Fréttablaðið - 31.05.2013, Side 98

31. maí 2013 FÖSTUDAGUR| SPORT | 62
FÓTBOLTI „Ég hafði sjálfur vel gert mér grein fyrir
þessu. Þess vegna hef ég engar áhyggjur, þetta
kemur allt á endanum,“ sagði markahrókurinn og
Stjörnumaðurinn Garðar Jóhannsson um marka-
þurrð sína í maímánuðum undanfarin ár. Frá því
að hann kom aftur til Íslands og gekk til liðs við
Stjörnuna árið 2011 hefur bið hans eftir fyrsta
marki tímabilsins lengst með hverju árinu, eins og
sést í meðfylgjandi úttekt.
„Ég hef svo sem ekki mikið pælt í þessu. Helsta
skýringin á þessu nú er að ég gat lítið æft í vetur.
Ég meiddist í nóvember og byrjaði að æfa í apríl. Ég
er því enn á undirbúningstímabilinu – mitt tímabil
byrjar í júní.“
En þó svo að Garðar hafi ekki enn skorað hefur
tímabilið byrjað vel hjá Stjörnunni. Liðið hefur ekki
tapað síðan í fyrstu umferð og er í fjórða sæti deild-
arinnar með tíu stig af fimmtán mögulegum.
„Við erum búnir að skora í hverjum leik. Hefðum
við haldið hreinu í þeim værum við núna með fimm-
tán stig,“ sagði hann í léttum dúr.
Liðið er þar að auki með nýjan þjálfara, Loga
Ólafsson, og nokkra nýja leikmenn. Þeirra á meðal
er Veigar Páll Gunnarsson, sem er ekki heldur
búinn að finna netmöskvana þetta tímabilið.
„Menn eru enn að spila sig saman og það er ekki
eins og að þetta hafi verið slæmt hjá okkur. Árang-
urinn nú er betri en á sama tíma í fyrra sem er auð-
vitað hið besta mál.“
Garðar er greinilega ekki upptekinn af árangri
sínum fyrir framan markið og setur sér til að
mynda ekki markmið um fjölda marka sem hann
vill skora yfir sumarið. „Það hef ég aldrei gert og
ég mun ekki byrja á því í sumar. Ég kem inn í leiki
með það að markmiði að ná þremur stigum. Mér
er sama hvort ég skora eða ekki,“ segir hann og
bætir við:
„Ef Stjarnan verður Íslandsmeistari yrði mér
hjartanlega sama þótt ég næði ekki að skora eitt
einasta mark.“
eirikur@frettabladid.is
ooj@frettabladid.is
Þetta kemur allt á endanum
Stjörnumaðurinn Garðar Jóhannsson á enn eft ir að opna markareikninginn sinn í Pepsi-deild karla þetta
árið. Síðan hann kom til Stjörnunnar árið 2011 hefur biðin eft ir fyrsta markinu lengst með hverju árinu.
HANDBOLTI „Ég er mættur til
Þýskalands,“ voru fyrstu orð hand-
knattleikskappans Bjarka Más
Elíssonar í samtali við Frétta-
blaðið í gær. Bjarki Már nýtti sér
á dögunum uppsagnarákvæði í
samningi sínum við HK og er laus
allra mála. „Ég er samt bara á leið-
inni á úrslitahelgina í Meistara-
deildinni,“ sagði Bjarki Már léttur
en óvissa ríkir um hvar hornamað-
urinn mun leika á næstu leiktíð.
„Ég stefni á að spila erlendis,
það er bara þannig. Hvert ég fer
veit ég ekki sem stendur,“ segir
Bjarki Már. Hann viðurkennir þó
að hann sé að velta einu erlendu
félagi fyrir sér en geti ekki gefið
upp hvert það er sem stendur.
Bjarka Má stóð til boða að ganga
í raðir rússneska félagsins Med-
vedi í vor en ekkert varð af félaga-
skiptunum vegna fjárhagsvand-
ræða hjá Medvedi. „Það fór aldrei
opinberlega af borðinu en umboðs-
manninum mínum líst ekki vel á
ástandið hjá þeim,“ segir Bjarki.
