Fréttablaðið - 24.10.2013, Blaðsíða 6

24. október 2013 FIMMTUDAGUR| FRÉTTIR | 6
1. Hvað fjölgaði áskrifendum streymis-
veitunnar Netfl ix mikið á milli ára?
2. Hvað jókst kaupmáttur launa mikið
á milli ágúst og september, samkvæmt
tölum Hagstofu Íslands?
3. Hvað heitir nýjasta plata Sigur Rósar?
SVÖR
1. Úr 30 milljónum árið 2012 í 40 milljónir
til sama tíma í ár. 2. 0,4% 3. Kveikur.
VEISTU SVARIÐ?
2
3
4
5 1
ORSAKIR OG
AFLEIÐINGAR
EFNAHAGS-
KREPPUNNAR
Axel Leijonhufvud
prófessor emeritus við UCLA og háskólann í
Trento mun ræða um orsakir og afleiðingar
efnahagskreppunnar og hvernig hún tengist
kreppu hagvísindanna.
Axel hefur frá því á sjöunda áratugnum
beint sjónum að hlutverki þekkingar,
upplýsingamiðlunar og úrvinnslu í hagkerfinu
og hvernig oftrú á getu markaða til að leiðrétta
sveiflur getur leitt til mistaka í hagstjórn.
DÓMSMÁL Héraðsdómur Norður-
lands eystra dæmdi í gær Frið-
rik Brynjar Friðriksson, 25 ára, í
sextán ára fangelsi fyrir að bana
nágranna sínum, hinum 49 ára
gamla Karli Jónssyni, í íbúð þess
síðarnefnda í Blómvangi 2 á Egils-
stöðum í maí síðastliðnum.
Friðrik Brynjar neitaði sök,
bæði við yfirheyrslur hjá lögreglu
og fyrir dómi.
Hann gekkst við
því að hafa farið
inn í íbúð Karls
umrætt kvöld
og spjallað við
hann, en bar að
hann hefði reiðst
mjög þegar Karl
lýsti yfir kyn-
ferðislegum
áhuga á börnum, meðal annars
barnungri dóttur hans. Rannsókn
lögreglu renndi engum stoðum
undir slíkar fullyrðingar Friðriks.
Hann segist eftir þetta hafa
slegið til Karls og í kjölfarið farið
út og leikið við hundinn sinn í um
hálfa klukkustund. Þegar hann hafi
komið aftur hafi Karl verið látinn.
Karl var með 92 stunguáverka
þegar hann fannst.
Eftir því sem leið á rannsókn
málsins breyttist framburður Frið-
riks og hann kvaðst muna atvik
næturinnar æ betur, þótt aldrei
hafi hann viljað viðurkenna að hafa
lagt til Karls með hnífi.
„Getur það að áliti dómsins
ekki talist trúverðugt að minni
ákærða fari batnandi svo löngu
eftir atburðinn, heldur sé nærtæk-
ari skýring sú að minni ákærða
hafi tekið að litast af samtölum við
aðra og lestri málsgagna,“ segir í
dómnum.
Enn fremur segir í dómnum að
framburður Friðriks um það sem
máli skipti geti ekki talist stöðug-
ur eða trúverðugur og að vafi um
sekt hans sé „harla lítill“.
Meðal þess sem litið var til er
að spor eftir dýr – líklega hund –
hafi fundist í blóðblettum á gólfi
íbúðarinnar. Blóðið hafi hins
vegar storknað hratt og því hafi
þau ekki getað myndast nema
örfáum mínútum eftir morðið.
„Haldi ákærði með réttu fram
sakleysi sínu hlýtur það að fela
í sér að annar óþekktur einstak-
lingur, og þá helst með hund með-
ferðis, hafi verið að verki aðfara-
nótt þriðjudagsins 7. maí sl., er
allt var með kyrrum kjörum í
fjölbýlishúsinu á Egilsstöðum og
nágrenni þess,“ segir í dómnum.
Við ákvörðun refsingarinnar er
litið til þess að árásin hafi verið
„ofsafengin og hrottaleg og jafn-
framt svo skyndileg að brotaþoli
hafi litlum sem engum vörnum
við komið“. Friðrik þykir ekki
eiga sér neinar málsbætur.
Friðriki Brynjari er gert að
greiða fjórar milljónir í máls-
kostnað. Guðrún Sesselja Arnar-
dóttir, verjandi hans, segir ekki
búið að ákveða hvort niðurstöð-
unni verði áfrýjað til Hæsta-
réttar.
stigur@frettabladid.is
Fékk 16 ára dóm og á
sér engar málsbætur
Friðrik Brynjar Friðriksson var sakfelldur fyrir að bana Karli Jónssyni á Egilsstöðum.
