspyrnukeppni í árleg-
um leik Íslands- og bikarmeist-
aranna. Markvörðurinn Helena
Jóns dóttir, sem verður nítján ára
í næstu viku, var hetja Þórs/KA
en hún varði tvö af fjórum vítum
Stjörnukvenna.
Helena stóð í markinu í fjar-
veru hinnar bandarísku Kaitlyn
Savage sem meiddist í frumraun
sinni með Akureyrarliðinu á dög-
unum. Óttast er að Savage sé með
slitin krossbönd. Þrátt fyrir ágæta
frammistöðu Helenu í gær reiknar
Jóhann með því að fá nýjan mark-
vörð til liðsins.
„Við erum með stóran og öflug-
an meistaraflokk sem 2. flokk og
ætlum að vera í toppbaráttunni á
báðum stöðum. Hins vegar höfum
við bara einn markvörð (Helenu)
eins og er. Þótt hún sé frábær þá er
það ekki á hana leggjandi. Ef við
fáum inn markmann með henni
þá erum við líklegast mjög vel
sett,“ segir Jóhann. Hann reikn-
ar með því að sömu lið raði sér í
efstu fimm sætin í deildinni í ár
og í fyrra.
„Stjarnan var í bílstjórasætinu í
leiknum í dag og liðið er mjög lík-
legt til afreka eins og Breiðablik
og við. Svo er ÍBV með nánast nýtt
lið og ef Valur finnur flugið aftur
þá getur allt gerst.“ - ktd, bhs
Ætla að halda meistaratitlinum fyrir norðan
Þór/KA er meistari meistaranna eft ir sigur á Stjörnunni norðan heiða í gær og ætlar sér mikið í sumar.
MEISTARAR Þór/KA vann sinn fyrsta Íslandsmeistaratitil í fyrra. MYND/AUÐUNN
FÓTBOLTI Það verða Bayern
München og Borussia Dortmund
sem mætast í úrslitaleik
Meistara deildar Evrópu í knatt-
spyrnu á Wembley á Englandi
þann 25. maí næstkomandi. Þetta
varð ljóst þegar Bayern vann 3-0
sigur á Barcelona í síðari undan-
úrslitaleik liðanna á Spáni í gær.
4-0 sigur þeirra þýsku í fyrri
leiknum setti Barcelona í erfiða
stöðu sem reyndist ómöguleg
þegar til kastanna kom.
Þetta verður í fyrsta skipti í
sögu keppninnar sem tvö þýsk lið
leiða saman hesta sína í úrslita-
leiknum. Borussia Dortmund sló
Real Madrid úr keppni á þriðju-
dag þrátt fyrir 2-0 tap í síðari
leiknum á Spáni. Dortmund og
Bayern mætast einmitt í þýsku
deildinni á laugardag en þar hafa
Bæjarar löngu tryggt sér titilinn.
Þetta verður í fjórða skiptið
sem tvö lið frá sama landi mæt-
ast í úrslitaleiknum. -ktd
➜ Úrslitaleikir liða frá sama landi
Spænsk lið árið 2000
Real Madrid - Valencia 3-0
Ítölsk lið árið 2003
AC Milan - Juventus 0-0
AC Milan vann í vítakeppni
Ensk lið árið 2008
Man. United - Chelsea 1-1
United vann í vítakeppni
Barcelona
niðurlægt
SLÁTRUN Arjen Robben kom Bæjurum
á bragðið í gærkvöldi. NORDICPHOTOS/GETTY
FÓTBOLTI Landsliðskonan
Sandra María Jessen var ekki
í leikmanna hópi Þórs/KA gegn
Stjörnunni í gær. Sandra meidd-
ist á hné í upphafi apríl og hefur
verið á hækjum síðan.
„Hún fer aftur í segulómun
þann 12. maí. Þá getum við farið
að meta hvenær hún verður klár,“
segir Jóhann Kristinn, þjálfari
Þórs/KA.
Sandra María skoraði 18 mörk í
deildinni síðastliðið sumar. Ljóst
er að meistararnir verða án henn-
ar í fyrstu leikjum sumarsins. - ktd
Sandra laus
við hækjurnar
HAMINGJA Skúli Gunnsteinsson fað-
mar Hönnu G. Stefánsdóttur eftir sig-
urinn Stjörnukvenna á Fram í Safamýri í
gær. FRÉTTABLAÐIÐ/DANÍEL