Íslenska landsliðið mætir Hvíta-
Rússlandi og Rúmeníu í júní.
Bjarki Már verður ekki með lands-
liðinu þar sem hann er að reyna að
ná sér góðum af meiðslum á rist-
um. Meiðslin voru að plaga hann í
vetur en Bjarki Már segir ástæð-
una þá að hann sé með óvenjulega
háar ristar.
„Í samráði við landsliðsþjálf-
arann verð ég ekki með að þessu
sinni,“ segir Bjarki. Ákvörðunin
hafi verið sameiginleg hjá þeim
Aroni Kristjánssyni landsliðs-
þjálfara, sem hefur skilning á
meiðslum hornamannsins.
Bjarki Már sleikir sólina næstu
daga og tók að sér að vera lukku-
dýr fyrir fulltrúa Íslands í Köln
um helgina. Þar verða Aron Pálm-
arsson og Guðjón Valur Sigurðs-
son í eldlínunni með Kiel og Þórir
Ólafsson í hægra horninu hjá
Kielce. Liðin mætast einmitt í und-
anúrslitum á morgun. - ktd
Bjarki hvílir ristina
Hornamaðurinn metur aðstæður hjá erlendu félagi.
Á ÚTLEIÐ Leiðir Bjarka Más og uppeldisfélags hans HK skildi í fullkominni sátt.
FRÉTTABLAÐIÐ/DANÍEL
2011
236 mínútur
Fyrir utan víti: 355 mínútur
Fyrsta markið: Úr víti á móti Þór Ak. 11. maí
2012
396 mínútur
Fyrir utan víti: 465 mínútur
Fyrsta markið: Úr víti á móti ÍA 24. maí
2013
438 mínútur
Fyrsta markið: Enn að bíða
LEIKIR OG MÖRK EFTIR MÁNUÐUM
2011-13
Maí 15 leikir / 3 mörk 434 mín. milli marka
Júní 3 leikir / 3 mörk 69 mín. milli marka
Júlí 9 leikir / 4 mörk 171 mín. milli marka
Ágúst 8 leikir / 7 mörk 86 mín. milli marka
Sept/okt 9 leikir / 6 mörk 94 mín. milli marka
Byrjaðu strax að spara. Skráðu kortin ykkar
núna á www.stod2.is/vild
ENN MEIRA FYRIR
ÁSKRIFENDUR
Sækja þarf um Olís
greiðslulykil til að fá afs
látt
25% afsláttur af matseðli
hjá Rizzo Pizzeria.
AFSLÁTTUR-7KR.AFSLÁTTUR
F
ÍT
O
N
/
S
ÍA

GARÐAR Í MAÍ 2011-13
GARÐAR Í JÚNÍ-OKTÓBER 2011-12
15 leikir, 3 mörk 434 mínútur á milli marka
29 leikir, 20 mörk 106 mínútur á milli marka
FÓTBOLTI Varnarmaðurinn Eric
Abidal er í leit að nýju félagsliði.
Barcelona mun ekki endurnýja
samning sinn við Frakkann 33 ára.
Abidal, sem verið hefur á mála hjá
Barcelona undanfarin sex tímabil,
greindi frá því á blaðamannafundi í
gær að hann væri á förum.
„Ég sé ekki fyrir mér að leggja
skóna á hilluna. Ég hef lagt hart að
mér eftir veikindin og heilsa mín er
betri nú. En ég mun hlýða líkam-
anum þegar hann segir stopp.“
Frakkinn hefur átt í miklum vand-
ræðum með lifur sína. Fyrst gekkst
hann undir aðgerð vegna æxlis í lifur
árið 2011 og var aftur frá keppni í
vetur vegna lifrarígræðslu.
„Ég hefði kosið að vera áfram hjá
Barcelona en félagið er ekki á sama
máli,“ sagði Abidal. Honum stendur
þó til boða að þjálfa hjá félaginu að
leikmannaferlinum loknum. -ktd
Abidal felldi tár
TÁRIN ÞURRKUÐ Abidal átti erfitt með
tilfinningarnar í gær. NORDICPHOTOS/AFP
KVEÐJUSTUND Lionel Messi faðmar
Abidal að sér í gær. NORDICPHOTOS/AFP