Fréttablaðið - 04.10.2013, Page 2

4. október 2013 FÖSTUDAGUR| FRÉTTIR | 2
Pétur, eruð þið ekki samála
um raforkuskattinn?
„Í þessu tilfelli stendur Samál ekki
undir nafni og er ósammála.“
Raforkuskatturinn var framlengdur til ársins
2015 og stóriðjufyrirtæki munu greiða 1,7
milljarða í skatt á næsta ári. Pétur Blöndal
er framkvæmdastjóri Samáls, samtaka
álframleiðenda.
SPURNING DAGSINS
DÓMSMÁL Karlmaður á fimmtugsaldri hefur verið
ákærður fyrir líkamsárás og hótanir í garð dóttur
sinnar þegar hún var átján ára.
Í ákæru segir að faðirinn hafi slegið dóttur sína
ítrekað í líkamann, hrint henni, brennt hana með
logandi sígarettu í andlitið og í beinu framhaldi
tekið upp tvo eldhúshnífa úr skúffu og hótað henni
lífláti. Stúlkan hlaut meðal annars mar á hand-
leggjum og brjóstkassa, sár á fingri og tognun á
hálsi. Farið er fram á að faðirinn verði dæmdur til
að greiða dóttur sinni 600 þúsund krónur í miska-
bætur. Stúlkan sem er rúmlega tvítug í dag sagði í
samtali við Fréttablaðið að faðir sinn hefði ítrekað
beitt aðra fjölskyldumeðlimi ofbeldi.
„Ég vil stíga fram vegna þess að enginn hefur
þorað að kæra hann þó hann hafi oft gert þetta við
aðra í fjölskyldunni. Eftir að hafa slegið mig og
brennt með sígarettu elti hann mig og litlu systur
mína um húsið með hníf þangað til við náðum að
koma okkur út. Þá hætti hann að elta okkur,“ segir
stúlkan en hún vill ekki koma fram undir nafni til
þess að vernda fjölskyldu sína.
Stúlkan býr ekki hjá foreldrum sínum en segist
halda sambandi við föður sinn þó það samband
sé vissulega stirt. Hún segir föður sinn eiga við
áfengis vandamál að stríða og vonast til að kæran
verði til þess að hann breytist.
„Pabbi er ekki búinn að drekka í tvö ár núna
síðan atvikið gerðist. Ég vil samt halda málinu
áfram því hann þarf að skilja að hann kemst
ekki upp með þetta. Ég vil ekki að hann hætti að
drekka í stuttan tíma meðan þetta gengur yfir.
Ég vona að hann læri af mistökum sínum og taki
þessu eins og maður,“ segir stúlkan.
Aðalmeðferð málsins fer fram í Héraðsdómi
Suður lands í dag. Verði faðirinn fundinn sekur á
hann yfir höfði sér allt að tveggja ára fangelsi.
- bl
Segir ölvaðan föður sinn hafa elt sig og litlu systur sína um húsið með hníf:
Brenndi dóttur sína með sígarettu
FERÐAIÐNAÐUR Skipulags- og
byggingarnefnd Skaftárhrepps
hefur samþykkt að gerð verði
breyting á aðalskipulagi svo
Stracta-hótelkeðjan geti reist
hótel að Orustustöðum. Hreiðar
Hermannsson hafði þá kynnt
áform Stracta-hótel fyrir sveitar-
stjóra og fulltrúa skipulags- og
byggingarmála.
Skipulagsnefndin mælist til að
aðalskipulagsbreytingin gangi
ekki yfir svæði sem gætu talist
gott ræktunarland ef hjá því
verður komist. Einnig að áfram
verði gert ráð fyrir skógrækt á
samningssvæði Suðurlandsskóga
í landi Orustustaða og haft sam-
ráð við minjastofnun um verndun
merkra minja á svæðinu.
- gar
Uppbygging í ferðaþjónustu:
Stracta-hótel í
Skaftárhreppi
IÐNAÐUR Bæjarstjóri Grindavíkur
gerði bæjarráði grein fyrir stöðu
viðræðna við hollenskan aðila sem
hefur áhuga á að reisa fimmtán
hektara gróðurhús til tómatafram-
leiðslu. Vinna við tillögu að deili-
skipulagi er að hefjast og er fyrir-
hugað að halda kynningarfund
fyrir íbúa 16. október. „Bæjarráð
felur bæjarstjóra að vinna tillögu
að viljayfirlýsingu við félagið um
framgang verkefnisins,“ sam-
þykkti bæjarráðið um framhald
verkefnisins. - gar
Hollendingar í Grindavík:
Vilja tómatahús
á 15 hekturum
DÓMSMÁL Hæstiréttur staðfesti í
gær sjö og sex ára fangelsisdóma
yfir Annþóri Kristjáni Karlssyni
og Berki Birgissyni fyrir þrjár
líkamsárásir.
Héraðsdómur Reykjaness kvað
upp dóm yfir tvímenningunum og
átta öðrum í desember síðastliðn-
um. Af þeim átta fengu sjö 18 mán-
aða til tveggja ára fangelsisdóma.
Einn þeirra sem fékk 18 mánaða
dóm, Sindri Kristjánsson, áfrýj-
aði dómnum og uppskar þyngingu
refsingarinnar í 20 mánuði.
Annþór og Börkur fóru fram
á að dómurinn yrði ómerktur og
honum vísað aftur til meðferðar í
héraðsdómi. Varakrafan var sú að
þeir yrðu sýknaðir eða að refsing-
in yrði milduð verulega.
Héraðsdómur hefur enn ekki
dæmt í máli þar sem tvímenning-
arnir eru ákærðir fyrir líkams-
árás á Litla-Hrauni sem leiddi til
dauða samfanga þeirra. - sh
Annþór og Börkur höfðu ekki erindi sem erfiði í Hæstarétti:
Sex og sjö ára dómar standa
Á BAK VIÐ BLAÐ Börkur var viðstaddur
dómsuppkvaðninguna í gær en Annþór
mætti ekki. FRÉTTABLAÐIÐ/VALLI
GÓÐGERÐARMÁL Árlegu átaki Krabbameinsfélagsins í baráttunni gegn
krabbameini hefur verið hleypt af stokknum með sölu á bleiku slaufunni.
Í ár er átakið auglýst með nýstárlegum hætti. Félagið stendur fyrir
bleiku uppboði á heimasíðu átaksins, bleikaslaufan.is, þar sem hægt verð-
ur að bjóða í ýmsa skemmtilega hluti og viðburði. Auk þess hafa gatna-
mót Hringbrautar og Miklubrautar verið máluð bleik til að vekja athygli
á átakinu. - eh
Átak Krabbameinsfélagsins á sér margar birtingarmyndir:
Gatnaslaufa máluð bleikum lit
BLEIKA SLAUFAN Á mislægu gatnamótunum við Landspítalann er líklega stærsta
slaufa sinnar tegundar. FRÉTTABLAÐIÐ/GVA
VEIÐAR Alþjóðahafrannsókna-
ráðið leggur til að veidd verði 418
þúsund tonn af norsk-íslenskri
sumargotssíld á næsta ári,
þriðjungi minna en í ár, en ráð-
gjöfin fyrir árið í ár var 692
þúsund tonn. Miðað við óbreytta
aflahlutdeild frá þessu ári gæti
hlutur Íslands orðið tæp 61 þús-
und tonn af norsk-íslenskri síld á
næsta ári.
Alþjóðahafrannsóknaráðið
leggur til að veidd verði 949 þús-
und tonn af kolmunna á næsta
ári sem er rúmlega 47 prósent
meira en ráðgjöfin fyrir árið í ár
hljóðaði upp á en hún var 643 þús-
und tonn. Hlutdeild Íslands gæti
orðið rúmlega 167 þúsund tonn í
kolmunnaaflanum.
- jme
Alþjóðahafrannsóknarráðið:
Ráðleggur
minni síld
Hann þarf að skilja að hann kemst
ekki upp með þetta. Ég vona að hann læri
af mistökum sínum og taki þessu eins og
maður.
