Fréttablaðið - 31.05.2013, Blaðsíða 54

FRÉTTABLAÐIÐ Fríða María Harðardóttir. Förðun og flottheit. Spjörunum úr og matur.
10 • LÍFIÐ 31. MAÍ 2013
Frábær afþreying, fjör, líkamsrækt og slökun.
Fjörið er í Álftaneslaug s: 550 2350
Rólegheitin ríkja í Ásgarðslaug s: 565 8066
Sundlaugar
Garðabæjar
og hin börðust í bökkum. Þá
var eitthvað minna að gera, ég
var frekar ný í bransanum, ekki
komin með neitt sérlega stórt
tengslanet og fann því aðeins
fyrir því. En síðan þá hefur bara
alltaf verið nóg, það var auð vitað
algjör sprengja á uppgangsár-
unum fyrir hrun, en eftir hrunið
hefur þetta alveg rúllað hjá mér.
Það er svo undarlegt að þegar það
koma tímabil þar sem t.d. auglýs-
ingabransinn dettur niður kemur
alltaf eitthvað annað í staðinn,
mjög fjölbreytilegir hlutir eins og
að vinna með stjórnmálamönn-
um, listamönnum, vinna við stóra
tónleika og hanna förðun fyrir
tölvuleik svo eitthvað sé nefnt.
Ég er svo heppin að sviðið mitt
innan þessa geira er mjög stórt.
Fyrir nokkrum árum var ég allt-
af eitthvað að vinna fyrir kvik-
myndir og leikhús en þetta hefur
þróast þannig seinni ár að ég er
mjög mikið, auk auglýsinganna,
í tísku, tískusýningum, tónlistar-
myndböndum, vinnu við ýmiss
konar tónleika og fyrir kosning-
ar hef ég alltaf nóg að gera. Er-
lendis er fólk í þessu fagi oft mun
meira sérhæft, sem er að mörgu
leyti betra, en á móti kemur fjöl-
breytnin hjá okkur.
Það er ekki hægt að segja
annað en að þú getir státað af
flottum ferli. Hver er galdurinn?
Já, þetta er allavega búið að
ganga í þennan tíma án stór-
áfalla. En ætli sér einhver að
reyna að komast inn í þennan
bransa og halda sér þar er senni-
lega mikilvægast að vera allt-
af tilbúinn að hlaupa, ekki vera
vandlátur þegar verkefni bjóðast
þrátt fyrir að ekki fáist greiðsla
fyrir sum þeirra því þegar maður
er að byrja lærir maður svo
mikið á því að vinna. Bransinn
hefur samt breyst töluvert síðan
ég byrjaði og í dag held ég að lyk-
illinn sé að komast í það að að-
stoða starfandi förðunarfræð-
inga. Þannig bæði lærir maður
helling og kemst í réttu sam-
böndin, en með nýrri tækni varð-
andi ljósmynda- og kvikmynda-
tökurnar hafa kröfurnar aukist.
Því er mjög margt sem þarf að
læra eftir að námi lýkur.
Góður starfsandi mikilvægur
Hvaða verkefni standa upp úr
og af hverju? Yfirleitt standa þau
verkefni upp úr þar sem unnið er
með góðu fólki, starfs andinn er
mjög mikilvægur þáttur í starfi
sem oft felur í sér erfiðar að-
stæður og mikla fjarveru frá fjöl-
skyldunni. En ekki síður er það
gefandi að vinna með virkilega
kláru fólki og fólki sem sýnir
að það kann að meta það sem
maður hefur fram að færa. Það
eru nokkur tónlistarmyndbönd
sem ég hef starfað við undan farið
ár sem vissulega standa upp úr.
Andy Huang leikstýrði tveimur
þeirra við lögin Mutual Core með
Björk og Brennisteinn með Sigur
Rós. Andy er þvílíkur snillingur,
gerir miklar kröfur, hefur ein-
stakt auga og skapar heima sem
eru engu líkir. Yoann Lemoine
leikstýrði tónlistarmyndbandi við
eigið lag, I Love You, en sem tón-
listarmaður gengur hann undir
nafninu Woodkid. Það er sama að
segja um hann, hann gerir mikl-
ar kröfur og ég var t.d. á þriðja
tíma með honum að gera tilraunir
með efni og áferð til þess að láta
leikarann vera skítugan á hönd-
um og andliti. Hann er ótrúlega
nákvæmur og fyrir mig var þetta
mjög gefandi, ég fékk tækifæri til
að vinna vel, vanda mig við smá-
atriðin, gera tilraunir, sem sjald-
an er gefinn mikill tími í í brans-
anum hér heima.
Erfiðast að vinna úti á sjó
Hverjar eru erfiðustu aðstæð-
urnar sem þú hefur unnið við?
Í þau skipti sem ég hef verið
dregin út á sjó að vinna spyr ég
mig alltaf að því hvernig ég hafi
eiginlega komið mér í þær að-
stæður. Ég er svo hræðilega sjó-
veik og er einfaldlega ekki vinnu-
hæf í því ástandi. Ég man sér-
staklega eftir einu slíku þar sem
ég lá í nokkra klukkutíma á þil-
fari báts og faðmaði einhvern
stólpa. Ég gat ekki lyft höfði og
öldurnar gusuðust yfir mig en
sem betur fer var ég í regngalla.
Svo hef ég auðvitað oft verið í
tökum uppi á jökli, ekkert kló-
sett og allt það. Hossast í bíl. Það
getur alveg tekið dálítið á. En
maður lætur sig hafa það ef verk-
efnið er áhugavert og gefandi.
Hver er þekktasti einstakling-
urinn sem þú hefur farið höndum
um og var það skrítin tilfinning?
Björk er vissulega mjög fræg, en
við sjáum hana svo oft hér á Ís-
landi og okkur finnst allt bara
mjög eðlilegt við það. En ætli
það sé ekki Yoko Ono. Mér finnst
ekkert skrítin tilfinning al-
mennt að farða þekkt fólk. Vand-
ist því fljótt því að í upphafi fer-
ilsins vann ég nokkur ár í Þjóð-
leikhúsinu og fór þar höndum um
margt þekkt andlitið. Ég verð
stundum kannski smá stress-
uð svona fyrir fram, aðallega af
því að þetta er oftast fólk sem er
vant því að láta farða sig og getur
verið kröfuhart. En svo eru þau
almennt bara ósköp almennileg
og þægileg, það eru miklu frek-
ar ný stirnin sem geta verið svo-
lítið erfið en það stafar yfirleitt
af óöryggi. Og þá hugsa ég bara
um það, að manneskjan þurfi að
láta hugsa vel um sig, og þá geng-
ur yfirleitt allt vel. Annars hef
ég sennilega upplifað mest þá til-
finningu sem kennd er við að
vera „starstruck“ þegar ég var
heima hjá Björk að farða hana og
von var á erlendum ljósmyndara.
Þangað mætti svo Juergen Tell-
er, sem er einn af mínum uppá-
haldstískuljósmyndurum. Einn-
ig upplifði ég einhverjar svipaðar
tilfinningar þegar ég fékk tæki-
færi til að fara höndum um meist-
ara Megas fyrir forsíðu tíma-
rits Geysis fyrir síðustu jól. Mér
finnst hann svo mikill snillingur.
Kostir og gallar við uppganginn
Ferðalög og langir vinnudagar,
hvernig fer tveggja barna móðir
að? Börnin mín eru sem betur fer
ekki eingetin, en ég sæi þetta ekki
alveg gera sig ef ég væri ein. En
svo erum við líka mjög vel sett
með að eiga tvö sett af öfum og
ömmum sem hafa oft reynst okkur
vel. En jú, þetta er samt megin-
ástæðan fyrir því að vinnan mín
hefur þróast þannig að ég er orðið
töluvert meira í ljósmyndatökum
og styttri verkefnum. Löngu verk-
efnin eru svo slítandi til lengri
tíma og álagið bitnar á öllum í
kringum mann, og þegar maður
skoðar stóru myndina fær maður
ansi lítið peningalega út úr þess-
um stóru miðað við vinnufram-
lag og almennt álag. Núna er svo
mikil umræða um kvikmyndaiðn-
aðinn, hugmyndir um að gera Ís-
land að kvikmyndaparadís. Það er
vissulega margt jákvætt við það
en ég vona að sú markaðssetn-
ing verði keyrð á öðru en ódýru
vinnuafli, starfsfólki sem hægt er
að pína til að vinna við hvaða að-
stæður sem er langa bjarta daga.
