Fréttablaðið - 04.10.2013, Blaðsíða 6

4. október 2013 FÖSTUDAGUR| FRÉTTIR | 6
IÐNAÐUR Raforkulína milli Þjórs-
ársvæðisins og Norðurlands er
sögð hagkvæmasta og tæknilega
besta leiðin til að styrkja sjálf-
bært raforkukerfi á Íslandi. Þetta
kom fram í kynningu Gunnars
Inga Ásmundssonar, aðstoðar-
framkvæmdastjóra Landsnets,
á fundi sem Samtök atvinnurek-
enda á Akureyri héldu í gær. Yfir-
skrift fundarins var „Flöskuháls í
flutningi raforku til Eyjafjarðar-
svæðisins“.
Guðmundur Ingi áréttaði skoð-
un Landsnets um að 220 kílóvolta
strengur væri
besti kostur-
inn, en fyrir-
tækið hefur
lagt til lagn-
ingu svonefnds
Sprengisands-
strengs með
þeirri spennu.
Bæði vær u
fyrir því tækni-
legar ástæð-
ur sem tengd-
ust aflsveiflum virkjana, aukinni
flutningsþörf og mögulegum við-
brögðum við náttúruhamförum og
ástæður sem tengdust umhverfi og
sjálfbærni.
Slík framkvæmd kallaði á
færri línur, orkutap yrði minna
og nýting virkjana betri. „Flest
umhverfis verndarsamtök leggja
mikla áherslu á að styrkja flutn-
ingskerfin til að bæta nýtingu auð-
linda,“ sagði Guðmundur Ingi. - óká
GUÐMUNDUR I.
ÁSMUNDSSON
Flöskuháls í flutningi raforku til Eyjafjarðarsvæðisins ræddur á fundi atvinnurekenda á Akureyri:
220 kílóvolta strengur sagður besti kostur
Spennustig Heildarlengd Loftlínur Jarðstrengir Hlutfall
220 kV 853 km 853 km 0 km 100% / 0%
132 kV 1.304 km 1.245 km 59 km 95% / 5%
66 kV* 991 km 941 km 50 km 95% / 5%
að 33kV 9.170 km 5.259 km 3.911 km 57% / 43%
*Frá 2005 hafa allar nýjar 66 kV línur verið lagðar í jörð. Heimild: Kynning á fundi SATA
Flutningskerfi raforku á Íslandi
NEYTENDUR „Ef mjólkursam salan
myndi flytja íslenska skyrið út
eftir fimm ár, væri það merkt sem
erfðabreytt matvara,“ segir Oddný
Anna Björnsdóttir, framkvæmda-
stjóri Yggdrasils, um íslenskan
landbúnað en hún telur að slíkar
merkingar gætu þrengt verulega
að íslenskum landbúnaði.
Samkvæmt upplýsingum frá
Mjólkursamsölunni eru 100 tonn
af skyri flutt árlega til sölu í Whole
Foods Markets en verslunarkeðjan
hyggst merkja allar vörur sérstak-
lega sem nota erfðabreytt fóður
eftir fimm ár.
Ráðstefna um erfðabreytt mat-
væli verður haldin á Grand hóteli
næstkomandi mánudag. Það eru
helst sojabaunir, olíufræ, kartöflur
og tómatar auk baðmullar og tób-
aks sem eru erfðabreytt. Banda-
ríkin eru langstærsti framleiðandi
og útflytjandi erfðabreyttra nytja-
plantna. Á eftir þeim koma Kan-
ada og Kína en minnst er fram-
leiðslan í Evrópu þar sem reglur
eru mjög strangar.
„Íslenskt smjör, sem verður flutt
til Bandaríkjanna og selt í Whole
Foods-verslunum, verður merkt
sem erfðabreytt matvæli árið
2018,“ fullyrðir Oddný, en fulltrú-
ar Whole Foods Market í Banda-
ríkjunum komu hingað til lands
fyrir skömmu eins og Fréttablað-
ið greindi frá. Að sögn Oddnýjar
Önnu tilkynntu þeir þá að árið
2018 mun verslunarkeðjan merkja
skilmerkilega afurðir dýra sem
eru alin á erfðabreyttu kjarnfóðri.
Hún segir þetta slæm tíðindi
fyrir landbúnað á Íslandi. Með
þessu er þrengt allverulega að
íslenskum landbúnaði á stærsta
heilsumarkaði vestanhafs.
Besta leiðin að mati Oddnýjar er
að hagnast á sérstöðu Íslands, sem
er hin hreina ímynd, en Oddný
Anna segir þá ímynd ekki eiga við
rök að styðjast í matvælafram-
leiðslu hér á landi.
„Punkturinn er kannski þessi,
og skilaboðin til neytenda eru þau,
að íslenskar mjólkurvörur eru að
stórum hluta erfðabreyttar,“ segir
Oddný Anna.
„Það væri sterkur leikur að
hreinsa iðnaðinn af þessu fóðri,
enda viljum við vera náttúruleg í
okkar framleiðslu,“ segir Oddný
Anna að lokum.
valur@frettabladid.is
Erfðabreytt fóður gæti
skaðað sölu á skyri
Stór hluti íslenskra mjólkurvara er erfðabreyttur að sögn framkvæmdastjóra
Yggdrasils. Eitt hundrað tonn af skyri eru flutt út til Bandaríkjanna á ári hverju.
