Fréttablaðið - 31.05.2013, Blaðsíða 84

31. maí 2013 FÖSTUDAGUR| MENNING | 48
➜ Kristín Ýr Bjarnadóttir
Valur
Staða á vellinum: Framherji
Aldur: 29 ára
1 „Ég er ekki með neina niður-njörvaða rútínu á leikdegi. Enda
geta aðstæður verið breytilegar. Ég var
nokkuð slæm með þetta og liðsfélagar
mínir hafa gert grín að því hvað ég er
hjátrúarfull. En það er meira svona
í daglegu lífi, ekkert endilega tengt
rútínu á leikdeginum sjálfum. Ég reyni
að borða skynsamlega, oft og rétt magn
fyrir leiki. Leikirnir hér á Íslandi eru oft-
ast á kvöldin og þá er það alltaf Saffran
eða Nings í hádeginu og hafragrautur
með banana og rúsínum í morgunmat. Í
Noregi eru leikirnir oftast um helgar og
klukkan 13 eða 14. Þá vaknaði maður
til þess að borða og taka svo kríu eða
slökun milli mála. Svo er alltaf smá
göngutúr tekinn. Smá svona landsliðs-
fílingur í því, maður er alltaf að reyna
að vera í landsliðsklassanum sko!“
2 „Ég spila reyndar alltaf í sama íþróttatoppnum og hef gert það
síðan ég komst í gang aftur árið 2008.
Ég er í pínu vandræðum með þetta þar
sem hann er orðinn heldur þreyttur og
ég hef ekki enn þorað að taka áhættuna
á að prufa nýjan topp. Svo set ég
eyrnalokkana og hálsmen alltaf í hægri
vasann á mætingajakkanum. Ég get
ekki rakað lappirnar daginn áður eða á
leikdegi og ég verð að skora að minnsta
kosti eitt mark í skotunum í upphitun
áður en ég get farið inn.“
3 „Ég held að fótboltafólk sé ekkert meira hjátrúarfullt en annað
íþróttafólk. Ég held að við séum öll eins
misjöfn og við erum mörg. Ég vil meina
að ég hafi tekið upp allt þetta hjátrúar-
og happa/óhappa-dæmi eftir að ég
kom í Val þegar ég var 12 ára. Við
vorum alltaf með alls konar æfingar
í kringum þetta í yngri flokkum. En
ég virðist vera sú eina sem hefur ekki
vaxið upp úr þessu. Til dæmis þá var
alltaf bannað að stíga á holræsi og
labba undir stiga. Ég held alltaf í mér
andanum þegar ég keyri fram hjá
álverinu. Ég vil meina að það hafi ég
lært í Val en það vill engin kannast við
það og mér finnst oft illa að mér vegið
þegar kemur að því að finna út hver
byrjaði þetta allt. En ætli ég sé svo
ekki bara sek um alla þessa vitleysu,
enda er ég sú eina sem rígheld í allar
þessar hefðir enn þann dag í dag. Nú
þegar ég segi frá þessu skil ég betur þá
sem segja mér að ég sé kannski ekki
alveg eins og fólk er flest. Ég er bara
dauðfegin að ég skuli ekki enn vera
að druslast með einhvern risastóran
bangsa í Valsbúning í alla leiki
og setja hann í hornið
á markinu eins og við
gerðum á Pæjumótinu
back in the day!“
➜ Jóhann Laxdal
Stjarnan
Staða á vellinum: Hægri bakvörður
Aldur: 23 ára
1„Ég fylgi alltaf ákveðinni rútínu á leikdegi, enda leikdagur heilagur
dagur hjá mér. Ég byrja á hafragraut
í morgunmat á milli 9 og 10 og í
hádegismat fæ ég mér frá Nings lífræn
brún hrísgrjón með kjúklingi, eggjum
og grænmeti á milli 12 og 13. Svo enda
ég á lokamáltíð fyrir leik á Serrano. Tek
gott kjúklingaburrito um það bil þremur
tímum fyrir leik. Þegar ég er svo kominn
á leikstað þá er ég tilbúinn með Ipodinn
minn með nóg af þungarokki til að
velja úr, enda er það eina tónlistin sem
lætur mér líða vel og gerir mig tilbúinn
fyrir komandi átök. Þegar kemur að því
að hita upp þá skil ég treyjuna og legg-
hlífarnar eftir í klefanum og klæði mig í
rétt áður en leikur hefst.“
2 „Ég er farinn að spila alltaf í sömu sokkum núna, Trusox-sokkum,
annars hef ég ekkert tileinkað mér
lukkugrip eða eitthvað í þá átt. Kannski
að Ipodinn minn myndi flokkast undir
heillagrip því hann er mér nauðsyn-
legur.“
3 „Já, ég held að margir finni sér hluti sem þeim líður vel með og
finnst hjálpa þeim. Margir eru með
sínar rútínur til að líða betur og geta
einbeitt sér í boltanum. Ég hef ekki
upplifað það að einhver hafi verið með
skemmtilegan eða skrýtinn heillagrip,
en ég á mörg ár eftir í boltanum og von-
andi fæ ég tækifæri til að sjá eitthvað
skemmtilegt.“
➜ Viðar Örn Kjartansson
Fylkir
Staða á vellinum: Framherji
Aldur: 23 ára
1 „Já, ég er með ótrúlega mikið af alls konar rútínum, og mér líður frekar
illa ef ég sleppi einhverri af þeim. Til
dæmis borða ég undantekningarlaust
sömu máltíðina daginn fyrir leik, sem
er pasta sem ég hef verið að
mastera í nokkur ár. Reyni
líka alltaf að sofa mikið
og vera alveg úthvíldur ef
möguleiki er á. Fer snemma að sofa
kvöldið áður og vakna frekar snemma
og reyni að hreyfa mig smá, göngutúr
eða eitthvað slíkt og svo tek ég svona
tveggja tíma lögn. Mér finnst líka mjög
mikilvægt að taka svona um það bil
hálftíma rúnt með græjurnar í botni
af tónlist sem er ekki fyrir alla, helst
hljómsveitinni Skítamóral frá Selfossi,
til að komast í gírinn.“
2 „Ég á engan sérstakan heillagrip kannski, en ég hef spilað í sömu
legghlífunum í nokkur ár núna og líður
mjög illa ef ég er ekki með þær. Þær eru
hálfónýtar og hvor af sinni tegundinni
en hafa reynst mér ótrúlega vel. Síðan
set ég alltaf teip á úlnliðina á mér og ég
hreinlega veit ekki út af hverju ég geri
það. Það er bara einhver ávani sem ég
hef verið með í nokkur ár núna og mér
líður skringilega ef ég gleymi því.“
3 „Það eru margir mjög hjátrúar-fullir. Sumir klæðast alltaf sama
bolnum innan undir og aðrir fara í
hægri skóinn fyrst og eitthvað álíka.
