Fréttablaðið - 25.09.2013, Blaðsíða 6

25. september 2013 MIÐVIKUDAGUR| FRÉTTIR | 6
VEISTU SVARIÐ?
JAFNRÉTTI Af þeim 148 nefndum,
ráðum og stjórnum sem skipað var
í á vegum ráðuneyta í fyrra voru 48
sem ekki var skipað í í samræmi
við kynjakvóta sem kveðið er á um
í lögum frá 2008. Í þeim er gert ráð
fyrir að hlutur hvors kyns um sig
skuli ekki vera minni en 40 prósent
nema hlutlægar ástæður heimili
annað.
Jafnréttisstofa, sem haft hefur
eftirlit með framkvæmd kynja-
kvótans, hefur verið í sambandi við
öll ráðuneytin og óskað eftir því að
þau skýri þær ástæður sem tilnefn-
ingaraðilar hafa gefið ef ekki voru
tilnefnd bæði karl og kona.
„Við höfum fengið skýringar sem
yfirleitt eru fullnægjandi en ef þær
eru ekki í samræmi við undanþágu-
heimildina bendum við á að verið
sé að brjóta lög,“ segir Kristín Ást-
geirsdóttir, framkvæmdastýra Jafn-
réttisstofu.
Hún tekur það fram að staðan sé
að mörgu leyti ásættanleg. „Þegar
litið er til heildarfjölda nefnda
er það hins vegar athyglisvert að
það skuli vera hjá atvinnuvega- og
nýsköpunarráðuneyti og innanríkis-
ráðuneyti sem hlutfall kvenna er
lægst eða 39 prósent. Ýmsar nefndir
hafa að vísu verið óbreyttar um ára-
bil og það er ekki fyrr en kemur að
endurnýjun sem tekst að leiðrétta
kynjahallann og uppfylla laga-
skyldur. Þess vegna er mikilvægt
að skoða sérstaklega nýskipanir á
hverju starfsári fyrir sig.“
Hún segir að tilnefningaraðilar
þurfi að vera með opin augu og líta
í kringum sig. „Þeir þurfa jafnframt
að leita ráða.“
Jafnréttisstofa hefur tekið til
greina þætti eins og reynslu og sér-
þekkingu starfsfólks auk verka-
skiptingar á vinnustöðum og fleira
við mat á undanþágum, að því er
Kristín greinir frá. „Við teljum hins
vegar ekki rétt að nýta undanþágu-
heimildina ef engar skýringar á nýt-
ingu hennar koma frá viðkomandi
ráðuneyti.“
Velferðarráðuneytið var með
jafnasta þátttöku kynjanna í
nefndum á sínum vegum og einnig
eina ráðuneytið með fleiri konur en
karla í sínum nefndum, það er 52
prósent á móti 48 prósentum. Sex
ráðuneyti af átta eru með hlutfall
kynjanna innan viðmiðunarmarka.
ibs@frettabladid.is
TAXFREE
TILBOÐSVERÐ
69.900
FULLTVERÐ KR.
89.900
TAXFREE
TILBOÐSVERÐ
69.900
FULLTVERÐ KR.
89.900
TAXFREE
TILBOÐSVERÐ
95.538
FULLTVERÐ KR.
119.900
1. Hversu mikið var tap Hörpu í fyrra?
2. Hvað hefur Þórður Tómasson í
Skógum gefi ð út margar bækur?
3. Hvað velja Íslendingar oftast þegar
þeir kaupa sér skyndibita?
SVÖR:
1. 584 milljónum. 2. 20. 3. Pitsu.
Ráðuneyti Í samræmi Ekki í samræmi Samtals Hlutfall í samræmi
Forsætisráðuneyti 7 2 9 78%
Atvinnuvega- og
nýsköpunarráðuneyti 18 13 31 58%
Fjármála- og
efnahagsráðuneyti 7 9 16 44%
Innanríkisráðuneyti 10 3 13 77%
Mennta- og menningar-
málaráðuneyti 14 9 23 61%
Umhverfis- og
auðlindaráðuneyti 18 4 22 82%
Utanríkisráðuneyti 2 0 2 100%
Velferðarráðuneyti 24 10 34 71%
Samtals 100 48 148 68%
Nefndir skipaðar árið 2012
Ráðuneyti eru sögð brjóta
landslög við nefndaskipan
Skipanir nefnda, ráða og stjórna á vegum ráðuneyta í fyrra voru í 68 prósentum tilvika í samræmi við kynja-
kvóta í lögum, að því er kemur fram í skýrslu Jafnréttisstofu. Tilnefningaraðilar þurfa að líta í kringum sig.
