Fréttablaðið - 31.05.2013, Blaðsíða 10

31. maí 2013 FÖSTUDAGUR| FRÉTTIR | 10
VIÐSKIPTI Ísland er afar ákjósan-
legur staður fyrir uppbyggingu
netþjónabúa. Þetta er niðurstaða
nýrrar skýrslu sem unnin var
fyrir Landsvirkjun af alþjóðlega
ráðgjafarfyrirtækinu BroadGroup.
Í skýrslunni kemur fram að
Ísland uppfylli öll skilyrði sem lögð
séu til grundvallar við uppbygg-
ingu gagnavera. Hér sé að finna
ódýra og græna orku og mikið
orkuöryggi, auk þess sem netteng-
ingar við umheiminn séu sterkar.
Þá séu stofnanir traustar og við-
skiptaumhverfi hagstætt. Raunar
telur BroadGroup að ódýrast sé að
reka gagnaver á Íslandi sé litið til
lengri tíma. Þannig sé umtalsvert
ódýrara að reka gagnaver á Íslandi
en í Bandaríkjunum, Bretlandi,
Svíþjóð, Singapúr og Hong Kong en
þessir staðir hafa verið leiðandi í
uppbyggingu gagnavera hingað til.
Loks kemur fram í skýrslunni
að áætluð sé umfangsmikil upp-
bygging gagnavera á næstu árum
enda vaxi internetumferð um 40 til
60% á ári í þróuðum ríkjum og enn
hraðar í vanþróaðri ríkjum. Áætl-
ar Microsoft þannig að 50 milljörð-
um Bandaríkjadala, jafngildi ríf-
lega 6.000 milljarða króna, verði
varið í uppbyggingu gagnavera á
þessu ári. Þá telur Microsoft að
þessi tala vaxi um ríflega 50% til
ársins 2020.
Tvö gagnaver hafa þegar verið
reist á Íslandi, annars vegar
Advania Thor Data Center í Hafn-
arfirði og hins vegar gagnaver
Verne Global í Reykjanesbæ.
- mþl
Ný skýrsla sem unnin var fyrir Landsvirkjun bendir til mikilla tækifæra í uppbyggingu gagnavera á Íslandi:
Ísland hagstæðasti staðurinn fyrir gagnaver
Í HAFNARFIRÐI Advania rekur gagna-
verið Thor Data Center á Völlunum í
Hafnarfirði.
VIÐSKIPTI Vodafone tapaði alls 16 milljónum króna á
fyrsta ársfjórðungi ársins. Til samanburðar hagn-
aðist félagið um 119 milljónir á fyrsta ársfjórðungi
í fyrra.
Þetta kemur fram í uppgjöri Vodafone vegna
fyrsta ársfjórðungs sem birt var eftir lokun mark-
aða á miðvikudag.
Uppgjörið fór illa í fjárfesta og lækkaði hluta-
bréfaverð félagsins um 7,69% í Kauphöllinni í gær.
Var það við lokun 30 krónur á hlut og er komið niður
fyrir verðið sem fékkst í útboðinu við skráningu
félagsins á markað í desember. Það var 31,5 króna á
hlut en í millitíðinni fór hlutabréfaverðið hæst í 34,4
krónur á hlut.
Samkvæmt uppgjörinu var rekstrarhagnaður
Vodafone fyrir fjármagnsliði, afskriftir og skatta
539 milljónir króna og lækkaði um ríflega fimmt-
ung á milli ára.
Í tilkynningu segir Ómar Svavarsson, forstjóri
Vodafone, að þrír þættir skýri að mestu afkomu
tímabilsins. Í fyrsta lagi samdráttur í einkaneyslu,
sem hafi haft neikvæð áhrif á fjarskiptanotkun ein-
staklinga, í öðru lagi breytingar á uppgjörsaðferð-
um og í þriðja lagi aukinn rekstrarkostnaður. „Við
erum ósátt við þá niðurstöðu og höfum þegar hafist
handa við að vinda ofan af þessu,“ er enn fremur
haft eftir Ómari. - mþl
Hlutabréfaverð Vodafone lækkaði um 7,69% í Kauphöllinni í gær:
Erfitt uppgjör hjá Vodafone
FORSTJÓRI VODAFONE Ómar Svavarsson segir að þegar sé
byrjað að vinda ofan af því sem misfarist hafi í rekstrinum.
