Fréttablaðið - 29.08.2013, Blaðsíða 23

FIMMTUDAGUR 29. ágúst 2013 | SKOÐUN | 23
Það er ekki góð hugmynd að
Reykjavíkurflugvöllur fari
til Keflavíkur. Það er heldur
ekki góð hugmynd að útiloka
Vatnsmýrina sem framtíðar-
byggingarland borgarinnar.
Verst er þó sú staða að ekki
megi ræða lausnir fyrir stað-
setningu flugvallarins án þess
að gefa sér að Vatnsmýrin og
Keflavík séu einu staðirnir sem
komi til greina.
Það er hluti af skyldum höfuð-
borgar að gera öllum lands-
mönnum auðvelt að sækja þá
þjónustu sem eingöngu er boðið
upp á í höfuðborginni. Borgin
er ekki eyland heldur hluti af
íslensku samfélagi, netinu sem
tengir okkur öll. Það má vera
að samgöngubætur framtíðar
eða önnur ófyrirséð þróun bjóði
upp á að innanlandsflug geti
blómstrað annars staðar en í
Vatnsmýri. En sá kostur er ekki
til staðar í dag og enn síður á
meðan ríkissjóður stendur eins
illa og raun ber vitni. Það eru
því mjög litlar líkur á því að
flugvöllurinn í Vatnsmýrinni
fari til Keflavíkur í bráð.
Hvar byggja barnabörnin?
Eitt mikilvægasta hlutverk
borgarfulltrúa í Reykjavík er að
hugsa um framtíðina. Hlutverk
okkar sem kjörinna fulltrúa er
að rýna vel hvað er best fyrir
núverandi íbúa en ekki síður
að taka ákvarðanir sem varða
framtíðina, fyrir börn sem
enn eru ófædd. Aðal skipulag
Reykjavíkur er eitt stærsta
verkfæri okkar. Skipulagið
varpar fram sýn um umhverfis-
mál, samgöngumál og hag-
kvæmari borg, bæði fyrir fjöl-
skyldur og skattgreiðendur í
heild. Drögin byggja á nokkrum
meginþáttum sem munu bæta
borgarumhverfið og auka lífs-
gæði borgarbúa.
Þéttari byggð er þar lykil-
þáttur. Rekstur borgarinnar
verður mun hagkvæmari með
þéttari byggð. Hægt verður
að nýta betur land og fjárfest-
ingar í gatna- og veitukerfum
auk þjónustu eins og skóla og
félagsþjónustu. Samgöngu-
kostnaður borgarbúa lækkar
verulega þar sem vegalengdir
milli vinnu, þjónustu og heimila
styttast. Fyrir íbúa borgarinnar
eru þetta allt mjög mikilvægir
þættir til framtíðar, alveg eins
og fyrir íbúa annarra sveitar-
félaga. Án aukinnar þéttingar
yrðu daglegar ferðir umtalsvert
lengri, mengun meiri og tími
með fjölskyldu og í tómstund-
um minni. Aukin byggð fyrir
austan borgina myndi rýra lífs-
gæði íbúa úthverfa Reykjavíkur
vegna aukinnar umferðar við og
í gegnum þau hverfi.
Eitt af þremur lykilupp-
byggingarsvæðunum er Vatns-
mýrin ásamt Elliðaárvogi og
miðborginni. Vatnsmýrin er í
tillögunni að nýju aðalskipulagi
blönduð byggð íbúða, háskóla-
og atvinnustarfsemi. Úttektir
hlutlausra aðila hafa sýnt fram
á að hagræn áhrif af því að nýta
Vatnsmýrina undir blandaða
byggð og finna flugvellinum
nýjan stað eru einfaldlega of
mikil til að forsvaranlegt sé að
skoða flutning flugvallar ekki
til þrautar. Svæðið er jafnframt
gríðarstórt. Það jafngildir því
að Reykvíkingar fengju svæði
til afnota sem samsvarar öllum
vesturbænum, eða gætu byggt
nýjan miðbæ, í miðbænum. Það
þarf ekki mikið ímyndunarafl
til að sjá kosti þess að geta
byggt upp svæði á stærð við
Þingholtin og miðbæinn í hjarta
borgarinnar.