Svo á ég frekar skrýtinn vin sem setur
alltaf einn kanadískan dollara undir inn-
leggið í skónum sínum, sem er svolítið
skemmti-
legt.“
➜ Harpa Þorsteinsdóttir
Stjarnan
Staða a vellinum: Framherji
Aldur: 26 ára
1 „Ég er ekki sérstaklega hjátrúar-full en ég hef auðvitað fundið út
ýmislegt sem hentar mér hvað varðar
mataræði, svefn á leikdag og fleira.“
2 „Ég er ekki með neitt slíkt, ég hef samt gert tilraunir um það, sem sagt
ef mér hefur gengið vel í einhverju eða
með eitthvað þá spila ég með það aftur
næst eða eitthvað slíkt, en ég er búin
að komast að því að það hefur lítið að
segja.“
3 „Já, ég held að margir íþróttamenn yfir höfuð séu hjátrúarfullir og
hafi tileinkað sér sérstakar hefðir fyrir
keppni. Ásgerður Stefanía, fyrirliði
Stjörnunnar, er gott dæmi og er með
marga skemmtilega kæki fyrir leik. Til
að mynda er hún með stórt Liverpool-
hjarta og hefur í mörg ár spilað með
mynd af Carragher inni á legghlífinni
hjá sér, segir að hún tækli betur.“
➜ Atli Sigurjónsson
KR
Staða: Miðjumaður
Aldur: 21 árs
1„Ég er ekki með neina heilaga rútínu og hún breytist bara á milli leikja.
En mér finnst gott að taka göngutúr á
leikdag og ég hlusta mikið á tónlist. Í
síðustu leikjum hef ég verið að hlusta
á hipphopp beat með kannski píanói
og/eða fiðlu og engum söng, mæli með
því.“
2 „Ég á mér engan heillagrip eða neitt svoleiðis, enda snýst þetta ekki um
lukku heldur lúkkið.“
3„Ég veit ekki um marga, nema nokkra sem vilja fara í hægri legg-
hlífina fyrst og eitthvað svoleiðis. Man
að Nenad Zivanovic burstaði alltaf
tennurnar rétt fyrir leik. Síðan upp yngri
flokkana kom mamma stundum með
Rolo-súkkulaði í hálfleik ef við vorum
lélegir og það virkaði alltaf eins og
töfravatnið í Space Jam.“
Bindur fyrst á sig hægri skóinn
Sumt fótboltafólk fylgir ákveðnum venjum fyrir leiki. Aðrir klæðast sömu fl íkunum til að tryggja liði sínu sigur á vellinum. Íslendingar
eru gjarnan taldir óvenju hjátrúarfullir fyrir menntaða þjóð að vera. Meðal þess sem varast ber er áhrifamáttur ósýnilegra vera á borð
við álfa og huldufólk og vondir fyrirboðar drauma. Hjátrúin á sér djúpar rætur í þjóðarsálinni og ná angar hennar alla leið til íþrótta-
iðkenda. Fréttablaðið hafði samband við nokkra leikmenn í efstu deild og spurði þá út í hjátrú, lukkudýr og aðra heillagripi. - sm
1 Fylgirðu ákveðinni rútínu fyrir leik? 2 Áttu þér heillagrip sem þú hefur með þér á leik? 3 Er fótboltafólk hjátrúarfullt þegar kemur að þessum hlutum?
ÓLÍKAR VENJUR
Fótboltafólkið er
með ólíkar venjur
fyrir leiki. Sumir
borða alltaf sama
matinn, aðrir hlusta
á ákveðna tegund
af tónlist við
upphitun og aðrir
geyma skartið sitt
alltaf í hægri vasa
yfirhafnar sinnar.
Mind Xtra
ALLAR VÖRUR
MEÐ 50%
AFSLÆTTI
VORHREINSUN
Erum við hliðina á
Herra Hafnarfirði á 2. hæð.
S. 572 3400