RÚSSLAND, AP Rússnesk stjórnvöld
hafa ákært áhöfn Greenpeace-
skipsins Arctic Sunrise fyrir sjó-
rán.
Grænfriðungar vísa þessu alger-
lega á bug og segja aðgerðir sínar
ekkert eiga skylt við sjórán.
Rússneska strandgæslan tók
skipið í sína vörslu í síðustu viku
eftir að nokkrir úr áhöfninni höfðu
reynt að komast upp í rússneskan
olíuborpall austast í Barents hafi.
Verið er að draga skipið til
hafnar en 30 manna áhöfn er enn
um borð. Sergei Ivanov, formaður
rússneska herráðsins, hefur sagt
að aðgerðir Grænfriðunga minni á
glæpi sómalískra sjóræningja. - gb
Skip í vörslu strandgæslu:
Saka Grænfrið-
unga um sjórán
FERÐAMENN Dönsk kona,
Susanne Alsing, heit-
ir 100 þúsund krónum í
fundarlaun fyrir læðuna
Nuk sem slapp úr einka-
þotu á Reykjavíkurflug-
velli aðfaranótt þriðjudags
og ekkert hafði spurst til í
gærkvöldi.
„Svo virðist sem Nuk hafi
tekist að virkja stigann og
þannig opnað hurðina og svo hlaupið
í burtu,“ segir Susanne, sem milli-
lenti hér á leið til Bandaríkjanna.
Nuk er svört með hvítan
blett á hálsinum og síðast
þegar Susanne sá hana var
hún með bleika ól. „Finnið
Nuk, fangið hana og hringið
strax í mig. Ég kem um leið,
hvort sem það er um dag eða
nótt,“ segir Susanne.
Nuk er örmerkt með núm-
erinu 958–000–002–337–
862. Hún er einnig húðflúr-
uð í eyra með númerinu EFP055.
Héraðsdýralæknir og Matvæla-
stofnun óttast auk þess að Nuk
kunni að bera með sér smitsjúk-
dóma, enda hefur hún ekki farið í
sóttkví eins og lög gera ráð fyrir.
Stofnanirnar leggja því mikla
áherslu á að kötturinn finnist en
biðja fólk jafnframt að taka hann
ekki inn á heimili til sín séu þar
önnur dýr, enda kunni þau þá að
smitast af einhverri óværu.
Björgunarsveitarmenn leituðu
kattarins í allan gærdag og fram á
kvöld. Ekki var vitað hversu lengi
leitin mundi standa. Það væri undir
Susanne komið. - sh
Læðan Nuk strauk úr einkaþotu danskrar konu á Reykjavíkurflugvelli og eftirlitsaðilar eru uggandi:
Heitir 100.000 krónum fyrir strokukött
MIKILL VIÐBÚNAÐUR Um tíu björg-
unarsveitarmenn leituðu Nuk í allan
gærdag.
SUSANNE
ALSING
KRISTÍN ÁSTGEIRSDÓTTIR Framkvæmdastýra Jafnréttisstofu segir tilnefningaraðila þurfa að líta í kringum sig. FRÉTTABLAÐIÐ/VALLI
SVEITARSTJÓRNIR Viðlagatrygg-
ingar Íslands hafa hafnað því að
tryggja dælubúnað vegna bor-
holu hitaveitunnar í Vík í Mýrdal.
Sveitarstjórn Mýrdalshrepps er
afar ósátt með þessa ákvörðun.
„Sveitarstjórn mótmælir harð-
lega þeirri rökleysu sem fram er
færð fyrir því af hálfu Viðlaga-
trygginga Íslands að neita því
að tryggja dælubúnað hitaveit-
unnar og felur sveitarstjóra að
svara bréfinu og óska eftir því að
málið verði tekið upp í stjórn Við-
lagatryggingar Íslands,“ bókaði
sveitar stjórnin. - gar
Gagnrýna Viðlagatryggingar:
Fengu ekki að
tryggja dælu
VÍK Sveitarstjórnin segir Viðlagatryggingar
fara með rökleysu. FRÉTTABLAÐIÐ/STEFÁN