Brautin fer ekki 2016
Það er mikilvægt að ríki og
borg skoði saman hvar innan-
landsflugvöllurinn gæti verið
til frambúðar. Fjölmargir kostir
eru óræddir og ekki skoðaðir
í kjölinn. Borgin á að ganga
samningsfús og lausnamiðuð til
viðræðna og þar hlýtur að koma
til álita að breyta dagsetningum
á fyrirhuguðum brottflutningi
flugvallarins. Flestir sjá að það
er útilokað með öllu að önnur
aðalbrautin hverfi árið 2016. Á
dagskrá er að fullkanna Hólms-
heiðina en gera þarf ítarlegri
athuganir á flugskilyrðum og
veðurfari. Skoða þarf betur aðra
kosti og nú í vetur gefst einmitt
einstakt tækifæri til þess þegar
svæðisskipulag höfuðborgar-
svæðisins verður endurskoðað.
Áhyggjur af sjúkraflutningum
eru réttmætar en leysanleg-
ar. Auðvitað vill enginn, ekki
heldur fylgjendur þess að
byggt sé í Vatnsmýrinni, tefla
í tvísýnu neinu sem viðkemur
öryggi og sjúkraþjónustu.
Hjarta Reykjavíkur
Þann 20. september lýkur
umsagnarferli um drög að aðal-
skipulagi Reykjavíkur. Borgar-
búar, hagsmunaaðilar og allir
þeir sem bera hag borgarinnar
fyrir brjósti eru hvattir til að
senda sitt álit. Undirskrifta-
söfnun á lending.is sýnir, eins
og borgarfulltrúar eru vel með-
vitaðir um, að flugvallarsvæð-
ið snertir landsmenn alla og
það er mikilvægt að taka til
greina þessi öflugu mótmæli. Í
umsagnarferlinu og áframhald-
andi umfjöllun borgarstjórnar
munu eflaust margar athuga-
semdir koma fram sem gætu
leitt til breytinga þegar loka-
tillaga verður lögð fram.
Það vill svo til að hjarta flug-
vallarins er jafnframt hjarta
Reykjavíkurborgar, höfuðborg-
ar allra landsmanna. Íbúar eiga
rétt á því að við leitum lausna,
með virðingu fyrir sjónar-
miðum allra.
Það vill svo til að
hjarta flugvallarins
er jafnframt hjarta Reykja-
víkurborgar, höfuðborgar
allra landsmanna. Íbúar
eiga rétt á því að við leitum
lausna, með virðingu fyrir
sjónarmiðum allra.
Í DAG
Þorbjörg Helga
Vigfúsdóttir
borgarfulltrúi
Lending í sátt
Gerum allt fyrir
aumingja! Við
lækkuðum veiði-
gjöldin á útgerð-
ina. Þessa vesa-
linga sem m.a.
þurfa að standa
u nd i r h a l l a -
rekstri Morgun-
blaðsins og gera
upp í gjaldmiðli
sem við hinir
Íslendingarnir
fáum ekki að nota! Við lækkuðum
gjöldin á ferðaþjónustuna, sem lifir
á slíkri horrim að ekki er unnt að
starfrækja hana nema með viða-
mikilli svartri atvinnustarfsemi!
Við framlengdum ekki auðlegðar-
skattinn, af því að ég undirritaður,
Bjarni Ben. og Sigmundur Davíð
höfum ekki efni á að borga. Við
ætlum að lækka skatta á vaxta-
og húsaleigutekjum af því að við
töpum svo mikið af ávöxtunum
að okkur eru engir vegir færir.
Við ætlum að skerða eftirlitið með
fjármálastofnunum útrásarvíkinga
af því að þeir töpuðu svo mikið á
hruninu. Við ætlum að auka skatt-
fríðindi þeirra sem fjárfesta í
hlutabréfum því þeir hafa misst
svo mikið. Öllum ætlum við að
hjálpa. Öllum aumingjum!
Þannig verðum við aftur borgar-
stjórar. Forsætisráðherrar! Ást-
megir þjóðarinnar!
Gerum allt
fyrir
aumingja
Hanna Birna Kristjáns-
dóttir, fyrrverandi odd-
viti Sjálfstæðisflokksins
í Reykjavík og nú innan-
ríkisráðherra og þar með
sveitarstjórnarráðherra,
hefur gefið sína forskrift
að því hvernig bregðast
eigi við efnahagsþreng-
ingum ríkis og sveitar-
félaga.