Væntanlegar reglur um merkingar gætu haft slæm áhrif á sölu mjólkurvara.
„Við erum að nota mjólk úr kúastofni sem er með eins hreinar erfðir
og hægt er í heiminum,“ segir Einar Sigurðsson, forstjóri Mjólkursam-
sölunnar, og bendir jafnframt á að 75 prósent af fóðri kúa hér á landi sé
gróffóður eins og hey. Aðeins tuttugu prósent eru innflutt kjarnfóður.
„Við höfum enga tilkynningu fengið um breytingu á innkaupastefnu
frá Whole Foods Market,“ segir Einar. Mjólkursamsalan flytur 100 tonn
af skyri til Whole Foods-verslunarkeðjunnar, sem er stærsta heilsukeðja
Bandaríkjanna. Einar segir ómögulegt að spá um afleiðingar þess sem á
eftir að gerast eftir fimm ár.
Segir of snemmt að spá um afleiðingar
BÚRMA, AP Skelfingu lostnir mús-
límar í Búrma hafa flúið út í skóg
eftir ofbeldishrinu á þriðjudag,
þegar búddamunkar og fylgjend-
ur þeirra gengu berserksgang í
þorpinu Thandwe.
Um 700 manns réðust inn í
þorpið, sveiflandi sveðjum og
lögðu eld að húsum.
Hópur róttækra búddamunka
hefur alið á ótta og hatri gagn-
vart múslímum í suðvestanverðu
landinu, með þeim afleiðingum að
reglulega sýður upp úr. - gb
Múslímar í felum í Búrma:
Á flótta undan
búddamunkum
LANDBÚNAÐUR Sameiginleg
hrútasýning og lambaskoðun
fyrir Mosfellsbæ, Kjalarnes og
Kjós verður haldin að Kiðafelli í
Kjós mánudaginn 14. október.
„Þar gefst bændum kostur á að fá
stiguð og ómmæld lömb og vetur-
gamla hrúta,“ segir í tilkynningu
frá Sauðfjárræktarfélaginu Kjós.
Veitt eru verðlaun fyrir góðan
árangur í sauðfjárrækt. „Líkt og í
fyrra verður verðlaunað sérstak-
lega fyrir stigahæsta mislita/koll-
ótta lambhrútinn.
- gar
Hrútasýning á Kiðafelli:
Mislit lömb fá
eigin verðlaun
UMHVERFISMÁL 3H Travel vill
leggja rafstreng að Þríhnúka-
gígi í Bláfjöllum til að knýja
spil og ljósabúnað ferðaþjónust-
unnar þar. Umhverfisslys varð
í maí þegar olíutankur slitnaði
neðan úr þyrlu sem var að flytja
hann til að nota í dísilrafstöð við
gígopið.Að því er kemur fram í
leyfisumsókm 3H Travel til heil-
brigðiseftirlitsins á að leggja
rafstrenginn á yfirborðinu ef
nægjanlegur snjór verður til þess
svo hægt sé að leggja strenginn
út án rasks á landi. Áfram verður
dísilrafstöð á staðnum til vara.
Áætlað er að hún þurfi 150 lítra
af olíu. - gar
Breytingar eftir olíuleka:
Rafstrengur að
Þríhnúkagíg
DANMÖRK Sérfræðingar rann-
sóknastofnunar í samgöngu-
málum við Tækniháskóla Dan-
merkur segja að umferðarslys
verði ekki færri hjá öldruðum
ökumönnum þótt eftirlit með
þeim sé aukið.
Danskir ökumenn þurfa að gang-
ast undir heilsufarsrannsókn
þegar þeir verða sjötugir og fá þá
ökuskírteini gefið út til fjögurra
ára. Síðan þurfa þeir að endur-
nýja skírteinið á tveggja ára
fresti fram að áttræðu en á eins
árs fresti eftir það. Sérfræðing-
arnir hafa ásamt fjölda erlendra
sérfræðinga borið saman aðstæð-
ur og endurnýjun ökuskírteina
aldraðra í 27 Evrópusambands-
löndum. - ibs
Aldraðir í umferðinni:
Eftirlit fækkar
ekki slysum
SKELFINGU LOSTNIR MÚSLÍMAR
Mikil spenna er víða í Búrma milli mús-
líma og búddista. FRÉTTABLAÐIÐ/AP
HRÚTUR Mosfellingar, Kjalnesingar og
Kjósverjar sameinast um hrútasýningu.
FRÉTTABLAÐIÐ/STEFÁN
SKYR Í BANDARÍSKRI BÚÐARHILLU Um 100 tonn af íslensku skyri eru seld árlega
í bandarískum matvöruverslunum.
VEISTU SVARIÐ?
1. Um fi mmtíu. 2. Tuttugu.
3. Hárgreiðslufólk.
1. Hversu mörgum ríkisstofnunum á
að fækka?
2. Hversu margir lúxusrafbílar hafa
verið seldir hér á landi?
3. Hverjir safna skærum fyrir götubörn?
SVÖR: