Fréttablaðið - 29.08.2013, Blaðsíða 2

29. ágúst 2013 FIMMTUDAGUR| FRÉTTIR | 2
SPURNING DAGSINS
ms.is
H
V
ÍT
A
H
Ú
S
IÐ
/S
ÍA
En Ari, hver á einkaréttinn á
piparkökuuppskriftinni?
„Er það ekki hann Hérastubbur?“
Ari Matthíasson er framkvæmdastjóri
Þjóðleikhússins. Búið er að leysa deilu sem
þar skapaðist gagnvart Senu um hvort ætti
útgáfurétt á upptöku Ríkisútvarpsins á
Dýrunum í Hálsaskógi.
FANGELSISMÁL „Við byrjuðum á
þessu í fyrrasumar,“ segir Mar-
grét Frímannsdóttir, forstöðu-
maður á Litla-Hrauni og Sogni,
en í síðarnefnda fangelsinu er nú
stundað bleikjueldi.
Síðasta uppskera var nokkuð góð
að sögn Margrétar, eða um 400
kíló. Fiskurinn var nýttur í mat
handa föngum á Sogni og Litla-
Hrauni.
„Við keyptum bara seiði og
hófum bleikjueldi í nærliggj-
andi læk,“ segir Margrét um til-
urð verkefnisins en fangar hafa
alfarið umsjón með eldinu. Þegar
fangar sem hafa umsjón með verk-
efninu eru látnir lausir taka aðrir
við keflinu.
„Við erum
m e ð n ý j a
bleikju, og svo
er hún grafin
l í k a ,“ seg i r
Margrét , en
verkefnið er
vel heppnað að
hennar mati.
Þá er stundað-
ur fjölbreyttari
búskapur í fang-
elsinu, meðal annars eru íslensk-
ar hænur á Sogni.
„Og ef við værum með útihús,
værum við líka með sauðfé,“ bætir
Margrét við. Þess má geta að 350
fjár eru á Kvíabryggju.
Hún segir það kosta mikla vinnu
að finna störf handa föngum. „Ég
er alltaf að hringja og skoða hvað
við getum gert,“ segir Margrét.
Eins og greint var frá í Frétta-
blaðinu í gær snarminnkuðu
atvinnutækifærin fyrir fanga
eftir hrun og er enga vinnu að
hafa fyrir fanga á höfuðborgar-
svæðinu aðra en nám. Margrét
hefur þó verið iðin við að skapa
tækifæri fyrir fanga á Suðurlandi.
Meðal annars gerði hún samning
við Vegagerðina um vinnu. „Ég
var nú bara að keyra austur þegar
ég sá gular stikur liggja úti í veg-
kanti,“ segir Margrét, sem hafði
samband við Vegagerðina og kom
á samningum við fyrirtækið.
Og verkefnin eru fjölbreyttari.
Átta fangar starfa við endurvinnslu
í samstarfi við Íslenska gáma-
félagið. Þeir tína endurvinnan lega
málma úr raftækjum. Svo starfa
fangar einnig við að gera við og
skanna inn gamlar myndir fyrir
Landgræðslu ríkisins.
„En stærstur hluti hjá mér
stundar nám,“ segir Margrét stolt,
en 51 fangi er í skóla. Alls eru 45
fangar í vinnu, en þess má geta að
sumir eru bæði í vinnu og skóla.
Alls eru 96 fangar á Litla-Hrauni
og Sogni.
Í júní síðastliðnum stunduðu
sex háskólanám við þrjá háskóla
hérlendis og var einn sexmenn-
inganna auk þess skráður í einn
áfanga við FSu á Litla-Hrauni.
Þess má geta að nemendur fá
greitt fyrir að sækja skóla, en
verða þó að sýna fram á árang-
ur og verkefnaskil ætli þeir að fá
útborgað að sögn Margrétar.
valurg@365.is
Bleikjueldi á Sogni
Hátt í fimmtíu fangar hjá Litla-Hrauni og Sogni vinna á hverjum degi. Störfin eru
fjölbreytt, allt frá bleikjueldi yfir í að gera við gamlar ljósmyndir. Stærstur hluti
fanga stundar þó nám. Þar af stunda sex fangar háskólanám.
FANGAR BLEIKJU Fangar sjá um bleikjueldi á Sogni. FRÉTTABLAÐIÐ/GVA
MARGRÉT FRÍ-
MANNSDÓTTIR
Hinn 1. júní 2012 var fangelsið á Sogni formlega tekið í notkun. Fangelsið
leysir af hólmi fangelsið Bitru sem tekið var í notkun í maí 2010. Fangelsið
er skilgreint sem opið fangelsi en það felur í sér að engar girðingar eða
múrar afmarka fangelsið og því þurfa fangar sem vistast þar að hegða sér
á ábyrgan hátt og bera virðingu fyrir þeim reglum sem þar gilda.
Sogn skilgreint sem opið fangelsi
SAMGÖNGUR Banna á að taka U-
beygju á Snorrabraut við Berg-
þórugötu þegar ekið er til suðurs
til að draga úr slysahættu. Einn
fulltrúi í umhverfis- og skipulags-
ráði sat hjá þegar tillagan var sam-
þykkt og sagði að við breytingarnar
hafi ekki verið tekið tillit til allra
athugasemda slökkviliðsins.
„Hægt er að draga úr umferðar-
hraða og auka umferðaröryggi
gangandi og hjólandi með ýmsum
öðrum aðferðum en þeim sem
hér er beitt. Ein af þeim er að
gangbrautir séu skýrar og í sam-
ræmi við lög,“ bókaði Júlíus Vífill
Ingvars son úr Sjálfstæðisflokki.
Aðrir fulltrúar í ráðinu, þar á
meðal tveir sjálfstæðismenn, sam-
þykktu bannið. „Íbúar við Snorra-
braut hafa árum saman kvartað
undan hraðakstri og óöryggi á göt-
unni,“ bókuðu fulltrúarnir, sem
kváðu mikið tillit tekið til athuga-
semda slökkviliðsins. „Sérfræð-
ingar borgarinnar í samgöngum og
umferðaröryggi eru þess fullvissir
að breytingar auki öryggi.“ - gar
Umhverfis- og skipulagsráð ekki einhuga um aðferðir til að draga úr slysum:
Banna U-beygju á Snorrabraut
JÚLÍUS VÍFILL INGVARSSON Segir
hægt að draga úr hraða á Snorrabraut
með öðrum aðferðum en beita eigi.
FRÉTTABLAÐIÐ/PJETUR
ORKUMÁL Fjórir af hverjum fimm Íslendingum eru
hlynntir frekari uppbyggingu vindorku á Íslandi,
samkvæmt niðurstöðum könnunar Capacent, sem
Landsvirkjun kynnti í gær. Tæp sjö prósent aðspurðra
sögðust andsnúin því að reisa vindmyllur á Íslandi.
Á blaðamannafundi sagði Hörður Arnarson for-
stjóri að kostnaðurinn við að nýta vind til raforku-
framleiðslu fari lækkandi og það gæti orðið áhuga-
verður þriðji kostur fyrir Landsvirkjun á eftir
vatnsfallsvirkjunum og jarðhitavirkjunum.
Tvær tilraunamyllur voru settar upp í nágrenni
Búrfellsvirkjunar undir lok síðasta árs og hafa gefist
vel.
Þær hafa þegar gefið af sér 3.150 megavattstundir,
en til samanburðar nægir sú orka meðal annars til
þess að hlaða um hálfan milljarð farsíma.
Næstu skref í málinu eru að meta hvort raunhæft
og hagkvæmt sé að koma upp vindlundi á þessu
svæði.
Skrifað var undir samninga við verkfræðistofurnar
Mannvit og Eflu um ráðgjöf vegna hönnunar og mats
á umhverfisáhrifum og er miðað við að verkefninu
ljúki árið 2015. - þj
Afdráttarlaus niðurstaða í nýrri könnun Capacent fyrir Landsvirkjun:
Flestir vilja fleiri vindmyllur
ÞRIÐJI KOSTURINN Forsvarsmenn Landsvirkjunar telja vind-
orku geta orðið þriðja kostinn í raforkuframleiðslu fyrirtækis-
ins. Áttatíu prósent landsmanna eru hlynnt slíkri uppbygg-
ingu. FRÉTTABLAÐIÐ/STEFÁN
ALMANNAVARNIR Óvíst er hvar á landinu veður verður verst í lok vik-
unnar, en Veðurstofa Íslands gerir enn ráð fyrir vonskuveðri.
Í tilkynningu Almannavarna ríkislögreglustjóra er bent á að breyt-
ingar hafi orðið á fyrri spám og vindstrengurinn færst nokkuð vestar.
„Enn er spáin að breytast og er gert ráð fyrir að lægðin sem gengur
yfir dýpki mjög hratt. Nokkur óvissa er um í hvaða landshluta veðrið
verður verst, en gera má ráð fyrir slæmu veðri víða á landinu. Einnig
má búast við ísingu þegar kólnar,“ segir þar.
Bændur á Norðurlandi eru flestir að smala fé sínu til byggða, en enn
þá er blíðskaparverður á fjöllum. - óká
Bændur á leið til byggða með tugþúsundir fjár:
Óvíst hvar versta veðrið verður
VIÐBÚNAÐUR VEGNA VEÐURS Liðsmenn hálendisgæslu Hjálparsveitar skáta í
Kópavogi koma tryggum festingum á rafstöð sem knýr farsíma- og Tetra-kerfissenda
á Vaðöldu í 900 metra hæð norðan Vatnajökuls. FRÉTTABLAÐIÐ/VILHELM
ÞJÓÐSKRÁ Útgefnum vegabréfum
fjölgar um 4,6 prósent á milli ára
ef miðað er við júlí í ár og júlí á
síðasta ári.
Í fyrra voru gefin út 6.970
vegabréf en í ár voru þau 7.293
talsins.
Það er Þjóðskrá Íslands sem
annast útgáfu vegabréfa auk
nokkurra annarra skilríkja.
Vakin er sérstök athygli á því
að fyrsta mars síðastliðinn hafi
gildistími vegabréfa verið lengd-
ur úr fimm árum í tíu ár. - hrs
Fleiri vegabréf gefin út:
Núna gilda
vegabréf í 10 ár
BANDARÍKIN Bandarískur her-
dómstóll dæmdi í gær her-
geðlækninn Nidal Hasan til
dauða fyrir fjöldamorð í herstöð-
inni Fort Hood árið 2009.
Þann 5. nóvember það ár greip
Hasan skyndilega til vopna og
skaut á félaga sína í herstöðinni.
Þrettán létu lífið og tugir særð-
ust.
Hasan, sem er múslími fæddur
í Bandaríkjunum, sagðist hafa
gert þetta af trúarlegum ástæð-
um. Hann væri að verja íslamska
uppreisnarmenn erlendis gegn
árásum Bandaríkjahers. - gb
Bandarískur herdómstóll:
Nidal Hasan
fékk dauðadóm
HÁSKÓLI ÍSLANDS Jón Baldvin
Hannibalsson verður ekki gesta-
fyrirlesari hjá Háskóla Íslands
í vetur eins og fyrirhugað var.
Þetta var ákveðið á fundi í
háskólanum síðdegis í gær.
Greint var frá því nýverið að
Jón Baldvin myndi kenna nám-
skeið í vetur um smáþjóðir og
hvernig þeim farnast í alþjóða-
kerfinu. Ráðning Jóns Baldvins
til háskólans sætti töluverðri
gagnrýni í ljósi bréfa sem hann
sendi ungri frænku eiginkonu
sinnar fyrir áratug.
- hrs
Ráðning sætir gagnrýni:
Jón Baldvin
kennir ekki