Það gerir hún í við-
tali við nýjan frétta-
miðil, Kjarnann, en þar
segir hún: „Sveitar-
félögin þurfa, líkt og ríkið, að
vera óhræddari við að horfa á
kosti þess að fela öðrum en opin-
berum aðilum að reka þjónustu á
borð við skóla, leikskóla, þjónustu
við aldraða, tómstundaiðkun og
fleira. Með því að úthýsa rekstr-
inum má ná fram meiri hagræð-
ingu, spara útsvarsgreiðendum
fjármagn en gera um leið aukn-
ar kröfur um gæði, skilvirkni og
þjónustu.“
Þetta hljómar allt eins eðlilegt
og sjálfsagt og öllum til hagsbóta
og það gerði í munni Margrétar
Thatcher, leiðtoga breskra íhalds-
manna á sínum tíma. Og líka í
munni Tonys Blair, formanns
Verkamannaflokksins breska,
sem einnig var talsmaður þess
að útvista opinberri þjónustu. Þá
hét það einkaframkvæmd. Þess-
ir erlendu stjórnmálamenn voru
um langt skeið andlegir leiðsögu-
menn stjórnmálamanna víðs
vegar um heiminn. Einnig hér á
landi.
Nema hvað þegar upp var stað-
ið varð einkaframkvæmdin ekki
til þess að „ná fram meiri hag-
ræðingu“, sparaði ekki heldur
„útsvarsgreiðendum fjármagn“
og ekki reis einkarekin velferðar-
þjónusta undir kröfum um „gæði,
skilvirkni og þjónustu“.
Einkavæðingarsinnar hafa
löngum klifað á því að frjáls
félagasamtök og stofnanir á borð
við Hrafnistu, SÍBS og fleiri
hafi rekið öldrunarþjónustu og
sé góð reynsla af því. Þetta eru
hins vegar afvegaleiðandi rök því
þessi starfsemi sem er sprottin
upp úr félagslegum samtökum
er rekin á nákvæmlega sömu for-
sendum og opinber þjónusta og
var ekki sett á laggirnar til að
spara peninga heldur eingöngu
til að veita þjónustu á markviss-
an hátt, skjólstæðingum til góða.
… ekki
Einkareksturinn sem gumað er
af í seinni tíð er hins vegar starf-
semi sem ætlað er að færa eig-
endum sínum hagnað og er því af
allt öðrum toga. Þar er reynslan
döpur hvað varðar þjónustu og
hagræðingu í þágu notandans
og samfélagsins. Reyndar hafa
afleiðingarnar verið verri þjón-
usta, auk þess sem með þess-
um hætti er búið í haginn fyrir
félagslega mismunun.
En einkareksturinn er til ann-
ars fallinn: Hann firrir stjórn-
málamenn ábyrgð!
Með því að segja við sveitar-
félögin að þau eigi að hætta að
bera sig illa eða óska eftir traust-
ari tekjustofnum fyrir atbeina
ríkisvaldsins, þar með styrkingu
Jöfnunarsjóðs sveitarfélaganna,
sem að hluta til byggir á fjár-
magni úr ríkissjóði, skuli þau
horfa í eigin barm og spyrja hvort
þau hafi verið nógu dugleg að
einkavæða velferðar þjónustuna!
Með öðrum orðum, ef þau gera
þetta ekki geti þau sjálfum sér
um kennt. Svona gerum við þegar
við þvoum okkar hendur í hægri-
sinnaðri ríkisstjórn, segir nú
sveitarstjórnarráðherrann.
Svona gerum við ekki, hljótum
við hins vegar að segja einum
rómi sem erum kjörin til að passa
upp á jöfnuð og jafnrétti í þjóð-
félaginu.
Við munum ekki sitja þegjandi,
minnug þess hvílíkar hörmungar
það hefur leitt yfir samfélög sem
hafa gert viðkvæma velferðar-
þjónustu að gróðavegi fyrir
peninga menn.
Svona gerum „við“ …
FJÁRMÁL
Þorleifur
Gunnlaugsson
varaborgarfulltrúi
VG
➜ Við munum
ekki sitja þegjandi,
minnug þess hvílíkar
hörmungar það hefur
leitt yfi r samfélög sem
hafa gert viðkvæma
velferðarþjónustu
að gróðavegi fyrir
peningamenn.
FJÁRMÁL
Sighvatur
Björgvinsson
fv. ráðherra