Dóttir hins ákærða
Hlíðarhjalli
Kringlumýrarbraut
Hafnarfjarðarvegur
Brattabrekka
Digranesvegur
Dalvegur
Breiðholtsbraut
Álfhólsvegur
DÓMSMÁL Hæstiréttur staðfesti í
gær úrskurð Héraðsdóms Reykja-
víkur þess efnis að karlmaður á
fertugsaldri, sem grunaður er um
tvær nauðganir, skuli sæta farbanni
til 29. október.
Lögregla handtók manninn á
mánudagskvöld eftir að hafa veitt
honum eftirför á miklum hraða um
Breiðholt, Kópavog og aftur inn í
Reykjavík.
Maðurinn hafði lent í árekstri við
Rauðavatn og í kjölfarið komið ask-
vaðandi að hinum bílnum, dregið
ökumanninn út úr honum, sest í bíl-
stjórasætið og ekið á brott.
Lögregla reyndi að stöðva mann-
inn en hann sinnti því engu, ók gegn
rauðum ljósum á ofsahraða sem leið
lá inn í Kópavog. Til móts við Byko
í Breiddinni sprakk á öðru fram-
dekkja bílsins, en hann lét það ekki
á sig fá, hélt áfram, ók meðal ann-
ars á móti umferð norður Kringlu-
mýrarbraut og stöðvaði ekki fyrr en
undir Bústaðavegi. Þar steig hann út
úr bílnum með vínflösku í hendi og
kastaði henni í læri lögreglumanns.
Maðurinn hafði þá ekið tólf kíló-
metra leið á ránsfengnum og lög-
regla hafði í þrígang keyrt utan í
bílinn til að reyna að stöðva hann. Í
farbannsúrskurði héraðsdóms segir
að maðurinn hafi með þessu stofnað
lífi og heilsu vegfarenda „á ófyrir-
leitinn hátt í augljósa hættu“.
Í farbannsúrskurðinum segir að
maðurinn hafi verið undir áhrifum
áfengis og vímuefna en samkvæmt
heimildum Fréttablaðsins var hann
þó alls ekki í slíkri vímu að hann
hafi hvorki vitað í þennan heim né
annan.
Ákæra var gefin út á hendur
þessum sama manni fyrir nauðgun
í janúar og Ríkissaksóknari hefur
annað slíkt mál gegn honum til
meðferðar núna. Í báðum tilfellum
mun stúlka hafa kært hann fyrir
nauðgun í heimahúsi. Þá var hann
í sumar ákærður fyrir ræktun á
sjötíu kannabisplöntum.
Maðurinn á fjölskyldu í Dan-
mörku og fór þangað þegar taka átti
síðastnefnda málið fyrir í sumar. Í
úrskurðinum segir að hann hafi
komið heim 17. september og ástæða
sé til að ætla að hann stingi aftur
af sé hann frjáls ferða sinna. Heim-
ildir blaðsins herma að maðurinn
eigi ekki langan brotaferil að baki
að öðru leyti. stigur@frettabladid.is
Ökufantur grunaður
um tvær nauðganir
Maður, sem stefndi lífi vegfarenda í háska á mánudagskvöld með því að ræna bíl
eftir árekstur og flýja síðan lögreglu á ofsahraða, er grunaður um tvær nauðganir.
Hann sætir nú farbanni vegna ótta yfirvalda við að hann stingi af til Danmerkur.
Maðurinn ók tólf
kílómetra á stolna
bílnum áður en lögreglu
tókst að stöðva hann.
12
Er stöðvaður undir Bústaðavegi þar sem hann
kastar vínflösku í lögreglumann.
Við Álfhólsskóla snýr
maðurinn við og ekur
vestur Álfhólsveg.
Úr Hamra-
borginni
ekur hann
á móti um-
ferð norður
Kringlumýr-
arbraut.
Annað
framhjólið
springur
við Byko í
Breiddinni.
Lendir í
árekstri
á mótum
Selásbrautar
og Breið-
holtsbrautar
við bíl sem
hann rænir
svo og ekur
á brott.