BANDARÍKIN Franski orkurisinn
Total hefur verið sektaður um
tæplega 400 milljónir dollara eða
tæplega 50 milljarða kr. í Banda-
ríkjunum fyrir mútugreiðslur.
Greiðslur þessar fóru til ráða-
manna í Íran í skiptum fyrir leyfi
til olíuborana þar í landi.
Fjallað er um málið á vefsíð-
unni CNNmoney. Þar segir að
fyrir utan sektirnar í Bandaríkj-
unum vofi glæparannsókn, og
réttarhöld, yfir Total í Frakk-
landi, heimalandi félagsins.
Fram kemur að alls námu mútu-
greiðslurnar 60 milljónum doll-
ara á árunum 1995 til 2004. Total
mun hafa hagnast um 150 millj-
ónir dollara í framhaldinu.
Franskur orkurisi sektaður:
Greiddi millj-
arða í mútur
VIÐSKIPTI Eignarhaldsfélag
Landsbankans hefur ákveðið að
bjóða til sölu 25% hlut sinn í fast-
eignafélaginu Regin. Reginn var
áður alfarið í eigu Landsbankans
en bankinn seldi 75% hlut í útboði
í tengslum við skráningu félags-
ins í Kauphöllina í fyrrasumar.
Við lokun markaða í gær var
verð hlutabréfa í Reginn 12,4
krónur hluturinn. Miðað við það
verð er verðmæti 25% hlutarins
sem nú er til sölu rétt ríflega 4
milljarðar króna. - mþl
Fjórðungshlutur til sölu:
Landsbankinn
selur í Regin
Verðtryggð skuldabréf
Lánasjóðs sveitarfélaga ohf.
LSS150434
Lánasjóður sveitarfélaga ohf. kt. 580407-1100, hefur birt viðauka við
grunnlýsingu LSS150434 dagsett 24. apríl 2013 vegna töku skuldabréfa
til viðskipta á Aðalmarkaði NASDAQ OMX Iceland hf. í framhaldi af
skiptiútboði. Viðaukann og gögn sem vitnað er til í honum er hægt að
nálgast hjá Lánasjóði sveitarfélaga ohf., Borgartúni 30, 105 Reykjavík
og á vefsíðu Lánasjóðs sveitarfélaga ohf. www.lanasjodur.is fram til
lokagjalddaga skuldabréfanna.
Nafnverð útgáfu:
Heildarnafnverð skuldabréfanna sem óskað hefur verið að tekin verði
til viðskipta 31. maí 2013 er 6.217.852.565 kr. heildarnafnverð flokksins er
þá 9.591.852.565 kr. Nafnverð hverrar einingar er 1 kr.
Skilmálar bréfanna:
Skuldabréfin eru verðtryggð jafngreiðslubréf. Bréfin bera fasta 3,75%
ársvexti sem greiddir eru hálfsárslega, 15. apríl og 15. október ár hvert,
í fyrsta sinn 15. apríl 2012 og í síðasta sinn 15. apríl 2034. Auðkenni
flokksins á NASDAQ OMX Iceland hf. er LSS150434 og ISIN númer
IS0000020691.
Reykjavík, 31. maí 2013.
Lánasjóður sveitarfélaga ohf.
DÓMSMÁL „Ég er eini maðurinn í
þessu máli sem segir sannleikann
því enginn annars hefur pung í
það,“ sagði Jón Baldur Valdimars-
son, einn af sjö karlmönnum sem
hafa verið ákærðir fyrir stórfelld-
an innflutning á amfetamíni frá
Danmörku til Íslands, fyrir rétti
í gær. Hann, ásamt bróður sínum,
Jónasi Fannari, og gömlum skóla-
félaga þeirra úr Seljalandsskóla,
Símoni Páli Jónssyni, hefur verið
ákærður fyrir að leggja á ráðin um
að flytja 19 kíló af amfetamíni og
1,7 lítra af amfetamínbasa til lands-
ins í janúar síðastliðnum. Þeir neita
allir að hafa skipulagt innflutning-
inn en játa að hafa komið að inn-
flutningnum með einum eða öðrum
hætti. Aðalmeðferð í málinu gegn
þeim hófst í Héraðsdómi Reykja-
víkur í gær.