„Harla lítill“ vafi á sekt hans, segir í dómnum. Spor eftir hund Friðriks í blóði Karls
skiptu sköpum við sönnunarfærslu. Árásin var sögð bæði ofsafengin og hrottaleg.
NEITAÐI SÖK Friðrik Brynjar hefur alla tíð haldið fram sakleysi sínu, þótt minni
hans hafi ekki alltaf verið jafn gott. Hann hefur alltaf hulið andlit sitt þegar hann
hefur komið í héraðsdóm. MYND/PRESSPHOTO.BIZ
KARL JÓNSSON
stungusár voru á
líkama Karls
Jónssonar þegar hann
fannst í blóði sínu á svöl-
unum að Blómvangi 2.
92
SKIPULAGSMÁL Til greina kemur að falla frá
áformum um framlengingu á Vífilsstaðavegi í
gegnum Garðahraun, að sögn Guðjóns Erlings
Friðrikssonar, bæjarritara Garðabæjar. „Það er
umræða um að það komi til greina að fella þá
framlengingu úr skipulaginu,“ segir hann í sam-
tali við Fréttablaðið. Vegurinn sem um ræðir
sker Garðahraun/Gálgahraun í tvennt og nær
frá austri til suðurs.
Bæjarstjórn Garðabæjar samþykkti í síðustu
viku tillögu skipulagsnefndar um að ráða ráð-
gjafa til að vinna að endurskoðun aðalskipulags
fyrir nýtt sameinað sveitarfélag. Ráðgert er að
fimm til sex þúsund manna byggð rísi á Garða-
holti, í Garðahverfi, á Hleinum við Hrafnistu og
síðan Álftanesi. Þá verður þjónustukjarni á landi
Selskarðs en þar var áður gert ráð fyrir íbúða-
byggð samkvæmt upplýsingum frá Garðabæ,
en fallið var frá því árið 2009. Mótmæli héldu
áfram í gær vegna framkvæmda við veginn, en
enginn var handtekinn, samkvæmt upplýsingum
frá lögreglu. - vg
Framlenging á Vífilsstaðavegi hugsanlega slegin af í Garðahrauni:
Kemur til greina að hætta við
STJÓRNSÝSLA Tryggingastofnun er nú að skoða hvort
eigi að breyta framkvæmd meðlagsgreiðslna í ljósi
nýs úrskurðar frá úrskurðarnefnd almannatrygg-
inga. Þetta kemur fram í frétt á vef stofnunarinnar,
í tilefni af frétt Stöðvar 2 frá síðasta laugardegi.
Í téðum úrskurði kemur fram að meginregla sem
viðhöfð hefur verið við innheimtu meðlags með
börnum, sem felur í sér að greitt sé með barni til
loka þess mánaðar sem barn verður átján ára og
þar með lögráða, standist ekki. Það er þrátt fyrir
að greitt sé frá fyrsta degi næsta mánaðar eftir
að umsókn og gögn berast, en samkvæmt því áttu
greiðslur að jafnast út hjá viðkomandi „í flestum
tilvikum“.
Málið sem um ræðir snerist um mann sem vildi
láta reyna á hvort hægt væri að skikka sig til að
greiða meðlag með barni sínu út mánuðinn sem
það varð átján ára en ekki bara fram að afmælis-
deginum.
Meðlagsgreiðslur eru 25.175 krónur á mánuði.
og meðlagsgreiðendur á síðasta ári voru 12.292
talsins, þar af 637 konur, sem greiddu með 21.000
börnum.
- þj
Tryggingastofnun bregst við úrskurði frá úrskurðarnefnd almannatrygginga:
Skoða breytingar á meðlaginu
TRYGGINGASTOFNUN Verið er að skoða hvort eigi að breyta
framkvæmd meðlagsgreiðslna í ljósi nýgengins úrskurðar.
FRÉTTABLAÐIÐ/VILHELM
1. Vífi lsstaðavegur. Hugsan-
lega verður hann ekki
lagður.
2. Álft anesvegur sem mun
víkja.
3. Nýr vegur samkvæmt
skipulagi.
4. Selskarð. Þar mun rísa
þjónustubyggð.
5. Byggð fyrir 5 - 6 þúsund
íbúa mun rísa á svæðinu
á næstu árum.