Við erum nefnilega ekki með neitt
stéttarfélag sem passar upp á
okkur. Það veldur mér áhyggjum.
Hvað ætlið þið fjölskyldan
að gera í sumar? Já, það er góð
spurning, ég held að við höfum
sjaldan verið jafn sein í að plana
sumarfríið. Við erum að vonast til
að komast aðeins í frí til útlanda
en það er ekki frágengið enn þá.
Annars erum við búin að plana að
vera dugleg að fara í fjallgöngur
og þvælast eitthvað um fína land-
ið okkar.
Myndaalbúmið
Uppáhalds
MATUR Það er svo margt, ind-
verskur, japanskur, taílenskur, ít-
alskur, það er svo margt gott til.
DRYKKUR Sódavatn er senni-
lega það sem ég drekk mest af,
auk venjulega vatnsins, Earl Grey
tebollans á morgnana og Natur-
frisk lífræna engiferölsins sem ég
fæ mér stundum á kvöldin, en
gott kampavín er toppurinn þegar
það býðst.
VEITINGAHÚS Café Flóra
auðvitað, alltaf gott að droppa
þar inn, knúsa mömmu í eldhús-
inu og pabba úti í grænmetis-
ræktuninni og fá eitthvað gott í
gogginn, en svo er ég líka svona
hversdags mjög hrifin af stöðum
eins og Krúsku, Gló, Núðluskál-
inni og Ostabúðinni. Svona spari
held ég að ég nefni Fiskmarkað-
inn sem uppáhalds því þar fær
maður svo frábært sushi, en ann-
ars eigum við hér á Íslandi ótrú-
lega mörg góð veitingahús.
TÍMARIT Ég hef leitað ansi
mikið í dönsk tískutímarit undan-
farið eins og t.d. Eurowoman,
danska Elle og Cover, en ítalska
Vogue hefur átt sérstakan stað í
tískuhjartanu mínu mjög lengi.
VEFSÍÐA Cafesigrun.com er ein
af mínum uppáhaldsvefsíðum en
svo er ég alveg að tapa mér á
Pinterest þessa dagana.
VERSLUN Kiosk, Aftur, GK og
Aurum svo einhverjar séu nefndar.
HÖNNUÐUR Svo margir, við
eigum fjölmarga virkilega góða
hönnuði á Íslandi og ég bara get
ekki gert upp á milli þeirra, en ef
ég á að nefna einhverja erlenda
tískuhönnuði sem ég kann vel að
meta eru það Marc Jacobs, Vivi-
enne Westwood, Threeasfour og
Ann Demeulemeester.
HREYFING Ég tek mínar rispur
í Hreyfingu heilsulind og fer þá
mest í spinning-tíma og svokallað
Club Fit, það er svona lotuþjálf-
un sem mér finnst mjög skemmti-
leg. En annars var ég að byrja
í hlaupahópi og er að reyna að
koma mér af stað í hlaupunum.
Á sumrin er ég vön að fara líka í
einhverjar fjallgöngur.
DEKUR Ætli mitt mesta dekur
sé ekki kósíkvöldin með fjölskyld-
unni og föstudagsmorgnarnir
með Hekluklúbbnum mínum; við
heklum ekkert en njótum þess að
eiga gott spjall og drekka kaffi
og te en erum með það á plan-
inu að læra að hekla.
Erlendis er fólk
í þessu fagi oft
mun meira sér-
hæft, sem er að
mörgu leyti betra,
en á móti kemur
fjölbreytnin hjá
okkur.
Fríða María Harðardóttir með fjölskyldunni.