Mennirnir þrír játa að þeir hafi
farið til Danmerkur um miðjan
janúar síðastliðinn þar sem þeir
hittu tvo karlmenn frá Litháen,
sem eru einnig ákærðir í málinu, en
báðir eru þeir búsettir hér á landi.
Þar fengu Íslendingarnir fíkniefn-
in sem þeir pökkuðu í þrjá kassa
ásamt aðföngum keyptum í Magas-
in du Nord og sendu til Íslands. Svo
sóttu tveir menn, sem einnig eru
ákærðir í málinu, efnin.
Jón Baldur, brást illa við vitnis-
burði Símonar fyrir héraðsdómi í
gær, sem hélt því fram að Jón hefði
skipulagt allan innflutninginn og
að sjálfur hefði hann fengið átta
hundruð þúsund fyrir að aðstoða
hann. Jón sagðist hafa staðið í þeirri
trú að það ætti að flytja inn þrjú
kíló af amfetamíni. Honum hefði
brugðið verulega þegar lögreglan
upplýsti hann um að samtals væru
efnin á fjórða tug kílóa, sé amfeta-
mínbasinn talinn með. Hann sakaði
Símon á móti um helstu skipulagn-
ingu á fíkniefnainnflutningnum.
Jón Baldur upplýsti svo fyrir
rétti að hann og bróðir sinn hefðu
hitt karlmann í versluninni Skalla
í Árbæ sem fjármagnaði og skipu-
lagði innflutning á efnunum til
landsins. Sá var kallaður ónefndur
maður í ákæruskjali. Jónas Fann-
ar staðfesti þetta og sagðist þekkja
manninn undir viðurnefninu Ási
morðingi, en nafn hans væri Ársæll
Snorrason.
Jónas sagðist ekki hafa upp-
lýst fyrr um þetta fyrr af ótta um
öryggi fjölskyldu sinnar. Hann taldi
hins vegar óhætt að nefna hann í
dag þar sem maðurinn lést fyrir
nokkrum vikum síðan.
Áfram verður réttað í málinu í dag.
valurg@365.is
Segja höfupaurinn í
málinu vera látinn
Þrír menn sem ákærðir eru fyrir að leggja á ráðin um innflutning á hátt í fjörutíu
kílóum af amfetamíni með póstsendingum til landsins vörpuðu sökinni hver á
annan fyrir rétti í gær. Þeir segja að höfuðpaurinn í málinu ekki vera á lífi í dag.
Í HÉRAÐSDÓMI Nokkrir sakborninganna í dómssal. FRÉTTABLAÐIÐ/GVA
Maðurinn sem bræðurnir saka um að hafa staðið á bak við innflutning á
fíkniefnunum heitir Ársæll Snorrason. Hann var dæmdur árið 2006 fyrir
að smygla 15 kílóum af amfetamíni til landsins ásamt nokkrum öðrum
mönnum, auk tíu kílóa af kannabisefnum. Þá vann hann miskabótamál
gegn ríkinu árið 2003 þegar hann var framseldur frá Hollandi til Íslands
vegna gruns um að tengjast mannshvarfi Valgeirs Víðissonar árið 1994.
Honum voru dæmdar 350 þúsund krónur í bætur.
Dæmdur fyrir stórfellt smygl árið 2006
LÖGREGLUMÁL Héraðsdómur
Reykjavíkur féllst síðdeg-
is í fyrradag á kröfu lögreglu-
stjóra höfuðborgarsvæðisins um
að gæsluvarðhald yfir manni á
fertugsaldri yrði framlengt um
fjórar vikur. Maðurinn er grun-
aður um kynferðisbrot gegn tíu
ára gamalli stelpu þegar hann
nam hana á brott með valdi í Vest-
urbæ Reykjavíkur þann 14. maí
síðastliðinn og braut gegn henni á
afviknum stað utan höfuðborgar-
svæðisins.
Samkvæmt upplýsingum frá
lögreglu miðar rannsókn máls-
ins vel.
Tældi stúlku í Vesturbænum:
Héraðsdómur
framlengir
gæsluvarðhald